"ސްޕެކްޓްރަމް" ކަމަށް ބުނެފައި އެވަނީ، ރޭޑިއޯ މުއާސަލާތްތައް ގާއިމުކުރުމަށް ފްރީކުއެންސީތަކަށް ބޭނުންވާ ސަރަހައްދަށެވެ.

"ސްޕެކްޓްރަމް" ކަމަށް  ބުނެފައި އެވަނީ، މުއާސާަލާތުތައް ގާއިމުކުރުމަށް ބޭނުންކުރާ އެންމެހައި ރޭޑިއޯ ކޮމިއުނިކޭށަން ފްރިކްއެންސީތަކަށެވެ.

"ސްޕެކްޓްރަމް އެސައިންމަންޓް" ކަމަށް ބުނެފައި އެވަނީ، ޓެލެކޮމިއުނިކޭށަންގެ ގާނޫނު (ގާނޫނު ނަންބަރު 2015-43) ގެ 65 ވަނަ މާއްދާގެ (ހ) ގެ ދަށުން އޮތޯރިޓީން އެހެން ފަރާތަކަށް ފްރީކުއެންސީ ބޭންޑް ދިނުމާ ބެހޭގޮތުން ވެވޭ ޢަގުދަކަށެވެ.

"ސްޕެކްޓްރަމް ޕްލޭން" ކަމަށް ބުނެފައި އެވަނީ، ޓެލެކޮމިއުނިކޭށަންގެ ގާނޫނު (ގާނޫނު ނަންބަރު 2015-43) ގެ 63 ވަނަ މާއްދާގެ ދަށުން އެކުލަވާލެވޭ ސްޕެކްޓްރަމްތައް ކަނޑައެޅުމުގެ މަށްރޫޢަކަށެވެ.

"ސްޕެސިފައިޑް އިންށުއަރެންސް ކުންފުނި" ކަމުގައި ބުނެފައި އެވަނީ، އިންށޯުއަރެންސް ކުންފުނިތަކުގެ ތެރެއިން (އިންށޯުއަރެންސް ކުންފުންޏެއްގެ ހޯލްޑިންގ ކުންފުނި ވެސް ހިމެނޭގޮތުން)، ކޭށް ވެލިއު އިންށޯއަރެންސް ކޮންޓްރެކްޓް ނުވަތަ އެނުއިޓީ ކޮންޓްރެކްޓް ދޫކުރާ ނުވަތަ އެ ފަދަ ކޮންޓްރެކްޓަކާ ގުޅިގެން އެއްވެސް އަދަދެއް ދައްކާންޖެހޭ ކޮންމެ އެންޓިޓީއަކަށެވެ.

"ސްޕެސިފިކޭށަން" ކަމަށް ބުނެފައި އެވަނީ، އިމާރާތް ކުރުމަށް ބޭނުންކުރާ ތަކެތީގައި ހުންނަ މިންގަނޑުތަކެވެ.