ކާބަންމޮނޮކްސައިޑާއި ފިލްޓަރޑް ސްމޯކް ބޭނުންކޮށްގެން މަހާއި މަހުގެ ބާވަތްތައް އުފައްދައި، އެ ތަކެތި އެކްސްޕޯޓްކުރުމަށް ލައިސަންސް ދިނުމާ ބެހޭ ގަވާއިދު
(ގަވާއިދު ނަންބަރު 2019-1047)
(މި ގަވާއިދަށް އަމަލުކުރަން ފެށީ 6 އޮގަސްޓް 2019 ގައި)
1 ވަނަ މާއްދާ - ތައާރަފާއި ނަން
(ހ) މި ގަވާއިދަކީ، ގާނޫނު ނަންބަރު 1987-05 (ދިވެހިރާއްޖޭގެ މަސްވެރިކަމުގެ ގާނޫނު) ގެ 3 ވަނަ މާއްދާގެ (ހ) ގެ ދަށުން ބާރުލިބިގެން، އެކުލަވައިލައިފައިވާ ގަވާއިދެކެވެ.
(ށ) މި ގަވާއިދަށް ކިޔާނީ، "ކާބަންމޮނޮކްސައިޑް އަދި ފިލްޓަރޑް ސްމޯކް ބޭނުންކޮށްގެން މަހާއި މަހުގެ ބާވަތްތައް އުފައްދައި، އެ ތަކެތި އެކްސްޕޯޓްކުރުމަށް ލައިސަންސް ދިނުމާ ބެހޭ ގަވާއިދު" އެވެ.
2 ވަނަ މާއްދާ - މަގްސަދު
މި ގަވާއިދުގެ މަގްސަދަކީ، ކާބަންމޮނޮކްސައިޑާއި ފިލްޓަރޑް ސްމޯކް ބޭނުންކޮށްގެން މަހާއި މަހުގެ ބާވަތްތައް އުފައްދައި، އެ ތަކެތި އެކްސްޕޯޓްކުރާ ހުރިހާ ތަންތަނާއި، އެ ތަކެތި އުފައްދާ ހުރިހާ މަރުހަލާއެއްގައި އެ އުފެއްދުންތައް ބަލައި ފާސްކޮށް ލައިސަންސް ދިނުމުގެ އުސޫލުތައް ކަނޑައެޅުމެވެ.
3 ވަނަ މާއްދާ - ދާއިރާ
މި ގަވާއިދު ހިނގާނީ، ކާބަންމޮނޮކްސައިޑާއި ފިލްޓަރޑް ސްމޯކް ބޭނުންކޮށްގެން މަހާއި މަހުގެ ބާވަތްތައް ދިވެހިރާއްޖޭގައި އުފައްދައި، އެ ތަކެތި އެކްސްޕޯޓްކުރުމުގެ އެންމެހައި މަރުހަލާތަކަށާއި، އެ މަސައްކަތްކުރާ ފަރާތްތަކަށާއި ތަންތަނަށެވެ.
4 ވަނަ މާއްދާ - ކާބަންމޮނޮކްސައިޑާއިފިލްޓަރޑް ސްމޯކް ބޭނުންކޮށްގެން މަހާއި މަހުގެ ބާވަތްތައް އުފައްދައި، އެ ތަކެތި އެކްސްޕޯޓްކުރާ ތަންތަނަށް ލައިސަންސް ދޫކުރުން
(ހ) އެއްވެސް ފަރާތަކުން ކާބަން މޮނޮކްސައިޑާއި ފިލްޓަރޑް ސްމޯކް ބޭނުންކޮށްގެން މަހާއި މަހުގެ ބާވަތްތައް ދިވެހިރާއްޖޭގައި އުފައްދައި، އެ ތަކެތި އެކްސްޕޯޓްކުރަންވާނީ، މި ގަވާއިދުގެ ދަށުން މިނިސްޓްރީން ދޫކުރާ ލައިސަންސް ހޯދުމަށްފަހުއެވެ.
(ށ) މި ގަވާއިދުގެ ދަށުން ކާބަން މޮނޮކްސައިޑާއި ފިލްޓަރޑް ސްމޯކް ބޭނުންކޮށްގެން މަހާއި މަހުގެ ބާވަތްތައް އުފައްދައި، އެ ތަކެތި އެކްސްޕޯޓްކުރުމަށް ލައިސަންސް ދީފައިވާ އެއްވެސް ފެސިލިޓީއެއްގައި އުފެއްދޭނީ ހަމައެކަނި ކާބަން މޮނޮކްސައިޑާއި ފިލްޓަރޑް ސްމޯކް ބޭނުންކޮށްގެން އުފައްދާ އުފެއްދުންތަކެވެ.
5 ވަނަ މާއްދާ - ލައިސަންސް ހޯދުމަށް ހުށަހަޅަންޖެހޭ ތަކެތި
(ހ) މި ގަވާއިދުގެ 4 ވަނަ މާއްދާގައި ބަޔާންކޮށްފައިވާ ލައިސަންސް ހޯދަން އެދެންވާނީ، "ކާބަންމޮނޮކްސައިޑާއި ފިލްޓަރޑް ސްމޯކް ބޭނުންކޮށްގެން މަހާއި މަހުގެ ބާވަތްތައް އުފައްދައި، އެ ތަކެތި އެކްސްޕޯޓްކުރުމަށް ލައިސަންސް ހޯދުމަށް އެދޭ ފޯމު" ންނެވެ. މި ފޯމް މިނިސްޓްރީގެ ވެބް ސައިޓުގައި ށާއިއުކުރަންވާނެއެވެ.
(ށ) މި ގަވާއިދުގެ ދަށުން އެހެންގޮތަކަށް ކަނޑަނާޅައިހައި ހިނދަކު، "ކާބަން މޮނޮކްސައިޑާއި ފިލްޓަރޑް ސްމޯކް ބޭނުންކޮށްގެން މަހާއި މަހުގެ ބާވަތްތައް އުފައްދައި، އެ ތަކެތި އެކްސްޕޯޓުކުރުމުގެ ލައިސަންސް
- ހޯދުމަށްޓަކައި އަންނަނިވި ތަކެތި މިނިސްޓްރީއަށް ހުށަހަޅަންވާނެއެވެ.
- ކާބަން މޮނޮކްސައިޑާއި ފިލްޓަރޑް ސްމޯކް ބޭނުންކޮށްގެން މަހާއި މަހުގެ ބާވަތްތައް ތައްޔާރުކޮށް އެ ތަކެތި އެކްސްޕޯޓުކުރުގެ ލައިސަންސަށް އެދި ފުރިހަމަކޮށްފައި އޮތް ފޯމެއް؛
- ލައިސަންސް ދޫކުރުމަށް މިނިސްޓްރީން ކަނޑައަޅާ ފީ،
- މި ގަވާއިދުގެ 8 ވަނަ މާއްދާގެ (ނ) ގައިވާ ގޮތުގެ މަތިން އެމް.އެފް.ޑީ.އޭ.އިން ބަލައި ފާސްކުރުމަށްފަހ،ު ހުއްދަ ދީފައިވާ ފަރާތްތަކަށާއި، ތަންތަނަށް ދޫކޮށްފައި އޮތް ހުއްދައިގެ ނުވަތަ ސެޓުފިކެޓުގެ ކޮޕީ.
(ނ) މި ގަވާއިދުގެ 4 ވަނަ މާއްދާގައި ބަޔާންކުރާ ލައިސަންސ،ް މިނިސްޓްރީން ދޫކުރަންވާނީ،މި ގަވާއިދުގެ 8 ވަނަ މާއްދާގައި ބަޔާންކުރާ ފީ، ލައިސަންސަށް އެދޭ ފަރާތުން މިނިސްޓްރީއަށް ދެއްކުމުންނެވެ. މި ފީއަކީ، ލައިސަންސް ބާތިލުކުރިކަމުގައިވެސް އަދި އެނޫން ހާލަތެއް މެދުވެރިވިކަމުގައިވިޔަސް އަނބުރަ އި ލިބޭނެ ފީއެއް ނޫނެވެ.
6 ވަނަ މާއްދާ - ލައިސަންސްގެ މުއްދަތު
މި ގަވާއިދުގެ ދަށުން ދޫކުރާ ލައިސަންސްގެ މުއްދަތަކީ، ލައިސަންސް ދޫކުރިކަމަށް ލައިސަންސްގައި ބަޔާންކޮށްފައި އޮތް ތާރީހުން ފެށިގެން މީލާދީ 12 (ބާރަ) މަސްދުވަހެވެ. މި 12 (ބާރަ) މަސްދުވަހުގެ ތެރޭގައި، މި ގަވާއިދުގެ 5 ވަނަ މާއްދާގެ (ށ) ގެ (3) ވަނަ ނަންބަރުގައި ބަޔާންކޮށްފައިވާ ހުއްދަ ނުވަތަ ސެޓުފިކެޓުގެ މުއްދަތު ހަމަވެއްޖެ ނަމަ، އެ ހުއްދަ ނުވަތަ ސެޓުފިކެޓުގެ މުއްދަތު އައުކުރެވެންދެން ލައިސެންސް ވަގުތީގޮތުން ސަސްޕެންޑްވާނެއެވެ.
7 ވަނަ މާއްދާ - ލައިސަންސް އައުކުރުން
މި ގަވާއިދުގެ ދަށުން ދޫކޮށްފައިވާ ލައިސަންސްގެ މުއްދަތު އައުކުރަން އެދޭ ނަމަ، ލައިސަންސްގެ މުއްދަތު ހަމަވުމުގެ 1 (އެކެއް) މަސްދުވަހުގެ ކުރިން އެކަން މިނިސްޓްރީއަށް ހުށަހަޅަންވާނެއެވެ. އަދި ލައިސަންސް އައުކޮށްދެވޭނީ، ކަނޑައެޅިފައިވާ އުސޫލާ އެއްގޮތަށް އުފައްދާ ތަކެއްޗާއި، އެ ތަކެތި އުފައްދާ ތަން އަލުން ބަލައި ފާސްކުރުމަށްފަހުގައެވެ.
8 ވަނަ މާއްދާ - ލައިސަންސް ލިބޭ ފަރާތުގެ ޒިންމާތައް
(ހ) ކާބަންމޮނޮކްސައިޑާއި ފިލްޓަރޑް ސްމޯކް ބޭނުންކޮށްގެން މަހާއި މަހުގެ ބާވަތްތައް އުފައްދާ ތަންތަނާއި އުފައްދާ ތަކެތި ހުންނަންވާނީ، ސަރުކާރުގެ ކަމާގުޅޭ އިދާރާއަކުން ގަބޫލުކުރާ އެޗ.ްއޭ.ސ.ީސ.ީޕީ.ގެ ނިޒާމާ އެއްގޮތަށެވެ. އަދި ކަމާ ގުޅޭ ހުރިހާ ލިޔެކިޔުމަކާއި ރިކޯޑުތައް ބަލަހައްޓައި، އެ ރެކޯޑުތައް ފަސޭހައިން ބެލޭނޭގޮތަށް ރައްކައުކޮށްފައި ހުންނަންވާނެއެވެ.
(ށ) މި މާއްދާގެ (ހ) ގައި ބަޔާންކޮށްފައިވާ ކަންތައްތަކުގެ އިތުރުން، ކާބަންމޮނޮކްސައިޑާއި ފިލްޓަރޑް ސްމޯކް ބޭނުންކޮށްގެން މަހާއި މަހުގެ ބާވަތްތައް އުފައްދާ ތަންތަނާއި، އުފައްދާ ތަކެތި ހުންނަންވާނީ، އަންނަނިވި މިންގަނޑުތަކުގައި ބަޔާންކޮށްފައިވާ ގޮތަށެވެ.
- ބަންދުކުރި ކާބޯތަކެތި ލޭބަލްކުރުމުގެ ގައުމީ މިންގަނޑު ނަންބަރު:
MFDA-FCD STAN 4-2014 (Rev.1-2016) - ކާބޯތަކެތީގެ ހިދުމަތްދޭ ތަންތަނާ ބެހޭ އާންމު ގަވާއިދު ނަންބަރު:
(2007/182/FS1) - ޖެނެރަލް ޕްރިންސިޕަލް އޮފް ފުޑް ހައިޖީން )ނަންބަރު:
(MFDA-FCD GP 1-2018) - ކާބަންމޮނޮކްސައިޑް ބޭނުންކޮށްގެން މަހާއި މަހުގެ ބާވަތްތައް އުފެއްދުމުގެ ގައުމީ މިންގަނޑު ނަންބަރު:
(MFDA-FCD STAN 03-2017 (rEV. 1-2018
(ނ) މި ގަވާއިދުގެ ދަށުން ލައިސަންސް ދޫކުރެވޭނީ، މި މާއްދާގެ (ހ) އާއި (ށ) ގައި ބަޔާންކޮށްފައިވާ ކަންކަން ފުރިހަމަކޮށްފައިވޭތޯ އެމް.އެފް.ޑީ.އޭ.އިން ނުވަތަ ސަރުކާރުގެ ކަމާގުޅޭ އިދާރާއަކުން ބަލައި ފާސްކުރުމަށްފަހ،ު ހުއްދަ ދޫކޮށްފައިވާ ފަރާތްތަކަށާއި ތަންތަނަށެވެ.
(ރ) ކާބަންމޮނޮކްސައިޑާއި ފިލްޓަރޑް ސްމޯކް ބޭނުންކޮށްގެން މަހާއި މަހުގެ ބާވަތްތައް އުފައްދާ ތަނެއް ގާއިމުކޮށްފައިވާ ތަން ތަނަށާއި އެ ތަންތަނުގައި އުފައްދާ އުފެއްދުންތަކަށް ލައިސަންސް ދޫކުރުމަށްޓަކައި ނުވަތަ އެމް.އެފް.ޑީ.އޭއިން ދޫކުރާ ހުއްދަ ދޫކުރުމަށްޓަކައި، ބަލައި ފާސްކުރުމަށް ކުރަންޖެހޭ ދަތުރުގެ އެންމެހައި އިންތިޒާމުތަކާއި ދަތުރު ހަރަދ،ު ލައިސަންސަށް އެދޭ ފަރާތުން ހަމަޖައްސަންވާނެއެވެ.
(ބ) މި ގަވާއިދުގެ ދަށުން ލައިސަންސް ލިބިފައިވާ ކޮންމެ ފަރާތަކުންވެސ،ް ލައިސަންސް ދީފައިވާމުއްދަތުގެ ތެރޭގައި އަންނަނިވި ކަންކަން ފުރިހަމައަށް ކުރަންވާނެއެވެ.
- ލައިސަންސްގައި ބަޔާންކޮށްފައިވާ ށަރުތުތަކާ އެއްގޮތަށް އަމަލުކުރުން؛
- މި މާއްދާގެ (ހ) އާއި (ށ) ގައި ބަޔާންކޮށްފައިވާ މިންގަނޑުގައިވާ ގޮތަށް ކާބަންމޮނޮކްސައިޑް ބޭނުންކޮށްގެން މަހާއި މަހުގެ ބާވަތްތައް އުފެއްދުން؛
- މި ގަވާއިދާ އެއްގޮތަށް އަމަލުކުރުން؛
- ލައިސަންސް ފީ ދެއްކުން؛
- މިނިސްޓްރީން ނުވަތަ މޯލްޑިވްސް ފުޑް އެންޑް ޑްރަގް އޮތޯރިޓީން ނުވަތަ ސަރުކާރުގެ ކަމާގުޅޭ އިދާރާއަކުން ލައިސަންސް ބަލަން އެދިއްޖެ ނަމަ، ވަގުތުން ލައިސަންސްބެލޭނެފަދަ ގޮތަކަށް ފަސޭހައިން ފެންނާނެހެން ލައިސަންސް ދީފައިވާ ތަނުގައި ބަހައްޓައިފައި ހުރުން؛
- ލައިސަންސް ލިބިފައިވާ ތަނާއި ތަނުގެ އުފެއްދުން ބަލައި ފާސްކުރުމަށް ދާ ފަރާތްތަކަށްތަނުގެ ވެރިންނާއި މުވައްޒަފުން ފުރިހަމައަށް އެއްބާރުލުން ދިނުން.
(ޅ) މި ގަވާއިދުގެ ދަށުން ލައިސަންސް ލިބިފައިވާ ކޮންމެ ފަރާތަކުންވެސ،ް ކާބަންމޮނޮކްސައިޑް ނުވަތަ ފިލްޓަރޑް ސްމޯކް ބޭނުންކޮށްގެން ތައްޔާރުކުރާ މަހާއި މަހުގެ ބާވަތްތައް އެކްސްޕޯޓް ކުރަންވާނީ، އެ ބާވަތްތައް އިމްޕޯޓްކުރުމުގެ ހުއްދަ އޮންނަ ގައުމުތަކަށެވެ.
9 ވަނަ މާއްދާ - ލައިސަންސް ފީ
ކާބަންމޮނޮކްސައިޑާއި ފިލްޓަރޑް ސްމޯކް ބޭނުންކޮށްގެން މަހާއި މަހުގެ ބާވަތްތައް އުފައްދައި،އެކްސްޕޯޓްކުރާ ތަނަކުން އަހަރީ ލައިސަންސް ފީ މިނިސްޓްރީއަށް ދައްކަންވާނީ، އެ ތަނެއްގައި ތައްޔާރުކުރާ މަހުގެ އުފެއްދުންތަކަށް ތަނުގައި އުފެއްދޭ ޖުމުލަ ޑެއިލީ ޕްރޮސެސިންގ ކެޕޭސިޓީގެ ކޮންމެ މެޓްރިކް ޓަނަކަށް އަހަރަކަށް 10,000 (ދިހަ ހާސް ރުފިޔާ) ގެ ރޭޓުން ޖެހޭ ފައިސާގެ މިންވަރެވެ.
10 ވަނަ މާއްދާ - ބަލައި ފާސްކުރުން
މި ގަވާއިދުގެ ދަށުން ލައިސަންސް ލިބިފައިވާ ތަނާއި ތަނުގެ އުފެއްދުންތައް، ކުރިން އެންގުމަކާނުލައި ބަލައި ފާސްކުރުމުގެ ބާރު މިނިސްޓްރީއަށް ނުވަތަ އެމް.އެފް.ޑީ.އޭ. އަށް ނުވަތަ ސަރުކާރުގެ ކަމާގުޅޭ އިދާރާއަކަށް ލިބިގެންވެއެވެ.
11 ވަނަ މާއްދާ - ޕްރޮޑަކްޓް ޓްރޭސެބިލިޓީ ނިޒާމާއި، ރިކޯލް ކުރުން
(ހ) މަސްބޭނީއްސުރެ މަހުން އުފެއްދުންތައް އުފެއްދުމުގެ ހުރިހާ މަރުހަލާއެއް ނިމެންދެން ނުވަތަމަހާއި މަހުގެ ބާވަތް ތައް، ގަންނަ ފަރާތާ ހަމައަށް ފޯރުކޮށްދެވެންދެން ޓްރޭސްކުރެވޭނެ ނިޒާމެއް،މި ގަވާއިދުގެ ދަށުން ލައިސަންސް ލިބިފައިވާ ފަރާތުން ގާއިމުކޮށްފައި ހުންނަންވާނެއެވެ.
(ށ) އެއްވެސް ސަބަބަކާހުރެ މަހާއި މަހުގެ ބާވަތްތައް ނެއްތައިލަން ނުވަތަ ރިކޯލްކުރަންޖެހޭ ހާލަތެއް މެދުވެރިވެއްޖެ ނަމަ، ނެއްތައިލަން ނުވަތަ ރިކޯލްކުރަން އެންގުމުގެ ބާރު އެމް.އެފް.ޑީ.އޭއަށް ލިބިގެންވެއެވެ. މިގޮތަށް އެންގުމަށްފަހ،ު އެ މައުލޫމާތ،ު އެމް.އެފް.ޑީ.އޭ އިން މިނިސްޓްރީއަށް ފޮނުވަންވާނެއެވެ.
(ނ) އެއްވެސް ސަބަބަކާހުރެ މަހާއި މަހުގެ ބާވަތްތައް ނެއްތައިލަން ނުވަތަ ރިކޯލް ކުރަންޖެހިއްޖެ ހާލަތެއް މެދުވެރިވެއްޖެ ނަމަ، އެފަދަ ހާލަތެއް މެދުވެރިވި މަހާއި މަހުގެ ބާވަތްތައް ނެއްތައިލާނީ ނުވަތަ ރިކޯލްކުރަންވާނީ، އެ ތަކެތި އެކްސްޕޯޓްކުރި ފަރާތުން ނުވަތަ އުފެއްދި ފަރާތުން،އެމްއެފްޑީއޭ އާއި މިނިސްޓްރީގެ ފަރާތުން އެކަމާ ގުޅޭ ގޮތުން އަންގާ ގޮތެއްގެ މަތިންނެވ.
12 ވަނަ މާއްދާ - ލޭބަލްކުރުން
(ހ) ކާބަން މޮނޮކްސައިޑް ބޭނުންކޮށްގެން އުފައްދައިފައިވާ މަހާއި މަހުގެ ބާވަތްތަކުގެ ލޭބަލުގައި އެކަން އެނގޭނޭހެން ނުފޮހެވޭގޮތަށް އިނގިރޭސި ބަހުން"
"This product is Carbon Monoxide treated"
މިގޮތަށް ލިޔެފައި އޮންނަންވާނެއެވެ. އަދި ލޭބަލް ހުންނަންވާނީ އެމް.އެފް.ޑީ.އޭ އިން ކަނޑައަޅައިފައިވާ "ބަންދުކުރި ކާބޯތަކެތި ލޭބަލްކުރުމުގެ ގައުމީ މިންގަނޑު" ގައިވާ ގޮތަށެވެ.
(ށ) ފިލްޓަރޑް ސްމޯކް ބޭނުންކޮށްގެން އުފައްދައިފައިވާ މަހާއި މަހުގެ ބާވަތްތަކުގެ ލޭބަލުގައި އެކަން އެނގޭނޭހެން ނުފޮހެވޭގޮތަށް އިނގިރޭސި ބަހުން،
"This product is filtered smoke treated"
މިގޮތަށް ލިޔެފައި އޮންނަންވާނެއެވެ. އަދި ލޭބަލް ހުންނަންވާނީ އެމް.އެފް.ޑީ.އޭ އިން ކަނޑައަޅައިފައިވާ "ބަންދުކުރި ކާބޯތަކެތި ލޭބަލްކުރުމުގެ ގައުމީ މިންގަނޑު" ގައިވާ ގޮތަށެވެ.
13 ވަނަ މާއްދާ - މައުލޫމާތު އެއްކުރުމާއި ، މައުލޫމާތު ބެލެހެއްޓުމާއި، މައުލޫމާތު ފޯރުކޮށް ދިނުން
(ހ) މި ގަވާއިދުގެ ދަށުން ލައިސަންސް ލިބިގެން، ކާބަން މޮނޮކްސައިޑާއި ފިލްޓަރޑް ސްމޯކް ބޭނުންކޮށްގެން އުފައްދާ މަހާއި މަހުގެ އުފެއްދުންތަކާބެހޭ މައުލޫމާތ،ު ލައިސަންސް ލިބިފައިވާ ފަރާތުން، މިނިސްޓްރީން ކަނޑައަޅާ މިންގަނޑަކަށް އެއްކޮށް ބަލަހައްޓަންވާނެއެވެ. އަދި މި މައުލޫމާތު މިނިސްޓްރީން ކަނޑައަޅާ ގޮތެއްގެ މަތިން މިނިސްޓްރީއަށް ހުށަހަޅަންވާނެއެވެ.
(ށ) މި މާއްދާގެ (ހ) ގައި ބަޔާންކޮށްފައިވާ މައުލޫމާތ،ު މަދުވެގެން 5 )ފަހެއް( އަހަރުދުވަހުގެ މުއްދަތަށް ރައްކައުތެރިކަމާއެކު ބަލަހައްޓަންވާނެއެވެ. އަދި މައްސަލައެއް ޖެހިއްޖެ ނަމަ، އެކަމާ ގުޅޭ ލިޔެކިޔުންތައް، މައްސަލަ ވަކިގޮތަކަށް ނިމެންދެން ބަލަހައްޓަންވާނެއެވެ.
(ނ) މި މާއްދާގެ (ހ) ގެ ދަށުން އެއްކޮށް ބަލަހައްޓާ ނުވަތަ ފޯރުކޮށްދޭ މައުލޫމާތަކީ ތެދ،ު ފުރިހަމަ މައުލޫމާތުކަމަށް ވާންވާނެއެވެ.
(ރ) ކާބަން މޮނޮކްސައިޑާއި ފިލްޓަރޑް ސްމޯކް ބޭނުންކޮށްގެން އުފައްދާ މަހާއި މަހުގެ އުފެއްދުންތަކުގެ މައުލޫމާތ،ު ދައުލަތުގެ ކަމާބެހޭ އިދާރާތަކުން ބޭނުންވެއްޖެ ހިނދެއްގައި، މި ގަވާއިދުގެ ދަށުންލައިސަންސް ލިބިފައިވާ ފަރާތަކުން ފޯރުކޮށްދޭންވާނެއެވެ.
(ބ) މި ގަވާއިދުގެ ދަށުން މިނިސްޓްރީން ދޫކުރާ ލައިސަންސްތަކާބެހޭ މައުލޫމާތު ހިމެނ،ޭލައިސަންސާބެހޭ ގައުމީ ރަޖިސްޓަރީއެއް މިނިސްޓްރީން އެކުލަވައިލައި، އެ ރަޖިސްޓަރީ ބަލަހައްޓަންވާނެއެވެ. މި ރަޖިސްޓަރީގައި، ތިރީގައިވާ މައުލޫމާތ،ު މިނިސްޓްރީން ކަނޑައަޅާ ގޮތަކަށް ނުވަތަ ބޭނުންވާ ގޮތަކަށް ހިމަނަންވާނެއެވެ.
- މި ގަވާއިދުގެ ދަށުން ލައިސަންސް ހޯދަން އެދުނު ފަރާތްތައް،
- ލައިސަންސް ދެވުނު ފަރާތާބެހޭ މައުލޫމާތ،ު
- މި ގަވާއިދުގެ ދަށުން ދޫކުރެވޭ ލައިސަންސާއި، އައުކޮށްދެވޭ ލައިސަންސާއި، ހިފެހެއްޓޭ ލައިސަންސާއި، ބާތިލުކުރެވޭ ލައިސަންސާބެހޭ މައުލޫމާތު.
14 ވަނަ މާއްދާ - ގަވާއިދާ ހިލާފުވުން
މި މާއްދާގައި ބަޔާންކުރާ ގޮތުގެމަތިން އަމަލުކުރާ ފަރާތްތައް މި ގަވާއިދާ ހިލާފުވެއްޖެ ކަމަށް ކަނޑައަޅައި،
15 ވަނަ މާއްދާ - މި ގަވާއިދުގެ
ވަނަ މާއްދާގެ ދަށުން އިދާރީ ފިޔަވަޅު އެޅުމުގެ އިހްތިޔާރު މިނިސްޓްރީއަށް ލިބިގެންވެއެވެ.
(ހ) މި ގަވާއިދުގައި ވަކި ކަމެއް ކުރުމަށް ނުވަތަ ވަކި ކަމެއް ނުކުރުމަށް ކަނޑައަޅައިފައިވާ އެއްވެސް ކަމެއް، ކަނޑައަޅައިފައިވާ ގޮތްނޫން އެހެން ގޮތަކަށް ނުވަތަ އެ ގޮތާ ހިލާފު ގޮތަކަށް ކުރުން.
(ށ) މި ގަވާއިދުގެ ދަށުން މަނާކަމެއްކަމަށް ބަޔާންކޮށްފައިވާ ކަމެއް ކުރުން.
(ނ) ކާބަންމޮނޮކްސައިޑް ނުވަތަ ފިލްޓަރޑް ސްމޯކް ޓްރީޓްކޮށްގެން އުފައްދާ މަހާއި މަހުގެ ބާވަތްތައްއިމްޕޯޓްކުރުން މަނާ ގައުމަކަށް ކާބަންމޮނޮކްސައިޑް ނުވަތަ ފިލްޓަރޑް ސްމޯކް ބޭނުންކޮށްގެން އުފައްދާ މަހާއި މަހުގެ ބާވަތްތައް އެކްސްޕޯޓް ކުރުން.
(ރ) "އެކްސްޕޯޓްކުރާ ފަރާތަކަށް ވިއްކުމަށް މަސްވެރިކަންކުރުމަށާއި އެކްސްޕޯޓްކުރުމަށް މަހާއި މަހުގެ އުފެއްދުންތައް ތައްޔާރުކުރުމަށާއި އެކުއަކަލްޗަރކުރުމަށް ލައިސަންސް ދިނުމާބެހޭ ގަވާއިދު"ގެ 5 ވަނަ މާއްދާގެ ދަށުން ޕްރޮސެސިންގ ލައިސަންސް ނަގައިފައިވާ ތަނެއްގައި ކާބަންމޮނޮކްސައިޑް ޓްރީޓްކުރުން.
(ބ) މި ގަވާއިދުގެ ދަށުން ލައިސަންސް ލިބިފައިނުވާ ފަރާތަކުން ކާބަންމޮނޮކްސައިޑް ނުވަތަ ފިލްޓަރޑް ސްމޯކް ބޭނުންކޮށްގެން ދިވެހިރާއްޖޭގައި މަހާއި މަހުގެ ބާވަތްތައް އުފެއްދުން ނުވަތަ އެކްސްޕޯޓްކުރުން.
(ޅ) މި ގަވާއިދުގެ ދަށުން ލައިސަންސް ލިބިފައިނުވާ ފަރާތަކުން ކާބަންމޮނޮކްސައިޑް ބޭނުންކޮށްގެން ދިވެހިރާއްޖޭގައި މަހާއި މަހުގެ ބާވަތްތައް އުފެއްދުން ނުވަތަ އެކްސްޕޯޓްކުރުނ.
(ކ) ލައިސަންސް ހޯދުމަށް ޓަކައި، ސައްހަނޫން މައުލޫމާތު ނުވަތަ ދޮގު މައުލޫމާތު ނުވަތަ ފުރިހަމަނުވާމައުލޫމާތު ހުށަހެޅުން.
(އ) މި ގަވާއިދުގެ ދަށުން ދޫކޮށްފައިވާ ލައިސަންސްގެ ށަރުތުތަކާ ހިލާފުވުން ނުވަތަ ލައިސަންސްގެ ށަރުތުތަކާ އެއްގޮތަށް އަމަލު ނުކުރުން ނުވަތަ ލައިސަންސްގެ ށަރުތުތަކާ އެއްގޮތަށް އަމަލުކުރުމުގެ ފުރުސަތު ލިބިފައި އޮތް ހާލަތެއްގައި ށަރުތުތަކާ އެއްގޮތަށް އަމަލުނުކުރުމާއި، ށަރުތުތަކާ އެއްގޮތަށް ކަންކަން އިސްލާހުނުކުރުން.
(ވ) މި ގަވާއިދުގެ 13 ވަނަ މާއްދާގެ ދަށުން މިނިސްޓްރީއަށް ދޭންޖެހޭ މައުލޫމާތު ނުދިނުން ނުވަތަ ދިނުމަށް އިންކާރުކުރުން.
(މ) މި ގަވާއިދުގެ 8 ވަނަ މާއްދާގައި ބަޔާންކުރާ މިންގަނޑުތަކުގައިވާ ގޮތާ ހިލާފަށް ކާބަންމޮނޮކްސައިޑް ނުވަތަ ފިލްޓަރޑް ސްމޯކް ބޭނުންކޮށްގެން މަހާއި މަހުގެ ބާވަތްތައް އުފެއްދުން.
(ފ) މި ގަވާއިދާއި ހިލާފަށް ކަމެއް ކުރަން އުޅުމާއި، އެފަދަ ކަމަކަށް އެހީތެރިވުމާއި، މި ގަވާއިދާ ހިލާފަށް އެކްސްޕޯޓްކުރުން.
(ދ) މި ގަވާއިދުގެ ދަށުން ލައިސަންސް ލިބިފައިވާ ފަރާތަކުން އެހެން ފަރާތަކަށް ކާބަންމޮނޮކްސައިޑް ނުވަތަ ފިލްޓަރޑް ސްމޯކް ބޭނުންކޮށްގެން އުފައްދާ މަހާއި މަހުގެ ބާވަތްތައް ބަންދުކޮށްދިނުން.
(ތ) ކާބަންމޮނޮކްސައިޑް ނުވަތަ ފިލްޓަރޑް ސްމޯކް ބޭނުންކޮށްގެން މަހާއި މަހުގެ އުފެއްދުންތައް ހުއްދަ ދީފައިވާ ތަން ނޫން އެހެން ތަނެއްގައި މަހާއި މަހުގެ އުފެއްދުންތައް ބަންދުކުރުން.
15 ވަނަ މާއްދާ - އިދާރީ ފިޔަވަޅު އެޅުން
(ހ) މި ގަވާއިދާ ހިލާފުވާ ފަރާތަކާމެދު އިދާރީގޮތުން އަޅާ ފިޔަވަޅެއްގެގޮތުގައި، އަންނަނިވި ގޮތްތަކުގެ ތެރެއިން ގޮތަކަށް ނުވަތަ އަންނަނިވި ގޮތްތަކުގެ ތެރެއިން ގޮތްތަކަކަށް އަމަލުކުރުމުގެ އިހްތިޔާރު މިނިސްޓްރީއަށް ލިބިގެންވެއެވެ.
- މި ގަވާއިދާ ހިލާފު ކަމެއް ކޮށްފިނަމަ، 2000 (ދެހާސް ރުފިޔާ) އަށް ވުރެ ބޮޑު އަދަދަކުން ޖޫރިމަނާކުރުން.
- މި ގަވާއިދާ ހިލާފުވާ ފަރާތަށް މި ގަވާއިދުގެ ދަށުން ދޫކޮށްފައިވާ ލައިސަންސް ހިފެހެއްޓުން.
- މި ގަވާއިދާ ހިލާފުވާ ފަރާތަށް މި ގަވާއިދުގެ ދަށުން ދޫކޮށްފައިވާ ލައިސަންސް ބާތިލުކުރުން.
- މި މާއްދާގެ (ހ) ގެ (1) ވަނަ ނަންބަރާއި، (2) ވަނަ ނަންބަރު ގައިވާ ގޮތަށް ނުވަތަ (1) ވަނަ ނަންބަރާއި (3) ވަނަ ނަންބަރުގައިވާ ގޮތަށް އަމަލުކުރުން.
(ށ) މި މާއްދާގެ ދަށުން ޖޫރިމަނާކުރުމުގައި މި މާއްދާގެ (ހ) ގެ (1) ވަނަ ނަންބަރުގައި ބަޔާންކުރާއެކްސްޕޯޓްކުރާ މުދަލުގެ އަގު ކަނޑައަޅާނީ މިނިސްޓްރީންނެވެ.
(ނ) މި ގަވާއިދާ ހިލާފުވުމުން، މި ގަވާއިދުގެ ދަށުން އިދާރީގޮތުން އަޅާ ފިޔަވަޅެއް އެޅުމަކީ ނުވަތަ ޖޫރިމަނާކުރުމަކީ، މަސްވެރިކަމުގެ ގާނޫނާއި އެ ގާނޫނުގެ ދަށުން ހަ ދައިފައިވާ ގަވާއިދެއްގެ ދަށުން ނުވަތަ އެހެން ގާނޫނެއްގެ ދަށުން ނުވަތަ ގަވާއިދެއްގެ ދަށުން އެފަރާތަކުން ކޮށްފައިވާ އަމަލާމެދު ދިވެހިރާއްޖޭގެ ށަރުއީ ކޯޓެއްގައި ދައުވާކުރުމަށް ހުރަސްއެޅޭ ކަމެއް ނޫނެވެ.
(ރ) މި ގަވާއިދުގެ ދަށުން އިދާރީ ފިޔަވަޅު އެޅުމުގައި މި ގަވާއިދުގެ ދަށުން ލައިސަންސް ލިބިގެން މަހުގެ ބާވަތް އުފައްދާ ފަރާތާއި އެ އުފެއްދުމެއް އެކްސްޕޯޓްކުރި ފަރާތަކީ ނުވަތަ ށަހުސަކީ ދެފަރާތެއްކަމުގައި ވީނަމަވެސ،ް އެ ދެ ފަރާތާ މެދު ނުވަތަ އެ ކަމަކަށް ޒިންމާވާ ފަރާތަކާ މެދު މި ގަވާއިދުގައިވާ ގޮތުގެ މަތިން އިދާރީ ފިޔަވަޅު އެޅުމުގެ އިހްތިޔާރު މިނިސްޓްރީއަށް ލިބިގެންވެއެވެ.
16 ވަނަ މާއްދާ - ގަވާއިދަށް އަމަލުކުރަން
(ހ) މި ގަވާއިދަށް އަމަލުކުރަން ފަށާނީ، ދިވެހިސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވެ.
(ށ) މި ގަވާއިދަށް އަމަލުކުރަން ފެށުމާއެކު، ގަވާއިދު ނަންބަރު 2017-87 "ކާބަންމޮނޮކްސައިޑް ބޭނުންކޮށްގެން މަހާއި މަހުގެ ބާވަތްތައް އުފައްދައި، އެ ތަކެތި އެކްސްޕޯޓްކުރުމަށް ލައިސަންސްދިނުމާބެހޭ ގަވާއިދު" އުވުނީއެވެ.
(ނ) މި މާއްދާގެ (ށ) ގައި އެހެން ބަޔާންކޮށްފައި އޮތް ނަމަވެސ،ް އެ ގަވާއިދުގެ ދަށުން ލައިސަންސް ދީފައިވާ ފަރާތްތަކުގެ ލައިސަންސ،ް އެ ލައިސެންސްގެ މުއްދަތަށް ދެމިއޮންނާނެއެވ.
17 ވަނަ މާއްދާ - މާނަ
މި ގަވާއިދުގައި ކަނޑައެޅިގެން އެހެން ގޮތަކަށް ބަޔާންކޮށްފައި ނުވާހައި ހިނދަކު، މި ގަވާއިދުގެ ބޭނުމަށްޓަކައި އަންނަނިވި ލަފުޒު ނުވަތަ އިބާރާތުގެ މާނައަކ:ީ
"މިނިސްޓްރީ" ކަމަށް ބުނެފައި އެވަނީ، މަސްވެރިކަމާބެހޭ އެންމެހައި ކަންކަމުގެ ޒިންމާ ހަވާލުވެފައިވާ ވުޒާރާއަށެވެ.
"އެމް.އެފް.ޑީ.އޭ" ކަމަށް ބުނެފައި އެވަނީ، މޯލްޑިވްސް ފުޑް އެންޑް ޑްރަގް އޮތޯރިޓީއަށެވެ.
"ކާބަންމޮނޮކްސައިޑް ބޭނުންކޮށްގެން މަހާއި މަހުގެ ބާވަތްތައް އުފެއްދުން" ކަމަށް ބުނެފައި އެވަނީ، ތާޒާމަހާއި މަހުގެ ބާވަތްތަކުގައި ހުންނަ ކުލަ "ކާބަންމޮނޮކްސައިޑް" ނުވަތަ "ފިލްޓަރޑް ސްމޯކް" ބޭނުންކޮށްގެން ބަދަލުކޮށް އެ ކުލަ ދިގު މުއްދަތަކަށް ދެމެހެއްޓުމަށެވެ.
"މޮޑިފައިޑް އެޓްމޮސްފިއަރ ޕެކޭޖިންގ" ކަމަށް ބުނެފައި އެވަނީ، ވައިގައި ގުދުރަތީގޮތުން އެކުލެވިގެންވާ ގޭހުގެ މިންވަރަށް ބަދަލުގެނައުމާއެކު، ކާބަންމޮނޮކްސައިޑް އަޅައިގެން ތާޒާ މަސް ބަންދުކުރާ ބަންދުކުރުމަށެވެ.
"ލައިސަންސް" ކަމަށް ބުނެފައި އެވަނީ، މި ގަވާއިދު ގެ 5 ވަނަ މާއްދާގެ ދަށުން ދޫކުރެވޭ "ކާބަންމޮނޮކްސައިޑް ބޭނުންކޮށްގެން މަހާއި މަހުގެ ބާވަތްތައް ތައްޔާ ރުކޮށް އެ ތަކެތި އެކްސްޕޯޓްކުރުމަށްޓަކައި ކާބަންމޮނޮކްސައިޑް ބޭނުންކޮށްގެން މަހާއި މަހުގެ ބާވަތް އުފައްދާ ތަންތަނުގެ ލައިސަންސް" އަށެވެ.
"ގަތް ފަރާތް / ގަންނަ ފަރާތް" ކަމަށް ބުނެފައި އެވަނީ، ކާބަންމޮނޮކްސައިޑް ބޭނުންކޮށްގެން އުފައްދައިފައިވާ މަހާއި މަހުގެ ބާވަތްތައް ގަންނަ ފަރާތަށެވެ.
"ރީކޯލް ކުރުން" ކަމަށް ބުނެފައި އެވަނީ، ކާބަންމޮނޮކްސައިޑް ބޭނުންކޮށްގެން އުފައްދައިފައިވާ މަހާއި މަހުގެ ބާވަތްތައް އެކްސްޕޯޓްކުރި ފަރާތަށް އެކްސްޕޯޓްކުރި ތަކެތި އަނބުރާ ގެނައުމަށެވެ.
"ރީޕްރޮސެސް ކުރުން" ކަމަށް ބުނެފައި އެވަނީ، ކާބަންމޮނޮކްސައިޑް ބޭނުންކޮށްގެން އުފައްދައިފައިވާ މަހާއި މަހުގެ ބާވަތްތަކުން އިތުރު ބާވަތެއް އުފެއްދުމަށެވެ.
"ޕްރޮސެސިންގ ލައިސަންސް" ކަމަށް ބުނެފައި އެވަނީ، ގަވާއިދުތަކުގެ ދަށުން މަހާއި މަހުގެ އުފެއްދުންތައް އުފައްދާ ތަންތަނުން ނަގަންޖެހޭ ލައިސަންސަށެވެ.
"އެޗް.އޭ.ސީ.ސީ.ޕީ." ކަމަށް ބުނެފައި އެވަނީ، ހެޒަރޑް އެނޭލިސިސިސް ކްރިޓިކަލް ކޮންޓްރޯލް ޕޮއިންޓްސް ނުވަތަ ކާބޯތަކެތި ތައްޔާރުކުރުމުގެ ރައްކައުތެރިކަން ކަށަވަރުކޮށްދޭ ނިޒާމަށެވެ.
މައި ގާނޫނު
މަސްވެރިކަމުގެ ގާނޫނު (ގާނޫނު ނަންބަރު 1987-05)
ކިޔުންތެރިންގެ ހިޔާލު