މުދަލާއި ހިދުމަތުގެ އަގުން ޓެކްސް ނެގުމުގެ ގަވާއިދަށް 20 ވަނަ އިސްލާހު ގެނައުމުގެ ގަވާއިދު
(ޓެކްސް ރޫލިންގ ނަންބަރު 2017-41)
(މި ގަވާއިދަށް އަމަލުކުރަން ފެށީ 10 ޑިސެމްބަރު 2018 ގައި)
މިއީ ގާނޫނު ނަންބަރު 2011-14 މެދުވެރިކޮށް އިސްލާހުކޮށްފައިވާ، ގާނޫނު ނަންބަރު 2010-03 (ޓެކްސް ނެގުމާބެހޭ އިދާރީ ގާނޫނު) ގެ 84 ވަނަ މާއްދާގެ ދަށުން ނެރެފައިވާ ރޫލިންގއެކެވެ. އެހެން ގޮތަކަށް ބަޔާންކޮށްފައިވާ ހާލަތެއްގައި މެނުވީ، ގާނޫނަށް ހަވާލާދީފައިވާ ތަންތަނުގައި ހަވާލާދީފައި އެވަނީ ގާނޫނު ނަންބަރު 2011-10 (މުދަލާއި ހިދުމަތުގެ އަގުން ޓެކްސް ނެގުމުގެ ގާނޫނު) އަށެވެ. އަދި ގަވާއިދަށް ހަވާލާދީފައިވާ ތަންތަނުގައި ހަވާލާދީފައި އެ ވަނީ، އިސްލާހުކޮށްފައިވާ ގަވާއިދު ނަންބަރު 2011-43 (މުދަލާއި ހިދުމަތުގެ އަގުން ޓެކްސް ނެގުމުގެ ގަވާއިދު) އަށެވެ. ޓެކްސް ދައްކާ ފަރާތްތަކުން މި ރޫލިނގއަށް ތަބާވުން ގާނޫނީގޮތުން ލާޒިމުކުރެއެވެ.
1 ވަނަ މާއްދާ - ތައާރަފު
މި ރޫލިންގގެ މަގްސަދަކީ، ގަވާއިދުގެ 42، 44 އަދި 59 ވަނަ މާއްދާއަށް އިސްލާހު ގެނައުމެވެ.
2 ވަނަ މާއްދާ - ރޫލިންގ
ގަވާއިދުގެ 42 ވަނަ މާއްދާގެ (ހ) ގެ (2) ގެ ފަހަތަށް އަންނަނިވި ނަންބަރު އިތުރުކުރުން:
(3) އެ މުއާމަލާތުން ސުން-ރޭޓުގައި ޖީ.އެސް.ޓީ ނެގިކަމުގައިވިޔަސް ދައުލަތުގެ އާމްދަނީއަށް އުނިކަމެއް ނާންނާނެކަމަށް މީރާއިން ކަނޑައެޅުން.
3 ވަނަ މާއްދާ - ގަވާއިދުގެ 42 ވަނަ މާއްދާގެ (ހ) ގެ (2) ގެ ފަހަތުގައިވާ "."، "؛ ނުވަތަ" އަށް ބަދަލުކުރުން.
4 ވަނަ މާއްދާ - ގަވާއިދުގެ 44 ވަނަ މާއްދާގެ (ށ) ގައިވާ "މި މާއްދާގެ (ހ) ގެ ބޭނުމަށް" މި އިބާރާތް "މި މާއްދާގެ (ހ) ގެ (1) ގެ ބޭނުމަށް" އަށް ބަދަލުކުރުން.
5 ވަނަ މާއްދާ - ގަވާއިދުގެ 59 ވަނަ މާއްދާގެ (ށ) ގައިވާ "މި ގަވާއިދުގެ 58 ވަނަ މާއްދާގެ (ހ) ގައި ބަޔާންކޮށްފައިވާ"، "މި ގަވާއިދުގެ 58 ވަނަ މާއްދާގައި ބަޔާންކޮށްފައިވާ" އަށް ބަދަލުކުރުން.
6 ވަނަ މާއްދާ - އަމަލުކުރަން ފެށުން
މި ރޫލިންގއަށް އަމަލުކުރަން ފަށާނީ، މި ރޫލިންގ ދިވެހިސަރުކާރުގެ ގެޒެޓުގައި ށާއިއުކުރާ ތާރީހުން ފެށިގެންނެވެ.
މައި ގަވާއިދު
މުދަލާއި ހިދުމަތުގެ އަގުން ޓެކްސް ނެގުމުގެ ގަވާއިދު (ގަވާއިދު ނަންބަރު 2011-43)
ކިޔުންތެރިންގެ ހިޔާލު