ނޭށަނަލް ކޮމްޕީޓެންސީ ސްޓޭންޑަރޑްތަކަށް ތަމްރީނުދޭ ފަރާތްތައް ރަޖިސްޓަރީކުރުމާއި ޕުރޮގުރާމު ރަޖިސްޓަރީކުރުމުގެ އުސޫލު

(މި އުސޫލަށް އަމަލުކުރަން ފެށީ 4 ޑިސެމްބަރު 2024 ގައި)

 

1 ވަނަ މާއްދާ - ތައާރުފާއި ނަން

(ހ) މިއީ، މޯލްޑިވްސް ނޭށަނަލް ސްކިލްސް ޑިވެލޮޕްމަންޓް އޮތޯރިޓީގެ ނޭށަނަލް ކޮމްޕިޓެންސީ ސްޓޭންޑަރޑަށް ފެތޭ ޕުރޮގުރާމުތަކަށް ތަމްރީނުދޭ މަރުކަޒުތަކާއި، އެޕްރެންޓިސްށިޕް ޕުރޮގުރާމުތަކާއި، ނޭށަނަލް އެޕްރެންޓިސްށިޕް ޕުރޮގުރާމު ހިންގުމުގައި ބައިވެރިވާ ތަމްރީނުދޭ މަރުކަޒުތަކާއި، ވަޒީފާދޭ ފަރާތްތައް ރަޖިސްޓަރީ ކުރުމާއި، ޕުރޮގުރާމުތައް ރަޖިސްޓަރީ ކުރުމުގައި ނޭށަނަލް ކޮމްޕިޓެންސީ ސްޓޭންޑަރޑްތަކުގައި ބަޔާންކުރާ މިންގަނޑާ އެއްގޮތްވާ ގޮތުގެ މަތީން އަމަލުކުރާނެ އުސޫލެއް ގާއިމުކުރުމަށް ޓަކައި، ގާނޫނު ނަންބަރު 2021-07 (ދިވެހިރާއްޖޭގެ މަތީތައުލީމާއި ތަމްރީނުގެ ގާނޫނު) ގެ 52 ވަނަ މާއްދާގެ (ށ) އާއި (ނ) އާއި (ރ) އާއި، 53 ވަނަ މާއްދާގެ (ނ) ގެ ދަށުން، މޯލްޑިވްސް ނޭށަނަލް ސްކިލްސް ޑިވެލޮޕްމަންޓް އޮތޯރިޓީން އެކުލަވައިލައިފައިވާ އުސޫލެކެވެ.

(ށ) މި އުސޫލަށް ކިޔާނީ، "ނޭށަނަލް ކޮމްޕިޓެންސީ ސްޓޭންޑަރޑްތަކަށް ތަމްރީނުދޭ ފަރާތްތައް ރަޖިސްޓަރީ ކުރުމާއި ޕުރޮގުރާމު ރަޖިސްޓަރީ ކުރުމުގެ އުސޫލު" އެވެ.

 

2 ވަނަ މާއްދާ - މަގުސަދު

މި އުސޫލުގެ މަގުސަދަކީ، މޯލްޑިވްސް ނޭށަނަލް ސްކިލްސް ޑިވެލޮޕްމަންޓް އޮތޯރިޓީގެ މުދަލުގެ ގޮތުގައި ހިމެނޭ ތަކެތި ކަނޑައެޅުމާއި، އެއް މިންގަނޑެއްގެ ދަށުން އިންސްޓިޓިއުޓް ބޭސްޑް ތަމްރީނުދޭ ފަރާތްތަކާއި، އެޕްރެންޓިސްށިޕް ޕުރޮގުރާމު ހިންގުމުގައި ބައިވެރިވާ ވަޒީފާދޭ ފަރާތްތަކާއި، އެމްޕްލޯޔަރ ބޭސްޑް ޓްރެއިނިންގއާއި ނޭށަނަލް ޓްރޭޑް ޓެސްޓިންގ އެންޑް ސަރޓިފިކޭށަން ޕުރޮގުރާމު ރަޖިސްޓަރީކޮށް، އެ ފަރާތްތަކުގެ ދަފުތަރު އެކުލަވައިލުމާއި ދަފުތަރު ބެލެހެއްޓުމުގެ ކަންކަމުގައި އަމަލުކުރާނެ އުސޫލުތައް ކަނޑައެޅުމާއި، އެ އުސޫލުތައް ބަޔާންކުރުމެވެ.

 

3 ވަނަ މާއްދާ - ތަމްރީނުދޭ ފަރާތް ރަޖިސްޓަރީ ކުރުމަށް ހުށަހެޅުން

(ހ) ނޭށަނަލް ކޮމްޕިޓެންސީ ސްޓޭންޑަރޑްތަކަށް ޕުރޮގުރާމުތައް ހިންގުމަށް ތަމްރީނުދޭ ފަރާތް ރަޖިސްޓަރީ ކުރުމަށް ހުށަހެޅޭނީ، ގާނޫނު ނަންބަރު 2021-07 (ދިވެހިރާއްޖޭގެ މަތީތައުލީމާއި ތަމްރީނުގެ ގާނޫނު) ގައިވާ ގޮތުގެ މަތީން، މިނިސްޓްރީގައި ރަޖިސްޓަރީކޮށްފައިވާ އިންސްޓިޓިއުޓްތަކާއި، ކޮލެޖްތަކާއި، ޔުނިވަރސިޓީ ތަކަށެވެ.

(ށ) މި އޮތޯރިޓީގެ ވެބްސައިޓުގައި އާންމުކޮށްފައިވާ ނޭށަނަލް ކޮމްޕިޓެންސީ ސްޓޭންޑަރޑްތަކަށް ޕުރޮގުރާމު ހިންގުމަށް ޓަކައި ތަމްރީނުދޭ ފަރާތް ރަޖިސްޓަރީ ކުރުމަށް ހާއްސަކޮށްފައިވާ އެޕްލިކޭށަން ފޯމާއި، އެ ފޯމާއެކު ހުށަހަޅަންޖެހޭ ލިޔުންތައް ހުށަހަޅަންވާނެއެވެ.

 

4 ވަނަ މާއްދާ - ޕުރޮގުރާމު ރަޖިސްޓަރީ ކުރުމަށް ހުށަހެޅުން

(ހ) މި އޮތޯރިޓީން އެކުލަވައިލައިފައިވާ ނޭށަނަލް ކޮމްޕިޓެންސީ ސްޓޭންޑަރޑްތަކަށް ޕުރޮގުރާމު ހިންގުމަށް ޓަކައި ކޮންމެ ޕުރޮގުރާމެއް ވަކިން ރަޖިސްޓަރީކުރަން ވާނެއެވެ.

(ށ) ޕުރޮގުރާމު ރަޖިސްޓަރީ ކުރުމަށް ވެބްސައިޓުގައި އާންމުކޮށްފައިވާ އެޕްލިކޭށަން ފޯމާއެކު ހުށަހަޅަންޖެހޭ ލިޔުންތައް ހުށަހެޅުމުގެ ކުރިނ،ް އެ ލިޔުންތަކުގެ ސައްހަކަނ،ް ތަމްރީނުދޭ ފަރާތުން ކަށަވަރުކުރަން ވާނެއެވެ.

 

5 ވަނަ މާއްދާ - ޕުރޮގުރާމު ރަޖިސްޓަރީ ކުރުމުގައި ބަލާނެ ކަންތައްތައް

(ހ) ޕުރޮގުރާމު ރަޖިސްޓަރީ ކުރުމުގައި، ޕްރޮގްރާމާ ގުޅޭ ނޭށަނަލް ކޮމްޕިޓެންސީ ސްޓޭންޑަރޑްގައި ހިމެނޭ އަމަލީ ބައިތައް ކުރިޔަށްގެންދަން ބޭނުންވާ ވަސީލަތްތަކާއި، އާލާތްތަކާއި، ވާރކްށޮޕްތަކާއި، ލެބޯޓްރ ތަކާއި، ކްލާސްރޫމް ހުރިތޯ ބަލާނެއެވެ.

(ށ) ރަޖިސްޓަރީ ކުރުމަށް ހުށަހަޅައިފައިވާ ޕުރޮގުރާމުގައި ކިޔަވައިދޭ ފަރާތަކީ، މި އުސޫލުގެ 6 ވަނަ މާއްދާގައިވާ ށަރުތުތައް ފުރިހަމަވާ ފަރާތެއްކަން ބަލާނެއެވ.

 

6 ވަނަ މާއްދާ - ކިޔަވައިދޭ ފަރާތުގައި ފުރިހަމަވާންޖެހޭ ށަރުތުތައް

(ހ) ރަޖިސްޓަރީ ކުރުމަށް އެދި ހުށަހަޅަ އިފައިވާ ޕުރޮގުރާމުގައި ކިޔަވައިދޭ ފަރާތަކީ، ކިޔަވައިދޭ ޕުރޮގުރާމާ ގުޅޭ ދާއިރާއިން އެ ޕުރޮގުރާމުގެ ސަނަދަށްވުރެ މަތީ ފެންވަރެއްގެ ސަނަދެއް ހާސިލުކޮށްފައިވާ ފަރާތަކަށްވުން. ނުވަތަ

(ށ) ކިޔަވައިދޭ ފަރާތުން ހުށަހަޅައިފައިވާ ސަނަދަކ، ކިޔަވައިދޭ ޕުރޮގުރާމާ ގުޅޭ ދާއިރާއިން އެ ޕުރޮގުރާމުގެ ސަނަދާ އެއްފެންވަރުގެ ސަނަދެއް އޮތުމާއެކު، 2 (ދޭއް) އަހަރުދުވަހުގެ އަމަލީ ތަޖުރިބާ ލިބިފައިވާ ފަރާތަކަށްވުން. ނުވަތަ 

(ނ) ރަޖިސްޓަރީ ކުރުމަށް ހުށަހަޅައިފައިވާ ދާއިރާގައި މެދުނުކެނޑި 5 (ފަހެއް) އަހަރުދުވަހުގެ އަމަލީ ތަޖުރިބާ ލިބިފައިވުމާއެކު، މިހާރު ވެސް އެ ދާއިރާގައި މަސައްކަތްކުރާ ފަރާތަކަށް ވުން.

 

7 ވަނަ މާއްދާ - ށަކުވާ ހުށަހެޅުން

(ހ) މި އުސޫލުގެ 6 ވަނަ މާއްދާގައިވާ ގޮތުގެ މަތީން ރަޖިސްޓަރީ ކުރުމަށް އެދި ހުށަހެޅި ފަރާތުގެ ކިބައިގައި ށަރުތު ހަމަނުވާކަމަށް އޮތޯރިޓީން ނިންމައިފި ނަމަ، އެ ނިންމުން ރިވިއުކުރުމަށް އެދި ރަސްމީ 3 (ތިނެއް) ދުވަހުގެ ތެރޭގައި މި އޮތޯރިޓީއަށް ހުށަހަޅަންވާނެއެވެ. އަދި ށަކުވާ ލިބޭތާ ރަސްމީ 3 (ތިނެއް) ދުވަހުގެ ތެރޭގައި ލިޔުމުން ޖަވާބު ދޭންވާނެއެވެ.

(ށ) މި މާއްދާގެ (ހ) ގައިވާ ގޮތަށް ރިވިއުކުރުމަށްފަހު އޮތޯރިޓީން ދިން ޖަވާބާމެދު ހިތްހަމަނުޖެހޭ ނަމަ ނުވަތަ ރަސްމީ 3 (ތިނެއް) ދުވަހުގެ ތެރޭގައި ޖަވާބެއް ލިބިފައި ނުވާ ނަމަ، ގަވާއިދު ނަންބަރު 2022-70 (މަތީތައުލީމާއި ތަމްރީނުގެ މަރުކަޒުތަކާ ބެހޭގޮތުން ހުށަހަޅާ ށަކުވާތައް ބެލުމުގައި އަމަލުކުރާނެ ގޮތުގެ ގަވާއިދު) ގެ ދަށުން އެކުލަވައިލައިފައިވާ ށަކުވާބަލާ ކޮމިޓީ އަށް މައްސަލަ ހުށަހެޅުމުގެ ފުރުސަތު އެ ފަރާތަކަށް ލިބިގެންވެއެވެ.

 

8 ވަނަ މާއްދާ - ރަޖިސްޓަރީކޮށްފައިވާފަރާތްތައް

(ހ) މި އުސޫލަށް އަމަލުކުރަން ފަށާ ތާރީހުން ފެށިގެން މީލާދީ 1 (އެކެއް) މަސްދުވަހުގެ ތެރޭގައި، ރަޖިސްޓަރީކޮށްފައިވާ ފަރާތްތައް އޮތޯރިޓީގެ ވެބްސައިޓުގައި އާންމުކުރަންވާނެއެވެ.

(ށ) ރަޖިސްޓަރީކޮށްފައިވާ ފަރާތްތަކުގެ ލިސްޓު، ކޮންމެ 30 (ތިރީސް) ދުވަހަކުން އަދާހަމަކޮށް ބަލަހައްޓަންވާނެއެވެ.

(ނ) މި އުސޫލުގެ 9 ވަނަ މާއްދާގެ (ބ) އާއި (ޅ) ގައިވާ ގޮތުގެ މަތީން ޕުރޮގުރާމު ހިންގުމުގެ ރަޖިސްޓްރޭށަނާއި އިންސްޓިޓިއުޓުގެ ރަޖިސްޓްރޭށަން ބާތިލުވެއްޖެ ނަމަ، މި އުސޫލުގެ 3 ވަނަ މާއްދާގައިވާ ގޮތުގެ މަތީން އަލުން ރަޖިސްޓަރީކުރަން ވާނެއެވެ.

 

9 ވަނަ މާއްދާ - ޕުރޮގުރާމު ހިންގުމާއި ދަރިވަރުން އެންރޯލްކުރުން 

(ހ) ނޭށަނަލް ކޮމްޕިޓެންސީ ސްޓޭންޑަރޑްތަކަށް ހިންގާ ޕުރޮގުރާމުތަކުގެ ކިޔެވުން ފެށުމުގެ 7 (ހަތެއް) ދުވަހުގެ ކުރިން "ކޮމެންސްމަންޓް އޮފް ޓްރެއިނިންގ" (ކޮޓް) ފޯމާއި، ހުށަހަޅަންޖެހޭ ލިޔުންތައް މި އޮތޯރިޓީ އަށް ހުށަހަޅަންވާނެއެވެ.

(ށ) ޕުރޮގުރާމަކަށް ކިޔަވައިދޭން ފެށުމަށްފަހު ކެންޑިޑޭޓަކު އެ ޕުރޮގުރާމަކަށް އެންރޯލްކުރެވޭނެ އެންމެފަހު މުއްދަތަކީ، ޕުރޮގުރާމު ފަށާތާ 14 (ސާދަ) ދުވަހެވެ. މި މުއްދަތުގެ ތެރޭގައި ެންރޯލްކުރާ ދަރިވަރުންނަށް ޕުރޮގުރާމުގެ ކިޔެވުމުން ގެއްލޭ ބައި (ތިއަރީ އާއި އަމަލީ ބައިތައް) ހަމަކޮށްދިނުމަކ ތަމްރީނުދޭ ފަރާތުގެ ޒިންމާއެކެވެ.

(ނ) އެއްވެސް ސަބަބަކާހުރެ ކޮޓްފޯމުގައި ހިމެނޭ މައުލޫމާތެއް ބަދަލުވެއްޖެ ނަމަ، ކޮޓްފޯމު އިސްލާހުކުރުމަށްފަހު އައު ކޮޓްފޯމެއް، ކިޔެވުން ފަށާތާ ގިނަވެގެން 14 (ސާދަ) ދުވަހުގެ ތެރޭގައި މި އޮތޯރިޓީ އަށް ހުށަހަޅަންވާނެއެވެ.

(ރ) ނޭށަނަލް ޓްރޭޑް ޓެސްޓިންގ އެންޑް ސަރޓިފިކޭށަން ފިޔަވައި، ނޭށަނަލް ކޮމްޕިޓެންސީ ސްޓޭންޑަރޑަށް ހިންގާ ޕުރޮގުރާމުތައް ހިންގަންވާނީ، މި އޮތޯރިޓީން ތައްޔާރުކޮށްފައިވާ "އަ ގައިޑް ޓު ކޮންޑަކްޓް ކޮމްޕިޓެންސީ ބޭސްޑް ޓްރެއިނިންގ" އާއި، މޯލްޑިވްސް ނޭށަނަލް ކޮލިފިކޭށަންސް ފްރޭމްވާރކާ އެއްގޮތަށެވެ.

(ބ) މި އޮތޯރިޓީގައި ޕުރޮގުރާމެއް ރަޖިސްޓަރީވުމަށްފަހު އެ ޕުރޮގުރާމެއް ހިންގައިފައިނުވާތާ 2 (ދޭއް) އަހަރުދުވަސް ވެފައި ވާ ނަމަ ނުވަތަ އެންމެފަހުން އެ ޕްރޮގުރާމް ހިންގިތާ 2 (ދޭއް) އަހަރުދުވަސް ވެފައި ވާ ނަމަ، އެ ޕުރޮގުރާމުގެ ރަޖިސްޓްރޭށަން ބާތިލުވާނެއެވެ.

(ޅ) މި އޮތޯރިޓީގައި ރަޖިސްޓަރީވުމަށްފަހު އެއްވެސް ޕުރޮގުރާމެއް ހިންގައިފައިނުވާތާ 12 (ބާރަ) މަސްދުވަސް ވެފައި ވާ ނަމަ، ތަމްރީނުދޭ ފަރާތް މި އޮތޯރިޓީގެ ދަފުތަރުން އުނިކުރެވޭނެއެވެ.

 

10 ވަނަ މާއްދާ - އެޑްވާންސް ސްޓޭންޑިންގ

(ހ) އެޑްވާންސް ސްޓޭންޑިންގ ދޭނީ، ނޭށަނަލް ސެޓުފިކެޓު ހާސިލުކުރިތާ 3 (ތިނެއް) އަހަރުދުވަސް ވެފައި ނުވާނަމައެވެ.

(ށ) އެޑްވާންސް ސްޓޭންޑިންގއަށް އެދި ހުށަހަޅަން ބޭނުންވާ ފަރާތްތަކުގެ މައުލޫމާތ،ު މި ކަމަށް ހާއްސަކޮށްފައިވާ ފޯމާއި ހުށަހަޅަންޖެހޭ ލިޔުންތައް ހުށަހަޅާނީ ތަމްރީނުދޭ މަރުކަޒަށެވެ. އަދި މި މައުލޫމާތު ކޮޓްފޯމާއެކު އެއްކަރުދާސްކޮށް މި އޮތޯރިޓީއަށް ހުށަހަޅަންވާނެއެވެ.

(ނ) އެޑްވާންސް ސްޓޭންޑިންގ ދެވޭނެ ޔުނިޓްތައް މި އޮތޯރިޓީން ކަށަވަރުކުރުމަށްފަހު، މި މައުލޫމާތު ކޮޓްފޯމު ލިބޭތާ ރަސްމީ 7 (ހަތެއް) ދުވަހުގެ ތެރޭގައި އިންސްޓިޓިއުޓްތަކާ ހިއްސާކުރަންވާނެއެވެ. 

(ރ) އިމްތިހާނު ރިޕޯޓާއި ޓްރާންސްކްރިޕްޓްގައި އެޑްވާންސް ސްޓޭންޑިންގ ދީފައިވާ ޔުނިޓްތަކުގައި "އެގްޒެމްޕްޓް" ކަމަށް ބަޔާންކުރަންވާނެއެވެ.

(ބ) އެޑްވާންސް ސްޓޭންޑިންގ ދޭނީ، ކިޔަވައިފައިވާ ލެވެލަށްވުރެ އެއްދަރަޖަ މަތީ ލެވެލަކަށެވެ.

(ޅ) މަތީ ލެވެލުގެ ސަނަދަކަށް ތަމްރީނުވުމަށް އެޑްވާންސް ސްޓޭންޑިންގ ދޭނީ، އެ ކޮލިފިކޭށަނަކާ ގުޅޭގޮތުން ނޭށަނަލް ކޮމްޕިޓެންސީ ސްޓޭންޑަރޑްގައި ކަނޑައަޅައިފައިވާ ކޮމަން ކޮމްޕިޓެންސީ ތަކުގެ ޔުނިޓްތަކުގެ އިމްތިހާނުން އެ ދަރިވަރަކު ފާސްވެފައިވާ ޔުނިޓްތަކަށެވެ.

 

11 ވަނަ މާއްދާ - ރަޖިސްޓްރޭށަން ފީ 

(ހ) ތަމްރީނުދޭ ފަރާތްތައް ރަޖިސްޓަރީ ކުރުމަށާއި، ރަޖިސްޓަރީއަލުން ހެއްދުމަށް ތިރީގައިވާ ގޮތުގެ މަތީން ފީ ދައްކަންވާނެއެވެ.

1. ތަމްރީނުދޭ ފަރާތް އަލަށް ރަޖިސްޓަރީ ކުރުމަށް 300 (ތިން ސަތޭކަ) ރުފިޔާ؛ 
2. އައުޓްރ ޗް ސެންޓަރު ރަޖިސްޓަރީ ކުރުމަށް 500 (ފަސް ސަތޭކަ) ރުފިޔާ؛ 
3. ރަޖިސްޓަރީ ކުރުމަށްފަހު ރަޖިސްޓަރީއަށް އެއްވެސް ބަދަލެއް ގެނައުމަށް 100 (އެއްސަތޭކަ) ރުފިޔާ؛
4. ރަޖިސްޓަރ ގެއްލިގެން އައު ރަޖިސްޓަރ އެއް ހެއްދުމަށް 250 (ދުއިސައްތަ ފަންސާސް) ރުފިޔާ.

(ށ) ޕުރޮގުރާމު ރަޖިސްޓަރީ ކުރުމަށް ތިރީގައިވާ ގޮތުގެ މަތީން ފީ ދައްކަންވާނެއެވެ.

1. ނޭށަނަލް ސެޓުފިކެޓު ލެވެލް 1 ގެ ޕުރޮގުރާމެއް ރަޖިސްޓަރީ ކުރުމަށް 1,000 (އެއްހާސް) ރުފިޔާ؛
2. ނޭށަނަލް ސެޓުފިކެ ޓު ލެވެލް 2 ގެ ޕުރޮގުރާމެއް ރަޖިސްޓަރީ ކުރުމަށް 1,500 (އެއްހާސް ފަސް ސަތޭކަ) ރުފިޔާ؛
3. ނޭށަނަލް ސެޓުފިކެޓު ލެވެލް 3 ގެ ޕުރޮގުރާމެއް ރަޖިސްޓަރީ ކުރުމަށް 2,500 (ދެހާސް ފަސް ސަތޭކަ) ރުފިޔާ؛
4. ނޭށަނަލް ސެޓުފިކެޓު ލެވެލް 4 ގެ ޕުރޮގުރާމެއް ރަޖިސްޓަރީ ކުރުމަށް 3,500 (ތިން ހާސް ފަސް ސަތޭކަ) ރުފިޔާ؛
5. ނޭށަނަލް ސެޓުފިކެޓު ލެވެލް 5 ގެ ޕުރޮގުރާމެއް ރަޖިސްޓަރީ ކުރުމަށް 5,000 (ފަސްހާސް) ރުފިޔާ.

 

12 ވަނަ މާއްދާ - މާނަކުރުން 

މި އުސޫލުގައި، އަންނަނިވި ލަފުޒުތަކާއި އިބާރާތްތައް ބޭނުންކޮށްފައިވަނީ ތިރީގައިވާ މާނައިގައެވެ.

(ހ) "ނޭށަނަލް ކޮމްޕިޓެންސީ ސްޓޭންޑަރޑް" ކަމަށް ބުނެފައި އެވަނީ، ފަންނީ މަސައްކަތްތެރިކަމުގެ ވަޒީފާއަށް މީޙުން ބިނާކުރުމަށް ބޭނުންވާ އަސާސ އިލްމާއި ހުނަރުތަކަށް މި އޮތޯރިޓީން ކަނޑައަޅައިފައިވާ މިންގަނޑުތަކަށެވެ.

(ށ) "މިނިސްޓްރީ" ކަމަށް ބުނެފައި އެވަނީ، ދައުލަތުގެ މަތީތައުލީމާއި ތަމްރީނުގެ ކަންކަން ބެލެހެއްޓުމުގެ މަސްއޫލިއްޔަތު އެ އިރެއްގައި ހަވާލުކޮށްފައިވާ ވުޒާރާއަށެވެ.

(ނ) "އޮތޯރިޓީ" ކަމަށް ބުނެފައި އެވަނީ، މޯލްޑިވްސް ނޭށަނަލް ސްކިލްސް ޑިވެލޮޕްމަންޓް އޮތޯރިޓީ އަށެވެ.

(ރ) "އެޕްރެންޓިސްށިޕް" ކަމަށް ބުނެފައި އެވަނީ، ކަނޑައެޅިފައިވާ ވަކި ނިޒާމެއްގެ ދަށުން ތަމްރީނު ފޯރުކޮށްދޭ މަރުކަޒުތަކާއި ވަޒީފާދޭ ފަރާތްތަކާ ގުޅިގެން ފޯރުކޮށްދޭ ފަންނީ ހުނަރުވެރި މަސައްކަތްތެރިކަމުގެ ތަމްރީނު ޕުރޮގުރާމުތަކަށެވެ.

(ބ) "އެމްޕްލޯޔަރ ބޭސްޑް ޓްރެއިނިންގ" ކަމަށް ބުނެފައި އެވަނީ، ވަޒީފާދޭ ފަރާތްތައް މެދުވެރިކޮށް ފޯރުކޮށްދޭ ތަމްރީނު ޕުރޮގުރާމުތަކަށެވެ.

(ޅ) "ނޭށަނަލް ޓްރޭޑް ޓެސްޓިންގ އެންޑް ސަރޓިފިކޭށަން" ކަމަށް ބުނެފައި އެވަނީ، ރަސްމީ ނިޒާމެއްގެ ތެރެއިން ކަނޑައެޅޭ ވަކި ސަނަދެއް ނެތި މަސައްކަތުގައި ދެމިތިބޭ ފަރާތްތަކަށް މަސައްކަތުގެ ތައުލީމާއި ތަމްރީނު ދިނުމުގެ ނިޒާމުގެ ތެރެއިން އެ ފަރާތްތަކުގެ ފެންވަރު ދެނެގަނެ، މަތީ ހަރުފަތަކަށް ވާސިލުވުމަށް ޓަކައި މަގުފަހިކޮށްދޭ ފުރުސަތަށެވެ.

(ކ) "ތަމްރީނުދޭ ފަރާތް" ކަމަށް ބުނެފައި އެވަނީ، މަތީތައުލީމާއި ތަމްރީނު ދިނުމުގެ ޕުރޮގުރާމުތައް ހިންގުމަށް މިނިސްޓްރީގައި ރަޖިސްޓަރީކޮށްގެން ހިންގާ ތަނަށެވެ.

(އ) "ކޮމެންސްމަންޓް އޮފް ޓްރެއިނިންގ (ކޮޓް) ފޯމު" ކަމަށް ބުނެފައި އެވަނީ، ޕުރޮގުރާމުގެ ކިޔެވުން ފެށުމަށް ޓަކައި ތަމްރީނުދޭ ފަރާތުން ފުރުމަށްފަހު، މި އޮތޯރިޓީއަށް ހުށަހެޅުމަށް ހާއްސަކޮށްފައިވާ ފޯމަށެވެ. 

(ވ) "ށަރުއ ކޯޓު" ކަމަށް ބުނެފައި އެވަނީ، ދިވެހިރާއްޖޭގެ ށަރުއ ނިޒާމުގައި ހުރި އެންމެހައި ކޯޓުތައް ރަމްޒުވާ ގޮތަށެވެ.

(މ) "މުދާ" ކަމަށް ބުނެފައި އެވަނީ، މި އޮތޯރިޓީގެ ހަރުމުދަލާއި ފިކުރ މުދަލުގެ ތެރެއިން އަންނަނިވި ތަކެއްޗަށެވެ.

1. ނޭށަނަލް ކޮމްޕިޓެންސީ ސްޓޭންޑަރޑް؛
2. ނޭށަނަލް ކަރިކިޔުލަމް؛
3. ނޭށަނަލް ލޮގްބުކް؛
4. ލަރނިންގ މެޓީރިއަލްސް؛
5. ނޭށަނަލް އެސެސްމަންޓް ރިސޯސްބުކް؛
6. މޯލްޑިވްސް ނޭށަނަލް ސްކިލްސް ޑިވެލޮޕްމަންޓް އޮތޯރިޓީގެ ލޯގޯ؛
7. ނޭށަނަލް އެޕްރެންޓިސްށިޕް ޕުރޮގުރާމުގެ ލޯގޯ؛
8. މި އޮތޯރިޓީގެ ފޯމުތަކާއި އެހެނިހެން ލޯގޯތައް؛
9. ސޯށަލް މީޑިއާގެ އެކިއެކި މަންސަތައް.

 

13 ވަނަ މާއްދާ - އުސޫލަށް އަމަލުކުރަން ފެށުން

މި އުސޫލަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި އުސޫލު ށާއިއުކުރާ ތާރީހުން ފެށިގެންނެވެ. 

 

މައި ގާނޫނު

މަތީ ތައުލީމާއި ތަމްރީނުގެ ގާނޫނު (ގާނޫނު ނަންބަރު 2021-07)