gaanoon_logo
-
ހައި ވެލިއު އެކައުންޓު (ޓެކްސްއާއި ގުޅޭ)

"ހައި ވެލިއު އެކައުންޓު" ކަމަށް ބުނެފައި އެވަނީ، 31 ޑިސެންބަރު 2020 ގައި ނުވަތަ އޭގެ ފަހުން އަންނަ އެއްވެސް އަހަރެއްގެ 31 ޑިސެންބަރުގައި، އެ އެކައުންޓުގެ ޖުމުލަ ބާކީ ނުވަތަ ވެލިއު، 1,000,000 (އެއް މިލިޔަން) އެމެރިކާ ޑޮލަރަށްވުރެ ބޮޑު، ޕްރީއެގްޒިސްޓިންގ އިންޑިވިޖުއަލް އެކައުންޓުތަކަށެވެ.

ހައި ޑެފިނިށަން (އެޗް.ޑީ)

"ހައި ޑެފިނިށަން (އެޗް.ޑީ)" ކަމަށް ބުނެފައި އެވަނީ، އެ ކޮންޓެންޓުގައި ދައްކާ މަންޒަރުގެ ފެންވަރަކީ ސްޓޭންޑަޑް ޑެފިނީށަންގެ ފެންވަރަށްވުރެ ރަނގަޅު ފެންވަރެއްގައި ހުންނަ މިންގަނޑަށެވެ.

ހައި ޓެކްނޮލޮޖީ ޕާކް
"ހައި ޓެކްނޮލޮޖީ ޕާކް" ކަމަށް ބުނެފައިއެވަނީ، އެތަނެއް މެދުވެރިކޮށް އެންމެ ޒަމާނީ ޓެކްނޮލޮޖީއާއި ޓެކްނޮލޮޖީގެ ވަސީލަތްތައް ކުރިއަރުވައި އާލާކޮށް، އެ ވަސީލަތްތަކުގެ ބޭނުން ހިފައިގެން ދިރިއުޅުމުގެ އޮށްޓަރާއި ފެންވަރު މަތިކުރުމަށް ބާރުއަޅާ ނުވަތަ އެކަމަށް މަގުފަހިކުރާ މަސައްކަތްތަކާއި ދިރާސާއާއި ތައުލީމާއި ވިޔަފާރިއަށް ހާއްސަކުރެވިގެން އުފައްދާ ސަރަހައްދަކަށެވެ.
ހައިބްރިޑް އަސާސް
"ހައިބްރިޑް އަސާސް" ކަމަށް ބުނެފައި އެވަނީ، ޓެކްސް ދައްކަންޖެހޭ ހިސާބުގެ ބައެއް އެ ތަނުން ހަދާ އިންވޮއިސްގެ މައްޗަށް ބިނާކޮށް އަދި އެ ތަނުން ހަދާ ޓެކްސްގެ ހިސާބުގެ ބައެއް އެ ތަނަށް ލިބޭ އަދި ދައްކާ ފައިސާގެ މައްޗަށް ބިނާކޮށް ހެދުމަށެވެ.
ހައިކޯޓު
"ހައިކޯޓު" ކަމަށް ބުނެފައި އެވަނީ، ގާނޫނުއަސާސީގެ 141 ވަނަ މާއްދާގެ ދަށުން ހައިކޯޓުގެ ނަމުގައި އުފައްދާ ކޯޓަށެވެ.
ހައުސް ކައުންޓް

"ހައުސް ކައުންޓް" ކަމަށް ބުނެފައިއެވަނީ، ކޮންމެ ދުވަހަކު ޓޫރިސްޓް އުޅަނދުގައި ތިބޭ ޓޫރިސްޓުންގެ އަދަދަށެވެ.

ހައްގުނޫން ދައްވާ ކުރުން
"ހައްގުނޫން ދައްވާ ކުރުން" ކަމަށް ބުނެފައި އެވަނީ ގަސްދުގައި މީހަކަށް އުނދަގުލެއް ދެރައެއް ނުވަތަ ގެއްލުމެއް ދިނުމަށްޓަކައި އަނެކަކާމެދު ހައްގަކާ ނުލައި ދައްވާއެއް ކުރުމެވެ.
ހައްޔަރުކުރުން
"ހައްޔަރުކުރުން" ކަމަށް ބުނެފައި އެވަނީ، މީހެއްގެ މިނިވަންކަން ހުއްޓުމަކަށް ގެނެސް، ޖިނާއީ އިޖުރާއަތުގެ ގާނޫނު (ގާނޫނު ނަންބަރު 12/2016) ގެ 44 ވަނަ މާއްދާގައި ބަޔާންކޮށްފައިވާ ގާނޫނީ އިންޒާރު ދިނުމާއެކު، ފުލުހުންގެ ބެލުމުގެ ދަށަށް އޭނާ ގެނައުމަށެވެ.
ހައްޔަރުކުރުން

"ހައްޔަރުކުރުން" ކަމަށް ބުނެފަ ިއ އެވަނީ، މީހާގެ މިނިވަންކަން ހުއްޓުމަކަށް އައިސް، ޖިނާއީ އިޖުރާއަތުގެ ގާނޫނުގެ 44 ވަނަ މާއްދާގައި ބަޔާންކޮށްފައިވާ ގާނޫނީ އިންޒާރު ދިނުމާއެކު، ފުލުހުންގެ ބެލުމުގެ ދަށަށް މީހާ ގެނައުމަށެވެ. 

ހައްޔަރުކުރުމުގެ އަމުރު (އެކްސްޓްރެޑިށާއި ގުޅޭ)
"ހައްޔަރުކުރުމުގެ އަމުރު" ކަމަށް ބުނެފައިއެވަނީ، އެކްސްޓްރަޑިށަންގެ ގާނޫނު (ގާނޫނު ނަންބަރ 1/2015) ގެ 19 ވަނަ މާއްދާގެ ދަށުން ކުށްވެރިޔަކު ހައްޔަރުކުރުމަށް ހައިކޯޓުން ނެރޭ އަމުރަށެވެ.
ހައްޔަރުކުރުމުގެ ވަގުތީ އަމުރު
"ހައްޔަރުކުރުމުގެ ވަގުތީ އަމުރު" ކަމަށް ބުނެފައިއެވަނީ، އެކްސްޓްރަޑިށަންގެ ގާނޫނު (ގާނޫނު ނަންބަރ 1/2015) ގެ 20 ވަނަ މާއްދާގެ ދަށުން ކުށްވެރިޔަކު ވަގުތީގޮތުން ހައްޔަރުކުރުމަށް ހައިކޯޓުން ނެރޭ އަމުރަށެވެ.
ހައްޖަށް ގެންދިއުމުގެ ހިދުމަތް ފޯރުކޮށްދޭ ފަރާތް

"ހައްޖަށް ގެންދިއުމުގެ ހިދުމަތް ފޯރުކޮށްދޭ ފަރާތް" ކަމަށް ބުނެފައި އެވަނީ ހއްޖަށް މީހުން ގެންދިއުމުގެ ހުއްދަ ސަރުކާރުގެ ކަމާބެހޭ އިދާރާއިން ދީފައިވާ ގާނޫނީ ށަޙްސުތަކާއި އަދި ދިވެހި ސަރުކާރުން ޙިއްސާވާ ގޮތަށް ހއްޖުގެ އަޅުކަން އަދާކުރުމާ ގުޅުންހުރި މަސައްކަތް ކުރުމަށް އުފައްދާފައިވާ ކުންފުނި ނުވަތަ އެ މަސައްކަތް ކުރުމަށް ސަރުކާރުން ހވާލުކުރާ އިދާރާތަކުގެތެރެއިން ޕެންށަން އޮފީހާއެކު އެއްބަސްވުން ގާއިމުކޮށްފައިވާ ފަރާތްތަކަށެވެ. 

ހައްޖު މަނާސިކު
"ހައްޖު މަނާސިކު" ކަމަށް ބުނެފައި އެވަނީ، ހައްޖުގެ އަޅުކަމަށެވެ.
ހައްޖު މިށަން

"ހައްޖު މިށަން" ކަމަށް ބުނެފައި އެވަނީ، ދިވެހި ހައްޖުވެރިންނާ ގުޅޭ އެންމެހައި ކަންކަން ސައޫދީ އަރަބިއްޔާގައި ހަމަޖެއްސުމަށް ޓަކައި މިނިސްޓްރީން އެކުލަވައިލާ އޮފިށަލުންގެ ރަސްމީ ޓީމަށެވެ.

ހައްޖު ޕެކޭޖް

"ހައްޖު ޕެކޭޖް" ކަމަށް ބުނެފައި އެވަނީ، ހައްޖަށް ދާ މީހުންނަށް ކުންފުނިތަކުން ދިނުމަށް އެއްބަސްވެފައިވާ ހިދުމަތްތަކަށެވެ.