(މި ގަވާއިދަށް އަމަލުކުރަން ފެށީ 28 އޮކްޓޫބަރު 2024 ގައި)

އެއްވަނަ ބާބު: ފެށުން  

1 ވަނަ މާއްދާ - ތައާރުފާއި ނަން

(ހ) މިއީ، ގާނޫނު ނަންބަރު 2014-24 (ސްޕެށަލް އިކޮނޮމިކް ޒޯނުގެ ގާނޫނު) ގެ 70 ވަނަ މާއްދާގެ (ށ) ގެ ދަށުން ހަދައިފައިވާ ގަވާއިދެކެވެ.

(ށ) މި ގަވާއިދަށް ކިޔާނީ، "ސްޕެށަލް އިކޮނޮމިކް ޒޯނުގެ ޑިވެލޮޕަރުންނާއި އިންވެސްޓަރުން މީރާއަށް މައުލޫމާތު ހުށަހެޅުމުގެ ގަވާއިދު" އެވެ.

2 ވަނަ މާއްދާ - މަގުސަދު

މި ގަވާއިދުގެ މަގުސަދަކީ، ސްޕެށަލް އިކޮނޮމިކް ޒޯނުތަކުގައި ހިންގޭ އިގްތިސާދީ ހަރަކާތްތަކުގެ ކުޑަބޮޑުމިން ދެނެގަތުމަށާއި، ގާނޫނުގެ ދަށުން ޒޯން ޑިވެލޮޕަރުންނަށާއި އިންވެސްޓަރުންނަށް ދެވޭ އިނާޔަތްތަކުގެ "ޓެކްސް އެކްސްޕެންޑިޗަރ" ހިސާބުކުރުމުގެ ބޭނުމަށް، ޒޯން ޑިވެލޮޕަރުންނާއި އިންވެސްޓަރުން މީރާއަށް ހުށަހަޅަންޖެހޭ މައުލޫމާތު ކަނޑައެޅުމާއި، އެ މައުލޫމާތު ހުށަހަޅަންޖެހޭ ގޮތް ބަޔާންކުރުމެވެ.

ދެވަނަ ބާބު : ޒޯން ޑިވެލޮޕަރުންނާއި އިންވެސްޓަރުން މައުލޫމާތު ހުށަހެޅުން

3 ވަނަ މާއްދާ - ލިޔެކިޔުންތައް ތައްޔާރުކޮށް ބެލެހެއްޓުން

(ހ) ގާނޫނުގެ 48 ވަނަ މާއްދާގެ ދަށުން އިންވެސްޓްމަންޓް އެގްރ މަންޓެއްގައި ސޮއިކުރާ ތާރީހުން ފެށިގެން އެ އެގްރީމަން ޓުގެ ދަށުން ތަރައްގ ކުރުމަށް ދީފައިވާ ޒޯނުގައި ޑިވެލޮޕަރު ހިންގާ އެންމެހައި ހަރަކާތްތަކާ ގުޅޭ ލިޔެކިޔުންތަކާއި، މި ގަވާއިދުގެ 8 ވަނަ މާއްދާގެ (ހ) އާއި 9 ވަނަ މާއްދާގައި ބަޔާންކޮށްފައިވާ އެންމެހައި ލިޔެކިޔުންތައް، ޒޯނުގެ ޑިވެލޮޕަރު ތައްޔާރުކޮށް ބަލަހައްޓަންވާނެއެވެ.  

(ށ) ގާނޫނުގެ ދަށުން ކަނޑައަޅައިފައިވާ ޒޯނެއްގައި ހަރަކާތްތެރިވުމަށް ނުވަތަ ވިޔަފާރިކުރުމަށް ނުވަތަ އިގްތިސާދީ މަސައްކަތްކުރުމަށް ޒޯނުގެ ޑިވެލޮޕަރާއެކު އެއްބަސްވުމެއް ގާއިމުކުރާ ތާރީހުން ފެށިގެން، ޒޯނުގައި އިންވެސްޓްކުރާ ފަރާތުން ޒޯނުގައި ހިންގާ އެންމެހައި ހަރަކާތްތަކާ ގުޅޭ ލިޔެކިޔުންތަކާއި، މި ގަވާއިދުގެ 8 ވަނަ މާއްދާގެ (ހ) އާއި 9 ވަނަ މާއްދާގައި ބަޔާންކޮށްފައިވާ އެންމެހައި ލިޔެކިޔުންތައް އިންވެސްޓަރު ބަލަހައްޓަންވާނެއެވެ.

(ނ) މި ގަވާއިދުގެ ދަށުން ބަލަހައްޓަންޖެހޭ އެންމެހައި މައުލޫމާތާއި ލިޔެކިޔުންތައް ބަލަހައްޓަންވާނީ، ގަވާއިދު ނަންބަރު 2013-45 (ޓެކްސް ނެގުމާބެހޭ އިދާރީ ގަވާއިދު) ގެ 15 ވަނަ މާއްދާގައި ބަޔާންކޮށްފައިވާ ގޮތަށެވެ.

(ރ) މި ގަވާއިދުގެ ދަށުން ބަލަހައްޓަންޖެހޭ މައުލޫމާތާއި ލިޔެކިޔުންތައް އިލެކްޓްރޯނިކް ފޯމެޓެއްގައި ބަލަހައްޓާ ނަމަ ބަލަހައްޓަންވާނީ، ގަވާއިދު ނަންބަރު 2013-45 (ޓެކްސް ނެގުމާބެހޭ އިދާރީ ގަވާއިދު) ގެ 16 ވަނަ މާއްދާގައި ބަޔާންކޮށްފައިވާ ގޮތަށެވެ.

(ބ) މި ގަވާއިދުގެ ދަށުން ބަލަހައްޓަންޖެހޭ މައުލޫމާތާއި ލިޔެކިޔުންތައް، އެ މައުލޫމާތާއި ލިޔެކިޔުންތައް ނިސްބަތްވާ ކަލަންޑަރު އަހަރު ނިމޭތާ މަދުވެގެން 5 (ފަހެއް) އަހަރުދުވަހުގެ މުއްދަތަށް ބަލަހައްޓަންވާނެއެވެ.

4 ވަނަ މާއްދާ - ޑިވެލޮޕަރުންނާއި އިންވެސްޓަރުން މައުލޫމާތު ހުށަހެޅުން

(ހ) ސްޕެށަލް އިކޮނޮމިކް ޒޯނުތަކުގައި ހިންގޭ އިގްތިސާދީ ހަރަކާތްތަކުގެ ކުޑަބޮޑުމިން ދެނެގަތުމަށް ބޭނުންވާ މައުލޫމާތާއި، ގާނޫނުގެ ދަށުން ޒޯން ޑިވެލޮޕަރުންނަށާއި އިންވެސްޓަރުންނަށް ލިބިދޭ އިނާޔަތްތަކުގެ "ޓެކްސް އެކްސްޕެންޑިޗަރ" ހިސާބުކުރުމަށް ބޭނުންވާ މައުލޫމާތު، މީރާއިން ކަނޑައަޅާ ފޯމެޓެއްގައި، ޒޯން ޑިވެލޮޕަރުންނާއި އިންވެސްޓަރުން، ކޮންމެ ކަލަންޑަރު އަހަރަކު މީރާއަށް ހުށަހަޅަންވާނެއެވ.

(ށ) މި މާއްދާގެ (ހ) ގެ ދަށުން މައުލޫމާތު ހުށަހަޅަންޖެހޭ ފަރާތްތަކުން، ކޮންމެ ކަލަންޑަރު އަހަރަކަށް ހުށަހަޅަންޖެހޭ މައުލޫމާތު، ވިދިގެން އަންނަ ކަލަންޑަރު އަހަރުގެ ޖޫން މަހުގެ 30 ވަނަ ދުވަހުގެ ނިޔަލަށް މީރާއަށް ހުށަހަޅަންވާނެއެވެ.

(ނ) ޒޯނުގައި ޑިވެލޮޕަރު ހިންގާ އެންމެހައި ހަރަކާތްތަކާ ގުޅޭ މައުލޫމާތާއި ލިޔެކިޔުން މި ގަވާއިދުގައިވާ ގޮތުގެ މަތީން ތައްޔާރުކޮށް ބެލެހެއްޓުމާއި، މީރާއަށް އެ މައުލޫމާތާއި ލިޔެކިޔުން ހުށަހެޅުމަކީ ޒޯނުގެ ޑިވެލޮޕަރުގެ ޒިންމާއެކެވެ. އަދި ޒޯނުގައި އިންވެސްޓްކުރާ އިންވެސްޓަރ،ު ޒޯނުގައި ހިންގާ އެންމެހައި ހަރަކާތްތަކާ ގުޅޭ މައުލޫމާތާއި ލިޔެކިޔުން މި ގަވާއިދުގައިވާ ގޮތުގެ މަތީންް ތައްޔާރުކޮށް ބެލެހެއްޓުމާއި، މީރާއަށް އެ މައުލޫމާތާއި ލިޔެކިޔުން ހުށަހެޅުމަކީ އެ އިންވެސްޓަރެއްގެ ޒިންމާއެކެވެ.

(ރ) މި މާއްދާގެ (ނ) ގައި އެހެން ބަޔާންކޮށްފައި އޮތް ނަމަވެސް، ގާނޫނުގެ 23 ވަނަ މާއްދާގެ (ނ) ގެ ދަށުން، ޒޯނުގެ ޑިވެލޮޕަރ،ު އެ ޒޯނެއްގައި އުމްރާނ ވަސީލަަތްތައް ތަރައްގ ކުރުމަށް ކޮންޓްރެކްޓް އުސޫލުން ތިންވަނަ ފަރާތެއް އައްޔަނުކުރާ ހާލަތުގައި އެ ތިންވަނަ ފަރާތުން ޒޯނުގައި ހިންގާ އެންމެހައި ހަރަކާތްތަކާ ގުޅޭގޮތުންމި ގަވާއިދުގައިވާ ގޮތުގެ މަތީން މައުލޫމާތާއި ލިޔެކިޔުން ތައްޔާރުކޮށް ބެލެހެއްޓުމާއި މީރާއަށް އެ މައުލޫމާތާއި ލިޔެކިޔުން ހުށަހެޅުމަކީ އެ ތިންވަނަ ފަރާތުގެ ޒިންމާއެކެވެ.

5 ވަނަ މާއްދާ - މާލީ ހިސާބުތައް ތައްޔާރުކުރުން

މި ގަވާއިދުގެ 4 ވަނަ މާއްދާގެ (ހ) ގެ ދަށުން މައުލޫމާތު ހުށަހަޅަންޖެހޭ ކޮންމެ ފަރާތަކުން، ކޮމިށަނަރ ޖެނެރަލް ގަބޫލުކުރާ ބައިނަލްއަގުވާމ ގޮތުން ބަލައިގަންނަ ހިސާބުކުރުމުގެ މިންގަނޑުތަކާ އެއްގޮތަށް، "އެކްރޫއަލް ބޭސިސް" އަށް، މާލީ ހިސާބުތައް ތައްޔާރުކުރަންވާނެއެވެ.

6 ވަނަ މާއްދާ - މާލީ ހިސާބުތައް ތައްޔާރުކުރަންޖެހޭ ކަރަންސީ

މި ގަވާއިދުގެ 4 ވަނަ މާއްދާގައި ބަޔާންކޮށްފައިވާ މައުލޫމާތާއި، މި ގަވާއިދުގެ 5 ވަނަ މާއްދާގެ ދަށުން ތައްޔާރުކުރަންޖެހޭ މާލީ ހިސާބުތައް ތައްޔާރުކުރަންވާނީ އެ ފަރާތެއްގެ ފަންކްށަނަލް ކަރަންސީ ންނެވެ.

7 ވަނަ މާއްދާ - ޕްރެޒެންޓޭށަން ކަރަންސީ

(ހ) މި ގަވާއިދުގައި ބަޔާންކޮށްފައިވާ މާލީ ހިސާބުތަކާއި ލިޔެކިޔުންތައް މީރާއަށް ހުށަހަޅާ ކަރަންސީ އަކީ އެ ފަރާތެއްގެ ޕްރެޒެންޓޭށަން ކަރަންސީ އެވެ.

(ށ) އެ ފަރާތެއްގެ ފަންކްށަނަލް ކަރަންސީ އަކީ ރުފިޔާ ކަމުގައިވާ ނަމަ، އެ ފަރާތެއްގެ ޕްރެޒެންޓޭށަން ކަރަންސީ އަކީ ރުފިޔާއެވެ.

(ނ) އެ ފަރާތެއްގެ ފަންކްށަނަލް ކަރަންސީ އަކީ ރުފިޔާ ފިޔަވައި އެހެން ކަރަންސީ އެއް ކަމުގައިވާ ނަމަ، އެ ފަރާތެއްގެ ޕްރެޒެންޓޭށަން ކަރަންސީ އަކީ އެމެރިކާ ޑޮލަރެވެ.  

(ރ)  މި މާއްދާގެ ބޭނުމަށް ކަރަންސީ ބަދަލުކުރަންވާނީ އިންޓަރނޭށަނަލް އެކައުންޓިންގ ސްޓޭންޑަޑް 21 (ދަ އިފެކްޓްސް އޮފް ޗޭންޖަސް އިން ފޮރިން އެކްސްޗޭންޖް ރޭޓްސް) ގައި ބަޔާންކޮށްފައިވާ ހަމަތަކުގެ މަތީން، މޯލްޑިވްސް މަނިޓަރ އޮތޯރިޓީން ށާއިއުކުރާ، އެ ފަދަ ބަދަލުކުރުންތައް ނިސްބަތްވާ ތާރީހުގެ އެކްސްޗޭންޖް ރޭޓުގެ %±2 ("ޕްލަސް އޯ މައިނަސް" ދޭއް އިންސައްތަ) އަށްވުރެ ތަފާތު ބޮޑުނޫން އެކްސްޗޭންޖް ރޭޓެއް ބޭނުންކޮށްގެންނެވެ. 

8 ވަނަ މާއްދާ - ހުށަހަޅަންޖެހޭ ލިޔެކިޔުންތައް

(ހ) މި ގަވާއިދުގެ 4 ވަނަ މާއްދާގެ (ހ) ގެ ދަށުން އަންނަނިވި ލިޔެކިޔުންތައް ހުށަހަޅަންވާނެއެވެ.

1. ސްޕެށަލް އިކޮނޮމިކް ޒޯން ބަޔާން؛
2. އާމްދަނީ އާއި ހަރަދުގެ ބަޔާން؛
3. ބެލެންސް ށީޓް؛
4. ފައިސާ ލިބުނު ގޮތާއި ހޭދަވި ގޮތުގެ ބަޔާން؛
5. ހިއްސާގެ ރައުސްމާލަށް އައި ބަދަލުތަކުގެ ބަޔާން؛
6. މާލީ ހިސާބުތަކާ ގުޅޭ ނޯޓްސް؛
7. ޑިރެކްޓަރުންގެ ރިޕޯޓު؛
8. އޮޑިޓަރުގެ ރިޕޯޓ.ު

(ށ) މި މާއްދާގެ (ހ) ގައި އެހެން ބަޔާންކޮށްފައި އޮތް ނަމަވެސް، ކުންފުނިތައް ފިޔަވައި އެ ނޫން ފަރާތްތަކުން މި މާއްދާގެ (ހ) ގެ (7) ވަނަ ނަންބަރުގައި ބަޔާންކޮށްފައިވާ ޑިރެކްޓަރުންގެ ރިޕޯޓު ހުށަހަޅާކަށް ނުޖެހޭނެއެވެ. ކުންފުނިތަކުން ޑިރެކްޓަރުންގެ ރިޕޯޓުތައްޔާރުކުރަންވާނީ، ގާނޫނު ނަންބަރު 2023-07 (ކުންފުނީގެ ގާނޫނު) ގެ 185 ވަނަ މާއްދާގެ (ހ) ގައި ކަނޑައަޅައިފައިވާ ހުރިހާ މައުލޫމާތެއް ހިމެނޭ ގޮތުންނެވެ.
(ނ) މި މާއްދާގައި ބަޔާންކޮށްފައިވާ އޮޑިޓަރަކީ، ދިވެހިރާއްޖޭގައި ގާނޫނ އޮޑިޓްކުރުމަށް ކަމާބެހޭ އިދާރާއިން ހުއްދަ ދީފައިވާ މުސްތަގިއްލު އޮޑިޓަރެއް ކަމުގައި ވާންވާނެއެވެ. 

9 ވަނަ މާއްދާ - ޓްރާންސްފަރ ޕްރައިސިންގ ޑޮކިއުމެންޓޭށަން

(ހ) މި ގަވާއިދުގެ ދަށުން ލިޔެކިޔުން ތައްޔާރުކޮށް ބަލަހައްޓަންޖެހޭ ކޮންމެ ފަރާތަކުން ވެސް އެ ފަރާތަކުން ގުޅުންހުރި ފަރާތަކާއެކު ކުރާ ކޮންމެ މުއާމަލާތަކާ ގުޅޭ، ގާނޫނު ނަންބަރު 2019-25 (އާމްދަނީން ޓެކްސް ނެގުމުގެ ގާނޫނު) ގެ 68 ވަނަ މާއްދާގެ (ށ) ގައި ބަޔާންކޮށްފައިވާ އެންމެހައި މައުލޫމާތު ހިމެނޭ ޓްރާންސްފަރ ޕްރައިސިންގ ޑޮކިއުމެންޓްސް ތައްޔާރުކޮށް ބަލަހައްޓަންވާނެއެވެ.

(ށ) މި މާއްދާގެ (ހ) ގެ ދަށުން ތައްޔާރުކޮށް ބަލަހައްޓަންޖެހޭ ޓްރާންސްފަރ ޕްރައިސިންގ ޑޮކިއުމެންޓްސް، އެ ޑޮކިއުމަންޓްސްއާ ގުޅޭ މުއާމަލާތް ނިސްބަތްވާ ކަލަންޑަރު އަހަރަށް ސްޕެށަލް އިކޮނޮމިކް ޒޯން ބަޔާން ހުށަހަޅަންޖެހޭ ސުންގަޑީ ގެ ނިޔަލަށް ތައްޔާރުކޮށް ނިންމަންވާނެއެވެ. އަދި މީރާއިން ކަނޑައަޅާ ސުންގަޑިއެއްގެ ނިޔަލަށް މީރާއަށް ހުށަހަޅަންވާނެއެވެ.

ތިންވަނަ ބާބު: ޒޯން ޑިވެލޮޕަރުންނާއި އިންވެސްޓަރުން ގޮތުގައި ހުއްދަދެވޭ ފަރާތްތަކާއި

ހުއްދަ ބާތިލުކުރެވޭ ފަރާތްތަކުގެ މައުލޫމާތު ހުށަހެޅުން 

10 ވަނަ މާއްދާ - ޑިވެލޮޕަރުންނާއި އިންވެސްޓަރުންގެ ގޮތުގައި ހުއްދަދެވޭ ފަރާތްތަކާއި ހުއްދަ ބާތިލުކުރެވޭ ފަރާތްތަކުގެ މައުލޫމާތު

ގާނޫނުގެ 28 ވަނަ މާއްދާގެ ދަށުން ބޯޑް އޮފް އިންވެސްޓްމަންޓްސް އިން ކޮންމެ ޒޯނަކަށް ކަނޑައަޅާ ޒޯން ސުޕްރިންޓެންޑެންޓް، އެ ޒޯނުގައި ހަރަކާތްތެރިވުމަށް ހުއްދަ ދީފައިވާ ޑިވެލޮޕަރުންނާއި އިންވެސްޓަރުންގެ މައުލޫމާތާއި ހުއްދަ ބާތިލުކޮށްފައިވާ ފަރާތްތަކުގެ މައުލޫމާތު، ކޮންމެ ކަލަންޑަރު ކުއާޓަރަކު ވެސް، އެ ކުއާޓަރެއް ނިމުމުން ފެށޭ މަހުގެ 15 ވަނަ ދުވަހުގެ ނިޔަލަށް މީރާއަށް ފޮނުވަންވާނެއެވެ.

ހަތަރު ވަނަ ބާބު: އާންމު މާއްދާތައް

11 ވަނަ މާއްދާ - ސިއްރު ހިފެހެއްޓުން

(ހ) ގާނޫނުގެ ބޭނުމަށް މި ގަވާއިދުގެ ދަށުން ޒޯނެއްގައި ހަރަކާތްތެރިވާ ފަރާތަކުން މީރާއަށް ހުށަހަޅާ އެންމެހައި މައުލޫމާތަކ ސިއްރު މައުލޫމާތެވެ. އަދި މީރާއިން އެފަދަ މައުލޫމާތު އެއްވެސް ފަރާތަކަށް ހާމަކޮށްގެން ނުވާނެއެވެ.

(ށ) މި މާއްދާގެ (ހ) ގައި އެހެން ބަޔާންކޮށްފައި އޮތް ނަމަވެސް، ސްޕެށަލް އިކޮނޮމިކް ޒޯނުތަކުގައި ހިންގޭ އިގްތިސާދީ ހަރަކާތްތަކުގެ ކުޑަބޮޑުމިން ދެނެގަތުމަށާއި، ގާނޫނުގެ ދަށުން ޒޯން ޑިވެލޮޕަރުންނަށާއި އިންވެސްޓަރުންނަށް ދެވޭ އިނާޔަތްތަކުގެ "ޓެކްސް އެކްސްޕެންޑިޗަރ" ހިސާބުކުރުމުގެ ބޭނުމަށް، އެ މިންވަރަށް، އެފަދަ މައުލޫމާތު ދައުލަތުގެ މާލިއްޔަތުގެ ކަންކަން ބެލެހެއްޓުމުގެ މަސްއޫލިއްޔަތު ހަވާލުކޮށްފައިވާ ވުޒާރާއާ ހިއްސާކުރުމަކީ މި މާއްދާގެ (ހ) އާ ހިލާފުވުންކަމުގައެއް ނުބެލެވޭނެއެވެ.

(ނ) މި މާއްދާގެ (ށ) ގެ ދަށުން މީރާއިން ހާމަކުރާ ސިއްރު މައުލޫމާތުގެ ސިއްރުކަން އެ މައުލޫމާތު ލިބޭ ފަރާތުން ދަމަހައްޓަންވާނެއެވެ. އަދި މި މާއްދާގެ (ށ) ގެ ދަށުން އެ މައުލޫމާތު ލިބޭ ފަރާތުން އެ މައުލޫމާތު އެހެން އެއްވެސް ފަރާތަކަށް ހާމަކޮށްގެން ނުވާނެއެވެ. 

12 ވަނަ މާއްދާ - މާނަކުރުން

(ހ) މި ގަވާއިދުގައި ކަނޑައެޅިގެން އެހެން ގޮތަކަށް ބަޔާންކޮށްފައި ނުވާހައި ހިނދަކު، ތިރ ގައިވާ ނަންބަރުތަކުގައި ބަޔާންކޮށްފައިވާ އިބާރާތްތަކާއި ލަފުޒުތައް މާނަކުރާނީ އެ ނަންބަރުތަކުގައި ބަޔާންކޮށްފައިވާ ގޮތަށެވެ. 

1. "ކޮމިށަނަރ ޖެނެރަލް" ކަމަށް ބުނެފައި އެވަނީ، ގާނޫނު ނަންބަރު 2010-03 (ޓެކްސް ނެގުމާބެހޭ އިދާރީ ގާނޫނު) ގެ 8 ވަނަ މާއްދާގެ ދަށުން މީރާގެ ކޮމިށަނަރ ޖެނެރަލް އޮފް ޓެކްސޭށަންގެ މަގާމަށް އެ ގާނޫނުގައިވާ ގޮތުގެ މަތީން ރައީސުލްޖުމްހޫރިއްޔާ އައްޔަނުކުރާ މީހާއަށެވެ.
2. "މީރާ" ކަމަށް ބުނެފައި އެވަނީ، ގާނޫނު ނަންބަރު 2010-03 (ޓެކްސް ނެގުމާބެހޭ އިދާރީ ގާނޫނު) ގެ ދަށުން އުފައްދައިފައިވާ މޯލްޑިވްސް އިންލަންޑް ރެވެނިއު އޮތޯރިޓީއަށެވެ.
3. "ގާނޫނު" ކަމަށް ބުނެފައި އެވަނީ، ގާނޫނު ނަންބަރު 2014-24 (ސްޕެށަލް އިކޮނޮމިކް ޒޯނުގެ ގާނޫނު) އަށެވެ.

(ށ) މި ގަވާއިދުގެ ބޭނުމަށް، އިބާރާތްކުރުމުގައި، ގިނަ ނަމުގެ ތެރޭގައި އެކަހެރި ނަން އަދި އެކަހެރި ނަމުގެ ތެރޭގައި ގިނަ ނަން ހިމެނެއެވެ.

13 ވަނަ މާއްދާ - ގަވާއިދަށް އަމަލުކުރަން ފެށުން

މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވެ.

މައި ގާނޫނު

ސްޕެށަލް އިކޮނޮމިކް ޒޯނުގެ ގާނޫނު (ގާނޫނު ނަންބަރު 2014-24)