"އިމާރާތް" ކަމަށް ބުނެފައި އެވަނީ، ނުކުޅެދުންތެރިކަން ހުންނަ މީހުން ނުވަތަ ފަރާތްތައް ވަޒީފާ އަދާކުރާ އޮފީހުގެ ނުވަތަ ތަނުގެ ހަތަރުފާރުން އެތެރެއަށެވެ. ހާމަކޮށް ފެންނަން އޮންނަ ގޮތަށް ހަތަރުފާރު ނެތް އަދި ހިޔާކޮށްފައިނުވާ ތަންތަން މާނައިގެ ތެރެޔަކު ނުހިމެނޭނެއެވެ.

"ނުކުޅެދުންތެރިކަން ހުންނަ މީހުން" ނުވަތަ "ފަރާތްތައް" ކަމަށް ބުނެފައި އެވަނީ ދިގު މުއްދަތުގެ ޖިސްމާނީ އުނިކަމެއް ނުވަތަ ނަފްސާނީ އުނިކަމެއް ނުވަތަ ހިއްސުތަކުގެ އުނިކަމެއް ނުވަތަ ސިކުނޑީގެ އުނިކަމެއް ހުރި މީހަކަށް އެ އުނިކަމެއްގެ ސަބަބުން ކުރިމަތިވާ އެންމެހައި ހުރަސްތަކާހުރެ މުޖުތަމައުގެ އެހެން މީހުންނާ އެއްހަމައެއްގައި ބޭނުންތެރިގޮތުގައި އެންމެ ފުރިހަމަޔަށް ބައިވެރިވެ ހަރަކާތްތެރިވެއުޅުމަށް ދަތިވާ ކޮންމެ މީހަކަށެވެ.

"ސެކިއުރިޓީޒް މުއާމަލާތްތައް" ކަމަށް ބުނެފައި އެވަނީ، ގާނޫނު ނަންބަރު 2006-02 (ދިވެހިރާއްޖޭގެ މާލީ ސެކިއުރިޓީޒްއާބެހޭ ގާނޫނު) ގެ ދަށުން، ހިންގޭ ސެކިއުރިޓީޒް އެސެޓްސް، އަދި އެހެނިހެން މާލީ ވަސީލަތްތައް، ގަތުމާއި، ވިއްކުމާއި، ބަދަލުކުރުމާއި، އަގު ދެއްކުމާއި، އަދި މުއާމަލާތްކުރުމާ ގުޅޭ ކޮންމެ އަމަލެއް ނުވަތަ އިންތިޒާމެކެވެ. މިއީ މި ގަވާއިދުގެ ދަށުން، ކަނޑައެޅިފައިވާ ގޮތުގެ މަތީން ބޭރުގެ އިންވެސްޓަރުންގެ ށަރުތުތައް ފުރިހަމަވާ ފަރާތަކުން ނުވަތަ އިންތިޒާމަކުން ކުރެވޭ މުއާމަލާތްތަކެކެވެ.

"ގުޅުންހުރި ފަރާތްތައް" ކަމަށް ބުނެފައި އެވަނީ، ކުންފުނީގެ ޑިރެކްޓަރަކަށް، ބޮޑު ހިއްސާދާރަކަށް ނުވަތަ އެފަދަ ޑިރެކްޓަރަކަށް ނުވަތަ ބޮޑު ހިއްސާދާރަކާ ގުޅުންހުރި ފަރާތަކަށެވެ.

"ސެކިއުރިޓީޒް އެކައުންޓް" ކަމަށް ބުނެފައި އެވަނީ، ލައިސަންސް ދޫކޮށްފައިވާ ސެކިއުރިޓީޒް ޑިޕޮސިޓަރީގެ އުސޫލުތަކާ އެއްގޮތްވާ ގޮތުގެ މަތީން ބޭރުގެ އިންވެސްޓަރުންގެ ސެކިއުރިޓީޒް މުއާމަލާތްތައް ކުރުމަށް މަގުފަހިކުރުމަށް ޓަކައި ލައިސަންސް ދޫކޮށްފައިވާ ސެކިއުރިޓީޒް ޑިޕޮސިޓަރީގައި ހުޅުވައިފައިވާ ބޭރުގެ އިންވެސްޓަރުގެ އެކައުންޓަށެވެ.

"ލައިސަންސް ދޫކޮށްފައިވާ ސެކިއުރިޓީޒް ޑިޕޮސިޓަރީ" ކަމަށް ބުނެފައި އެވަނީ، ގާނޫނު ނަންބަރު 2006-02 (ދިވެހިރާއްޖޭގެ މާލީ ސެކިއުރިޓީޒްއާބެހޭ ގާނޫނު) ގެ ދަށުން އޮތޯރިޓީން ލައިސަންސް ދީފައިވާ ސެކިއުރިޓީޒް ޑިޕޮސިޓަރީއަށެވެ.

"އެފް.އައި. އެކައުންޓިންގ ސިސްޓަމް" ކަމަށް ބުނެފައި އެވަނީ، އެފް.އައި.އޭޖެންޓެއް މެދުވެރިކޮށް ރަޖިސްޓަރީކޮށްފައިވާ ބޭރުގެ އިންވެސްޓަރުންގެ ފައިސާ ބެލެހެއްޓުމަށް ޓަކައި އެފް.އައި.އޭޖެންޓަކު އުފައްދައި ބަލަހައްޓާ ކްލައެންޓް-ލެވެލް އެކައުންޓިންގ ސިސްޓަމަކަށެވެ. އެފް.އައި.އޭޖެންޓުން ދިވެހިރާއްޖޭގައި ލައިސަންސް ލިބިފައިވާ ބޭންކެއްގައި ބޭރުގެ ގިނަ އިންވެސްޓަރުންތަކެއްގެ އެއްކޮށްލެވިފައިވާ ބޭންކް އެކައުންޓެއް ހިންގާނެއެވެ. މި ބޭންކް އެކައުންޓުގައި، ބޭރުގެ އިންވެސްޓަރުންގެ އެއްކުރެވިފައިވާ އެސެޓްތަކާއި މުއާމަލާތްތަކުގެ ފައިސާ ހިމެނެއެވެ. ބޭންކުގެ ބޭނުމަށް އެފް.އައި.އޭޖެންޓަކީ އެކައުންޓުގެ ވެރިފަރާތްކަމުގައި ވީނަމަވެސް، އެފް.އައި.އޭޖެންޓުން ބޭރުގެ އިންވެސްޓަރުންގެ ވަކިވަކި ހޯލްޑިންގތަކާއި މުއާމަލާތްތަކާއި ބެލެންސް ދައްކުވައިދޭ ތަފުސީލީ، ވަކިކުރެވިފައިވާ އިންޓަރނަލް ރިކޯޑުތައް އެފް.އައި. އެކައުންޓިންގ ސިސްޓަމްގައި ބަލަހައްޓާނެއެވެ.

"އެފް.އައި.އޭޖެންޓް" ކަމަށް ބުނެފައި އެވަނީ، ބޭރުގެ އިންވެސްޓަރުން ރަޖިސްޓަރީކުރުމަށާއި އެ ފަރާތްތަކުގެ ކޮމްޕްލައަންސް ޕްރޮސެސްތައް ބެލެހެއްޓުމުގެ ހުއްދަ އޮތޯރިޓީން ދީފައިވާ ލައިސަންސްޑް ޑީލަރުންނަށެވެ.

"އެފް.އައި.ޕޯޓަލް" ކަމަށް ބުނެފައި އެވަނީ، ބޭރުގެ އިންވެސްޓަރުންނަށް ސެކިއުރިޓީޒް މާކެޓްގައި މުއާމަލާތްކުރުމަށް ދެވޭ ހުއްދަ ދިނުމުގެ ހުރިހާ އިންތިޒާމެއް ހިންގުމަށް އޮތޯރިޓީން ފޯރުކޮށްދޭ ޑިޖިޓަލް ޕްލެޓްފޯމަށެވެ.

"ބޭރުގެ އިންވެސްޓަރުން" ކަމަށް ބުނެފައި އެވަނީ، ދިވެހި ރައްޔިތުން ނޫން، އަދި މި ގަވާއިދުގައި ބަޔާންކޮށްފައިވާ ގޮތުގެ މަތީން، ފާސްކޮށްފައިވާ އިންވެސްޓްމަންޓްތަކުގައި، އިންވެސްޓްކުރާ ބޭރުގެ ތަބީއީ ށަހްސާއި ގާނޫނީ ށަހްސުތަކަށެވެ.

"ބެނެފިށަލް އޯނަރ" ކަމަށް ބުނެފައި އެވަނީ، ގާނޫނު ނަންބަރު 2014-10 (މަނީ ލޯންޑްރިންގ އަދި ޓެރަރިޒަމަށް ފައިނޭންސްކުރުން ހުއްޓުވުމުގެ ގާނޫނު) ގެ ދަށުން އެއަށް ދީފައިވާ މާނަކުރުމަށެވެ.

"ސަރަހައްދީ އެޑިށަން" ކަމަށް ބުނެފައި އެވަނީ، ދިވެހިރާއްޖެއަށް އާންމުކޮށް ނެރޭ ނޫހަކުން، ދިވެހިރާއްޖޭގެ ވަކި ސަރަހައްދަކަށް އަމާޒުކޮށްގެން ށާއިއުކުރާ އެ ނޫހެއްގެ އިތުރު ޗާޕަށް ނުވަތަ ކޮޕީއަށެވެ.

"ގައުމީ ސަލާމަތް" ކަމަށް ބުނެފައި އެވަނީ، ދިވެހިރާއްޖެއަށް ބޭރުންނާއި އެތެރެއިން ކުރިމަތިވާ ކަންކަމުގެ ސަބަބުން ދިވެހިރާއްޖޭގެ މިނިވަންކަމަށް ނުވަތަ މުޅި ގައުމަށް ނުވަތަ މުޖުތަމައުގެ ގިނަ ބަޔަކަށް ބޮޑެތި ގެއްލުންތަކެއް ލިބިދާފަދަ ކަންކަމާއި، އެކަމެއްގެ ސަބަބުން ދިވެހި ދައުލަތަށް ނުރައްކާވެދާނެފަދަ ކަންކަމާއި މަސްލަހަތުތަކަށެވެ.

"މަޖައްލާ" ކަމަށް ބުނެފައި އެވަނީ، އިލްމީ ދާއިރާއިންނާއި ސައިންސްގެ ދާއިރާއިންނާއި އަދި އެނޫންވެސް އެކިއެކި ދާއިރާތަކުގެ މައްޗަށް ބިނާކޮށް ހަބަރާއި މައުލޫމާތާއި، ހިޔާލު ށާއިއުކޮށްގެން ނެރެވޭ ލިޔުންތަކާއި، ޖާނަލްތައް ހިމެނޭގޮތުންނެވެ.

"މީޑިއާގައި މަސައްކަތްކުރާ ފަރާތްތައް" ކަމަށް ބުނެފައި އެވަނީ، އެޑިޓަރުންނާއި، އެޑިޓަރުންގެ ޒިންމާ އަދާކުރާ މީހުންނާއި، ރިޕޯޓަރުންނާއި، ޖާނަލިސްޓުންނާއި، ޕްރެޒެންޓަރުންނާއި، ޓެކްނީށަނުންނާއި، ފޮޓޯގްރާފަރުންނާއި، ވީޑިއޯގްރާފަރުންނަށެވެ.