"ސައިޓު އިންޖިނޭރު" ސައިޓު އިންޖިނޭރު ކަމަށް ބުނެފައި އެވަނީ، ބިމުން ފެން ނަގައި ފެން ބޭރުކުރުމުގެ މަސައްކަތް ކުރާ ތަނުގެ މަސައްކަތާއި ހަވާލުވެހުރި ސިވިލް އިންޖިނިއަރަށެވެ.

"ވަޅުދިޔަ ހިއްކުން" ވަޅުދިޔަ ހިއްކުން ކަމަށް ބުނެފައި އެވަނީ، ފަރުދީ ބޭނުންތަކަށް ބަހައްޓާފައި ހުންނަ ފެންވަޅު ސާފުކުރުމުގެ ގޮތުން ދިޔަހިއްކުމަށެވެ. މީގެތެރޭގައި ވަޅެއް ބަހައްޓައިގެން ޕަމްޕު މެދުވެރިކޮށް "ބިމުން ފެންގައި ފެން ބޭރުކުރުން" ނުހިމެނޭނެއެވެ.

"ތަންފީޒީ އޮފިސަރުން" ތަންފީޒީ އޮފިސަރުން ކަމަށް ބުނެފައި އެވަނީ، ގާނޫނާއި ގަވާއިދުގައި ކަނޑައަޅާފައިވާ ކަންކަން ކުރުމަށް ތަންފީޒީ އިދާރާއިން ނުވަތަ ތަންފީޒީ އިދާރާއިން ކަނޑައަޅާ ފަރާތުން އައްޔަންކުރާ ފަރާތަށެވެ.

"ބިމުން ފެން ނަގައި ފެން ބޭރުކުރުން" ބިމުން ފެން ނަގައި ފެން ބޭރުކުރުން ކަމަށް ބުނެފައި އެވަނީ، ފެން ޕަމްޕެއް ފަދަ ވަސީލަތެއް ބޭނުންކޮށްގެން ކުރު މުއްދަތެއްގައި ގިނަ އަދަދަކަށް ބިމުން ފެން ނެގުމަށެވެ.

"ޤާނޫނީ އެރޭންޖްމަންޓް" ކަމަށް ބުނެފައިއެވަނީ، އެކްސްޕްރެސް ޓްރަސްޓް އާއި، އެފަދަ އެހެންވެސް ޤާނޫނީ އެރޭންޖްމަންޓްތަކަށެވެ.

"ސިންގަލް ޓްރާންސެކްށަން" ކަމަށް ބުނެފައި އެވަނީ، ވިޔަފާރީގެ ގުޅުމެއްގެ ބޭރުން  ކުރާ މުއާމަލާތްތަކަށެވެ.

"ލައިސަންސް ލިބިފައިވާ ފަރާތް" ނުވަތަ "މާލީ ސެކިއުރިޓީޒްއާބެހޭ ވިޔަފާރިކުރާ ފަރާތް" ކަމަށް ބުނެފައިއެވަނީ، ކެޕިޓަލް މާރކެޓް ޑިވެލޮޕްމަންޓް އޮތޯރިޓީން ލައިސަންސް ދޫކޮށް ރެގިއުލޭޓްކުރާ ތިރީގައި ބަޔާންވެގެންވާ ފަރާތްތަކަށެވެ.

1. ޑީލިންގ ކުންފުނި؛
2. އިންވެސްޓްކުރުމަށް ލަފާދޭ ފަރާތް؛
3. ފަންޑް މެނޭޖަރ؛
4. އަންޑަރައިޓަރސް؛ އަދި
5. މޯލްޑިވްސް މަނިޓަރީ އޮތޯރިޓީން ކަނޑައަޅާ އެހެން ފަރާތްތައް.

"ކެޕިޓަލް މާރކެޓް ޑިވެލޮޕްމަންޓް އޮތޯރިޓީ" ކަމަށް ބުނެފައި އެވަނީ، ޤާނޫނު ނަންބަރު 2/2006 (ދިވެހިރާއްޖޭގެ މާލީ ސެކިއުރިޓީޒްއާބެހޭ ޤާނޫނު) ގެ ދަށުން ޤާއިމުކޮށްފައިވާ އޮތޯރިޓީއަށެވެ.

"ވިޔަފާރި ގުޅުން" ކަމަށް ބުނެފައިއެވަނީ، ވަކި މުއްދަތަކަށް ގުޅުން ދެމެހެއްޓޭނެ ކަމަށް، ގުޅުން ޤާއިމުކުރެވޭއިރު ބެލެވޭ، ލައިސަންސް ލިބިފައިވާ ފަރާތަކާއި އެ ފަރާތެއްގެ ކަސްޓަމަރާ ދެމެދު އޮންނަ ވިޔަފާރި ނުވަތަ ފަންނީ ގުޅުމަށެވެ.

"އޭޖެންޓް" ކަމަށް ބުނެފައި އެވަނީ، ރަސްމީގޮތުން ވެފައިވާ އެއްބަސްވުމެއްގެ ދަށުން، ލައިސަންސް ލިބިފައިވާ ފަރާތެއްގެ ޒިންމާއެއް ނުވަތަ މަސްއޫލިއްޔަތެއް އުފުލާ ތަބީއީ ނުވަތަ ޤާނޫނީ ށަހްސަކަށެވެ.

"އަންހެނުން" ކަމަށް ބުނެފައި އެވަނީ، އެމީހެއްގެ އުމުރަށް ނުބަލައި، އަންހެނުންނާއި އަންހެން ކުދިންނަށެވެ.

"ވަޒީފާދޭ ފަރާތް" ކަމަށް ބުނެފައި އެވަނީ، ވަޒީފާދޭ ފަރާތާއި، ވަޒީފާ އަދާކުރާ ތަނުގެ އެހެން ވެރިން ހިމެނޭގޮތަށެވެ.

"ހިދުމަތް ދޭ ފަރާތް" ކަމަށް ބުނެފައި އެވަނީ، ސައިކޯސޯށަލް ސަޕޯޓް ނުވަތަ އިޖުތިމާއީ އެހީތެރިކަން ނުވަތަ ގާނޫނީ އެހީތެރިކަން ފޯރުކޮށްދޭ ދައުލަތުގެ އިދާރާތަކަށް ނުވަތަ އަމިއްލަ ފަރާތްތަކަށެވެ.

"އާންމުކޮށް އިއްލާންކުރުން" ކަމަށް ބުނެފައިވަނީ، މިގާނޫނުގެ ދަށުން ހަދާާ ގަވާއިދުގައި ކަނޑައަޅާފައިވާާ ގޮތުގެމަތިން، ރާއްޖޭގައި އާންމުކޮށް ނުކުންނަ ދުވަހު ނޫހެއްގައި ށާއިއުކޮށް، ރޭޑިއޯއާއި ޓެލެވިޒަނުން ފޮނުވުމަށެވެ.

"ހާއްސަ ގަރާރު" ކަމަށް ބުނެފައިވަނީ، ޖަމްއިއްޔާގެ އާންމު ޖަލްސާއެއްގައި ވޯޓު ދިނުމުގެ ހައްގު ލިބިގެންވާ މެންބަރުންގެ ތިންބައިކުޅަ ދެބައި މެންބަރުންގެ އަގްލަބިއްޔަތުން ފާސްކުރާ ކޮންމެ ގަރާރަކަށެވެ.