gaanoon_logo
-
ވަގުތީ މުއްދަތު (ކައުންސިލު އިންތިހާބާއި ގުޅޭ)
"ވަގުތީ މުއްދަތު" ކަމަށް ބުނެފައި އެވަނީ، 3 ޖޫން 2020 އިން ފެށިގެން، ލޯކަލް ކައުންސިލްތަކުގެ އިންތިހާބުގެ ހާއްސަ ގާނޫނު 2020 (ގާނޫނު ނަންބަރު 3/2020) އިން ފަސްކޮށްފައިވާ 2020 ވަނަ އަހަރުގެ ލޯކަލް ކައުންސިލްތަކުގެ އިންތިހާބު ބާއްވައި، އާ މެންބަރުން އިންތިހާބުވެ މަގާމާ ހަވާލުވަންދެން ހިނގާ މުއްދަތަށެވެ.
ވަގުތީ މުވައްޒަފު
"ވަގުތީ މުވައްޒަފު" ކަމަށް ބުނެފައި އެވަނީ، ދާއިމީ ގޮތެއްގައި މަސައްކަތުގައި ދެމިހުންނާނެކަމުގެ އުންމީދެއް ނެތްގޮތުން، ދުވަހު މަސައްކަތްކުރާ އުސޫލުން، މަސައްކަތްކުރާ ކޮންމެ މުވައްޒަފަކަށެވެ.
ވަގުތީ މުވައްޒަފުން
"ވަގުތީ މުވައްޒަފުން" ކަމުގައި ބުނެފައި އެވަނީ ސަރުކާރު ހިންގުމުގެ ނިޒާމުގެ ތެރެއިން ނުކުންނަ ވަގުތީ ބޭނުންތައް ފުއްދުމަށް ކަނޑައެޅޭ ވަކި މުއްދަތަކަށް ނުވަތަ ކަނޑައެޅޭ ވަކި މަސައްކަތެއް ކުރުމަށް ވަޒީފާދެވޭ ފަރާތްތަކަށެވެ.
ވަގުތީ މުވައްޒަފުން (ފުލުހުންނާއި ގުޅޭ)

"ވަގުތީ މުވައްޒަފުން" ކަމުގައި ބުނެފައި އެވަނީ، ދިވެހި ފުލުހުންގެ ހިދުމަތުގެ ދާއިމީ އާންމު މުވައްޒަފުންގެ ގޮތުގައި ނުހިމެނޭ، ވަކި މަސައްކަތެއް ނުވަތަ ވަކި މަށްރޫއެއް ހިންގުމަށް އެއްބަސްވުމެއްގެ ދަށުން ވަކި މުއްދަތަކަށް، އައްޔަނުކުރާ ވަގުތީ މުވައްޒަފުންނަށެވެ.

ވަގުތީ މުދައްރިސުން

"ވަގުތީ މުދައްރިސުން" ކަމަށް ބުނެފައި އެވަނީ، އެއްވެސް ސަބަބަކާހުރެ ވަގުތީގޮތުން ސްކޫލެއްގައި ނުވަތަ ސްކޫލްތައް ފިޔަވައި ކިޔަވައިދޭ އެނޫން ތަނެއްގައި މުދައްރިސެއްގެ ވަޒީފާ އަދާކުރާ ފަރާތްތަކަށެވެ.

ވަގުތީ ލައިސަންސް
"ވަގުތީ ލައިސަންސް" ކަމަށް ބުނެފައި އެވަނީ، އަލަށް ލައިސަންސް ނަގާ ފަރާތްތަކަށް ދާއިމީ ލައިސަންސް ދޫކުރުމުގެ ކުރިން ދޫކުރާ ލައިސަންސާއި، ބިދޭސީންނަށް ދޫކުރާ ލައިސަންސަށެވެ.
ވަގުތީ ލައިސަންސް

"ވަގުތީ ލައިސަންސް" ކަމަށް ބުނެފައި އެވަނީ، ދާއިމީ ލައިސަންސް ދޫކުރުމުގެ ކުރިން ދޫކުރެވޭ ކޮންމެ ލައިސަންސް އަކަށެވެ.

ވަގުތީގޮތުން ބޭނުންކުރުމުގެ ހުއްދަ
"ވަގުތީގޮތުން ބޭނުންކުރުމުގެ ހުއްދަ" ކަމަށް ބުނެފައިއެވަނީ، ޢިމާރާތެއް ބޭނުންކުރުމަށްޓަކައި ދޫކުރެވޭ ވަގުތީ ހުއްދައަށެވެ.
ވަގުތީގޮތުން ދިވެހިރާއްޖެއިން ގެންދިޔުމުގެ އަމުރު
"ވަގުތީގޮތުން ދިވެހިރާއްޖެއިން ގެންދިޔުމުގެ އަމުރު" ކަމަށް ބުނެފައިއެވަނީ، ކުށްވެރިޔަކު ވަގުތީގޮތުން ދިވެހިރާއްޖެއިން ގެންދިޔުމުގެ ހުއްދަ ދިނުމުގެ ގޮތުން މި ގާނޫނުގެ 30 ވަނަ މާއްދާގެ ދަށުން ޕްރޮސިކިއުޓަރ ޖެނެރަލް ނެރޭ އަމުރަށެވެ.
ވަގުތުން ފިޔަވަޅު އަޅަންޖެހޭ ޒާތުގެ މައްސަލަ

"ވަގުތުން ފިޔަވަޅު އަޅަންޖެހޭ ޒާތުގެ މައްސަލަ" ކަމަށް ބުނެފައި އެވަނީ، މައްސަލަ ބެލުން ލަސްވެއްޖެނަމަ އިއާދަނުކުރެވޭވަރުގެ ގެއްލުމެއް ކުރިމަތިވެދާނެ ނުވަތަ މައްސަލަ ބެލުމުގެ މަގުސަދު ހާސިލުނުވެދާނެ ނުވަތަ ހެކި ނުލިބިދާނެކަމަށް ބެލެވޭ މައްސަލަތަކަށެވެ.

ވަސީލަތް
"ވަސީލަތް" ކަމަށް ބުނެފައިއެވަނީ، އިންސާނީ ވަސީ ލަތްތަކާއި އެނޫންވެސް ވަސީ ލަތްތައް ހިމެނޭ ގޮތުންނެވެ.
ވަސީލަތް

"ވަސީލަތް" ކަމަށް ބުނެފައި އެވަނީ، ރީ ބްރޯޑްކާސްޓް ސިގުނަލް، ހިދުމަތް ލިބިގަންނަ ފަރާތްތަކަށް ފޯރުކޮށްދިނުމަށް ބޭނުންކުރާ އެންމެހައި އާލާތްތަކަށެވެ.

ވަސީލަތް

"ވަސީލަތް" ކަމަށް ބުނެފައި އެވަނީ، ބްރޯޑްކާސްޓް ކުރުމަށް ބޭނުންކުރެވިދާނެ އާލާތްތަކަށާއި ޓެކްނޮލޮޖީއަށެވެ.

ވަސީލަތް

"ވަސީލަތް" ކަމަށް ބުނެފައި އެ ވަނީ، އޮފީހުގެ މުދަލާއި، ސޮފްޓްވެއަރތަކާއި، ސްޓޭށަނަރީއާއި، މަސައްކަތް ކުރިޔަށް ގެންދިއުމަށް އޮފީހުން ފަހިކޮށްދޭ އެހެނިހެން ތަކެއްޗާއި ކަންކަމަށެވެ.

ވަޒަންވެރިވުން (ޓެކްސްއާއި ގުޅޭ)

"ވަޒަންވެރިވުން" ކަމަށް ބުނެފައި އެވަނީ އަމިއްލަ ފަރުދަކު ފިޔަވައި އެހެންފަރާތެއްނަމަ، ދިވެހިރާއްޖޭގައި ރަޖިސްޓްރީ ކޮށްގެން ހިންގާ އެންމެހައި ކުންފުނިތައް ނުވަތަ އެއްވެސް ގާނޫނަކުން ދިވެހިރާއްޖޭގައި ވިޔަފާރިކުރުމުގެ ހުއްދަ ދެވިފައިވާ އެންމެހާ ފަރާތްތަކަށެވެ.