gaanoon_logo
-
ނިއުޓްރިއެންޓް

"ނިއުޓްރިއެންޓް" ކަމަށް ބުނެފައި އެވަނީ، އާންމުގޮތެއްގައި ކާބޯތަކެތީގެ ގޮތުގައި ބޭނުންކުރާ އެއްޗެއްގައި ހިމެނޭ މާއްދާއެއްގެ ތެރެއިން، ހަށިގަނޑުގެ ހެދިބޮޑުވުމަށް ބޭނުންވާ ނުވަތަ ކާނާގެ ތެރެއިން އެ މާއްދާއެއް އުނިވެއްޖެ ނަމަ، އެކަމުގެ ނޭދެވޭ އަސަރު ސިއްހަތަށް ފޯރާނެ ފަދަ މާއްދާތަކަށެވެ. (މިސާލު: ވިޓަމިންސް، މިނަރަލްސް ފަދަ މާއްދާތައް)

ސަރވިންގ

"ސަރވިންގ" ކަމަށް ބުނެފައި އެވަނީ، އުފެއްދުމެއްގެ ލޭބަލުގައި އެ އުފެއްދުމަކުން 1 (އެކެއް) ފަހަރު ބޭނުންކުރުމަށް ކަނޑައަޅައިފައިވާ މިންވަރަށެވެ.

ބުއިމަށް ބޭނުންކުރާ ކިރު

"ބުއިމަށް ބޭނުންކުރާ ކިރު" ކަމަށް ބުނެފައި އެވަނީ، އިންސާނުން ކެއިންބުއިމަށް ބޭނުންކުރާ، ކިރުގެ ބާވަތްތަކުގެ ތެރެއިން ނައަމްސޫފިން ނަގާ ކިރަށެވެ.

ރިފަރަލް ލެބޯޓަރީ

"ރިފަރަލް ލެބޯޓަރީ" ކަމަށް ބުނެފައި އެވަނީ، ނޭށަނަލް ހެލްތު ލެބޯޓަރީން ލިބެން ނެތް ހިދުމަތްތައް ހޯދުމަށް ގާނޫނު ނަންބަރު 2024-06 (ކާބޯތަކެތީގެ ރައްކާތެރިކަމުގެ ގާނޫނު) ގެ 21 ވަނަ މާއްދާގެ ދަށުން ކަނޑައަޅާ ދިވެހިރާއްޖޭގެ ނުވަތަ ދިވެހިރާއްޖެއިން ބޭރުގެ ލެބޯޓަރީ ތަކަށެވެ. 

ކާބޯތަކެތި ތަހުލީލުކުރާ ލެބޯޓަރީ

"ކާބޯތަކެތި ތަހުލީލުކުރާ ލެބޯޓަރީ" ކަމަށް ބުނެފައި އެވަނީ، ކާބޯތަކެތީގެ ސިއްހީ ރައްކައުތެރިކަން ބެލުމަށް ޓަކައި ނުވަތަ ކާބޯތަކެތީގެ އެ ނޫން ވެސް ތަހުލީލުކުރުމަށް ޓަކައި ގާނޫނު ނަންބަރު 2024-06 (ކާބޯތަކެތީގެ ރައްކާތެރިކަމުގެ ގާނޫނު) ގެ 42 ވަނަ މާއްދާގެ ދަށުން ގާއިމުކުރާ ލެބޯޓަރީ ތަކަށެވެ. 

ސިއްހަތާ ގުޅުންހުރި ހަރަކާތްތައް

"ސިއްހަތާ ގުޅުންހުރި ހަރަކާތްތައް" ކަމަށް ބުނެފައި އެވަނީ، ދުޅަހެޔޮ ސިއްހަތު ކުރިއެރުވުމަށް ނުވަތަ ހޭލުންތެރިކުރުވުމަށް ހިންގާ ހަރަކާތްތަކާއި، ސިއްހ ހިދުމަތްދޭ ތަންތަން ޕްރޮމޯޓުކުރުމަށާއި، ސިއްހަތާ ގުޅުވައިގެން ފާހަގަކުރާ ދުވަސްތަކުގައި ހިންގާ ހަރަކާތްތަކަށެވެ.

ކުޑަކުދިން އެއްވެއުޅޭ ތަންތަން

"ކުޑަކުދިން އެއްވެއުޅޭ ތަންތަން "ކަމަށް ބުނެފައި އެވަނީ، ކުޑަކުދިން ކުޅިވަރުކުޅުމަށާއި އެހެނިހެން ކަންކަމުގައި ބޭނުންކުރުމަށް ކަނޑައަޅަ އިފައިވާ ތަންތަނަށެވެ.

ތުއްތުކުދިން

"ތުއްތުކުދިން" ކަމަށް ބުނެފައި އެވަނީ، އުމުރުން 1 (އެކެއް) އަހަރާއި 3 (ތިނެއް) އަހަރާ ދެމެދުގެ ކުދިންނަށެވެ.

ތުއްތުކުދިން

"ތުއްތުކުދިން" ކަމަށް ބުނެފައި އެވަނީ، އުމުރުން 1 (އެކެއް) އަހަރާއި 3 (ތިނެއް) އަހަރާ ދެމެދުގެ ކުދިންނަށެވެ.

ޅަފަތުގެ ކުދިން

"ޅަފަތުގެ ކުދިން" ކަމަށް ބުނެފައި އެވަނީ، 1 (އެކެއް) އަހަރުނުވާ ކުދިންނަށެވެ.

ކާނާ

"ކާނާ" ކަމަށް ބުނެފައި އެވަނީ، ބޯފެނާއި ކާބޯތަކެއްޗަށެވެ.

ސާބިތުކޮށްދިނުން (ކާބޯތަކެތި އިށްތިހާރު ކުރުމާއި ގުޅޭ)

"ސާބިތުކޮށްދިނުން" ކަމަށް ބުނެފައި އެވަނީ، ސާބިތުވާންހުރި ސިއްހީ، އިލްމީ ހޯދުންތަކަށް ބިނާކޮށް އޮތޯރިޓީން ގަބޫލުކުރާ ފަރާތެއްގެ ލިޔުމާއި، އެކްރެޑިޓުކޮށްފައިވާ ލެބޯޓަރީ އެއްގެ ތަހުލީލު ރިޕޯޓު ނުވަތަ އެކްސްޕޯޓުކުރި ގައުމުގެ ރަސްމީ އިދާރާއިން އެކަން ސާބިތުކުރުމަށް ދީފައިވާ ލިޔުން ހުށަހެޅުމަށެވެ. 

އަދަބާ ހިލާފު

"އަދަބާ ހިލާފު" ކަމަށް ބުނެފައި އެވަނީ، އިސްލާމްދީނާއި މުޖުތަމައުގައި އެއ ބޭއަދަބީ ކަމެއް ކަމުގައި ގަބޫލުކުރެވޭ ކޮންމެ ކަމަކަށެވެ.

ކާބޯތަކެތި އިށްތިހާރުކުރުން

"ކާބޯތަކެތި އިށްތިހާރުކުރުން" ކަމަށް ބުނެފައި އެވަނީ، ކާބޯތަކެތި ނުވަތަ ކާބޯތަކެތި އުފެއްދުމަށް ބޭނުންކުރާ ކާބޯތަކެތީގެ ބާވަތްތައް ގަނެ ވިއްކުމަށް ޓަކައި ނުވަތަ ބޭނުންކުރުމަށް ޓަކައި، ސީދާގޮތެއްގައި ނުވަތަ ނުސީދާގޮތެއްގައި ވިޔަފާރިކުރުމުގެ މަގުސަދުގައި އާންމުކޮށް ރައްޔިތުންނަށް މުއާސަލާތުކުރުމަށެވެ. އަދި މި މާއްދާގެ ބޭނުމަށް މުއާސަލާތުކުރުން ކަމުގައި ބެލެވޭނީ، އެއްވެސް ބާވަތެއްގެ އޯޑިއޯ ނުވަތަ ވިށުއަލް ނުވަތަ ވީޑިއޯ ނުވަތަ އެ ނޫން ވެސް ވަސީލަތެއް ބޭނުންކޮށްގެން ޕްރިންޓް ނުވަތަ އިލެކްޓްރޯނިކް މީޑިއާ ނުވަތަ އިންޓަރނެޓް ނުވަތަ އެ ނޫން ވެސް މީޑިއަމެއް މެދުވެރިކޮށް ވަކި ބާވަތެއް ނުވަތަ އެއްޗެއްގެ މަގުބޫލުކަން އިތުރުކުރުމަށް ހިންގާ ހަރަކާތަށެވެ. އޭގެތެރޭގައި ކާބޯތަކެތީގެ މަގުބޫލުކަން އިތުރުކުރުމުގެ މަގުސަދުގައި ލޭބަލުގައި ހިމަނާ މައުލޫމާތާއި އެފަދަ އެހެން ލިޔެކިޔުންތަކާއި އެހެނިހެން ވަސީލަތްތަކާއި ވިޔަފާރީގެ މަގުސަދުގައި ވަކިވަކި ފަރުދުންނަށް އަމާޒުކޮށްގެން ހިންގާ މައުލޫމާތު ދިނުން ފަދަ މުއާސަލާތުކުރުމުގެ 
ހަރަކާތްތައް ހިމެނޭނެއެވެ.

ސިމެދަ

"ސިމެދަ" ކަމަށް ބުނެފައި އެވަނީ، އިލެކްށަންސް ކޮމިށަނުން ބަލަހައްޓާ ސިޔާސީ ޕާޓީގެ މެންބަރުންގެ ދަފުތަރަށް މީހުން ވެއްދުމާއި މީހުން އުނިކުރުމަށް ގާއިމުކޮށްފައިވާ އިލެކްޓްރޯނިކް ޕްލެޓްފޯމަށެވެ.