gaanoon_logo
-
ނެގެޓިވް ލިސްޓް
"ނެގެޓިވް ލިސްޓް" ކަމަށް ބުނެފައިއެވަނީ، ޒޯނެއްގައި އުފައްދާ މުދަލުގެ ތެރެއިން، ޑިއުޓީ ދެއްކުމަށްފަހުގައިވެސް، ޑޮމެސްޓިކް މާކެޓަށް ނުވިއްކޭނެ މުދަލަށެވެ. ނުވަތަ ޑޮމެސްޓިކް މާކެޓަށް ނުދެވޭނެ ހިދުމަތަށެވެ.
ނެޓިންގ
"ނެޓިންގ" ކަމަށް ބުނެފައި އެވަނީ، ސިސްޓަމެއްގެ ދެ ބައިވެރިންގެ މެދުގައި ނުވަތަ އެއަށްވުރެ ގިނަ ބައިވެރިންގެ މެދުގައި އަދާކުރަންޖެހޭ ސެޓްލްމަންޓް އިލްތިޒާމްތަކުގެ ނެޓް ވެލިއު ކަނޑައެޅުމަށެވެ.
ނެޓިންގ އެރޭންޖްމަންޓް (ޕޭއިމަންޓާއި ގުޅޭ)
"ނެޓިންގ އެރޭންޖްމަންޓް" ކަމަށް ބުނެފައި އެވަނީ، އެތަކެއް ކްލެއިމްތަކެއް ނުވަތަ އިލްތިޒާމްތަކެއް އެއް ނެޓް ކްލެއިމަކަށް ނުވަތަ އެއް އިލްތިޒާމަކަށް ބަދަލުކުރުމަށްޓަކައި ލިޔުމުން ކުރެވިފައިވާ އެރޭންޖްމަންޓަކަށެވެ.
ނެޓްވަރކް ފެސިލިޓީ ނުވަތަ ނެޓްވަރކްގެ ވަސީލަތްތައް
"ނެޓްވަރކް ފެސިލިޓީ" ނުވަތަ "ނެޓްވަރކްގެ ވަސީލަތްތައް" ކަމަށް ބުނެފައި އެވަނީ، ހިދުމަތް ލިބިގަންނަ ފަރާތްތަކުގެ އިކުއިޕްމަންޓްތައް ނުހިމެނޭ ގޮތުގެމަތިން، ޓެލެކޮމިއުނިކޭށަންގެ ހިދުމަތެއް ދިނުމުގެ ގޮތުން ނުވަތަ އެފަދަ ހިދުމަތަކާ ގުޅޭގޮތުން ބޭނުންކުރާ، މާއްދީ އޮނިގަނޑުގެ މާއްދާއަކަށް ނުވަތަ މާއްދާތަކަކަށެވެ.
ނެޓްވަރކް ފެސިލިޓީ އެކްޓިވިޓީ
"ނެޓްވަރކް ފެސިލިޓީ އެކްޓިވިޓީ" ކަމަށް ބުނެފައި އެވަނީ، ނެޓްވަރކާބެހޭ ތަކެތި އިންސްޓޯލްކޮށް، މަރާމާތުކޮށް، ބަދަލުކޮށް ނުވަތަ ބަދަލުގެނެސް، އަދި މިނޫންވެސް މިފަދަ ކަމެއްކުރުމުގެ ތެރޭގައި ކުރަންޖެހޭ އެހެނިހެން ކަންތައްތަކަށެވެ.
ނެޓްވަރކް ލައިސަންސް
"ނެޓްވަރކް ލައިސަންސް" ކަމުގައި ބުނެފައި އެވަނީ، ރަށެއްގައި ނުވަތަ ސިޓީއެއްގައި ޓެލެކޮމިއުނިކޭށަން ވަސީލަތެއް ބޭނުންކޮށްގެން، އެއް ތަނުން އަނެއް ތަނާ ގުޅުވުމަށް ނެޓްވަރކެއް ގާއިމުކުރުމަށް ދޫކުރާ ލައިސަންސަށެވެ.
ނެޓްވަރކްގެ ސަރަހައްދު
"ނެޓްވަރކްގެ ސަރަހައްދު" ކަމަށް ބުނެފައި އެވަނީ، މި ގާނޫނުގެ ބޭނުމަށް އޮތޯރިޓީން، ލިޔުމަކުން ނެރޭ ގަރާރުގައި ކަނޑައަޅާފައިވާ ނެޓްވަރކްގެ ސަރަހައްދަކަށެވެ. މިގޮތުން ނެޓްވަރކްގެ ސަރަހައްދެއް ކަނޑައަޅާފައި ނުވާނަމަ، ނެޓްވަރކްގެ ސަރަހައްދުކަމަށް ބަލާނީ: އަމިއްލަ މީހުންގެ ގޯތިގެދޮރުގައި ޓެލެކޮމިއުނިކޭށަންގެ ހިދުމަތެއް ފޯރުކޮށްދިނުމަށް ބެހެއްޓޭ ފުރަތަމަ ސޮކެޓަށް؛ ނުވަތަ ޢިމާރާތެއްގައި ބެހެއްޓިފައި ހުންނަ ޑިސްޓްރިބިއުށަންގެ މައި ފޮއްޓަށް؛ ނުވަތަ އޮތޯރިޓީން ލިޔުމަކުން ވަކިގޮތަކަށް ކަނޑަނާޅާހާ ހިނދަކު، ހިދުމަތް ލިބިގަންނަ ފަރާތާއި، ލައިސަންސް ލިބިފައިވާ ފަރާތުން ނެޓްވަރކްގެ ސަރަހައްދުކަމަށް އެއްބަސްވާ ތަނަކަށެވެ.
ނެޓްވާރކް

"ނެޓްވާރކް" ކަމަށް ބުނެފައި އެވަނީ، ހިދުމަތްދޭ ފަރާތްތަކުގެ މުޅި ވިއުގައަށެވެ.

ނޭށަނަލް ކޮމްޕިޓެންސީ ސްޓޭންޑަރޑް

"ނޭށަނަލް ކޮމްޕިޓެންސީ ސްޓޭންޑަރޑް" ކަމަށް ބުނެފައި އެވަނީ، ފަންނީ މަސައްކަތްތެރިކަމުގެ ވަޒީފާއަށް މީހުން ބިނާކުރުމަށް ބޭނުންވާ އިލްމާއި ހުނަރާއި މަސައްކަތު އަހުލާގުގެ މިންގަޑުތަކަށެވެ.

ނޭށަނަލް އެސެސްމަންޓް

"ނޭށަނަލް އެސެސްމަންޓް" ކަމަށް ބުނެފައި އެވަނީ، ކޮމްޕިޓެންސީ ސްޓޭންޑަރޑްގައިވާ ފެންވަރަށާއި މިންވަރަށް ހާސިލުވެފައިވޭތޯ ބެލުމަށް މޯލްޑިވްސް ނޭށަނަލް ސްކިލްސް ޑިވެލޮޕްމަންޓް އޮތޯރިޓީން ހަދާ އެކްސްޓާރނަލް އިމްތިހާނަށެވެ.

ނޭށަނަލް އެސެސްމަންޓް އޮފް ލަރނިންގ އައުޓްކަމްސް (ނާލޯ)

"ނޭށަނަލް އެސެސްމަންޓް އޮފް ލަރނިންގ އައުޓްކަމްސް (ނާލޯ)" ކަމަށް ބުނެފައި އެވަނީ، ގައުމީ މަންހަޖުގައި ބަޔާންކުރާ މިންގަނޑުތައް ސްކޫލްތަކުގެ ދަރިވަރުންނަށް ހާސިލުވާ މިންވަރު ދެނެގަތުމަށް ގައުމީ ފެންވަރުގައި ދެވޭ އިމްތިހާނުތަކަށެވެ.

ނޭށަނަލް އޮކިއުޕޭށަނަލް ސްޓޭންޑަޑް

"ނޭށަނަލް އޮކިއުޕޭށަނަލް ސްޓޭންޑަޑް" ކަމަށް ބުނެފައި އެވަނީ، ފަންނީ މަސައްކަތްތެރިކަމުގެ ވަޒީފާއަށް މީހުން ބިނާކުރުމަށް ބޭނުންވާ އިލްމާއި ހުނަރާއި މަސައްކަތުގެ އަހްލާގުގެ މިންގަނޑުތަކުގެ މައްޗަށް އެކުލަވައިލާ ނޭށަނަލް ކޮމްޕީޓެންސީ ސްޓޭންޑަޑް ނުވަތަ އާމްދަނީ ލިބޭ މަސައްކަތް ގައުމީ ފެންވަރުގައި ދަސްކޮށްދިނުމަށް ބޭނުންކުރާ ހާއްސަ މިންގަނޑުތަކަށެވެ.

ނޭށަނަލް އޮކިއުޕޭށަނަލް ސްޓޭންޑަޑް

"ނޭށަނަލް އޮކިއުޕޭށަނަލް ސްޓޭންޑަޑް" ކަމަށް ބުނެފައި އެވަނީ، ފަންނީ މަސައްކަތްތެރިކަމުގެ ވަޒީފާއަށް މީހުން ބިނާކުރުމަށް ބޭނުންވާ އިލްމާއި ހުނަރާއި މަސައްކަތުގެ އަހްލާގުގެ މިންގަނޑުތަކުގެ މައްޗަށް އެކުލަވައިލާ ނޭށަނަލް ކޮމްޕީޓެންސީ ސްޓޭންޑަޑް ނުވަތަ އާމްދަނީ ލިބޭ މަސައްކަތް ގައުމީ ފެންވަރުގައި ދަސްކޮށްދިނުމަށް ބޭނުންކުރާ ހާއްސަ މިންގަނޑުތަކަށެވެ.

ނޭށަނަލް ސިވިލް އޭވިއޭށަން ޕްރޮގްރާމް

"ނޭށަނަލް ސިވިލް އޭވިއޭށަން ޕްރޮގްރާމް" ކަމަށް ބުނެފައި އެވަނީ، ވައިގެ ދަތުރުފަތުރުގައި ހަރަކާތްތެރިވާ އެންމެހައި ފަރާތްތަކުގެ ސަލާމަތާއި ރައްކައުތެރިކަން ކަށަވަރުކުރުމަށް ކަނޑައަޅައިފައިވާ ޕްރޮގްރާމަށެވެ.

ނޭށަނަލް ސެޓްފިކެޓް

"ނޭށަނަލް ސެޓްފިކެޓް" ކަމަށް ބުނެފައި އެވަނީ، ކޮމްޕިޓެންސީ ސްޓޭންޑަރޑްގައިވާ މިންވަރަށް ހާސިލުކޮށް، ނޭށަނަލް އެސެސްމަންޓުގައި ބައިވެރިވެ، ފާސްވާ ފަރާތްތަކަށް ލިބޭ ސަނަދަށެވެ.