gaanoon_logo
-
ބްރޯޑްކާސްޓް ކުރުމުގެ ލައިސަންސް
“ބްރޯޑްކާސްޓް ކުރުމުގެ ލައިސަންސް” ކަމަށް ބުނެފައި އެވަނީ ، ރާއްޖޭގައި ބްރޯޑްކާސްޓްކުރުމަށް ކޮމިށަނުން ދޫކުރާ ލައިސަންސަ ށެވެ.
ބްރޯޑްކާސްޓްކުރާ ސްޓޭށަން ނުވަތަ "ސްޓޭށަން"

"ބްރޯޑްކާސްޓްކުރާ ސްޓޭށަން" ނުވަތަ "ސްޓޭށަން" ކަމަށް ބުނެފައި އެވަނީ،މި ގަވާއިދުގެ ދަށުން ބްރޯޑްކާސްޓް ކުރުމުގެ ލައިސަންސް ދޫކޮށްފައިވާ ފަރާތުން ގާއިމުކޮށްފައިވާ ބްރޯޑްކާސްޓް ކުރުމުގެ މަސައްކަތް ހިންގާ މަރުކަޒަށެވެ.

ބްރޯޑްކާސްޓްކުރުން
"ބްރޯޑްކާސްޓްކުރުން" ކަމަށް ބުނެފައިއެވަނީ، ވަސީލަތެއް ބޭނުންކޮށްގެން ޢާންމުކޮށް، ނުވަތަ ވަކި ބަޔަކަށް އަމާޒުކޮށް، މަންޒަރު ނުވަތަ އަޑު، ނުވަތަ އަޑާއި މަންޒަރު ޓީވީ، ނުވަތަ ރޭޑިޔޯ ނުވަތަ އިންޓަނެޓް މެދުވެރިކޮށް ދުރަށް ފޮނުވުމަށެވެ
ބްރޯޑްކާސްޓްކުރުން
"ބްރޯޑްކާސްޓްކުރުން" ކަމަށް ބުނެފައި އެވަނީ، އެއްވެސް ވަސީލަތެއް ބޭނުންކޮށްގެން އާންމުކޮށް ނުވަތަ ވަކި ބަޔަކަށް އަމާޒުކޮށް އަޑާއި މަންޒަރު ނުވަތަ އަޑު ނުވަތަ މަންޒަރު ދުރަށް ފެތުރުމަށެވެ. ނަމަވެސް އާންމު ތަނެއްގައި ބަޔަކަށް ދައްކާލުމުގެ ބޭނުމުގައި ނުވަތަ އިއްވުމުގެ ބޭނުމުގައި އަޑާއި މަންޒަރު ހުށަހެޅުން މި މާނަކުރުމުން އިސްތިސްނާވެގެންވެއެވެ. މި ގާނޫނުގައި "ބްރޯޑްކާސްޓިންގ" މި ބަސް މާނަކޮށްފައިވާނީ ބްރޯޑްކާސްޓްކުރުމަށާއި ރީބްރޯޑްކާސްޓްކުރުމަށް ވެސް، އިށާރާތްކޮށެވެ.
ބްރޯޑްކާސްޓްކުރުމުގެ ހިދުމަތް
"ބްރޯޑްކާސްޓްކުރުމުގެ ހިދުމަތް" ކަމަށް ބުނެފައި އެވަނީ، ޓެލެވިޒަން މެދުވެރިކޮށް ނުވަތަ ރޭޑިއޯ މެދުވެރިކޮށް ނުވަތަ އިންޓަރނެޓް މެދުވެރިކޮށް ނުވަތަ މޯބައިލް ފޯނު މެދުވެރިކޮށް ރައްޔިތުންނަށް އަޑު ނުވަތަ މަންޒަރާއި އަޑު ފޯރުކޮށްދިނުމުގެ ހިދުމަތަށެވެ.
ބްރޯޑްކާސްޓްކުރުމުގެ ހިދުމަތް
"ބްރޯޑްކާސްޓްކުރުމުގެ ހިދުމަތް" ކަމަށް ބުނެފައި އެވަނީ، ހިދުމަތް ލިބިގަންނަ ފަރާތަށް ކޮންޓެންޓެއް ފޮނުވުމުގެ މަސައްކަތަށެވެ.
ބްރޯޑްކާސްޓްކުރުމުގެ ލައިސަންސް
"ބްރޯޑްކާސްޓްކުރުމުގެ ލައިސަންސް" ކަމަށް ބުނެފައި އެވަނީ، ދިވެހިރާއްޖޭގެ ސަރަހައްދުގައި ބްރޯޑްކާސްޓްކުރުމުގެ ހިދުމަތް ފޯރުކޮށްދިނުމަށް، ބްރޯޑްކާސްޓްކުރުމުގެ ގާނޫނު (ގާނޫނު ނަންބަރު 16/2010) ގެ 24 ވަނަ މާއްދާގެ ދަށުން ދެވޭ ލައިސަންސަށެވެ.
ބްރޯޑްކާސްޓްކުރުމުގެ ލައިސަންސް

"ބްރޯޑްކާސްޓްކުރުމުގެ ލައިސަންސް" ކަމަށް ބުނެފައި އެވަނީ، ދިވެހިރާއްޖޭގައި ބްރޯޑްކާސްޓްކުރުމަށް ކޮމިށަނުން ދޫކުރާ ލައިސަންސަށެވެ.

ބްރޯޑްކާސްޓްކުރުމުގެ ސުލޫކީ މިންގަނޑު
"ބްރޯޑްކާސްޓްކުރުމުގެ ސުލޫކީ މިންގަނޑު" ކަމަށް ބުނެފައި އެވަނީ، ބްރޯޑްކާސްޓްކުރުމުގައި އަމަލުކުރާނެ ހަމަތަކާއި ބްރޯޑްކާސްޓްކުރާ ކޮންޓެންޓްގައި ހިމެނެންވާނެ ހަމަތަކަށެވެ.
ބްލެކްމެއިލް ކުރުން
"ބްލެކްމެއިލް ކުރުން" ކަމަށް ބުނެފައި އެވަނީ، ވަކި ކަމެއް، މީހެއްގެ ނުރުހުމުގައި ކުރުމަށް އޭނާއަށް އަންގައި، އެކަން އޭނާ ނުކޮށްފިނަމަ، އޭނާއަށް ގެއްލުމެއް ނުވަތަ އަނިޔާއެއް ނުވަތަ ނިކަމެތިކަމެއް ލިބޭނެ ޒާތުގެ އަމަލެއް ހިންގާނެކަމުގެ ބިރު ދެއްކުމަށެވެ. ނުވަތަ މީހަކު ކުރި ކުށެއް އަންގަންވާ ފަރާތަށް ނާންގައި، އެކަމުގެ މައުލޫމާތު ބޭނުންކޮށްގެން އޭނާގެ ކިބައިން އޭނާގެ ނުރުހުމުގައި މަންފާކުރުމަށް ނުވަތަ މަންފާ ހޯދަމުން ދިއުމަށެވެ.
ބްލެކްލިސްޓްކުރުން (ތައުލީމާއި ގުޅޭ)

"ބްލެކްލިސްޓްކުރުން" ކަމަށް ބުނެފައި އެވަނީ، ދާއިމީގޮތެއްގައި ލައިސަންސް ނުލިބޭނެކަމަށް ކަނޑައެޅުމަށެވެ.

ބްލޮގް

"ބްލޮގް" ކަމަށް ބުނެފައި އެވަނީ ބްލޮގްއަކީ ހަބަރާއި މައުލޫމާތާއި ހިޔާލު ހާމަކޮށް، ފެތުރުމަށްޓަކައި އިލެކްޓްރޯނިކް މީޑިއާ މެދުވެރިކޮށް ހިންގާ ބްލޮގްތަކެވެ.