"ކޮންޓެންޓް" ކަމަށް ބުނެފައި އެވަނީ، ރީ ބްރޯޑްކާސްޓްކުރުމުގެ ހިދުމަތްދޭ ފަރާތުން ފޮނުވާ ފަރާތްތަކަށާއި، ހިދުމަތް ލިބިގަންނަ ފަރާތްތަކަށް ލިބޭ ޕްރޮގްރާމްތަކުގެ މަންޒަރާއި އަޑަށެވެ.

"ފްރީކުއެންސީ" ކަމަށް ބުނެފައި އެވަނީ، ވަޔަރލެސްކޮށް ބްރޯޑްކާސްޓްކުރުމަށް ބޭނުންކުރާ ވަސީލަތަކަށެވެ.

"ރީ ބްރޯޑްކާސްޓް" ކަމަށް ބުނެފައި އެވަނީ، އެއްވެސް ވަސީލަތެއް ބޭނުންކޮށްގެން އެހެން ބައެއްގެ ކޮންޓެންޓެއް، މި ގަވާއިދު ހުއްދަ ކުރެވިގެންވާގޮތް ފިޔަވައި، އެހެން އެއްވެސް އުނި އިތުރެއް ނުގެނެސް އަލުން ބްރޯޑްކާސްޓްކުރުމަށެވެ.

"ޕަބްލިކް ސަރވިސް ބްރޯޑްކާސްޓަރ" ކަމަށް ބުނެފައި އެވަނީ، ދިވެހިރާއްޖޭގައި ޕަބްލިކް ސަރވިސް ބްރޯޑްކާސްޓިންގގެ ހިދުމަތް ދިނުމަށް ގާނޫނަކުން ކަނޑައަޅައިފައިވާ ފަރާތަކަށެވެ.

"ޑިޖިޓަލް ޓެރެސްޓީރިއަލް ރީ ބްރޯޑްކާސްޓް" ކަމަށް ބުނެފައި އެވަނީ، ފްރީކުއެންސީގެ ވަސީލަތް ބޭނުންކޮށްގެން އަދި ކޮމިއުނިކޭށަން އޮތޯރިޓީ އޮފް މޯލްޑިވްސްއިން ކަނޑައަޅައިފައިވާ ޑިޖިޓަލް ޓެކްނޮލޮޖީއެއް ބޭނުންކޮށްގެން ރީ ބްރޯޑްކާސްޓްކުރުމަށެވެ.

".ކޮންވެންށަނަލް ރީ ބްރޯޑްކާސްޓް" ކަމަށް ބުނެފައި އެވަނީ، ފްރީކުއެންސީގެ ވަސީލަތް ފިޔަވައި، އެހެން އެއްވެސް ވަސީލަތެއް ބޭނުންކޮށްގެން ރީ ބްރޯޑްކާސްޓްކުރުމަށެވެ.

"ރީ ބްރޯޑްކާސްޓްކުރާ ފަރާތް" ކަމަށް ބުނެފައި އެވަނީ، ރީ ބްރޯޑްކާސްޓްކުރުމުގެ ލައިސަންސް ލިބިގެން އެ ހިދުމަތް ޑިޖިޓަލް ޓެރެސްޓީރިއަލް ބްރޯޑްކާސްޓިންގ ނުވަތަ މިހާރުވެސް ފޯރުކޮށްދޭ އެހެނިހެން ޓެކްނޮލޮޖީ (ކޮންވެންށަނަލް) ގެ ތެރެއިން އެ ހިދުމަތް ފޯރުކޮށްދޭ ކޮންމެ ފަރާތަކަށެވެ.

"ދިވެހިރާއްޖޭގައި ދިރިއުޅެމުން ދިއުން" ކަމަށް ބުނެފައި އެވަނީ، ވަގުތީ ގޮތުން އެހެން ތަނެއްގައި އުޅުނު ނަމަވެސް، ދިވެހިރާއްޖެއަށް ޒިޔާރަތް ކުރުމުގެ ގޮތުން ނޫންގޮތަކަށް، ދާއިމީ ގޮތެއްގައި ދިވެހިރާއްޖޭގައި ދިރިއުޅޭ ދިރިއުޅުމަށެވެ.

"އަސާސީ ހިދުމަތްތައް" ކަމަށް ބުނެފައި އެވަނީ، އިމާރާތެއްގައި ދިރިއުޅޭ ފަރާތްތަކަށް އެ އިމާރާތުގައި ދިރިއުޅުމަށްޓަކައި ދުވަހުން ދުވަހަށް ބޭނުންކުރަންޖެހޭ ފެނާއި، ކަރަންޓާއި، ނަރުދަމާގެ ހިދުމަތްތަކަށެވެ.

"ޔުނިޓު" ކަމަށް ބުނެފައި އެވަނީ، ސްޓްރާޓާ ޕްލޭންގައި ހިމެނޭ އިމާރާތުގެ ނުވަތަ އިމާރާތްތަކުގެ ތެރޭގައި ހިމެނޭ، ވަކިން މިލްކުކުރެވޭ ޔުނިޓަށެވެ. އެ ޔުނިޓަކީ އިމާރާތުގެ އެއްބުރި އެކުގައި، ނުވަތަ އެއް ބުރީގައި ހިމެނޭ ވަކި ޔުނިޓެއް، ނުވަތަ އެއްބުރިއަށްވުރެ ގިނަ ބުރީގެ މައްޗަށް އެކުލެވޭ ޔުނިޓެއްކަމުގައި ބެލިދާނެއެވެ. އަދި، އެފަދަ ޔުނިޓަކީ ދިރިއުޅުމަށްދޫކުރާ ފްލެޓެއް/އެޕާޓްމަންޓެއް ނުވަތަ ވިޔަފާރިކުރުމަށް ދޫކުރާ ޔުނިޓެއްކަން ސްޓްރާޓާ ޕްލޭންގައި ހިމެނިފައި އޮންނަންވާނެއެވެ.

"ޔުނިޓުގެ ވެރިފަރާތް" ކަމަށް ބުނެފައި އެވަނީ، ސްޓްރާޓާ ޕްލޭންގައި ހިމެނޭ ޔުނިޓެއްގެ މިލްކުވެރި ފަރާތްކަމުގައި އެ ޔުނިޓުގެ ރަޖިސްޓަރީގައި ބަޔާންކުރާ ފަރާތަށެވެ.

"ޔުނިޓުގެ ރަޖިސްޓަރީ" ކަމަށް ބުނެފައި އެވަނީ، މި ގާނޫނުގެ ދަށުން އެއްމެދު އިމާރާތުގައި ހިމެނޭ، ޔުނިޓުގެ ވެރިފަރާތަށް ދޫކުރާ ރަޖިސްޓަރީއަށެވެ.

"ސްޓްރާޓާ ރޯލް" ކަމަށް ބުނެފައި އެވަނީ، އެއްމެދު އިމާރާތުގެ ޔުނިޓުތަކާއި އެ ޔުނިޓުތައް ކުއްޔަށްދޭ ފަރާތްތަކުގެ މައުލޫމާތާއި، އެއްމެދު އިމާރާތުގައި ހިމެނޭ ރަހުނުތަކާއި އިންށުއަރެންސާގުޅޭ މައުލޫމާތު ހިމެނޭގޮތުން، އެއްމެދު އިމާރާތް ބެލެހެއްޓުމާއި ބޭނުންކުރުމަށްޓަކައި އެއްމެދު އިމާރާތާއި ޔުނިޓުތަކާގުޅޭ މައުލޫމާތު މެނޭޖްމަންޓް ކޯޕަރޭށަނުން ރިކޯޑުކޮށް ބަލަހައްޓާ ލިޔެކިޔުމަށެވެ.

"ސްޓޭޖް ޑިވެލޮޕްމަންޓް" ކަމަށް ބުނެފައި އެވަނީ، ބިމެއް އަލަށް ތަރައްގީކުރުމަށް ރޭވިފައިވާ އިމާރާތަކަށް ޕްރޮޕޯސަލް ހުށަހަޅައި، ސްޓްރާޓާ ޕްލޭނެއް އެކުލަވާލައި އެކި ފިޔަވަހިތަކަށް ބަހާލައިގެން މަށްރޫއެއް ނުވަތަ ސްޓްރާޓާ ސްކީމެއް ހިންގުމަށެވެ.

"ސްޓްރާޓާ ސްކީމް" ކަމަށް ބުނެފައި އެވަނީ، ޔުނިޓުތަކާއި އާންމު ތަންތަން ހިމެނޭގޮތަށް ބިނާކޮށްފައިވާ ނުވަތަ ބިނާކުރަން ގަސްތުކުރާ އެއްމެދު އިމާރާތެއް ނުވަތަ އިމާރާތްތަކެއްގެ ސްޓްރާޓާ ޕްލޭނަށް ހުއްދަ ދޫކުރުމާއެކު، މި ގާނޫނުގެ ދަށުން އެކުލަވާލާ ވަކި އުސޫލުތަކަކާއި ހަމަތަކެއްގެމަތިން އެއްމެދު އިމާރާތް ބޭނުންކުރުމާއި ބެލެހެއްޓުމަށް، އެކުލަވާލާ ސްކީމަށެވެ.