މުދަލާއި ހިދުމަތުގެ އަގުން ޓެކްސް ނެގުމުގެ ގަވާއިދަށް 21 ވަނަ އިސްލާހު ގެނައުމުގެ ގަވާއިދު
(ޓެކްސް ރޫލިންގ ނަންބަރު 2017-42)
(މި ގަވާއިދަށް އަމަލުކުރަން ފެށީ 7 ޑިސެމްބަރު 2017 ގައި)
މިއީ ގާނޫނު ނަންބަރު 2011-14 މެދުވެރިކޮށް އިސްލާހުކޮށްފައިވާ، ގާނޫނު ނަންބަރު 2010-03 (ޓެކްސް ނެގުމާބެހޭ އިދާރީ ގާނޫނު) ގެ 84 ވަނަ މާއްދާގެ ދަށުން ނެރެފައިވާ ރޫލިންގއެކެވެ. އެހެން ގޮތަކަށް ބަޔާންކޮށްފައިވާ ހާލަތެއްގައި މެނުވީ، ގާނޫނަށް ހަވާލާދީފައިވާ ތަންތަނުގައި ހަވާލާދީފައި އެވަނީ ގާނޫނު ނަންބަރު 2011-10 (މުދަލާއި ހިދުމަތުގެ އަގުން ޓެކްސް ނެގުމުގެ ގާނޫނު) އަށެވެ. އަދި ގަވާއިދަށް ހަވާލާދީފައިވާ ތަންތަނުގައި ހަވާލާދީފައި އެ ވަނީ، އިސްލާހުކޮށްފައިވާ ގަވާއިދު ނަންބަރު 2011-43 (މުދަލާއި ހިދުމަތުގެ އަގުން ޓެކްސް ނެގުމުގެ ގަވާއިދު) އަށެވެ. ޓެކްސް ދައްކާ ފަރާތްތަކުން މި ރޫލިނގއަށް ތަބާވުން ގާނޫނީގޮތުން ލާޒިމުކުރެއެވެ.
1 ވަނަ މާއްދާ - ތަޢާރަފު
މި ރޫލިންގގެ މަގްސަދަކީ، ގަވާއިދުގެ 11 ވަނަ މާއްދާ އިސްލާހުކުރުމެވެ.
2 ވަނަ މާއްދާ - ރޫލިންގ
ގަވާއިދުގެ 11 ވަނަ މާއްދާ އަންނަނިވި ގޮތަށް އިސްލާހުކުރުން:
ތްރެށޯލްޑް ބަލާނެ ގޮތް 11.
(ހ) ގާނޫނުގެ 15 ވަނަ މާއްދާގައި ބަޔާންކޮށްފައިވާ ޓޫރިޒަމް ދާއިރާގައި ޓެކްސް ނެގޭ ހަރަކާތެއް ހިންގާ ފަރާތަކުން، ގާނޫނުގެ 16 ވަނަ މާއްދާގައި ބަޔާންކޮށްފައިވާ ޓޫރިޒަމް ދާއިރާނޫން އެހެން ދާއިރާތަކުގައި ޓެކްސް ނެގޭ ހަރަކާތެއް ހިންގާ ނަމަ، ޖީ.އެސް.ޓީ.އަށް ރަޖިސްޓަރީކުރުމަށް ލާޒިމުވާ ކަމަށް ގާނޫނުގެ 51 ވަނަ މާއްދާގައި ބަޔާންކޮށްފައިވާ 1,000,000 (އެއް މިލިއަން) ރުފިޔާގެ ތްރެށޯލްޑް، އެ ފަރާތަކަށް ރައްދެއްނުވާނެއެވެ. އެބަހީ، އެފަދަ ފަރާތެއްގެ ޓެކްސް ނެގޭ އާމްދަނީ 1,000,000 (އެއް މިލިއަން) ރުފިޔާއަށްވުރެ އިތުރުނުވިޔަސް، އެ ހަރަކާތެއް ނިސްބަތްވާ ދާއިރާއެއްގައި ރަޖިސްޓަރީކުރަންވާނެއެވެ.
މައި ގަވާއިދު
މުދަލާއި ހިދުމަތުގެ އަގުން ޓެކްސް ނެގުމުގެ ގަވާއިދު (ގަވާއިދު ނަންބަރު 2011-43)
ކިޔުންތެރިންގެ ހިޔާލު