gaanoon_logo
-
ޔުނިވަރސަލް ހިދުމަތެއް ފޯރުކޮށްދިނުމުގެ ޒިންމާ

"ޔުނިވަރސަލް ހިދުމަތެއް ފޯރުކޮށްދިނުމުގެ ޒިންމާ" ކަމަށް ބުނެފައި އެވަނީ، ޓެލެކޮމިއުނިކޭށަންގެ ގާނޫނު (ގާނޫނު ނަންބަރު 2015-43) ގެ 42 ވަނަ މާއްދާގައި ބަޔާންކޮށްފައިވާ ޒިންމާއަށެވެ.

ޔުނިވަރސަލް ހިދުމަތް

"ޔުނިވަރސަލް ހިދުމަތް" ކަމަށް ބުނެފައި އެވަނީ، ޓެލެކޮމިއުނިކޭށަންގެ ގާނޫނު (ގާނޫނު ނަންބަރު 2015-43) ގެ 42 ވަނަ މާއްދާގެ ދަށުން ކޮމިއުނިކޭށަންސް އޮތޯރިޓީ އޮފް މޯލްޑިވްސްއިން ކަނޑައަޅާ ހިދުމަތަށް ނުވަތަ ވަސީލަތަށެވެ.

ޔުނިވަރސިޓީގެ ޗާޓަރ
"ޔުނިވަރސިޓީގެ ޗާޓަރ" ކަމަށް ބުނެފައި އެވަނީ، ޔުނިވަރސިޓީއެއް އުފެއްދުމަށްޓަކައި މި ގާނޫނާއި މި ގާނޫނުގެ ދަށުން ހަދާފައިވާ ގަވާއިދުގައި ފުރިހަމަވާންޖެހޭކަމަށް ބަޔާންކޮށްފައިވާ ކަންކަން ފުރިހަމަވުމުން އެ ޔުނިވަރސިޓީ އުފެއްދުމަށް ހުއްދަދިނުމާއެކު،
ޔުނިފައިޑް ޓެލެކޮމިއުނިކޭށަން ލައިސަންސް
"ޔުނިފައިޑް ޓެލެކޮމިއުނިކޭށަން ލައިސަންސް" ކަމުގައި ބުނެފައި އެވަނީ، ޓެލެކޮމިއުނިކޭށަންގެ ހުރިހާ ހިދުމަތްތައް ދިނުމަށް ދޫކުރާ ލައިސަންސަށެވެ.
ޔުނިލެޓަރަލް އެޑްވާންސް ޕްރައިސިންގ އެއްބަސްވުން
"ޔުނިލެޓަރަލް އެޑްވާންސް ޕްރައިސިންގ އެއްބަސްވުން" ކަމުގައި ބުނެފައި އެވަނީ، ދިވެހިރާއްޖޭގައި ވަޒަންވެރިވެފައިވާ ޓެކްސް ދައްކާ ފަރާތާއެކު މީރާއިން ގާއިމުކުރާ، ބައިލެޓަރަލް ނުވަތަ މަލްޓިލެޓަރަލް އެޑްވާން ޕްރައިސިންގ އެއްބަސްވުމަކަށް ނުވާ، އެޑްވާންސް ޕްރައިސިންގ އެއްބަސްވުމަށެވެ.
ޔުނިޓަރީ ދައުލަތް
"ޔުނިޓަރީ ދައުލަތް" ކަމަށް ބެނުފައި އެވަނީ، ދައުލަތް ހިންގުމުގެ ބާރުތައް އެއް ސަރުކާރެއްގައިވާ، އަދި އެދައުލަތެއްގައި އެކުލަވާފައިވާ ސަރަހައްދީ އެއްވެސް ބަޔަކަށް، އެބާރުތައް ބެހިފައި ނުވާ ދައުލަތަށެވެ.
ޔުނިޓު (އެއްމެދު އިމާރާތާއި ގުޅޭ)

"ޔުނިޓު" ކަމަށް ބުނެފައި އެވަނީ، ސްޓްރާޓާ ޕްލޭންގައި ހިމެނޭ އިމާރާތުގެ ނުވަތަ އިމާރާތްތަކުގެ ތެރޭގައި ހިމެނޭ، ވަކިން މިލްކުކުރެވޭ ޔުނިޓަށެވެ. އެ ޔުނިޓަކީ އިމާރާތުގެ އެއްބުރި އެކުގައި، ނުވަތަ އެއް ބުރީގައި ހިމެނޭ ވަކި ޔުނިޓެއް، ނުވަތަ އެއްބުރިއަށްވުރެ ގިނަ ބުރީގެ މައްޗަށް އެކުލެވޭ ޔުނިޓެއްކަމުގައި ބެލިދާނެއެވެ. އަދި، އެފަދަ ޔުނިޓަކީ ދިރިއުޅުމަށްދޫކުރާ ފްލެޓެއް/އެޕާޓްމަންޓެއް ނުވަތަ ވިޔަފާރިކުރުމަށް ދޫކުރާ ޔުނިޓެއްކަން ސްޓްރާޓާ ޕްލޭންގައި ހިމެނިފައި އޮންނަންވާނެއެވެ.

ޔުނިޓުގެ ރަޖިސްޓަރީ (އެއްމެދު އިމާރާތާއި ގުޅޭ)

"ޔުނިޓުގެ ރަޖިސްޓަރީ" ކަމަށް ބުނެފައި އެވަނީ، މި ގާނޫނުގެ ދަށުން އެއްމެދު އިމާރާތުގައި ހިމެނޭ، ޔުނިޓުގެ ވެރިފަރާތަށް ދޫކުރާ ރަޖިސްޓަރީއަށެވެ.

ޔުނިޓުގެ ވެރިފަރާތް

"ޔުނިޓުގެ ވެރިފަރާތް" ކަމަށް ބުނެފައި އެވަނީ، ސްޓްރާޓާ ޕްލޭންގައި ހިމެނޭ ޔުނިޓެއްގެ މިލްކުވެރި ފަރާތްކަމުގައި އެ ޔުނިޓުގެ ރަޖިސްޓަރީގައި ބަޔާންކުރާ ފަރާތަށެވެ.

ޔުނިޓެއް (އިމާރާތްކުރުމާއި ގުޅޭ)

"ޔުނިޓެއް" ކަމަށް އބުނެފައި އެވަނީ، އެ އިމާރާތެއްގައި މީހުން ދިރިއުޅެމުންދާ ފްލެޓެއް ނުވަތަ އެޕާރޓްމަންޓަކަށެވެ.

ޔުނީ ފޯމު ހިދުމަތުގެ މުއައްޒިފުން

"ޔުނީ ފޯމު ހިދުމަތުގެ މުއައްޒިފުން" ކަމަށް ބުނެފައި އެވަނީ، ދިވެހި ފުލުހުންގެ ހިދުމަތުގައި ވަޒީފާ އަދާކުރާ މީހުންނާއި ދިވެހިރާއްޖޭގެ ގައުމީ ދިފާއީ ބާރުގައި މަސައްކަތްކުރާ މީހުންނާއި އިމިގްރޭށަނާއި ކަސްޓަމާއި ކަރެކްށަނަލް ސަރވިސް ފަދަ ހިދުމަތްތަކުގައި ތިބޭ، ހިދުމަތް ދޭ މީހުންނަށް ވަކި ޔުނީފޯމެއް ކަނޑައެޅިފައިވާ މުވައްޒަފުންނަށެވެ.

ޔުނީފޯމު ހިދުމަތުގެ މުއައްޒިފުން
"ޔުނީފޯމު ހިދުމަތުގެ މުއައްޒިފުން" ކަމަށް ބުނެފައި އެވަނީ، ދިވެހި ފުލުހުންގެ ހިދުމަތުގައި ވަޒީފާ އަދާކުރާ މީހުންނާއި ދިވެހިރާއްޖޭގެ ގައުމީ ދިފާއީ ބާރުގައި މަސައްކަތްކުރާ މީހުންނާއި އިމިގްރޭށަނާއި ކަސްޓަމާއި ޕެނިޓެންށަރީ ފަދަ ހިދުމަތްތަކުގައި ތިބޭ، ހިދުމަތް ދޭ މީހުންނަށް ވަކި ޔުނީފޯމެއް ކަނޑައެޅިފައިވާ މުވައްޒިފުންނަށެވެ.
ޔޫނިއަން

"ޔޫނިއަން" ކަމަށް ބުނެފައި އެވަނީ، ވަޒީފާދޭ ފަރާތްތަކުގެ ޔޫނިއަންތަކާއި މަސައްކަތްތެރިންގެ ޓްރޭޑް ޔޫނިއަންތަކަށެވެ.

ޔޫނިއަން

"ޔޫނިއަން" ކަމަށް ބުނެފައި އެވަނީ، ވަޒީފާދޭ ފަރާތްތަކުގެ ޔޫނިއަންތަކާއި މަސައްކަތްތެރީންގެ ޔޫނިއަންތަކަށެވެ.

ޔޫނިއަންތަކުގެ ދަފުތަރު

"ޔޫނިއަންތަކުގެ ދަފުތަރު" ކަމަށް ބުނެފައި އެވަނީ، މިނިސްޓްރީން އާންމުކޮށްފައިވ،ާ މިނިސްޓްރީގައި ރަޖިސްޓަރީކޮށްފައިވާ ޔޫނިއަންތަކުގެ ލިސްޓަށެވެ.