"ކަނޑުގެ ސަރަހައްދު" ކަމަށް ބުނެފައި އެވަނީ، ރަށްރަށުގެ ފަޅާއި، ފަރު، ހާ، ގިރި، ހިމެނޭ ގޮތަށް، ގާނޫނު ނަންބަރު 1996-06 (ދިވެހިރާއްޖޭގެ ކަނޑުގެ ސަރަހައްދުތަކާބެހޭ ގާނޫނު) ގައި ބަޔާންކޮށްފައިވާ ދިވެހިރާއްޖޭގެ އެތެރޭގެ ކަނޑާއި، އާކިޕެލެޖިކު ކަނޑާއި، ސަރަހައްދީ ކަނޑާއި، ހާއްސަ އިގްތިސާދީ ކަނޑަށެވެ.

"ނެވިމީހާ ނުވަތަ ނެއްވެއް" ކަމަށް ބުނެފައި އެވަނީ، މިނިސްޓްރީން ދޫކުރާ،ޓަނޭޖް އެންޑޯޒްކޮށްފައިވާ ނިޔަމިކަމުގެ ސަނަދު އޮވެގެން، ކަނޑުގައި ދުއްވާ އުޅަނދުފަހަރު ދުއްވާ ފަރާތަށެވެ.

"ޑްރައިވަރު" ކަމަށް ބުނެފައި އެވަނީ، ކަނޑުގައި ދުއްވާ އިންޖީނުލީ އުޅަނދުފަހަރު ދުއްވުމުގެ ލައިސަންސް އޮވެގެން، ކަނޑުގައި ދުއްވާ އުޅަނދު ދުއްވާ ފަރާތަށެވެ.

"އުޅަނދު" ކަމަށް ބުނެފައި އެ ވަނީ، ފެންމަތިން އެއްތަނުން އަނެއް ތަނަށް ދަތުރުކުރެވޭގޮތަށް ބަނދެ ފައިވާ ހުރިހާ ބާވަތެއްގެ އުޅަނދަށެވެ.

"ދުއްވުމުގެ އިމްތިހާން" ކަމަށް ބުނެފައި އެވަނީ، ގާނޫނު ނަންބަރު 1969-78 (ކަނޑުގައި ދުއްވާ އުޅަނދުތައް ދުއްވުމާބެހޭ ގާނޫނު) އާއި، އެ ގާނޫނުގެ ދަށުން ހަދައިފައިވާ ގަވާއިދުތަކާއި، އަދި ކަނޑުމަތީގައި އުޅަނދު ދުއްވާއިރު ގެންގުޅެންޖެހޭ ސުލޫކީ މިންގަނޑުތަކާއި، އުޅަނދުގައި ބޭނުންކުރާ ސަލާމަތީ އާލާތްތަކާއި އިންޒާރުތައް އެނގޭތޯ ބެލުމަށް މިނިސްޓްރީން ހުއްދަ ދީފައިވާ އިންސްޓްރަކްޓަރެއްގެ ބެލުމުގެ ދަށުން އުޅަނދު ދުއްވަން އެނގޭތޯ ބެލުމަށް ދޭ އަމަލީ އިމްތިހާނަށެވެ.

"އެހެނިހެން އުޅަނދުފަހަރު" ކަމަށް ބުނެފައި އެވަނީ، ކަނޑައެޅިފައިވާ ވަކިބާވަތެއްގެ ހާއްސަ އުޅަނދެއް ދުއްވުމަށް މިނިސްޓްރީން ދޫކޮށްފައިވާ ލައިސަންސްގައި އެ އުޅަނދެއްގެ ނަމާއި ރަޖިސްޓަރީ ނަންބަރު ޖެހު މަށްފަހު ދޫކުރާ ކެޓަގަރީއަށެވެ.

"ބިދޭސީ ލައިސަންސް" ކަމަށް ބުނެފައި އެވަނީ، ރާއްޖެއިން ބޭރު ގައުމަކުން ދޫކޮށްފައިވާ ކަނޑުގައި ދުއްވާ އުޅަނދުފަހަރު ދުއްވުމުގެ ލައިސަންސަށެވެ.

"ނިޔަމިކަމުގެ ސަނަދު" ކަމަށް ބުނެފައި އެވަނީ، މިނިސްޓްރީން ހުއްދަ ދީފައިވާ އިންސްޓިޓިއުޓަކުން ހަދައިފައިވާ ކޯސްޓަލް ނެވިގޭށަން (ނިޔަމިކަމުގެ ކޯސް) ނުވަތަ އެ ފެންވަރުގެ އެހެން ކޯހެއް ފުރިހަމަކޮށް ސެޓުފިކެޓު ލިބިފައިވާ ކޮމްޕީޓެންޓް ފަރާތްތަކަށް އެ ސެޓުފިކެޓުގެ މައްޗަށް ބިނާކޮށް މިނިސްޓްރީން ހަދާ، ފޮޓޯޖެހި ލިޔުމަށެވެ.

"ލައިސަންސް" ކަމަށް ބުނެފައި އެވަނީ، މިނިސްޓްރީން ނުވަތަ މިނިސްޓްރީން އިހްތިޔާރު ދީފައިވާ ފަރާތަކުން، ކަނޑުގައި ދުއްވާ އުޅަނދުފަހަރު ދުއްވުމަށް ހުއްދަ ދިނުމުގެ ގޮތުން ދޫކޮށްފައިވާ، ފޮޓޯޖެހި ލައިސަންސް ފޮތަށް ނުވަތަ ލައިސަންސް ކާޑަށެވެ.

"ރެކްރޫޓުކުރާ މީހެއް ނުވަތަ ރެކްރޫޓިންގ އެޖެންސީއެއް" ކަމަށް ބުނެފައި އެވަނީ، އެކިއެކި މަސައްކަތްކުރާ މީހުންނަށް ވަޒީފާ ހޯދައިދިނުމުގެ ގޮތުން، ނުވަތަ ވަޒީފާ ދޭ އެކިއެކި ފަރާތްތަކަށް އެ މީހުންގެ ވަ ޒީފާގައި އުޅޭނެ މީހުން ހޯދައިދިނުމުގެ ގޮތުން، ނުވަތަ އެ ކަންކަމުގައި އެހީތެރިވެދިނުމުގެ ގޮތުން ވިޔަފާރި އުސޫލުން ހިދުމަތްދޭ ކޮންމެ ފަރާތަކަށެވެ.

"ސިއްހީ ހިދުމަތުގެ ފަންނީ ތަމްރީނުދޭ މަރުކަޒު" ކަމަށް ބުނެފައި އެވަނީ، މޯލްޑިވްސް ނަރސިންގ އެންޑް މިޑްވައިފަރީ ކައުންސިލުގެ އިހްތިސާސްގެ ތެރޭގައި ހިމެނޭ، ނަރސިންގ އެންޑް މިޑްވައިފަރީ ހިދުމަތުގެ ފަންނުގެ ދާއިރާއަށް ބޭނުންވާ ސިއްހީ ހިދުމަތުގެ ފަންނީ މަސައްކަތްތެރިން ތަމްރީނުކުރާ މަރުކަޒުތަކަށެވެ.

"ނުރައްކައުތެރި އިމާރާތްތަކާ ގުޅޭ ކޮމިޓީ" ކަމަށް ބުނެފައި އެވަނީ، އިމާރާތްކުރުމުގެ ގާނޫނުގެ ދަށުން ނުރައްކައުތެރި އިމާރާތްތައް ކަނޑައެޅުމުގެ ބޭނުމަށް އެކުލަވައިލާ ކޮމިޓީއަށެވެ.

"ސަރޓިފިކެޓް އޮފް ކޮމްޕީޓަންސީ އަންލިމިޓެޑް" ކަމަށް ބުނެފައި އެވަނީ، ބައިނަލްއަގްވާމީ ކަނޑުދަތުރު ފަތުރާ ބެހޭ ޖަމްއިއްޔާގެ މުއާހަދާއެއްކަމަށްވާ ސްޓޭންޑަރޑްސް އޮފް ޓްރޭނިންގ، ސެޓްފިކޭށަން އެންޑް ވޮޗްކީޕިންގގެ 1978 އަށް ގެނެވުނު އިސްލާހުގެ ދަށުން ދޫކުރާ ސެޓުފިކެޓުތަކަށެވެ.

"އެކްރެޑިޓް ކުރުން" ކަމަށް ބުނެފައި އެވަނީ، ތަމްރީނުދޭ މަރުކަޒުގައި ކިޔަވައިދޭ މުގައްރަރު މިންގަނޑަށް ފެތޭކަމަށް ކަމާބެހޭ އިދާރާއަކުން ކަނޑައަޅާ ކަނޑައެޅުމަށެވެ.

"ސީފެއަރަރސް އައިޑެންޓިޓީ ޑޮކިއުމަންޓް" ކަމަށް ބުނެފައި އެވަނީ،މިނިސްޓްރީން ނުވަތަ މިނިސްޓްރީން އައްޔަންކުރާ ފަރާތަކުން، އައި.އެލް.އޯ 185 މުއާހަދާގެ ދަށުން ދޫކޮށްފައިވާ ފޮޓޯ ޖަހައިފައިވާ ލިޔުމަށެވެ.