(1ވަނަ، 2ވަނަ އިސްލާހު ކޮންސޮލިޑޭޓް ކުރެވިފައި)

1 ވަނަ މާއްދާ - ތައާރުފު 

މިއީ ގާނޫނު ނަންބަރު 2013-14 (ދިވެހި ރާއްޖޭގެ ޖަލުތަކާއި ޕެރޯލްގެ ގާނޫނު) ގެ 37 ވަނަ މާއްދާގެ (ހ) ގެ ދަށުން ބާރުލިބިގެން އެކުލަވައިލެވިފައިވާ މުވައްޒަފުންނަށް މަގާމުގެ ކުރިއެރުން ދިނުމާއި ށަރަފުގެ ނިށާން ދިނުމާބެހޭ ގަވާއިދެވެ.

 

2 ވަނަ މާއްދާ - ގަވާއިދުގެ ނަން

މި ގަވާއިދަށް ކިޔާނީ، "މުވައްޒަފުންނަށް މަގާމުގެ ކުރިއެރުން ދިނުމާއި ށަރަފުގެ ނިށާން ދިނުމާބެހޭ ގަވާއިދު" އެވެ.

 

3 ވަނަ މާއްދާ - މަގުސަދު

މި ގަވާއިދުގެ މަގުސަދަކީ، މޯލްޑިވްސް ކަރެކްށަނަލް ސަރވިސްގައި މަސައްކަތްކުރާ އެންމެހައި މުވައްޒަފުންނަށް މަގާމުގެ ކުރިއެރުން ދިނުމާއި ށަރަފުގެ ނިށާން ދިނުމުގައި އަމަލު ކުރާނެ އުސޫލުތައް ކަނޑައެޅުމެވެ.

 

4 ވަނަ މާއްދާ - ގަވާއިދު ހިންގާ ފަރާތް

މި ގަވާއިދު ހިންގާނީ މޯލްޑިވްސް ކަރެކްށަނަލް ސަރވިސްއިންނެވެ.

 

5 ވަނަ މާއްދާ - މި ގަވާއިދަށް އަމަލަ ކުރަން ފެށުން

މި ގަވާއިދަށް އަމަލުކުރަން ފަށާނީ، މި ގަވާއިދު ދިވެހިސަރުކާރުގެ ގެޒެޓްގައި ށާއިއުކުރާ ދުވަހުން ފެށިގެންނެވެ.

 

6 ވަނަ މާއްދާ - ޕްރިޒަން އޮފިސަރުންގެ މަގާމުތައް

ޕްރިޒަން އޮފިސަރުންގެ މަގާމްތައް، ދަރަޖައިގެ ތަރުތީބުން، ތިރީގައި ބަޔާންވެގެން އެވަނީއެވެ.

(ހ) ކޮމިށަނަރ އޮފް ޕްރިޒަންސް؛

(ށ) ޑެޕިއުޓީ ކޮމިށަނަރ އޮފް ޕްރިޒަންސް؛

(ނ) އެސިސްޓެންޓް ކޮމިށަނަރ އޮފް ޕްރިޒަންސް؛

(ރ) ސްޕްރިންޓެންޑެންޓް އޮފް ޕްރިޒަންސް؛

(ބ) ޑެޕިއުޓީ ސްޕްރިންޓެންޑެންޓް އޮފް ޕްރިޒަންސް؛

(ޅ) އެސިސްޓެންޓް ސްޕްރިންޓެންޑެންޓް އޮފް ޕްރިޒަންސް؛

(ކ) ޗީފް ޕްރިޒަން އޮފިސަރ

(އ) ސީނިއަރ ޕްރިޒަން އޮފިސަރ

(ވ) ފަސްޓް ކްލާސް ޕްރިޒަން އޮފިސަރ

(މ) ޕްރިޒަން ސްޓާފް ސާރޖަންޓް؛

(ފ) ޕްރިޒަން ސާރޖަންޓް؛

(ދ) ޕްރިޒަން ކޯޕްރަލް؛

(ތ) ޕްރިޒަން ލާންސް ކޯޕްރަލް؛

(ލ) ޕްރިޒަން ޕްރައިވެޓް.

 

7 ވަނަ މާއްދާ - މަގާމުގެ ށަރުތުތައް

މި ގަވާއިދުގެ 6 ވަނަ މާއްދާގައި ބަޔާންކޮށްފައިވާ އޮފިސަރުންގެ މަގާމުތަކުގެ ށަރުތުތައް މި ގަވާއިދުގެ ޖަދުވަލު 1 ގައި ބަޔާންކޮށްފައި އެވަނީއެވެ.

 

8 ވަނަ މާއްދާ - ގައުމީ ފެންވަރުގައި އޮފިސަރުންނަށް ދެވޭ ށަރަފުގެ ނިށާންތައް

ގައުމީ ފެންވަރުގައި އޮފިސަރުންނަށް ދެވޭ ށަރަފުގެ ނިށާންތައް ތިރީގައި ބަޔާންވެގެން އެވަނީއެވެ.

(ހ) ނިށާން ޣާޒީގެ ށަރަފު؛

(ށ) ރައީސުލްޖުމްހޫރިއްޔާގެ މެޑެލް؛

(ނ) ހުރަވީ ރަން މެޑެލް؛

(ރ) ހުރަވީ ރިހި މެޑެލް.

 

9 ވަނަ މާއްދާ - މުއައްސަސާގެ ފެންވަރުގައި އޮފިސަރުންނަށް ދެވޭ ށަރަފުގެ ނިށާންތައް

މުއައްސަސާ ފެންވަރުގައި އޮފިސަރުންނަށް ދެވޭ ށަރަފުގެ ނިށާންތައް ބަޔާންކޮށްފައި އެވަނީއެވެ.

(ހ) މަތިވެރި ހިދުމަތުގެ މެޑެލް؛

(ށ) ފުރާނަ ސަލާމަތް ކުރުމުގެ ރަން މެޑެލް؛

(ނ) ފުރާނަ ސަލާމަތް ކުރުމުގެ ރިހި މެޑެލް؛

(ރ) ދިގު މުއްދަތެއްގައި ހިދުމަތް ކުރުމުގެ މެޑެލް؛

(ބ) އިހްލާސްތެރި ހިދުމަތުގެ މެޑެލް؛

(ޅ) އޮފިސަރުންގެ ހިދުމަތުގެ މެޑެލް؛

(ކ) އަހުލާގީ މެޑެލް.

 

10 ވަނަ މާއްދާ - ގައުމީ ފެންވަރުގައި އޮފިސަރުންނަށް ދެވޭ ށަރަފުގެ ކުލަ

ގައުމީ ފެންވަރުގައި އޮފިސަރުންނަށް ދެވޭ ށަރަފުގެ ކުލައަކީ "ރައީސުލްޖުމްހޫރިއްޔާގެ ކުލަ" އެވެ.

 

11 ވަނަ މާއްދާ - މުއައްސަސާ ފެންވަރުގައި އޮފިސަރުންނަށް ދެވޭ ށަރަފުގެ ކުލަ

މުއައްސަސާ ފެންވަރުގައި އޮފިސަރުންނަށް ދެވޭ ށަރަފުގެ ކުލަތައް ތިރީގައި ބަޔާންކޮށްފައި އެވަނީއެވެ.

(ހ) ދިގު މުއްދަތެއްގައި ހިދުމަތްކުރުމުގެ ކުލަ؛

(ށ) ހިތްވަރުގަދަކަމުގެ ކުލަ؛

(ނ) އިހްލާސްތެރި ހިދުމަތުގެ ކުލަ؛

(ރ) ހިދުމަތުގެ ކުލަ؛

(ބ) އަހުލާގީ ކުލަ؛

(ޅ) ހާއްސަ ހިދުމަތުގެ ކުލަ؛

(ކ) ކާމިޔާބުގެ ކުލަ؛

(އ) ހުނަރުވެރިކަމުގެ ކުލަ؛

(ވ) ހެވިކަމުގެ ކުލަ.

 

12 ވަނަ މާއްދާ - އޮފިސަރުންނަށް ދެވޭ ށަރަފުގެ ނިށާންގެ ށަރުތުތައް

މި ގަވާއިދުގެ 8 ވަނަ މާއްދާއާއި 9 ވަނަ މާއްދާގައި ބުނެފައިވާ، އޮފިސަރުންނަށް ދެވޭ ށަރަފުގެ ނިށާންގެ ށަރުތުތައް މި ގަވާއިދުގެ ޖަދުވަލު 2 ގައި ބަޔާންކޮށްފައިވާނެއެވެ.

 

13 ވަނަ މާއްދާ - އޮފިސަރުންނަށްދެވޭ ށަރަފުގެ ކުލަތަކުގެ ށަރުތުތައް

މި ގަވާއިދުގެ 10 ވަނަ މާއްދާއާއި 11 ވަނަ މާއްދާގައި ބުނެފައިވާ، އޮފިސަރުންނަށް ދެވޭ ށަރަފުގެ ކުލަތަކުގެ ށަރުތުތައް މި ގަވާއިދުގެ ޖަދުވަލު 3 ގައި ބަޔާންކޮށްފައި ވާނެއެވެ.

 

14 ވަނަ މާއްދާ - މަގާމުގެ ކުރިއެރުމާއި ށަރަފުގެ ނިށާން ދިނުން

(ހ) މޯލްޑިވްސް ކަރެކްށަނަލް ސަރވިސްގެ މުވައްޒަފުންނަށް މަގާމުގެ ކުރިއެރުން ދިނުމާއި ށަރަފުގެ ނިށާން ދިނުމުގެ އެންމެހައި ކަންތައް ހިންގައި، ބަލަހައްޓައި އަދި އެކަންކަމާ ބެހޭގޮތުން މިނިސްޓަރަށް ލަފާދޭނެ 7 (ހަތެއް) މެމްބަރުންގެ ކޮމިޓީއެއް މޯލްޑިވްސް ކަރެކްށަނަލް ސަރވިސްގެ އޮފިސަރުންގެ ތެރެއިން މިނިސްޓަރު އެކުލަވައިލަންވާނެއެވެ.

(ށ) މި މާއްދާގެ (ހ) ގައި ބަޔާންކޮށްފައިވާ ކޮމިޓީގެ މަސްއޫލިއްޔަތަކީ މި ގަވާއިދުގެ ދަށުން އޮފިސަރުންގެ ތެރެއިން މަގާމުގެ ކުރިއެރުމާއި، ށަރަފުގެ ނިށާނާއި ކުލަ އަދި މެޑެލް ދޭންޖެހޭ ފަރާތްތައް ކަނޑައެޅުމެވެ.

(ނ) އޮފިސަރުންނަށް މަގާމުގެ ކުރިއެރުމާއި ށަރަފުގެ ނިށާން ދިނުމަށް ކަނޑައަޅާނީ މިނިސްޓަރެވެ.

 

15 ވަނަ މާއްދާ - މަގާމުގެ ކުރިއެރުމާއި ށަރަފުގެ ނިށާން ދިނުމަށް އެދި ކޮމެޓީއަށް ހުށަހެޅުން

(ހ) މަގާމުގެ ކުރިއެރުމާއި ށަރަފުގެ ނިށާނާއި ކުލަ ދިނުމުގެ ށަރުތު ފުރިހަމަވާ އޮފިސަރުންނަށް މަގާމުގެ ކުރިއެރުމާއި ށަރަފުގެ ނިށާނާއި ކުލަ ދިނުމަށްޓަކައި މި ގަވާއިދުގެ 14 ވަނަ މާއްދާގެ (ހ) ގައިވާ ކޮމިޓީއަށް ހުށަހާޅާނީ އެ އޮފިސަރަކު ސީދާ ރިޕޯޓުކުރާ ފަރާތުގެ މަށްވަރާގެ މަތިން އޭނާ މަސައްކަތްކުރާ ޑިޕާޓްމަންޓްގެ އެންމެ އިސްވެރިޔާ އެވެ.

(ށ) ކޮމިށަންޑް އޮފިސަރުންގެ މަގާމުތަކަށް މަގާމުގެ ކުރިއެރުން ދިނުމަށް އެދި ހުށަހަޅާނީ ކޮމިށަނަރ އޮފް ޕްރިޒަންސްއެވެ.

(ނ) މަގާމުގެ ކުރިއެރުމާއި ށަރަފުގެ ނިށާނާއި ކުލައާއި މެޑެލް ދިނުމަށް ހުށަހަޅަންވާނީ އެކަމަށް އެދޭ ފޯމުންނެވެ.

 

16 ވަނަ މާއްދާ - މަގާމުގެ ކުރިއެރުން ދިނުމުގައި ކޮމިޓީއިން ބަލަންވާނެ ކަންތައްތައް

މަގާމުގެ ކުރިއެރުން ދިނުމަށް މި ގަވާއިދުގެ 14 ވަނަ މާއްދާގެ (ހ) ގައިވާ ކޮމިޓީއަށް ހުށަހެޅުމުން އަންނަނިވި ކަންތައްތަކަށް ރިއާޔަތްކުރަންވާނެއެވެ.

(ހ) މި ގަވާއިދުގެ ޖަދުވަލު 1 ގައި ބަޔާންކޮށްފައިވާ ށަރުތު ފުރިހަމަވުން؛

(ށ) ކުރިއެރުން ދިނުމަށް ހުށަހަޅާފައިވާ މަގާމުގެ މަސްއޫލިއްޔަތު އުފުލުމުގެ ގާބިލުކަން އެ މުވައްޒަފެއްގެ ކިބައިގައި ހުރި މިންވަރު؛

(ނ) މޯލްޑިވްސް ކަރެކްށަނަލް ސަރވިސްގައި ހުސް މަގާމު އޮތް މިންވަރު؛

(ރ) މަގާމުގެ ކުރިއެރުން ދިނުމަށް ހުށަހަޅާފައިވާ މުވައްޒަފަކު ހާޒިރީއަށާއި މަސައްކަތަށް ބަހައްޓާ ފަރުވާތެރިކަމާއި، މަސައްކަތުގެ ފެންވަރު؛

(ބ) އެ މުވައްޒަފެއްގެ ތައުލީމީ ފެންވަރާއި ތަޖުރިބާ؛

(ޅ) އޮފީހުގެ މަގުސަދު ހާސިލުކުރުމަށް އެ މުވައްޒަފު ހިއްސާކޮށްފައިވާ މިންވަރު؛

(ކ) އެ މުވައްޒަފު ހުރި މަގާމުގެ ވާޖިބުތައް އަދާކޮށްފައިވާ މިންވަރާއި ފެންވަރު؛

(އ) އެ މުވައްޒަފަކު ވަޒީފާގައި ހޭދަކުރި މުއްދަތުގައި ސްޓާފް އެޕްރައިޒަލް ފޯމުން ލިބުނު މާރކްސް؛

(ވ) އެމުވައްޒަފެއްގެ ފިޒިކަލް ފިޓްނަސް.

 

17 ވަނަ މާއްދާ - ށަރަފުގެ ނިށާން ދިނުމުގައި ކޮމިޓީއިން ބަލަންވާނެ ކަންތައްތައް

ށަރަފުގެ ނިށާން ދިނުމަށް މި ގަވާއިދުގެ 14 ވަނަ މާއްދާގެ (ހ) ގައިވާ ކޮމިޓީއިން ލަފާދޭންވާނީ މި ގަވާއިދުގެ ޖަދުވަލު 2 ގައި ބަޔާންކޮށްފައިވާ ށަރުތުތައް ފުރިހަމަވާނަމައެވެ.

 

18 ވަނަ މާއްދާ - ށަރަފުގެ ނިށާނާއި ކުލަ ނެގުން

(ހ) އޮފިސަރުންނަށް ދެވޭ ށަރަފުގެ މެޑެއްޔާއި ކުލަ، އެއޮފިސަރެއްގެ ކިބައިން ނެގޭނީ އެމެޑެލް ނުވަތަ ކުލައެއްގެ ށަރުތު ހަމަނުވަނީސް،އެއޮފިސަރަކު އަމިއްލައަށް ހަގީގަތާ ހިލާފަށް ކަމެއްކޮށްގެން ނުވަތަ ކުރުވައިގެން އެ ކުލަ ނުވަތަ ށަރަފުގެ ނިށާންގެ ށަރުތު ފުރިހަމަކޮށްފައިވާ ފަދަ ހާލަތްތަކުގައެވެ.

(ށ) ޑިސިޕްލިނަރީ ނުވަތަ އިދާރީ ކުށްތައް ތަކުރާރުކުރާ އޮފިސަރަކަށް ދީފައިވާ އަހުލާގީ ކުލަ އިން އެއޮފިސަރަކު މަހުރޫމް ކުރެވިދާނެއެވެ. މިގޮތުން ނެގޭނީ އެންމެ ފަހުން އެއޮފިސަރަކަށް ދެވިފައިވާ އަހުލާގީ ކުލައެވެ. މި ކުލަ ނެގުމަށް ގޮތެއް ނިންމާނީ ޑިސިޕްލިނަރީ ބޯޑުން ނިންމާގޮތެއްގެ މަތިން ކޮމިށަނަރ އޮފް ޕްރިޒަންސްއެވެ.

 

19 ވަނަ މާއްދާ - މި ގަވާއިދުގެ ދަށުން ނިންމާ ނިންމުމާބެހޭ ގޮތުން އިލްތިމާސްކުރުން

މަގާމުގެ ކުރިއެރުމާއި މެޑެލް، ކުލަ އަދި ށަރަފުގެ ނިށާން ދިނުމުގައި ނިންމާ ނިންމުމާމެދު ހިތްހަމަނުޖެހޭނަމަ އެކަން 14 (ސާދަ) ދުވަހުގެތެރޭގައި މިނިސްޓަރަށް އިލްތިމާސްކުރުމުގެ ހައްގު ކޮންމެ އޮފިސަރަކަށް ލިބިގެންވެއެވެ.

 

 

ޖަދުވަލު 1

ޕްރިޒަން އޮފިސަރުންގެ މަގާމުތަކުގެ ށަރުތުތައް

 

(ހ) ޕްރިޒަން ޕްރައިވެޓް

1. ސާނަވީ އިމްތިހާނަކުން މަދުވެގެން 2 މާއްދާއިން ދަށްވެގެން 'ޑީ' ފާސް ލިބިފައިވުމާއެކު، ސެކަންޑަރީ ސްކޫލް ސެޓްފިކެޓް އިމްތިހާނުން ދިވެހި އަދި އިސްލާމް މި ދެ މާއްދާއިން ދަށްވެގެން 'ސީ' ފާސް ލިބިފައިވުން؛ ނުވަތަ
2. ޕްރިޒަން އޮފިސަރުންގެ ވަޒީފާއަށް ބޭނުންވާ ނުވަތަ ގުޅުންހުރި ދާއިރާއަކުން ދިވެހިރާއްޖޭގެ ގައުމީ ސަނަދުގެ އޮނިގަނޑުގެ ލެވެލް 2 ގެ ސަނަދެއް ނުވަތަ އެއަށްވުރެ މަތީ ސަނަދެއް ހާސިލު ކޮށްފައިވުން.

 

(ށ) ޕްރިޒަން ލާންސް ކޯޕްރަލް

1. ޕްރިޒަން ޕްރައިވެޓްގެ މަގާމުގައި މަދުވެގެން 2 (ދޭއް) އަހަރުދުވަހު މަސައްކަތްކޮށް، މަސައްކަތުގެ ފެންވަރު ބެލުމުގެ ނިޒާމުން އެވްރެޖްކޮށް 80 އިންސައްތައަށްވުރެ މަތިން މާކްސް ހޯދާފައިވުން؛ ނުވަތަ
2. ޕްރިޒަން އޮފިސަރުންގެ ވަޒީފާއަށް ބޭނުންވާ ނުވަތަ ގުޅުންހުރި ދާއިރާއަކުން ދިވެހިރާއްޖޭގެ ގައުމީ ސަނަދުގެ އޮނިގަނޑުގެ ލެވެލް 3 ގެ ސަނަދެއް ނުވަތަ އެއަށްވުރެ މަތީ ސަނަދެއް ހާސިލު ކޮށްފައިވުމާއެކު ޕްރިޒަން ޕްރައިވެޓްގެ މަގާމުގައި މަދުވެގެން 1 (އެކެއް) އަހަރުދުވަހު އުޅެ ތަޖުރިބާ ލިބިފައިވުން؛ ނުވަތަ
3. މަތީސާނަވީ އިމްތިހާނަކުން މަދުވެގެން ދެ މާއްދާއިން ދަށްވެގެން 'ޑީ' ފާސް ލިބިފައިވުމާއި އެޗް.އެސް.ސީ އިމްތިހާނުން ދިވެހި އަދި އިސްލާމް މި ދެ މާއްދާއިން ދަށްވެގެން 'ސީ' ފާސް ލިބިފައިވުމާއެކު ޕްރިޒަން ޕްރައިވެޓްގެ މަގާމުގައި މަދުވެގެން 1 (އެކެއް) އަހަރުދުވަހު އުޅެ ތަޖުރިބާ ލިބިފައިވުން؛ ނުވަތަ

 

(ނ) ޕްރިޒަން ކޯޕްރަލް

1. ޕްރިޒަން ލާންސް ކޯޕްރަލްގެ މަގާމުގައި މަދުވެގެން 2 (ދޭއް) އަހަރުދުވަހު މަސައްކަތްކޮށް، މަސައްކަތުގެ ފެންވަރު ބެލުމުގެ ނިޒާމުން އެވްރެޖްކޮށް 80 އިންސައްތައަށްވުރެ މަތިން މާކްސް ހޯދާފައިވުން؛ ނުވަތަ
2. ޕްރިޒަން އޮފިސަރުންގެ ވަޒީފާއަށް ބޭނުންވާ ނުވަތަ ގުޅުންހުރި ދާއިރާއަކުން ދިވެހިރާއްޖޭގެ ގައުމީ ސަނަދުގެ އޮނިގަނޑުގެ ލެވެލް 4 ގެ ސަނަދެއް ނުވަތަ އެއަށްވުރެ މަތީ ސަނަދެއް ހާސިލު ކޮށްފައިވުމާއެކު ޕްރިޒަން ލާންސް ކޯޕްރަލްގެ މަގާމުގައި މަދުވެގެން 1 (އެކެއް) އަހަރުދުވަހު އުޅެ ތަޖުރިބާ ލިބިފައިވުން؛ ނުވަތަ 

 

(ރ) ޕްރިޒަން ސާރޖަންޓް

1. ޕްރިޒަން ކޯޕްރަލްގެ މަގާމުގައި މަދުވެގެން 2 (ދޭއް) އަހަރުދުވަހު މަސައްކަތްކޮށް، މަސައްކަތުގެ ފެންވަރު ބެލުމުގެ ނިޒާމުން އެވްރެޖުކޮށް 80 އިންސައްތައަށްވުރެ މަތިން މާކްސް ހޯދާފައިވުން؛ ނުވަތަ
2. ޕްރިޒަން އޮފިސަރުންގެ ވަޒީފާއަށް ބޭނުންވާ ނުވަތަ ގުޅުންހުރި ދާއިރާއަކުން ދިވެހިރާއްޖޭގެ ގައުމީ ސަނަދުގެ އޮނިގަނޑުގެ ލެވެލް 4 ގެ ސަނަދެއް ނުވަތަ އެއަށްވުރެ މަތީ ސަނަދެއް ހާސިލު ކޮށްފައިވުމާއެކު، ޕްރިޒަން ކޯޕްރަލްގެ މަގާމުގައި މަދުވެގެން 1 (އެކެއް) އަހަރުދުވަހު އުޅެ ތަޖުރިބާ ލިބިފައިވުން؛ ނުވަތަ

 

(ބ) ޕްރިޒަން ސްޓާފް ސާރޖަންޓް

1. ޕްރިޒަން ސާރޖަންޓްގެ މަގާމުގައި މަދުވެގެން 3 (ތިނެއް) އަހަރުދުވަހު މަސައްކަތްކޮށް، މަސައްކަތުގެ ފެންވަރު ބެލުމުގެ ނިޒާމުން އެވްރެޖުކޮށް 80 އިންސައްތައަށްވުރެ މަތިން މާކްސް ހޯދާފައިވުން؛ ނުވަތަ
2. ޕްރިޒަން އޮފިސަރުންގެ ވަޒީފާއަށް ބޭނުންވާ ނުވަތަ ގުޅުންހުރި ދާއިރާއަކުން ދިވެހިރާއްޖޭގެ ގައުމީ ސަނަދުގެ އޮނިގަނޑުގެ ލެވެލް 4 ގެ ސަނަދެއް ނުވަތަ އެއަށްވުރެ މަތީ ސަނަދެއް ހާސިލު ކޮށްފައިވުމާއެކު ޕްރިޒަން ސާރޖެންޓްގެ މަގާމުގައި މަދުވެގެން 2 (ދޭއް) އަހަރުދުވަހު އުޅެ ތަޖުރިބާ ލިބިފައިވުން؛ ނުވަތަ
3. ޕްރިޒަން އޮފިސަރުންގެ ވަޒީފާއަށް ބޭނުންވާ ނުވަތަ ގުޅުންހުރި ދާއިރާއަކުން ދިވެހިރާއްޖޭގެ ގައުމީ ސަނަދުގެ އޮނިގަނޑުގެ ލެވެލް 5 ގެ ސަނަދެއް ހާސިލު ކޮށްފައިވުން؛

 

(ޅ) ފަސްޓް ކްލާސް ޕްރިޒަން އޮފިސަރ

1. ޕްރިޒަން ސްޓާފް ސާރޖަންޓްގެ މަގާމުގައި މަދުވެގެން 3 (ތިނެއް) އަހަރުދުވަހު މަސައްކަތްކޮށް، މަސައްކަތުގެ ފެންވަރު ބެލުމުގެ ނިޒާމުން އެވްރެޖުކޮށް 80 އިންސައްތައަށްވުރެ މަތިން މާކްސް ހޯދާފައިވުން؛ ނުވަތަ
2. ޕްރިޒަން އޮފިސަރުންގެ ވަޒީފާއަށް ބޭނުންވާ ނުވަތަ ގުޅުންހުރި ދާއިރާއަކުން ދިވެހިރާއްޖޭގެ ގައުމީ ސަނަދުގެ އޮނިގަނޑުގެ ލެވެލް 5 ގެ ސަނަދެއް ނުވަތަ އެއަށްވުރެ މަތީ ސަނަދެއް ހާސިލު ކޮށްފައިވުމާއެކު ޕްރިޒަން ސްޓާފް ސާރޖެންޓްގެ މަގާމުގައި މަދުވެގެން 2 (ދޭއް) އަހަރުދުވަހު އުޅެ ތަޖުރިބާ ލިބިފައިވުން؛ ނުވަތަ
3. ޕްރިޒަން އޮފިސަރުންގެ ވަޒީފާއަށް ބޭނުންވާ ނުވަތަ ގުޅުންހުރި ދާއިރާއަކުން ދިވެހިރާއްޖޭގެ ގައުމީ ސަނަދުގެ އޮނިގަނޑުގެ ލެވެލް 6 ގެ ސަނަދެއް ހާސިލު ކޮށްފައިވުން؛

 

(ކ) ސީނިއަރ ޕްރިޒަން އޮފިސަރ

1. ފަސްޓް ކްލާސް ޕްރިޒަން އޮފިސަރުގެ މަގާމުގައި މަދުވެގެން 3 (ތިނެއް) އަހަރުދުވަހު މަސައްކަތްކޮށް، މަސައްކަތުގެ ފެންވަރު ބެލުމުގެ ނިޒާމުން އެވްރެޖުކޮށް 80 އިންސައްތައަށްވުރެ މަތިން މާކްސް ހޯދާފައިވުން؛ ނުވަތަ
2. ޕްރިޒަން އޮފިސަރުންގެ ވަޒީފާއަށް ބޭނުންވާ ނުވަތަ ގުޅުންހުރި ދާއިރާއަކުން ދިވެހިރާއްޖޭގެ ގައުމީ ސަނަދުގެ އޮނިގަނޑުގެ ލެވެލް 6 ގެ ސަނަދެއް ނުވަތަ އެއަށްވުރެ މަތީ ސަނަދެއް ހާސިލު ކޮށްފައިވުމާއެކު ފަސްޓް ކްލާސް ޕްރިޒަން އޮފިސަރުގެ މަގާމުގައި މަދުވެގެން 2 (ދޭއް) އަހަރުދުވަހު އުޅެ ތަޖުރިބާ ލިބިފައިވުން؛ ނުވަތަ
3. ޕްރިޒަން އޮފިސަރުންގެ ވަޒީފާއަށް ބޭނުންވާ ނުވަތަ ގުޅުންހުރި ދާއިރާއަކުން ދިވެހިރާއްޖޭގެ ގައުމީ ސަނަދުގެ އޮނިގަނޑުގެ ލެވެލް 7 ގެ ސަނަދެއް ހާސިލު ކޮށްފައިވުން؛

 

(އ) ޗީފް ޕްރިޒަން އޮފިސަރ

1. ސީނިއަރ ޕްރިޒަން އޮފިސަރުގެ މަގާމުގައި މަދުވެގެން 4 (ހަތަރެއް) އަހަރުދުވަހު މަސައްކަތްކޮށްފައިވުން؛ ނުވަތަ
2. ޕްރިޒަން އޮފިސަރުންގެ ވަޒީފާއަށް ބޭނުންވާ ނުވަތަ ގުޅުންހުރި ދާއިރާއަކުން ދިވެހިރާއްޖޭގެ ގައުމީ ސަނަދުގެ އޮނިގަނޑުގެ ލެވެލް 7 ގެ ސަނަދެއް ނުވަތަ އެއަށްވުރެ މަތީ ސަނަދެއް ހާސިލު ކޮށްފައިވުމާއެކު ކޮށްފައިވުމާއެކު ސީނިއަރ ޕްރިޒަން އޮފިސަރުގެ މަގާމުގައި މަދުވެގެން 2 (ދޭއް) އަހަރުދުވަހު އުޅެ ތަޖުރިބާ ލިބިފައިވުން؛ ނުވަތަ
3. ޕްރިޒަން އޮފިސަރުންގެ ވަޒީފާއަށް ބޭނުންވާ ނުވަތަ ގުޅުންހުރި ދާއިރާއަކުން ދިވެހިރާއްޖޭގެ ގައުމީ ސަނަދުގެ އޮނިގަނޑުގެ ލެވެލް 8 ގެ ސަނަދެއް ހާސިލު ކޮށްފައިވުން؛

 

(ވ) އެސިސްޓެންޓް ސުޕްރިންޓެންޑެންޓް އޮފް ޕްރިޒަންސް

1. ޕްރިޒަން އޮފިސަރުންގެ ވަޒީފާއަށް ބޭނުންވާ ނުވަތަ ގުޅުންހުރި ދާއިރާއަކުން ދިވެހިރާއްޖޭގެ ގައުމީ ސަނަދުގެ އޮނިގަނޑުގެ ލެވެލް 8 ގެ ސަނަދެއް ނުވަތަ އެއަށްވުރެ މަތީ ސަނަދެއް ހާސިލު ކޮށްފައިވުމާއެކު ޗީފް ޕްރިޒަން އޮފިސަރުގެ މަގާމުގައި މަދުވެގެން 2 (ދޭއް) އަހަރުދުވަހު އުޅެ ތަޖުރިބާ ލިބިފައިވުން؛ ނުވަތަ
2. ޗީފް ޕްރިޒަން އޮފިސަރުގެ މަގާމުގައި މަދުވެގެން 4 (ހަތަރެއް) އަހަރުދުވަހު މަސައްކަތްކޮށްފައިވުން .

 

(މ) ޑެޕިއުޓީ ސުޕްރިންޓެންޑެންޓް އޮފް ޕްރިޒަންސް

1. ޕްރިޒަން އޮފިސަރުންގެ ވަޒީފާއަށް ބޭނުންވާ ނުވަތަ ގުޅުންހުރި ދާއިރާއަކުން ދިވެހިރާއްޖޭގެ ގައުމީ ސަނަދުގެ އޮނިގަނޑުގެ ލެވެލް 9 ގެ ސަނަދެއް ނުވަތަ އެއަށްވުރެ މަތީ ސަނަދެއް ހާސިލު ކޮށްފައިވުމާއެކު އެސިސްޓެންޓް ސުޕްރިންޓެންޑެންޓް އޮފް ޕްރިޒަންސްގެ މަގާމުގައި މަދުވެގެން 2 (ދޭއް) އަހަރުދުވަހު އުޅެ ތަޖުރިބާ ލިބިފައިވުން؛ ނުވަތަ
2. އެސިސްޓެންޓް ސުޕްރިންޓެންޑެންޓް އޮފް ޕްރިޒަންސްގެ މަގާމުގައި މަދުވެގެން 4 (ހަތަރެއް) އަހަރުދުވަހު މަސައްކަތްކޮށްފައިވުން.

 

(ފ) ސުޕްރިންޓެންޑެންޓް އޮފް ޕްރިޒަންސް

1. ޑެޕިއުޓީ ސުޕްރިންޓެންޑެންޓް އޮފް ޕްރިޒަންސްގެ މަގާމުގައި މަދުވެގެން 4 (ހަތަރެއް) އަހަރުދުވަހު މަސައްކަތްކޮށްފައިވުން.

 

(ދ) އެސިސްޓެންޓް ކޮމިށަނަރ އޮފް ޕްރިޒްންސް

1. ސުޕްރިންޓެންޑެންޓް އޮފް ޕްރިޒަންސްގެ މަގާމުގައި މަދުވެގެން 4 (ހަތަރެއް) އަހަރުދުވަހު މަސައްކަތްކޮށްފައިވުން.

 

(ތ) ޑެޕިއުޓީ ކޮމިށަނަރ އޮފް ޕްރިޒަންސް

1. އެސިސްޓެންޓް ކޮމިށަނަރ އޮފް ޕްރިޒްންސްގެ މަގާމުގައި ހުރެ ތަޖުރިބާ ލިބިފައިވާ ޕްރިޒަންސް އޮފިސަރަކު ކަމުގައިވުން

 

(ލ) ކޮމިށަނަރ އޮފް ޕްރިޒަންސް

1. އެސިސްޓެންޓް ކޮމިށަނަރ އޮފް ޕްރިޒްންސްގެ މަގާމުގައި ހުރެ ތަޖުރިބާ ލިބިފައިވާ ޕްރިޒަންސް އޮފިސަރަކު ކަމުގައިވުން

 

ޖަދުވަލު 2 

އޮފިސަރުންނަށް ދެވޭ ށަރަފުގެ ނިށާންތަކުގެ ށަރުތުތައް

 

(ހ) ނިށާން ޣާޒީގެ ށަރަފު

މިއީ ދިވެހިރާއްޖޭގެ މިނިވަންކަމާއި އިސްތިގްލާލަށް އުނިކަމެއް ލިބިދާފަދަ ދާހިލީ ނުރައްކަލެއް ގައުމަށް ކުރިމަތިވާ ހިނދު އެކަމުގައި އެމީހެއްގެ މަސްއޫލިއްޔަތުގެ އިތުރަށް އަމިއްލައަށް އިސްނަގައިގެން އެކަމުގައި ހަށިގަނޑާއި ފުރާނަޔަށް އެއްވެސް ބެލުމެއް ނެތި މިގައުމަށް ނަސްރު ހޯދައިދިނުމަށް ކެރިގެން މަސައްކަތް ކުރުމުގައި، ކުރި އާދަޔާ ހިލާފު ހިތްވަރުގަދަ އަމަލެއްގެ އަގު ވަޒަންކުރުމުގެ ގޮތުން އޮފިސަރުންނަށް ދެވޭ އެންމެމަތީ މެޑެއްޔެވެ.

 

(ށ) ރައީސުލްޖުމްހޫރިއްޔާގެ މެޑެލް

މިއީ އޮފިސަރުންގެ ހިދުމަތް، ވަރަށް ހާއްސަ ގޮތެއްގައި ފާހަގަ ކުރެވިގެން އެކަމުގެ އަގުވަޒަން ކުރުމުގެ ގޮތުން ރައީސުލްޖުމްހޫރިއްޔާ ދެއްވާ މެޑެއްޔެކެވެ. މި މެޑެލް ދެވޭނީ، ތިރީގައިވާ ށަރުތުތަކުން ށަރުތެއް ފުރިހަމަވާ ފަރާތްތަކަށެވެ.

1. ނިށާން ޣާޒީގެ ށަރަފު ހާސިލުކުރާ ކޮންމެ ފަރާތެއް؛
2. ރައީސުލްޖުމްހޫރިއްޔާގެ ކުލަ ހާސިލުކޮށްފައިވާ ފަރާތްތަކުގެ ތެރެއިން ހިދުމަތް ހާއްސަގޮތެއްގައި ފާހަގަކުރެވޭ ފަރާތެއް؛
3. މަތިވެރި ހިދުމަތުގެ މެޑެލް ހާސިލުކޮށްފައިވާ ފަރާތްތަކުގެ ތެރެއިން ހާއްސަ ގޮތެއްގައި ފާހަގަކުރެވޭ ފަރާތެއް؛
4. ހިދުމަތް ފާހަގަ ކުރެވިގެން މި މެޑެލް ދެއްވުމަށް ރައީސުލްޖުމްހޫރިއްޔާއަށް ފެނިވަޑައިގަންނަވާ ކޮންމެ ފަރާތެއް.

 

(ނ) ހުރަވީ ރަން މެޑެލް (އިސްލާހު1 / އިސްލާހު2 ކުރެވިފަިއި)

މިއީ ގައުމަށް ދިމާވާ ބޮޑެތި ކަންކަމުގައި ގައުމު ސަލާމަތްކުރުމަށް ހިންގޭ ހަރަކާތެއްގައި ވަރަށް އާދަޔާ ހިލާފު ހިތްވަރުގަދަކަމާއި ޖެހިލުންކުޑަ ކަމެއް ސާބިތުކޮށްދިން ފަރާތަކަށް ދެވޭ މެޑެއްޔެކެވެ. މި މެޑަލް ދެވޭނީ، ތިރީގައިވާ ށަރުތުތައް ފުރިހަމަވާ ފަރާތްތަކުގެ ތެރެއިން ނިށާން ގާޒީގެ ށަރަފު ހައްގުވާ ފަދަ އަމަލެއް ކަމުގައި ގިންތި ނުކުރެވޭ އޮފިސަރުންނަށެވެ.

1. ގައުމު ސަލާމަތްކުރުމަށް ހިންގޭ ހަރަކާތެއްގައި ވަރަށް ހިތްވަރުގަދަ ކަމެއް ސާބިތުކޮށްދިން ފަރާތެއް؛
2. ގައުމު ސަލާމަތްކުރުމަށް ހިންގޭ ހަރަކާތެއްގައި ތިމާގެ ހަށިގަނޑަށް އަދި ފުރާނައަށް އެއްވެސް ބެލުމެއްނެތި ވަރަށް ހިތްވަރާއެކު އެ ފެންވަރުގެ އެހެން މީހުންނާ ހިލާފަށް ފާހަގަކުރެވޭ އަމަލެއް ކޮށްފައިވާ ފަރާތެއް؛
3. ގައުމު ސަލާމަތްކުރުމަށް ހިންގޭ ހަރަކާތެއްގައި، ނުރައްކާތެރި ދަނޑިވަޅެއްގައި އެ މީހެއްގެ ހަށިގަނޑާއި ފުރާނައަށް އެއްވެސް ބެލުމެއްނެތި އާދަޔާ ހިލާފު ޖެހިލުންކުޑަ އަމަލެއް ކުރި ފަރާތެއް.

 

(ރ) ހުރަވީ ރިހި މެޑެލް (އިސްލާހު / އިސްލާހު2 ކުރެވިފަިއި)

މިއީ ފާހަގަކުރެވޭ ހިތްވަރުގަދަކަމާއި ޖެހިލުންކުޑަކަމެއް ސާބިތުކޮށްދިން ފަރާތަކަށް ދެވޭ މެޑެއްޔެކެވެ. މި މެޑަލް ދެވޭނީ، ތިރީގައިވާ ށަރުތުތައް ފުރިހަމަވާ ފަރާތްތަކަށެވެ.

1. ގައުމަށް ދިމާވާ ނުރައްކާތެރި ހާލަތެއްގައި އަމަންއަމާންކަމާ ސުލްހަ މަސްލަހަތަށް ގެއްލުންވާ ފަދަ ކަމެއްގައި ހަރަކާތްތެރިވުމުގައި ތިމާގެ ހަށިގަނޑާއި ފުރާނަޔަށް ބެލުމެއްނެތި ހިތްވަރުގަދަ އަދި ޖެހިލުންކުޑަ އަމަލެއް (ހުރަވީ ރަން މެޑަލް ހައްގުވާ ވަރަށް ވުރެ ދަރަޖައިގެ ގޮތުން ދަށް ހިތްވަރުގަދަ އަމަލެއް) ކުރި ފަރާތެއް؛
2. ގައުމަށް ދިމާވާ ބޮޑެތި ކަންކަމުގައި ހިތްވަރުގަދަ އަމަލެއް (ހިތްވަރުގަދަކަމުގެ ކުލަ ހައްގުވާ ވަރަށްވުރެ މަތީ ދަރަޖައިގެ ހިތްވަރުގަދަ އަމަލެއް) ކުރި ފަރާތެއް؛
3. އަމަން އަމާންކަމާއި ސުލްހަ މަސްލަހަތަށް ގެއްލުންވާފަދަ ކަމެއް ރާވާ ބަޔަކާބެޭހޭ މައުލޫމާތު ހޯދުމުގައި ތިމާގެ ފުރާނަޔަށް ނުރައްކާވާފަދަ ކަންތައްތަކެއް ހުރަސްކޮށް ވަރަށް ހިތްވަރުގަދަ ކަމެއް ކުރި ފަރާތެއް.

.

 

(ބ) ފުރާނަ ސަލާމަތްކުރުމުގެ ރަން މެޑެލް (އިސްލާހު / އިސްލާހު2 ކުރެވިފަިއި)

މިއީ ތިމާގެ އަމިއްލަ ފުރާނައަށް ލިބިދާނެ އެއްވެސް ގެއްލުމަކަށް ނުބަލައި އިންސާނެއްގެ ފުރާނަ ސަލާމަތްކުރި ފަރާތަކަށް ދެވޭ މެޑެއްޔެކެވެ. މި މެޑަލް ދެވޭނީ، ތިރީގައިވާ ށަރުތުތައް ފުރިހަމަވާ ފަރާތްތަކަށެވެ.

1. އަމިއްލަ ފުރާނަޔަށް އެއްވެސް ބެލުމެއް ނެތި އެހެން އިންސާނެއްގެ ފުރާނަ ސަލާމަތްކުރި ފަރާތެއް؛
2. އިންސާނެއްގެ ފުރާނަ ސަލާމަތްކުރުމަށް މަސައްކަތްކުރި މިންވަރު ބަލައި މި މެޑަލް ދިނުމަށް ހައްގުވާކަން ސާބިތުވާ ފަރާތެއް.

 

(ޅ) ފުރާނަ ސަލާމަތްކުރުމުގެ ރިހި މެޑެލް (އިސްލާހު / އިސްލާހު2 ކުރެވިފަިއި)

މިއީ އިންސާނެއްގެ ފުރާނަ ސަލާމަތްކުރި ފަރާތްތަކަށް ދެވޭ މެޑެއްޔެކެވެ. މި މެޑަލް ދެވޭނީ، ތިރީގައިވާ ށަރުތުތައް ފުރިހަމަވާ ފަރާތްތަކަށެވެ.

1. އިންސާނެއްގެ ފުރާނަ ސަލާމަތްކުރި ފަރާތެއް؛
2. އިންސާނެއްގެ ފުރާނަ ސަލާމަތްކުރުމަށް މަސައްކަތްކުރި މިންވަރަށް ބަލައި މި މެޑަލް ދިނުން ހައްޤުވާކަން ސާބިތުވާ ފަރާތެއް؛
3. މި ޢަމަލަކީ ފުރާނަ ސަލާމަތްކުރުމުގެ ރަންމެޑަލް ހައްޤުވާފަދަ ޢަަމލެއްކަމުގައި ނުވުން.

 

(ކ) މަތިވެރި ހިދުމަތުގެ މެޑަލް (އިސްލާހު / އިސްލާހު2 ކުރެވިފަިއި)

މިއީ އޮފިސަރުންގެ މަސްއޫލިއްޔަތު އަދާކުރުމުގައި އޮފިސަރުންގެ ވަޒީފާގައި ގައުމަށް ފައިދާ ހުރި އަދި އަގު ހުރި ގޮތުގައި ގިނަ ހިދުމަތްތަކެއް އަދާކޮށްފައިވާ ފަރާތަކަށް ދެވޭ މެޑެއްޔެކެވެ. އާންމު ގޮތެއްގައި މި މެޑަލް ދެވޭނީ ހިންގުމުގެ ދާއިރާގައި މަސައްކަތްކުރާ އޮފިސަރުންނަށެވެ. މި މެޑަލް ދެވޭނީ، ތިރީގައިވާ ށަރުތުތަކުގެ ތެރެއިން ށަރުތެއް ފުރިހަމަވާ ފަރާތްތަކަށެވެ.

1. މޯލްޑިވްސް ކަރެކްށަނަލް ސަރވިސްގެ ޔުނިޓެއްގެ ނުވަތަ ޑިޕާޓްމަންޓެއްގެ ވެރިޔެއްގެ މަޤާމުގައި މަދުވެގެން 15 (ފަނަރަ) އަހަރު ހުރެ އޭނާގެ މަސްއޫލިއްޔަތު އަދާކުރުމުގައި ގައުމަށް އަގުހުރި ގިނަ ހިދުމަތްތަކެއް ކޮށްފައިވާ ފަރާތެއް؛
2. އޮފިސަރުންގެ ހިދުމަތުގެ މެޑަލް ނުވަތަ އިހުލާސްތެރި ހިދުމަތުގެ މެޑަލް ލިބިފައިވާ މޯލްޑިވްސް ކަރެކްށަނަލް ސަރވިސްގެ ވަޒީފާގައި ޤައުމަށް އޮފިސަރުންގެ ތެރެއިން މޯ އަގުހުރި ގިނަ ހިދުމަތްތަކެއް ކޮށްފައިވާ ފަރާތެއް.

 

(އ) އިހްލާސްތެރި ހިދުމަތުގެ މެޑަލް (އިސްލާހު / އިސްލާހު2 ކުރެވިފަިއި)

(އ) މިއީ މެދުނުކެޑި މޯލްޑިވްސް ކަރެކްށަނަލް ސަރވިސްގެ ހިދުމަތުގެ އިހުލާސްތެރިކަމާއި ވަފާތެރިކަމާއެކު ހިދުމަތްކުރުމުގައި 15 (ފަނަރަ) އަހަރު ދެމިހުރި ފަރާތްތަކުގެ ތެރެއިން، ތިރީގައިވާ ށަރުތުތަކުގެ ތެރެއިން ށަރުތެއް ފުރިހަމަވާ ފަރާތްތަކަށް ދެވޭ މެޑެއްޔެކެވެ.

1. އިހުލާސްތެރި ހިދުމަތުގެ ކުލަ ލިބުމަށްފަހު، މެދުނުކެނޑި 5 (ފަހެއް) އަހަރަށްވުރެ ކުރު ނޫން މުއްދަތެއްގައި ވަފާތެރިކަމާއި އިހުލާސްތެރިކަމާއެކު މޯލްޑިވްސް ކަރެކްށަނަލް ސަރވިސްގެ ވަޒީފާގައި ހިދުމަތްކުރި ފަރާތެއް؛ ނުވަތަ
2. ރައީސުލްޖުމްހޫރިއްޔާގެ ކުލައާއި ދިގު މުއްދަތެއްގައި ހިދުމަތްކުރުމުގެ ކުލަ ލިބިފައިވާ އޮފިސަރުންގެ ތެރެއިން ވަފާތެރިކަމާއި އިހުލާސްތެރިކަމާއެކު މޯލްޑިވްސް ކަރެކްށަނަލް ސަރވިސްގެ ވަޒީފާގައި ހިދުމަތްކުރިކަން ފާހަގަކުރެވޭ ފަރާތެއް.

 

(ވ) ދިގު މުއްދަތެއްގައި ހިދުމަތްކުރުމުގެ މެޑަލް (އިސްލާހު / އިސްލާހު2 ކުރެވިފަިއި)

މިއީ މެދުނުކެނޑި 25 (ފަންސަވީސް) އަހަރު މޯލްޑިވްސް ކަރެކްށަނަލް ސަރވިސްގެ ހިދުމަތުގައި އުޅުމުން ލިބޭ މެޑެއްޔެކެވެ.

 

(މ) އޮފިސަރުންގެ ހިދުމަތުގެ މެޑަލް (އިސްލާހު / އިސްލާހު2 ކުރެވިފަިއި)

މިއީ މެދުނުކެނޑި 20 (ވިހި) އަހަރު މޯލްޑިވްސް ކަރެކްށަނަލް ސަރވިސްއަށް ކުރުމުން ލިބޭ މެޑެއްޔެކެވެ. މި މެޑަލް ދެވޭނީ، ތިރީގައިވާ ށަރުތުތައް ފުރިހަމަވާ ފަރާތަކަށެވެ. ތިރީގައިވާ ށަރުތުތައް ފުރިހަމަވެގެން މި މެޑެލް ދެވޭ ފަރާތެއް ކަނޑައަޅާނީ އެ އޮފިސަރުގެ ޕާރސަނަލް ރެކޯޑަށް ބަލައި އިންސާފުކުރެވިގެންނެވެ.

1. އިހުލާސްތެރި ހިދުމަތުގެ ކުލަ ހާސިލުކޮށްފައިވާ ފަރާތެއް؛ ނުވަތަ
2. ދިގު މުއްދަތެއްގައި ހިދުމަތްކުރުމުގެ ކުލަ ހާސިލުކޮށްފައިވާ ފަރާތެއް.

 

(ފ) އަހުލާގީ މެޑެލް (އިސްލާހު / އިސްލާހު2 ކުރެވިފަިއި)

މިއީ މޯލްޑިވްސް ކަރެކްށަނަލް ސަރވިސްގެ ވަޒީފާގައި މެދުނުކެނޑި 15 (ފަނަރަ) އަހަރު ހިދުމަތްކޮށް، އަހުލާގީ ކުލަ ދެފަހަރު ހާސިލުކޮށްފައިވާ ފަރާތްތަކުގެ ތެރެއިން ފާހަގަކުރެވޭ ފަރާތްތަކަށް ދެވޭ މެޑެއްޔެކެވެ.

 

(ދ) މިނިވަން ފަންސާހުގެ މެޑަލް (އިތުރު  / އުނި ކުރެވިފަިއި) 

ދިވެހިރާއްޖޭގެ މިނިވަންކަމަށް ފަންސާސް އަހަރު ފުރޭ އަހަރު ކަމުގައިގައިވާ 26 ޖުލައި 2015 އާ ހަމައަށް މޯލްޑިވްސް ކަރެކްށަނަލް ސަރވިސްގެ ވަޒީފާގައި ދެމިހުރި ކޮންމެ އޮފިސަރަކަށް މިނިވަން ފަންސާހުގެ މެޑެލް ލިބިގެންދާނެއެވެ.

 

ޖަދުވަލު 3 

އޮފިސަރުންނަށް ދެވޭ ށަރަފުގެ ކުލަތަކުގެ ށަރުތުތައް (ސުރުހީ އިސްލާހު1 / އިސްލާހު2 ކުރެވިފަިއި)

 

(ހ) ރައީސުލްޖުމްހޫރިއްޔާގެ ކުލަ (އިސްލާހު1 / އިސްލާހު2 ކުރެވިފަިއި)

މި ކުލައަކީ އޮފިސަރެއްގެ ހިދުމަތް ހާއްސަގޮތެއްގައި ފާހަގަކުރެވިގެން އޮފިސަރަކަށް ރައީސުލްޖުމްހޫރިއްޔާ ދެއްވާ އެންމެމަތީ ކުލައެވެ. މި ކުލަ ދެވޭނީ، ތިރީގައިވާ ށަރުތުތައް ފުރިހަމަވާ ފަރާތްތަކަށެވެ.

1. ކާމިޔާބީގެ ކުލަ ހާސިލުކޮށްފައިވާ ފަރާތްތަކުގެ ތެރެއިން މި ކުލަ ދޭން ފެންނަ ފަރާތެއް؛
2. ސަރުކާރަށާއި ޤައުމަށް ދިމާވާ ބޮޑެތި ކަންތައްތަކުގައި ހާއްސަ ހިދުމަތެއް ކުރިކަމަށް ފާހަގަކުރެވޭ ފަރާތެއް؛
3. ދިގު މުއްދަތެއްގައި ތެދުވެރިކަމާއި އިހުލާސްތެރިކަމާއެކު މޯލްޑިވްސް ކަރެކްށަނަލް ސަރވިސްއަށް ހިދުމަތްކޮށްފައިވާ ފަރާތްތަކުގެ ތެރެއިން އިހުލާސްތެރި ހިދުމަތުގެ ކުލައާއި ހާއްސަ ހިދުމަތުގެ ކުލަ ހާސިލުކޮށްފައިވާ ފަރާތެއް.

 

(ށ) ދިގު މުއްދަތެއްގައި ހިދުމަތްކުރުމުގެ ކުލަ (އިސްލާހު / އިސްލާހު2 ކުރެވިފަިއި)

މިއީ މެދުނުކެނޑި 15 (ފަނަރަ) އަހަރުދުވަހު މޯލްޑިްވސް ކަރެކްށަނަލް ސަރވިސްގެ ހިދުމަތުގައި އުޅުމުން ލިބޭ ކުލައެކެވެ. މި ކުލަ ދެވޭނީ، ތިރީގައިވާ ށަރުތުތައް ފުރިހަމަވާ ފަރާތްތަކަށެވެ.

1. ހިދުމަތުގެ ކުލަ ހާސިލުކޮށްފައިވާ ފަރާތަކަށްވުން؛
2. ކަނޑައަޅާފައިވާ މުއްދަތުގައި ރިކޯޑު ރަނގަޅު ފަރާތްތަކަށްވުން.

 

(ނ) ހިތްވަރުގަދަކަމުގެ ކުލަ (އިސްލާހު / އިސްލާހު2 ކުރެވިފަިއި)

މިއީ ގައުމަށް ދިމާވާ އެކިއެކި ހާދިސާތަކުގައި ހިތްވަރުގަދަ ކަމެއް ކުރި ފަރާތަކަށް ދެވޭ ކުލައެކެވެ. މި ކުލަ ދެވޭނީ، ތިރީގައިވާ ށަރުތުތަކުގެ ތެރެއިން ށަރުތެއް ފުރިހަމަވާ ފަރާތަކަށެވެ.

1. އެއްގަމާއި ކަނޑާއި ވައިގެ ތެރޭގައި ދިމާވާ ނުރައްކާތެރި ހާދިސާއެއްގައި ހިތްވަރުގަދަ ކަމެއް ކުރި ފަރާތެއް؛
2. ސަރުކާރުގެ ނުވަތަ އަމިއްލަ ފަރާތެއްގެ އަގުހުރި މުދަލެއް ސަލާމަތްކުރުމުގެ ގޮތުން ހިތްވަރުގަދަ ކަމެއް ކުރި ފަރާތެއް؛
3. އާންމުންގެ މީހަކަށް ނުވަތަ ބަޔަކަށް ކުރިމަތިވާ ނުރައްކަލަކުން އެ މީހަކު ނުވަތަ ބަޔަކު ސަލާމަތްކުރުމަށް ހިތްވަރުގަދަ ކަމެއް ކުރި ފަރާތެއް؛
4. އަމަން އަމާންކަމާއި ސުލްހަ މަސްލަހަތު ގެއްލޭފަދަ ކަމެއް ރާވާމުންދާ ބަޔަކާ ބެހޭ މަޢުލޫމާތު ހޯދުމުގައި ހިތްވަރުގަދަ ކަމެއް ކުރި ފަރާތެއް.

 

(ރ) އިހްލާސްތެރި ހިދުމަތުގެ ކުލަ (އިސްލާހު / އިސްލާހު2 ކުރެވިފަިއި)

މިއީ މޯލްޑިވްސް ކަރެކްށަނަލް ސަރވިސްގެ ހިދުމަތުގައި ވަފާތެރިކަމާއި އިހުލާސްތެރިކަމާއެކު މެދުނުކެނޑި 10 (ދިހައެއް) އަހަރުދުވަހު ހިދުމަތްކުރި ފަރާތަކަށް ދެވޭ ކުލައެކެވެ. މި ކުލަ ދެވޭނީ، ތިރީގައިވާ ށަރުތުތަކުގެ ތެރެއިން ށަރުތެއް ފުރިހަމަވާ ފަރާތްތަކަށެވެ. އަދި މި ކުލަ ދެވޭނީ އެންމެ ފަހަރަކުއެވެ.

1. ހިދުމަތުގެ ކުލަ ހާސިލުކޮށްފައިވާ ފަރާތެއް؛
2. އަމިއްލަ ކަންތައްތަކަށްވުރެ މޯލްޑިވްސް ކަރެކްށަނަލް ސަރވިސްގެ ހިދުމަތަށް އިސްކަންދޭ ފަރާތެއް؛
3. ހަވާލުކުރެވޭ މަސައްކަތްތައް ހީވާގިކަމާއި ފަރުވާތެރިކަމާއެކު ކުރާ ފަރާތެއް؛
4. ފަސްނުޖެހި ކަމަށްކަމޭހިތައިގެން މަސައްކަތް ކުރާކަމަށް ފާހަގަކުރެވޭ ފަރާތެއް.

 

(ބ) ހިދުމަތުގެ ކުލަ (އިސްލާހު / އިސްލާހު2 ކުރެވިފަިއި)

މި ކުލައަކީ މެދުނުކެނޑި 10 (ދިހައެއް) އަހަރުވަންދެން މޯލްޑިވްްސް ކަރެކްށަނަލް ސަރވިސްއަށް ހިދުމަތްކުރުމުން ދެވޭ ކުލައެކެވެ. މި ކުލަ ދެވޭނީ، އެއްފަހަރު، ތިރީގައިވާ ށަރުތުތައް ފުރިހަމަވާ ފަރާތްތަކަށެވެ.

1. 10 (ދިހައެއް) އަހަރުދުވަހު މޯލްޑިވްްސް ކަރެކްށަނަލް ސަރވިސްގެ ވަޒީފާގައި އެކަށީގެންވާ ހިދުމަތެއް ކޮށްފައިވާ އޮފިސަރަކު ކަމުގައިވުން؛
2. މި ކުލަ ދެވޭ ފަރާތެއްގެ ޕާރސަނަލް ރިކޯޑަށް ބަލައި އަންނަނިވި ނުކުތާތަކުގެ މައްޗަށް އިންސާފުކުރަންވާނެއެވެ.
   
   · ށަރުޢީ ނުވަތަ ގާނޫނީ ގޮތުން އަދަބެއް ލިބޭ ފަދަ އަމަލެއް ނުކުރުން؛
   · ގަވާއިދާ ހިލާފުނުވުން؛
   · ގަޑިޖެހުން (ގަޑިޖެހުނު މިންވަރު، އަހަރަކު ސައްތައަކުން 5 (ފަހެއް) އަށްވުރެ ގިނަނޫން ފަރާތެއް)

 

(ޅ) އަހުލާގީ ކުލަ (އިސްލާހު / އިސްލާހު2 ކުރެވިފަިއި)

މިއީ މޯލްޑިވްސް ކަރެކްށަނަލް ސަރވިސްގެ ހިދުމަތުގައި މެދުނުކެނޑި މަދުވެގެން 5 (ފަހެއް) އަހަރުދުވަހު ހިދުމަތްކޮށްފައިވާ އަހުލާގު ރަނގަޅު މީހުންނަށް ދެވޭ ކުލައެކެވެ. މި ކުލަ ދެވޭނީ ތިރީގައިވާ ށަރުތުތައް ފުރިހަމަވާ ފަރާތަކަށެވެ.

1. ކުރެވޭ އަމުރުތަކަށާއި ގަވާއިދުތަކަށް ފުރިހަމައަށް ކިޔަމަންތެރިކަން އަދާކުރާ ފަރާތެއް؛
2. ގަޑިޖެހުނު މިންވަރަށް ބަލައި ތިރީގައިވާ މިންގަނޑު ފުރިހަމަވާ ފަރާތެއް؛
   · ގަޑިޖެހުނު މިންވަރު، އަހަރަކު ސައްތައަކުން 5 އަށްވުރެ ގިނަނޫން ފަރާތެއް؛
   · މަގުބޫލު އުޒުރެއްެނެތި ނަގާފައިވާ ުޗއްޓީއާއި ބުނެފައިވާ ސަލާމެއް ނެތުން؛
3. ވޭތުވެދިޔަ 5 އަހަރުދުވަހުގެ ކުށުގެ ރިކޯޑުގެ ތެރޭގައި އަދަބެއްގެ ގޮތުން އެއްވެސް ކަހަލަ ބަންދެއް ކޮށްފައިވާ ފަރާތަކަށް ނުވުން؛
4. އަހުލާގާއި ސުލޫކަށް ބެލުމުގައި، އޮފިސަރުންގެ މަސައްކަތުގައްޔާއި އަމިއްލަ ކަންކަމުގައި އެ މީހެއްގެ އަމަލު ރަނގަޅު އޮފިސަރަކަށްވުން.

 

(ކ) ހާއްސަ ހިދުމަތުގެ ކުލަ (އިސްލާހު / އިސްލާހު2 ކުރެވިފަިއި)

މި ކުލައަކީ، ހާއްސަ ގޮތެއްގައި ފާހަގަކުރެވޭ ހިދުމަތެއް ކުރި ފަރާތަކަށް ދެވޭ ކުލައެކެވެ. މި ކުލަ ދެވޭނީ ތިރީގައިވާ ށަރުތުތައް ފުރިހަމަވާ ފަރާތްތަކަށެވެ.

1. އާންމު ގޮތެއްގައި ހަވާލުކުރެވިފައިވާ މަސައްކަތުގެ އިތުރަށް ހަވާލުކުރެވޭ ހާއްސަ މަސައްކަތްތައް ފާހަގަކޮށްލެވޭފަަދަ ރަނގަޅު ފެންވަރެއްގައި ކުރި ފަރާތެއް؛
2. ފާހަގަކޮށްލެވޭ ހާއްސަ ހިދުމަތެއް ކަމަށް ބެލެވޭ ފަދަ ހިދުމަތެއް ކުރި ފަރާތެއް؛
3. އަމިއްލައަށް ފެނިގެންނާއި، އިސްނަގައިގެން އޮފިސަރުން ތަރައްޤީކުރުމުގެ ގޮތުން ހާއްސަ މަސައްކަތެއް ކުރިކަން ފާހަގަވުން.

 

(އ) ކާމިޔާބުގެ ކުލަ (އިސްލާހު / އިސްލާހު2 ކުރެވިފަިއި)

މިއީ އެ އޮފިސަރެއްގެ ހިންމަތާއި މިންނަތުން ހޯދާ ކާމިޔާބީއެއްގެ ސަބަބުން މޯލްޑިވްްސް ކަރެކްށަނަލް ސަރވިސްއަށް ނުވަތަ ދިވެހިރާއްޖެއަށް ފަހުރުވެރި ރީތި ނަމެއް ހޯދައިދިން ފަރާތަކަށް ދެވޭ ކުލައެކެވެ. މި ކުލަ ދެވޭނީ ތިރީގައިވާ ށަރުތުތަކުގެ ތެރެއިން ށަރުތެއް ފުރިހަމަވާ ފަރާތަކަށެވެ.

1. މަގާމުގެ ދަރަޖައިގެގޮތުން އެ މީހަކާ އެއް ދަރަޖައެއްގައި ތިބި ބަޔަކު ބައިވެރިކޮށްގެން، ނުވަތަ މަގާމުގެ ގޮތުން އެއަށްވުރެ މަތީ ދަރަޖައެއްގައި ތިބި ބަޔަކު ބައިވެރިކޮށްގެން ކުރެވުނު މަސައްކަތެއްގައި އާދަޔާ ހިލާފު ނަތީޖާއެއް ނެރެދީގެން ކާމިޔާބީއެއް ހާސިލުކޮށްފައިވާ ފަރާތެއް؛
2. ބޭރު ގައުމެއްގައި ދިވެހިރާއްޖެ ތަމްސީލުކުރާ ގޮތަކުން ނުވަތަ އެ މީހާގެ އަމިއްލަ ހިންމަތާއި މިންނަތުން މޯލްޑިވްސް ކަރެކްށަނަލް ސަރވިސްއަށް ނުވަތަ ދިވެހިރާއްޖެއަށް ފަހުރުވެރި ރީތި ނަމެއް ހޯ ދައިދިން ފަރާތަކަށްވުން.

 

(ވ) ހުނަރުވެރިކަމުގެ ކުލަ (އިސްލާހު / އިސްލާހު2 ކުރެވިފަިއި)

މިއީ ތަފާތު އަމަލީ އަދި ފަންނީ މަސައްކަތްތަކުގައި އާދަޔާ ހިލާފު ހުނަރުވެރިކަމެއް ހުރި ފަރާތަކަށްދެވޭ ކުލައެކެވެ. މި ކުލަ ދެވޭނީ ތިރީގައިވާ ށަރުތުތަކުގެ ތެރެއިން ށަރުތެއް ފުރިހަމަވާ ފަރާތަކަށެވެ.

1. އެ މީހަކު މަސައްކަތްކުރާ ދާއިރާގައި ފާހަގަ ކުރެވޭފަދަ ކުޅަދާނަކަމެއް ލިބިފައިވުމާއެކު، އެކަން އަމަލީ ގޮތުން ސާބިތުކޮށްދޭ ފަރާތަކަށްވުން؛
2. އަމިއްލަ ހިޔާލުން ނުވަތަ އަމިއްލަ މަސައްކަތުން މޯލްޑިވްސް ކަރެކްށަނަލް ސަރވިސްއަށް ނުވަތަ މުޖުތަމަޢުއަށް ބޭނުންތެރި އެއްޗެއް އީޖާދުކުރި ނުވަތަ އުފެއްދި ފަރާތަކަށްވުން.

 

(މ) ހެވިކަމުގެ ކުލަ (އިސްލާހު / އިސްލާހު2 ކުރެވިފަިއި)

މި ކުލަ ދެވޭނީ، އޮފިސަރުން ތަރައްގީކޮށް ކުރިއެރުވުމަށް ހިންގޭ ހެވިކަމުގެ ހަރަކާތްތަކުގައި ބައިވެރިވެ، ވިދިވިދިގެން 3 (ތިނެއް) އަހަރުދުވަހުގެ ތެރޭގައި، 1 ވަނަ 2 ވަނަ 3 ވަނައިގެ ތެރެއިން ރަން ވަނައަކަށް ހޮވިފައިވާ ފަރާތަށެވެ. އެއްފަހަރު ނުވަތަ ދެފަހަރަށް ރަން ވަނައެއް ހާސިލުކޮށްފައިވާ ފަރާތެއް ރަސްމީ މަސައްކަތެއްގައި އުޅެންޖެހުމުގެ ސަބަބުން ވިދިގެން އަންނަ އަހަރު ނުވަތަ އަހަރުތަކުގައި ހިންގޭ ހެވިކަމުގެ މިފަދަ ހަރަކާތެއްގައި ބައިވެރިނުވެވުނުނަމަވެސް، އެ މީހަކު ހާސިލުކުރަމުން އައި ރަން ވަނަ މެދުކެނޑުނު ކަމަކަށް ނުބެލެވޭނެއެވެ. 

 

(ފ) ސްޕެށިއަލް ޑިއުޓީ ކުލަ (އިތުރު / އިސްލާހު2 ކުރެވިފަިއި)

މި ކުލަ ދެވޭނީ ޖަލުތަކުގައި ހިނގާ ބޮޑެތި ހާދިސާތަކާ ގުޅިގެން ހިންގާ އާދަޔާ ހިލާފު ބޮޑެތި އޮޕަރޭށަންތަކުގައި ޢަމަލީގޮތުން ބައިވެރިވެ، އެކަމުގައި ހަރަކާތްތެރިވި އޮފިސަރުންނަށް ނުވަަތަ މޯލްޑިވްސް ކަރެކްށަނަލް ސަރވިސްއިން އެ މީހަކާ ހަވާލުކުރާ އާދަޔާ ހިލާފު ހާއްސަ މަސައްކަތެއް ފުރިހަމައަށް އަދާކުރާ ފަރާތްތަކަށެވެ.

 

(ދ) ހެވިކަމުގެ ކުލަ (އިތުރު ކުރެވި / އުނި ކުރެވިފަިއި)

 

(ތ) ސްޕެށަލް ޑިއުޓީ ކުލަ (އިތުރު / އުނި ކުރެވިފަިއި) 

މި ކުލަ ދެވޭނީ، ޖަލުތަކުގައި ހިނގާ ބޮޑެތި ހާދިސާތަކާ ގުޅިގެން ހިންގާ އާދަޔާ ހިލާފު ބޮޑެތި އޮޕަރޭށަންތަކުގައި އަމަލީގޮތުން ބައިވެރިވެ އެކަމުގައި ހަރަކާތްތެރިވި އޮފިސަރުންނަށް ނުވަތަ މޯލްޑިވްސް ކަރެކްށަނަލް ސަރވިސްއިން އެ މީހަކާ ހަވާލުކުރާ އާދަޔާ ހިލާފު ހާއްސަ މަސައްކަތެއް ފުރިހަމައަށް އަދާކުރާ ފަރާތްތަކަށެވެ.

 

(ލ) މިނިވަން ފަންސާހުގެ ޕެރޭޑް ކުލަ (އިތުރު / އުނި ކުރެވިފަިއި)

މި ކުލަ ދެވޭނީ، މިނިވަން ފަންސާހާ ގުޅުވައިގެން ބާއްވާ ޕެރޭޑްގައި ބައިވެރިވި އޮފިސަރުންނަށާއި އެ ޕެރޭޑް ބޭއްވުމުގައި އެކި ގޮތްގޮތުން އެހީތެރިވި އޮފިސަރުންނާއި މުވައްޒަފުންނަށެވެ.

 

(ގ) މަތީ ތައުލީމުގެ ކުލަ (އިތުރު / އުނި ކުރެވިފަިއި)

މިއީ، މޯލްޑިވްސް ކަރެކްށަނަލް ސަރވިސްގެ ހިދުމަތަށް ނުކުތުމަށްފަހު ހިދުމަތުގައި ދެމިހުރެ އެ އޮފިސަރެއް ނުވަތަ އެ މުވައްޒަފެއްގެ ތއުލީމީ ފެންވަރު ރަނގަޅުކުރުމުގެ ގޮތުން ތައުލީމު އުނގެނި، ދަށްވެގެން ބެޗްލަސް ޑިގްރީ ނިންމާ ފަރާތްތަކަށް ދެވޭ ކުލައެކެވެ.

 

(ޏ) ހަޔަރ ޑިއުޓީ ކުލަ (އިތުރު  / އުނި ކުރެވިފަިއި)

މިއީ، މޯލްޑިވްސް ކަރެކްށަނަލް ސަރވިސްގައި މަސައްކަތްކުރާ އޮފިސަރުންގެ ތެރެއިން އިސް މަގާމުތައް އަދާކޮށްފައިވާ ފަރާތަކަށް ދެވޭ ކުލައެކެވެ. މި ކުލަ ދެވޭނީ ތިރީގައިވާ ށަރުތުތަކުގެ ތެރެއިން ށަރުތެއް ފުރިހަމަވާ ފަރާތްތަކަށެވެ.

1. ޖަލުތައް ހިންގުމުގައި އެންމެ އިސްމީހާގެ މަގާމުގައި މެދުނުކެނޑި މަދުވެގެން 1 (އެކެއް) އަހަރުދުވަހު ހިދުމަތްކޮށްފައިވާ ފަރާތްތަކަށް؛
2. ކުރިން ޖަލު ހިންގުމުގެ އެންމެ އިސްމީހާގެ ހައިސިއްޔަތުން 1 (އެކެއް)  އަހަރަށްވުރެ މަދުނޫން މުއްދަތަކަށް ޖަލު ހިންގުމުގެ ޒިންމާ އުފުލުން؛
3. މޯލްޑިވްސް ކަރެކްށަނަލް ސަރވިސްގެ އެގްޒެކްޓިވް މަގާމެއްގައި އެ މީހަކާ ހަވާލުކުރެވޭ މަސްއޫލިއްޔަތު ފުރިހަމައަށް އަދާކޮށްފައިވާ ފަރާތްތަކަށް.

 

މައި ގަވާއިދު

މުވައްޒަފުންނަށް މަގާމުގެ ކުރިއެރުން ދިނުމާއި ށަރަފްގެ ނިށާން ދިނުމާބެހޭ ގަވާއިދު (ގަވާއިދު ނަންބަރު 2015-131)

 

މި ގަވާއިދަށް ގެނެވުނު އިސްލާހް

1 ވަނަ އިސްލާހު

2 ވަނަ އިސްލާހު

 

މައި ގާނޫނު

ޖަލުތަކާއި ޕެރޯލްގެ ގާނޫނު (ގާނޫނު ނަންބަރު 2013-14)