gaanoon_logo
-
އަރައްކާ (ދަނޑުވެރިކަމާއި ގުޅޭ)

"އަރައްކާ" ކަމަށް ބުނެފައި އެވަނީ، މާއްދާއެއްގައި ހިމެނޭ، ގެއްލުންދެނިވި އަސަރުކުރުމުގެ ހާއްސަ ސިފައަށް ނުވަތަ "ހެޒަރޑް" އަށެވެ.

އަރައްކާގެ ރަމްޒު

"އަރައްކާގެ ރަމްޒު" ކަމަށް ބުނެފައި އެވަނީ، ޔޫ.އެންގެ ގްލޯބަލީ ހާމޮނައިޒްޑް ސިސްޓެމް އޮފް ކްލެސިފިކޭށަން އެންޑް ލޭބެލިންގ އޮފް ކެމިކަލްސްގެ މިންގަނޑުތަކާ އެއްގޮތަށް ކަނޑައަޅައިފައިވާ، ޕެސްޓިސައިޑުން ލިބޭ އަރައްކާ ދައްކުވައިދޭ ތަސްވީރުގެ ދޭހައަށް ނުވަތަ "ހެޒަރޑް ސިމްބަލް" އަށެވެ.

އަރުވާލުން
"އަރުވާލުން" ދޭހަކޮށްދެނީ، ކުށެއްގެ އަދަބަށް ތިމާގެ ވަޒަން ނޫން އެހެން ރަށެއްގައި މީހުން އުޅޭ އެހެން އެއްވެސް ތަނަކަށް ދިއުން މަނާކޮށް އަމިއްލަ މިނިވަންކަން ނެތްގޮތެއްގައި ނުވަތަ އޭގެ ބައެއް ނެތްގޮތުގައި ކަނޑައެޅޭ މުއްދަތަކަށް ބެހެއްޓުމެވެ.
އަބުރާ ބެހުން
"އަބުރާ ބެހުން" ކަމަށް ބުނެފައި އެވަނީ މީހެއްގެ ގަދަރާއި އިއްޒަތް ނުވަތަ ކަރާމާތް ނަގާލުން ނުވަތަ އެއިން ކަމަކަށް އުނިކަން ދިނުމަށެވެ. ބުނެވިދިޔަ ކަންތައްތަކުގެ ތެރެއިން ކަމެއްކުރީ، ބުނާ އެއްޗަކުން، ނުވަތަ ލިޔާ ލިޔުމަކުން، ނުވަތަ ކުރަހާ ކުރެހުމަކުން ކަމުގައިވިޔަސް އެކަމެއް ބެލޭނީ އަބުރާބެހުން ކަމުގައެވެ.
އަޅައިލުމާއި ރައްކައުތެރިކަން ބޭނުންވާ ކުދިން

"އަޅައިލުމާއި ރައްކައުތެރިކަން ބޭނުންވާ ކުދިން" ކަމަށް ބުނެފައި އެވަނ،ީ ގާނޫނު ނަންބަރު 2019-19 (ކުޑަކުދިންގެ ހައްގުތައް ރައްކާތެރި ކުރުމުގެ ގާނޫނު) ގެ 69 ވަނަ މާއްދާގެ (ހ) ގައި ބަޔާންކޮށްފައިވާ ކުދިންނަށެވެ. އެއީ: 

  1. އެއްވެސް ފަރާތެއްގެ ބެލުމުގެ ދަށުގައިނުވާ ގޮތަށް އަޅާނުލާ ދޫކޮށްލާފައިވާ ކުދިން؛
  2. ކުއްޖާ ރައްކާތެރިކުރުމަށް ނުވަތަ ކުއްޖާއަށް ރައްކާތެރި މާހައުލެއް ގާއިމުކޮށްދިނުމަށް އިހުމާލުވެފައިވާ ބެލެނިވެރިންނާއެކު ދިރިއުޅެމުންދާ ކުދިން؛
  3. ބެލެނިވެރިންގެ ފަރާތުން ނަފްސާނީ ނުވަތަ ޖިސްމާނީ އަނިޔާ ލިބެމުންދާ ކުދިން؛
  4. މަސްތުވާ އެއްޗަކަށް ދެވިހިފާފައިވާ، އެކަމަށް ފަރުވާހޯދޭނެ ގޮތެއް ނެތިފައިވާ ކުދިން؛
  5. އެކްސްޕްލޮއިޓޭށަންގެ އަމަލެއްގެ ށިކާރައަކަށްވެފައިވާ ނުވަތަ އެފަދަ އަމަލެއްގެ ށިކާރައަކަށް ވެދާނެ މާހައުލެއްގައި ދިރިއުޅެމުންދާ ކުދިން؛
  6. ކުއްޖާގެ ޖިސްމާނީ ނުވަތަ ނަފްސާނީ ނުވަތަ އިޖްތިމާއީ ދުޅަހެޔޮކަމަށް ގެއްލުމެއް ކުރިމަތިކޮށްފާނެ މާހައުލެއްގައި ދިރިއުޅެމުންދާ ނުވަތަ އެފަދަ މާހައުލަކަށް ތައާރުފުކުރެވިދާނެ ހާލަތެއް ނުވަތަ ހާލަތްތަކެއް މެދުވެރިވެފައިވާ ކުދިން؛
  7. އިހުމާލުވުމުގެ ސަބަބުން ޖިސްމާނީގޮތުން ނުވަތަ ނަފްސާނީގޮތުން ގެއްލުންވެފައިވާ ކުދިން.
އައި،އޭ.އީ.އޭ. ސޭފްޓީ ސީރީޒް

"އައި،އޭ.އީ.އޭ. ސޭފްޓީ ސީރީޒް" ކަމަށް ބުނެފައި އެވަނީ، އިންޓަރނޭށަނަލް އެޓޯމިކް އެނަޖީ އެޖެންސީ ސޭފްޓީ ސީރީޒް އަށެވެ.

އައި.އެމް.ޑީ.ޖީ ކްލާސް

"އައި.އެމް.ޑީ.ޖީ ކްލާސް" ކަމަށް ބުނެފައި އެވަނީ، އިންޓަރނޭށަން މެރިޓައިމް ޑޭންޖަރަސް ގުޑްސް ކްލާސް އަށެވެ.

އައި.ޕީ.ޕީ.ސީ
"އައި.ޕީ.ޕީ.ސީ" ކަމަށް ބުނެފައިއެވަނީ، އެންމެ ފަހުން އިސްލާހުކުރެވިފައިވާ "އިންޓަރނޭށަނަލް ޕްލާންޓް ޕްރޮޓެކްށަން ކޮންވެންށަން" މި މުއާހަދާއަށެވެ.
އައިސްޕްލާންޓް
"އައިސްޕްލާންޓް" ކަމަށް ބުނެފައި އެވަނީ، މަސް ރައްކާތެރިކޮށް ތާޒާކަންމަތީ ބެހެއްޓުމަށްޓަކައި ބޭނުންވާ އައިސް ތައްޔާރުކުރުމަށްޓަކައި މި ގާނޫނުގެ ދަށުން ކަނޑައަޅާ ށަރުތު ފުރިހަމަވާ ތަންތަނަށެވެ.
އައުޓްރީޗް ސެންޓަރ
"އައުޓްރީޗް ސެންޓަރ" ކަމަށް ބުނެފައި އެވަނީ، މި ގާނޫނުގެ ދަށުން ގާއިމުކުރެވޭ އިންސްޓިޓިއުޓްގެ މައި މަރުކަޒު ފިޔަވައި އެހެން ތަނެއްގައި އެ މަރުކަޒަކުން ދޭ ހިދުމަތްތަކެއް ދިނުމަށް ގާއިމުކުރެވޭ ގޮތްޕަށެވެ.
އައުޓްރީޗް ސެންޓަރ

"އައުޓްރީޗް ސެންޓަރ" ކަމަށް ބުނެފައި އެވަނީ، އިންސްޓިޓިއުޓުގެ މައި މަރުކަޒު ފިޔަވައި އެހެން ތަނެއްގައި، އެ މަރުކަޒަކުން ދޭ ހިދުމަތްތަކެއް ދިނުމަށް ގާއިމްކުރާ ގޮތްޕަށެވެ.

އައުޓްރީޗް ސެންޓަރު

"އައުޓްރީޗް ސެންޓަރު" ކަމަށް ބުނެފައި އެވަނީ، އިންސްޓިޓިއުޓުގެ މައި މަރުކަޒު ފިޔަވައި އެހެން ތަނެއްގައި، އެ މަރުކަޒަކުން ދޭ ހިދުމަތްތަކެއް ދިނުމަށް ގާއިމްކުރާ ގޮތްޕަށެވެ.

އައުޓްވާރޑް ކްލިއަރެންސް
"އައުޓްވާރޑް ކްލިއަރެންސް" ކަމަށް ބުނެފައި އެވަނީ، އުޅަނދެއް ރާއްޖެއިން ފުރައިގެން ދިއުމަށް ކަސްޓަމްސްއިން ދޭ ހުއްދައަކަށެވެ.
އައުޓްޕުޓް ވޯލްޓޭޖްގެ ވޭވްފޯމް
"އައުޓްޕުޓް ވޯލްޓޭޖްގެ ވޭވްފޯމް" ކަމަށް ބުނެފައި އެ ވަނީ، ކަރަންޓު އުފައްދާ ނިޒާމުން ބޭރުކޮށްދޭ ވޯލްޓޭޖު ބަދަލުވަމުންދާ ގޮތް ދައްކުވައިދޭ ގްރާފަށެވެ.
އައުޓްޕޭށަންޓް
"އައުޓްޕޭށަންޓް" ކަމަށް ބުނެފައި އެ ވަނީ، އެނދުމަތި ކުރުމަކާ ނުލައި ސިއްހީ ހިދުމަތްދޭ ތަންތަނުން ސިއްހީ ހިދުމަތް ހޯދާ ފަރާތްތަކަށެވެ.