އެކްސްޕޯޓް އިމްޕޯޓުގެ ގާނޫނު (ނަންބަރު 1979-31) އިން ރައީސުލްޖުމްހޫރިއްޔާއަށް ލިބިދޭ އިހުތިޔާރުގެ ދަށުން، އިމްޕޯޓް ޑިއުޓީ މައާފުކުރުމާއި، އިމްޕޯޓް ޑިއުޓީ މައާފުކުރުމުގައި އަމަލުކުރާނެ އުސޫލު
(އުސޫލު ނަންބަރު 2016-03)
(މި އުސޫލަށް އަމަލުކުރަން ފެށީ 29 މާރިޗު 2016 ގައި)
1 ވަނަ މާއްދާ - ތައާރުފު
މި އުސޫލަކީ، ގާނޫނު ނަންބަރު 1979-31 (ދިވެހިރާއްޖޭގެ އެކްސްޕޯޓް އިމްޕޯޓްގެ ގާނޫނު) ގެ 8 ވަނަ މާއްދާގެ (ހ) އާއި (ށ) ގެ ދަށުން އިމްޕޯޓްކުރާ ތަކެތީގެ ޑިއުޓީ، ނުވަތަ އިމްޕޯޓް ޑިއުޓީން ބައެއް މައާފުކުރުމަށް ރައީސުލްޖުމްހޫރިއްޔާއަށް ލިބިދޭ އިހްތިޔާރުގެ ދަށުން، އިމްޕޯޓް ޑިއުޓީ މައާފުކުރުމާއި، އިމްޕޯޓް ޑިއުޓީ މައާފުކުރުމުގައި އަމަލުކުރާނެ ގޮތް ބަޔާންކުރާ އުސޫލެވެ.
2 ވަނަ މާއްދާ - އިގްތިސާދީ ގޮތުން ބޭނުންތެރި މަސައްކަތްކަމުގައި ބަލާ ކަންކަން
ގާނޫނު ނަންބަރު 1979-31 (ދިވެހިރާއްޖޭގެ އެކްސްޕޯޓް އިމްޕޯޓްގެ ގާނޫނު) ގެ 8 ވަނަ މާއްދާގެ (ހ) ގައި ބަޔާންކޮށްފައިވާ ފަދައިން، އިގްތިސާދީގޮތުން ދިވެހިރާއްޖެއަށް ބޭނުންތެރި މަސައްކަތް ފެށްޓުމަށާއި، މަސައްކަތް ކުރުމަށާއި، އެ މަސައްކަތް ހިންގުމަށް އިމްޕޯޓްކުރާ ތަކެތީގެ އިމްޕޯޓް ޑިއުޓީ، ނުވަތަ އިމްޕޯޓް ޑިއުޓީން ބައެއް، މައާފުކުރުމަށް ރައީސުލްޖުމްހޫރިއްޔާއަށް ލިބިދޭ އިހްތިޔާރުގެ ދަށުން، ތިރީގައި ބަޔާންކޮށްފައިވާ ބާވަތުގެ މަސައްކަތްތަކަށް ރާއްޖެއަށް އެތެރެކުރެވޭ ތަކެތީގެ ތެރެއިން، މި އުސޫލުގެ 3 ވަނަ މާއްދާގައި ބަޔާންކުރާ ތަކެއްޗަށް ޑިއުޓީ މައާފުކުރުމަށް ރައީސުލްޖުމްހޫރިއްޔާ ވަނީ ނިންމާފައެވެ.
(ހ) ރާއްޖޭގެ އިމްޕޯޓް މަދުކޮށް، އެކްސްޕޯޓް އިތުރުވާނެކަމަށް ބެލެވޭ ވިޔަފާރިއާއި، އެފަދަ އިގްތިސާދީ މަސައްކަތްތައް.
(ށ) ރާއްޖޭގައި ނެތް ޓެކްނޯލޮޖީއެއް ރާއްޖެއަށް އާންމުކުރުމަށް ހިންގޭ ވިޔަފާރިއާއި، އެފަދަ އިގްތިސާދީ މަސައްކަތްތައް.
(ނ) ރާއްޖޭގެ އިގްތިސާދީ މައިގަނޑު މަސައްކަތްތައް ފުޅާކޮށް، ވިޔަފާރިއާއި ވަޒީފާގެ ފުރުސަތުތައް އިތުރުކޮށް، ރައްޔިތުންގެ އާންމު ދިރިއުޅުން ފަހިކޮށްދޭ ވިޔަފާރިއާއި، އެފަދަ އިގްތިސާދީ މަސައްކަތްތައް.
(ރ) ރާއްޖެއަށް ބޭރުފައިސާ އިތުރުކޮށްދޭ ވިޔަފާރިއާއި، އެފަދަ އިގްތިސީާދ މަސައްކަތްތައް.
(ބ) ރާއްޖޭގައި އާންމުކޮށް ނުކުރާ އިގްތިސާދީ މަސައްކަތްތަކާއި، ރާއްޖޭގެ އިގްތިސާދު ޑައިވަރސިފައިކުރުމަށް ހިންގޭ އިގްތިސާދީ މަސައްކަތް.
(ޅ) ކުދި އަދި މެދު ފަންތީގެ ވިޔަފާ ިރތައް ފުޅާކުރުމަށް މަގުފަހިކޮށްދޭ އިގްތިސާދީ މަސައްކަތްތައް.
(ކ) ފަތުރުވެރިކަމުގެ ސިނާއަތުގައި މުޅިން އަލަށް ފަށްޓާ މަސައްކަތްތަކާއި، މި ސިނާއަތުގައި ގާއިމުކުރެވިފައިހުރި އިންވެސްޓްމަންޓްތަކުގެ ތެރެއިން، އިންވެސްޓްމަންޓުގެ އޮރިޖިނަލް އަގުގެ %25 އަށްވުރެ ބޮޑު ހަރަދެއް ހިނގާ ކެޕިޓަލް އެކްސްޕެންޑިޗަރއާއި މަރާމާތުގެ މަސައްކަތްތައް.
3 ވަނަ މާއްދާ - އިގްތިސާދީ ގޮތުން ބޭނުންތެރި މަސައްކަތްތަކަށް އެތެރެކުރެވޭ ތަކެތީގެ ތެރެއިން ޑިއުޓީ މައާފުކޮށްދެވޭ ތަކެތި
އިގްތިސާދީ ގޮތުން ބޭނުންތެރި މަސައްކަތްކަމަށް މި އުސޫލުގެ 2 ވަނަ މާއްދާގައި ބަޔާންކުރާ މަސައްކަތްތަކަށް އެތެރެކުރެވޭ ތަކެތީގެ ތެރެއިން، ޑިއުޓީ މައާފުކޮށްދެވޭނީ ތިރީގައިމިވާ ބާވަތުގެ ތަކެއްޗަށެވެ.
(ހ) އަގުބޮޑު މެށިނަރީއާއި، ކެޕިޓަލް އިކުއިޕްމަންޓާއި، އިމާރާތްކުރުމަށް ބޭނުންކުރާ މެޓީރިއަލް.
(ށ) އެއަރކްރާފްޓް އަދި އޭގެ ސްޕެއަރޒްއާއި، އެއަރކްރާފްޓް އިންޖީން އަދި އޭގެ ސްޕެއަރޒްއާއި، އެއަރކްރާފްޓް ކޮންސިއުމަބަލް ޓެކްނިކަލް ސަޕްލައިޒް.
4 ވަނަ މާއްދާ - އިގްތިސާދީ ގޮތުން ބޭނުންތެރި މަސައްކަތުގެ އިންވެސްޓްމަންޓް އަގު
މި އުސޫލުގެ 2 ވަނަ މާއްދާގައި ބަޔާންކުރާ އިގްތިސާދީގޮތުން ދިވެހިރާއްޖެއަށް ބޭނުންތެރި މަސައްކަތް ފެށްޓުމަށާއި، މަސައްކަތް ކުރުމަށާއި، އެ މަސައްކަތް ހިންގުމަށް އިމްޕޯޓްކުރާ ތަކެއްޗަށް ޑިއުޓީ މައާފުކުރެވޭނީ، އެ މަސައްކަތުގެ ޖުމުލަ އިންވެސްޓްމަންޓުގެ އަގު، 2 (ދޭއް) މިލިއަން އެމެރިކާ ޑޮލަރަށްވުރެ ބޮޑު ވާނަމައެވެ.
5 ވަނަ މާއްދާ - އިގްތިސާދީ ގޮތުން ބޭނުންތެރި މަސައްކަތަށް ގެނެވޭ ތަކެތީގެ ޑިއުޓީ މައާފުކުރެވޭ މުއްދަތު
މި އުސޫލުގެ 2 ވަނަ މާއްދާގައި ބަޔާންކުރާ އިގްތިސާދީގޮތުން ދިވެހިރާއްޖެއަށް ބޭނުންތެރި މަސައްކަތް ފެށްޓުމަށާއި، މަސައްކަތް ކުރުމަށާއި، އެ މަސައްކަތް ހިންގުމަށް އިމްޕޯޓްކުރާ ތަކެތީގެ ތެރެއިން، މި އުސޫލުގެ 3 ވަނަ މާއްދާގައި ބަޔާންކުރާ ތަކެއްޗަށް ޑިއުޓީ މައާފުކުރާނީ، ތިރީގައިމިވާ މުއްދަތުތަކާ އެއްގޮތްވާ ގޮތުގެ މަތިންނެވެ.
(ހ) އަލަށް ފަށާ އިގްތިސާދީ މަސައްކަތެއްނަމަ، އެ މަސައްކަތަކަށް ގެނެވޭ ތަކެއްޗަށް އިންވެސްޓްމަންޓް ގާއިމްކުރެވެންދެން ނުވަތ،ަ ގިނަވެގެން 3 އަހަރު ދުވަހުގެ މުއްދަތަށް ޑިއުޓީ މައާފުކުރެވޭނެއެވެ.
(ށ) ފަށާފައިވާ ނުވަތަ ހިނގަމުންދާ އިގްތިސާދީ މަސައްކަތެއް އިތުރަށް ފުޅާކުރުމަށް ކުރެވޭ މަސައްކަތެއްނަމަ، އެ މަސައްކަތުގެ އިންވެސްޓްމަންޓް އަގަށް ރިއާޔަތްކޮށް، އެ މަސައްކަތަކަށް ގެނެވޭ ތަކެއްޗަށް ތިރީގައިމިވާ ގޮތުގެމަތިން ޑިއުޓީ މައާފުކުރެވޭނެއެވެ.
- 2 މިލިއަން ޑޮލަރާއި 25 މިލިއަން ޑޮލަރާ ދެމެދުގެ އިންވެސްޓްމަންޓެއްނަމަ، ގިނަވެގެން 3 އަހަރު ދުވަހުގެ މުއްދަތަށް.
- 2 25 މިލިއަން ޑޮލަރާއި 50 މިލިއަން ޑޮލަރާ ދެމެދުގެ އިންވެސްޓްމަންޓެއްނަމަ، ގިނަވެގެން 5 އަހަރު ދުވަހުގެ މުއްދަތަށް.
- 3 50 މިލިއަން ޑޮލަރާއި 75 މިލިއަން ޑޮލަރާ ދެމެދުގެ އިންވެސްޓްމަންޓެއްނަމަ، ގިނަވެގެން 7 އަހަރު ދުވަހުގެ މުއްދަތަށް.
- 4 75 މިލިއަން ޑޮލަރާއި 100 މިލިއަން ޑޮލަރާ ދެމެދުގެ އިންވެސްޓްމަންޓެއްނަމަ، ގިނަވެގެން 10 އަހަރު ދުވަހުގެ މުއްދަތަށް.
- 5 އިންވެސްޓްމަންޓުގެ އަގު 100 މިލިއަން ޑޮލަރަށްވުރެ ބޮޑުނަމަ، ގިނަވެގެން 15 އަހަރު ދުވަހުގެ މުއްދަތަށް.
(ނ) ފަށާފައިވާ ނުވަތަ ހިނގަމުންދާ އިގްތިސާދީ މަސައްކަތައީ، ވައިގެ ދަތުރުފަތުރުގެ ހިދްމަތްދިނުމާގުޅޭ މަސައްކަތެއްނަމަ، އެ މަސައްކަތުގެ ރިޕެއަރ އެންޑް މެއިންޓަނަންސަށް ގެނެވޭ ތަކެއްޗަށް، މި އުސޫލުގެ 5 ވަނަ މާއްދާގައި ބަޔާންކުރާ މުއްދަތުތަކާ އެއްގޮތްވާ ގޮތުގެމަތިން ޑިއުޓީ މައާފުކުރެވޭނެއެވެ. މިފަދަ މަސައްކަތްތަކަށް ގެނެވޭ ތަކެއްޗަށް ޑިއުޓީ މައާފުކޮށްދޭއިރު، މުއްދަތު ގުނުމުގައި ބަލާނީ، މި އުސޫލުގެ ދަށުން ޑިއުޓީ މައާފުކޮށްދިނުމަށް އެދި ހުށަހަޅާ ތަކެއްޗަށް ޑިއުޓީ މައާފުކޮށްދިނުމަށް ކަނޑައަޅާ ތާރީހުން ފެށިގެންނެވެ.
6 ވަނަ މާއްދާ - އިގްތިސާދީ ގޮތުން ބޭނުންތެރި މަސައްކަތަށް ގެނެވޭ ތަކެތީގެ ޑިއުޓީ މައާފުކުރެވޭ މިންވަރު
މި އުސޫލުގެ 2 ވަނަ މާއްދާގައި ބަޔާންކުރާ އިގްތިސާދީ ގޮތުން ދިވެހިރާއްޖެއަށް ބޭނުންތެރި މަސައްކަތް ފެށްޓުމަށާއި، މަސައްކަތް ކުރުމަށާއި، އެ މަސައްކަތް ހިންގުމަށް އިމްޕޯޓްކުރާ ތަކެތީގެ ތެރެއިން، މި އުސޫލުގެ 3 ވަނަ މާއްދާގައި ބަޔާންކުރާ ތަކެތީގެ ޑިއުޓީގެ %100 މައާފުކުރެވޭނެއެވެ.
7 ވަނަ މާއްދާ - އިގްތިސާދީ ގޮތުން ބޭނުންތެރި މަސައްކަތަށް ގެނެވޭ ތަކެތީ ޑިއުޓީ މައާފުކުރުމަށް އެދެވޭނެ ފަރާތްތަް
މި އުސޫލުގެ 2 ވަނަ މާއްދާގައި ބަޔާންކުރާ ބާވަތުގެ މަސައްކަތަކަށް ގެންނަ ތަކެތީގެ ޑިއުޓީ މައާފުކުރުމަށް އެދޭ ފަރާތައީ، ގާނޫނު ނަންބަރު 2014-18 (ވިޔަފާރި ރަޖިސްޓަރީކުރުމުގެ ގާނޫނު) ގެ ދަށުން ރަޖިސްޓަރީކޮށްފައިވާ ފަރާތަކަށްވުމާއެކު، މުދާ އިމްޕޯޓްކުރުމުގެ ހުއްދަ ނަގާފައިވާ ފަރާތެއްކަމުގައި ވާންވާނެއެވެ. އަދި އެފަރާތައީ، ދައުލަތަށް ދައްކަންޖެހޭ ފީއާއި ޓެކްސް ގަވާއިދުން ދައްކަމުންދާ ފަރާތެއްކަމުގައިވެސް
ވާންވާނެއެވެ.
8 ވަނަ މާއްދާ - ހާއްސަ ހާލަތްތަކުގައި ގެނެވޭ ތަކެތީގެ ޑިއުޓީ މައާފުކުރުން
ގާނޫނު ނަންބަރު 1979-31 (ދިވެހިރާއްޖޭގެ އެކްސްޕޯޓް އިމްޕޯޓްގެ ގާނޫނު) ގެ 8 ވަނަ މާއްދާގެ (ށ) ގައި ބަޔާންކޮށްފައިވާ ފަދައިން، ދިވެހިރާއްޖޭގެ ރައްޔިތުންގެ ނުވަތަ ރަށެއްގެ މުޅި ރައްޔިތުންގެ އާންމު ފައިދާއަށްޓަކައި އިމްޕޯޓްކުރާ ތަކެތީގެ އިމްޕޯޓް ޑިއުޓީ ނުވަތަ ޑިއުޓީން ބައެއް، ހާއްސަ ހާލަތެއް މެދުވެރިވެއްޖެ ހިނދެއްގައި، މައާފުކުރުމަށް ރައީސުލްޖުމްހޫރިއްޔާއަށް ލިބިދޭ އިހްތިޔާރުގެ ދަށުން، ތިރީގައި ބަޔާންކޮށްފައިވާ ހާލަތްތަކުގައި ގެނެވޭ ތަކެތިން ޑިއުޓީ މައާފުކުރުމަށް ރައީސުލްޖުމްހޫރިއްޔާ ވަނީ ނިންމާފައެވެ.
(ހ) ރޯޯގާ ބަލިމަޑުކަމެއްގެ ސަބަބުން ރާއްޖޭގެ ރައްޔިތުންގެ ނުވަތަ ރަށެއްގެ ރައްޔިތުންގެ ގިނަބަޔަކަށް ފަރުވާ ދޭންޖެހިގެން ގެނެވޭ ތަކެތި.
(ށ) ރައްޔިތުންނަށް ލިބިދޭންޖެހޭ ތައުލީމު، ސިއްހަތު، ކަރަންޓް، ފެން، ނަރުދަމާފަދަ އަސާސީ ހިދްމަތެއް ފޯރުކޮށްނުދެވުމުގެ ސަބަބުން، ރާއްޖޭގެ ރައްޔިތުންގެ ނުވަތަ ރަށެއްގެ ރައްޔިތުންގެ ގިނަބައެއްގެ އާންމު ދިރިއުޅުމަށް ނުވަތަ ކެއިންބުއިމަށް، ނޭދެވޭ އަސަރެއްކުރާފަދަ ހާލަތެއް މެދުވެރިވުމުން އެކަން ހައްލުކުރަންޖެހިގެން ގެނެވޭ ތަކެތި.
(ނ) ރައްޔިތުންނަށް ލިބެމުންއައި، އަސާސީ ހިދުމަތެއް މެދުކެނޑުމުގެ ސަބަބުން، ނުވަތަ ކުރިން ލިބެމުންއައި ފެންވަރުގައި ނުވަތަ މިންވަރުގައި ނުލިބުމުގެ ސަބަބުން، ރައްޔިތުންނަށް އެކަމުގެ ދަތިކަން ތަހައްމަލުކުރަންޖެހޭފަދަ ހާލަތެއް މެދުވެރިވެގެން ގެނެވޭ ތަކެތި.
(ރ) ގުދުރަތީ ހާދިސާ ނުވަތަ ކާރިސާއެއްގެ ސަބަބުން، ދިވެހިރާއްޖޭގެ ރައްޔިތުންގެ ނުވަތަ ރަށެއްގެ ރައްޔިތުންގެ ގިނަބައެއްގެ ދިރިއުޅުމަށް ދަތިވާފަދަ ހާލަތެއް މެދުވެރިވެގެން ގެނެވޭ ތަކެތި.
(ބ) ދިވެހިރާއްޖޭގެ ރައްޔިތުންނަށް ނުވަތަ ރަށެއްގެ ރައްޔިތުންނަށް ބޭނުންވާ އަސާސީ ހިދުމަތްތައް ފޯރުކޮށްދިނުމަށާއި، އިޖުތިމާއީ އަދި އުމުރާނީ ތަރައްގީގެ ވަސީލަތްތައް ގާއިމުކުރުމަށާއި، ތިމާވެށި ހިމާޔަތްކުރުމާ ގުޅޭގޮތުން ހިންގޭ މަށްރޫއުތަކުގެ ތެރެއިން، ހިލޭ އެހީގެ ދަށުން ހިންގާ މަށްރޫއުތަކަށް ގެނެވޭ ތަކެތި.
(ޅ) ދިވެހިރާއްޖޭގެ ރައްޔިތުންނަށް ނުވަތަ ރަށެއްގެ ރައްޔިތުންނަށް ބޭނުންވާ އަސާސީ ހިދުމަތްތައް ފޯރުކޮށްދިނުމަށާއި، އިޖުތިމާއީ އަދި އުމުރާނީ ތަރައްގީގެ ވަސީލަތްތައް ގާއިމުކުރުމަށާއި، ތިމާވެށި ހިމާޔަތްކުރުމާ ގުޅޭގޮތުން ހިންގޭ މަށްރޫއުތަކުގެ ތެރެއިން، ޑިއުޓީ މައާފުކޮށްދޭގޮތަށް ބަޔާންކޮށް އެގްރީމަންޓުކޮށްގެން ހިންގާ މަށްރޫއުތަކަށް، އެގްރީމަންޓުގެ މުއްދަތުގެ ތެރޭގައި އިމްޕޯޓްކުރެވޭ ތަކެތި.
(ކ) ދިވެހިރާއްޖޭގެ ރައްޔިތުންނަށް ނުވަތަ ރަށެއްގެ ރައްޔިތުންނަށް ހިލޭ އެހީއާއި ހަދިޔާގެގޮތުގައި ލިބޭ ތަކެތި.
(އ) ރާއްޖެއިން ބޭރުން ޗާޕުކޮށްގެން ނުވަތަ މިންޓްކޮށްގެން އެތެރެކުރާ ލީގަލް ޓެންޑަރ ކަމުގައިވާ ރުފިޔާ ނޫޓާއި ފައިސާ ފޮތި.
9 ވަނަ މާއްދާ - ހާާއްސަ ހާލަތުގައި ގެނެވޭ ތަކެތީގެ ޑިއުޓީ މައާފުކުރެވޭ މިންވަރު
މި އުސޫލުގެ 8 ވަނަ މާއްދާގެ ދަށުން ޑިއުޓީ މައާފުކުރުމަށް ހުށަހަޅާ ތަކެތީގެ ޑިއުޓީގެ %100 މައާފުކުރެވޭނެއެވެ.
10 ވަނަ މާއްދާ - އެގްރީމަންޓުގައި ވަކިގޮތަކަށް ބަޔާންކޮށްގެން އިމްޕޯޓްކުރާ ތަކެތި
(ހ) ދައުލަތުގެ ފަރާތުން އެއްވެސް ފަރާތަކާއެކު ކުރާ އެގްރީމަންޓެއްގައި، މި އުސޫލުގެ ދަށުން ޑިއުޓީ މައާފުކުރުމަށް މާއްދާއެއް ހިމެނޭނީ، ސަރުކާރުގެ ކަމާބެހޭ ވުޒާރާއެއް މެދުވެރިކޮށް ރައީސުލްޖުމްހޫރިއްޔާގެ އޮފީހަށް ހުށަހަޅައިގެން އެކަމަށް ހުއްދަ ހޯދުމަށެވެ.
(ށ) މި އުސޫލަށް އަމަލުކުރަން ފެށުމުގެ ކުރިން، ދައުލަތުގެ ފަރާތުން އެއްވެސް ފަރާތަކާއެކު ހަދާފައިވާ އެގްރީމަންޓެއްގައި، މުދަލެއްގެ ޑިއުޓީ މައާފުކޮށްދޭގޮތަށް ބަޔާންކޮށްފައިވާނަމަ، އެ މުދަލުގެ ޑިއުޓީ މައާފުގެ ކަންކަން، އެ އެގްރީމަންޓެއްގައި ބަޔާންކޮށްފައިވާ ގޮތުގެ މަތިން ހަމަޖައްސައިދިނުމަކަށް މި އުސޫލު ހުރަހެއް ނާޅައެވެ.
11 ވަނަ މާއްދާ - ޑިއުޓީ މައާފުކުރުމުގެ ކަންކަން ތަންފީޒުކުރުމާއި، ޑިއުޓީ މައާފުކުރުމަށް އެދި ހުށަހެޅުން
މި އުސޫލުގެ 2 ވަނަ މާއްދާއާއި 8 ވަނަ މާއްދާގެ ދަށުން، ޑިއުޓީ މައާފުކުރުމަށް ރައީސުލްޖުމްހޫރިއްޔާ ނިންމާފައިވާ ނިންމުން ތަންފީޒުކުރާނީ، ސަރުކާރުގެ ކަމާގުޅޭ ވުޒާރާ މެދުވެރިކޮށް، އެ ވުޒާރާއަކުން ކަނޑައަޅާ އުސޫލާ އެއްގޮތަށް، ތިރީގައިމިވާ ގޮތުގެމަތިންނެވެ.
(ހ) މި އުސޫލުގެ 2 ވަނަ މާއްދާގައި ބަޔާންކުރާ އިގްތިސާދީގޮތުން ދިވެހިރާއްޖެއަށް ބޭނުންތެރި މަސައްކަތްކަމަށް ބަޔާންކުރާ މަސައްކަތްތަކުގެ ތެރެއިން، ފަތުރުވެރިކަމާއި، މަސްވެރިކަމާއި، ދަނޑުވެރިކަމުގެ ދާއިރާއާގުޅޭ މަސައްކަތްތަކަށް ގެނެވޭ ތަކެތި ފިޔަވައި، އެހެން ތަކެތީން، ޑިއުޓީ މައާފުކުރުމަށް އެދި ހުށަހަޅާނީ، އިގްތިސާދީ ކަންތައްތައް ބަލަހައްޓާ ވުޒާރާއަށެވެ. ފަތުރުވެރިކަމުގެ ދާއިރާއާގުޅޭ މަސައްކަތްތަކަށް ގެނެވޭ ތަކެތީން، ޑިއުޓީ މައާފުކުރުމަށް އެދި ހުށަހަޅާނީ، ފަތުރުވެރިކަމުގެ ވުޒާރާއަށެވެ. އަދި، މަސްވެރިކަމާއި ދަނޑުވެރިކަމުގެ ދާއިރާއާގުޅޭ މަސައްކަތްތަކަށް ގެނެވޭ ތަކެތީން، ޑިއުޓީ މައާފުކުރުމަށް އެދި ހުށަހަޅާނީ، މި ދާއިރާގެ ކަންކަން ބަލަހައްޓާ ވުޒާރާއަށެވެ.
(ށ) މި އުސޫލުގެ 8 ވަނަ މާއްދާގެ ދަށުން، ޑިއުޓީ މައާފުކުރުމަށް އެދޭ ތަކެތީން، ޑިއުޓީ މައާފުކުރުމަށް އެދި ހުށަހަޅާނީ، ޑިއުޓީ މައާފުކުރުމަށް އެދޭ މުދަލުގެ ބާވަތުން، ސަރުކާރުގެ ކަމާގުޅޭ ވުޒާރާއަށެވެ.
(ނ) މި އުސޫލުގެ 8 ވަނަ މާއްދާގެ (ހ)، (ށ)، (ނ) އަދި (ރ) ގެ ދަށުން ޑިއުޓީ މައާފުކުރުމަށް އެދޭ ތަކެތި ފިޔަވައި، އެހެން ތަކެތީން ޑިއުޓީ މައާފުކުރުމަށް އެދި، އެ މުދާ ރާއްޖެ ގެނައުމުގެ މަދުވެގެން 14 (ސާދަ) ދުވަހުގެ ކުރިން ކަމާގުޅޭ ވުޒާރާއަށް ހުށަހަޅަންވާނެއެވެ.
(ރ) މި މާއްދާގެ (ނ) ގައި އެހެން ބަޔާންކޮށްފައި ވީނަމަވެސ،ް މި އުސޫލުގެ ދަށުން ޑިއުޓީ މައާފުކުރެވޭ މުދަލެއް، ކުއްލި ހާލަތެއް މެދުވެރިގެން، އަވަސްގޮތެއްގައި ގެންނަން ޖެހިއްޖެނަމަ، އެ ތަކެތީން ޑިއުޓީ މައާފުކުރުމަށް އެދި 14 (ސާދަ) ދުވަހަށްވުރެ ކުރު މުއްދަތެއްގައި ހުށަހެޅުމަކަށް، މި އުސޫލު ހުރަހެއް ނާޅައެވެ.
(ބ) މި އުސޫލުގެ 3 ވަނަ މާއްދާގެ ދަށުން ޑިއުޓީ މައާފުކޮށްދެވޭ ތަކެތި ބޭނުންކުރާނީ، ހަމައެކަނި އެ އެއްޗެއް އެތެރެކުރި މަސައްކަތަށް ނުވަތަ ބޭނުމަށް ކަމުގައި ކަނޑައަޅައި، ޑިއުޓީ މައާފުކުރުމަށް އެދޭ ފަރާތަކުން މިކަމަށް އިގުރާރުވ،ެ ލިޔުމުން، ޑިއުޓީ މައާފުކުރުމަށް އެދޭއިރު ހުށަހަޅަންވާނެއެވެ.
(ޅ) މި އުސޫލުގެ ދަށުން ޑިއުޓީ މައާފުކުރެވޭ ތަކެތީގެ ޑިއުޓީ މައާފުގެ އިނާޔަތް ހަމަޖައްސައިދިނުމަށް އެދި ސަރުކާރުގެ ކަމާބެހޭ ވުޒާރާއަކުން މޯލްޑިވްސް ކަސްޓަމްސް ސަރވިސްއަށް ހުށަހަޅާނީ، މި އުސޫލުގެ ދަށުން ޑިއުޓީ މައާފުކުރުމުގައި ބަލަންޖެހޭ ކަންކަން ބަލައި، ކަށަވަރުކުރުމަށްފަހުގައެވެ. މިގޮތުން، ޑިއުޓީ މައާފުކުރުމަށް ސަރުކާރުގެ ވުޒާރާތަކުން ކަނޑައަޅާ ތަކެތީގެ މައުލޫމާތު، މޯލްޑިވްސް ކަސްޓަމްސް ސަރވިސްއަށް ހުށަހަޅާއިރު، އެ މައްސަލައަކާ ގުޅުންހުރި އެންމެހައި ލިޔުންތައް ހުށަހަޅަންވާނެއެވެ.
(ކ) މި އުސޫލުގެ ދަށުން ޑިއުޓީ މައާފުކުރުމަށް ސަރުކާރުގެ ވުޒާރާތަކުން ކަނޑައަޅާ ތަކެތީގެ ޑިއުޓީ، މޯލްޑިވްސް ކަސްޓަމްސް ސަރވިސްއިން މައާފުކޮށްދޭންވާނީ، ސަރުކާރުގެ ކަމާބެހޭ ވުޒާރާއަކުން، މޯލްޑިވްސް ކަސްޓަމްސް ސަރވިސްއަށް ފޮނުވާ ލިޔުމުގައިވާ ގޮތުގެމަތިންނެވެ.
(އ) މި އުސޫލުގެ 5 ވަނަ މާއްދާގައިވާ ގޮތުގެމަތިން، ވަކި މުއްދަތަކަށް ޑިއުޓީ މައާފުކޮށްދެވޭ ތަކެއްޗާއި، މި އުސޫލުގެ 8 ވަނަ މާއްދާގެ (ޅ) ގައިވާގޮތުގެމަތިން، ޑިއުޓީ މައާފުކޮށްދޭގޮތަށް ބަޔާންކޮށް އެގްރީމަންޓުކޮށްގެން ހިންގާ މަށްރޫއުތަކަށް ގެނެވޭ ތަކެތ،ި އެ މުއްދަތުގެ ތެރޭގައި އެކި ފަހަރުމަތިން ރާއްޖެ ގެނައިނަމަވެސ،ް ޑިއުޓީ މައާފުކުރުމަށް، ސަރުކާރުގެ ކަމާގުޅޭ ވުޒާރާއަށް، އިތުރަށް ހުށަނާޅައި، އެ ތަކެތީގެ ޑިއުޓީ މައާފުކުރުމުގެ ކަންތައްތައް، މޯލްޑިވްސް ކަސްޓަމްސް ސަރވިސްއިން ހަމަޖައްސައި ދެވޭނެއެވެ.
(ވ) މި އުސޫލުގެ 5 ވަނަ މާއްދާގައިވާ ގޮތުގެމަތިން، ޑިއުޓީ މައާފުކޮށްދެވޭ މުއްދަތު ހަމަވުމުން، އިތުރު މުއްދަތަކަށް ޑިއުޓީ މައާފުކޮށްދެވޭނީ، އެކަމަށް އެދި ސަރުކާރުގެ ކަމާގުޅޭ ވުޒާރާއަށް އަލުން ހުށަހެޅުމުންނެވެ.
12 ވަނަ މާއްދާ - ޑިއުޓީ މައާފުކޮށްދެވޭ މުދަލުގެ މައުލޫމާތު
މި އުސޫލުގެ ދަށުން ޑިއުޓީ މައާފުކޮށްދެވޭ މުދަލުގެ މައުލޫމާތު، މަހަކު 1 ފަހަރު، ރައީސުލްޖުމްހޫރިއްޔާގެ އޮފީހަށާއި، މިނިސްޓްރީ އޮފް ފިނޭންސް އެންޑް ޓްރެޒަރީއަށާއި، ޑިއުޓީ މައާފުގެ މައްސަލަ ހުށަހަޅާ ސަރުކާރުގެ ކަމާބެހޭ ވުޒާރާއަށް، މޯލްޑިވްސް ކަސްޓަމްސް ސަރވިސްއިން ފޮނުވަންވާނެއެވެ.
13 ވަނަ މާއްދާ - ޑިއުޓީ މައާފުކޮށްދެވޭ ފަރާތްތަކުގެ މައުލޫމާތު ބެލެހެއްޓުން
(ހ) މި އުސޫލުގެ 2 ވަނަ މާއްދާގެ ދަށުން، ޑިއުޓީ މައާފުކޮށްދެވޭ ފަރާތްތަކުގެ މައުލޫމާތު، މި އުސޫލުގެ 11 ވަނަ މާއްދާގެ (ހ) ގައި ބަޔާންކުރާ ކަމާގުޅޭ ވުޒާރާތަކުން ބަލަހައްޓަންވާނެއެވެ. އަދި، ޑިއުޓީ މައާފުގެ އިނާޔަތްލިބިގެން އެ ފަރާތްތަކުން ކުރަމުންގެންދާ މަސައްކަތ،ް އެ ވުޒާރާތަކުން މޮނިޓަރކުރަންވާނެއެވެ.
(ށ) މި އުސޫލުގެ ދަށުން ޑިއުޓީ މައާފުކޮށްގެން އެތެރެކޮށްފައިވާ މުދަލެއް، ޑިއުޓީ މައާފުކޮށްދީފައިވާ މަސައްކަތްނޫން އެހެން މަސައްކަތަކަށް ބޭނުންކުރާކަން އެނގިއްޖެނަމަ، އެކަން، ކަމާގުޅޭ ވުޒާރާއިން މޯލްޑިވްސް ކަސްޓަމްސް ސަރވިސްއަށް އަންގަންވާނެއެވެ. އަދި މޯލްޑިވްސް ކަސްޓަމްސް ސަރވިސްއަށް އެކަން އެންގުމުން، މި އުސޫލުގެ 14 ވަނަ މާއްދާގައި ބަޔާންކޮށްފައިވާ ގޮތުގެމަތިން އަމަލުކުރުމުގެ އިތުރުން، ކަމާގުޅޭ ގާނޫނުގެ ދަށުން، މުދާ އެތެރެކުރި ފަރާތާމެދު އަޅަންޖެހޭ ފިޔަވަޅެއް އެޅުމަކަށް މި އުސޫލު ހުރަހެއް ނާޅައެވެ.
(ނ) މި އުސޫލުގެ ދަށުން ޑިއުޓީ މައާފުކޮށްގެން އެތެރެކޮށްފައިވާ މުދަލުން، އެ މުދަލެއް އެތެރެކުރި ބޭނުން ނޫން އެހެން ބޭނުމެއް ކުރަންޖެހިއްޖެ ހާލަތެއް މެދުވެރިވެއްޖެނަމަ، އެކަން ކަމާގުޅޭ ވުޒާރާއަށް، މުދާ އެތެރެކުރި ފަރާތުން އަންގަންވާނެއެވެ. އަދި އެ މައުލޫމާތު، މޯލްޑިވްސް ކަސްޓަމްސް ސަރވިސްއަށް، ކަމާގުޅޭ ވުޒާރާއިން އަންގަންވާނެއެވެ.
14 ވަނަ މާއްދާ - ޑިއުޓީ މައާފުކޮށްދީފައިވާ މުދަލުގެ ޑިއުޓީ އަނބުރާ ދެއްކުން
މި އުސޫލުގެ 13 ވަނަ މާއްދާގެ (ށ) އާއި (ނ) ގައި ބަޔާންކޮށްފައިވާ ހާލަތެއް މެދުވެރިވެގެން، އެކަން ކަމާގުޅޭ ވުޒާރާއަކުން، މޯލްޑިވްސް ކަސްޓަމްސް ސަރވިސްއަށް އަންގައިފިނަމަ، ޑިއުޓީ މައާފުކުރެވިފައިވާ މުދަލުގެ ޑިއުޓީ ދެއްކުމަށް މޯލްޑިވްސް ކަަސްޓަމްސް ސަރވިސް އިން، މުދާ އެތެރެކުރި ފަރާތަށް އަންގަންވާނެއެވެ.
(ހ) މި އުސޫލަށް އަމަލުކުރަން ފަށާނީ، މި އުސޫލު ދިވެހިސަރުކާރުގެ ގެޒެޓުގައި އަމަލުކުރަން ފެށުން 15 ށާއިއުކުރާ ތާރީހުން ފެށިގެންނެވެ.
(ށ) މި އުސޫލަށް އަމަލުކުރަން ފަށާއިރު، މީގެކުރިން ހެދިފައިވާ އުސޫލެއްގެ ދަށު ްނ ޑިއުޓީ މައާފުކޮށްދެމުންގެންދާ ތަކެއްޗާމެދު އަމަލުކުރެވޭނީ، މި އުސޫލުގައި ބަޔާންކޮށްފައިވާ ގޮތުގެ މަތިންނެވެ.
(ނ) މި އުސޫލަށް އަމަލުކުރަން ފެށުމާއެކު، 5 ޖުލައި 2015 ގައި ދިވެހިސަރުކާރުގެ ގެޒެޓުގައި ށާއިއުކުރ،ި "ގާނޫނު ނަންބަރު 1979-31 (ދިވެހިރާއްޖޭގެ އެކްސްޕޯޓް އިމްޕޯޓުގެ ގާނޫނު) ގެ 8 ވަނަ މާއްދާގެ (ހ) އާއި (ށ) އިން ރައީސުލްޖުމްހޫރިއްޔާއަށް ލިބިދޭ އިހްތިޔާރުގެ ދަށުން އިމްޕޯޓް ޑިއުޓީ މައާފުކުރުމާއި، އިމްޕޯޓް ޑިއުޓީ މައާފުކުރުމުގައި އަމަލުކުރާނެ އުސޫލު" އުވުނީއެވެ.
16 ވަނަ މާއްދާ - މާނަކުރުން
މި އުސޫލުގައި "އަސާސީ ހިދުމަތްތައް" ކަމުގައި ބުނެފައި އެވަނީ، ފެނާއި، ނަރުދަމާއާއި، ކުންފުންޏާއި، ބޯހިޔާވަހިކަމާއި، ކަރަންޓާއި، ސިއްހަތާއި، ތައުލީމާއި، އާންމު ދަތުރުފަތުރާ ގުޅޭ ހިދުމަތްތަކަށެވެ.
މި އުސޫލަށް ގެނެވުނު އިސްލާހު
މައި ގާނޫނު
ދިވެހިރާއްޖޭގެ އެކްސްޕޯޓް އިމްޕޯޓްގެ ގާނޫނު (ގާނޫނު ނަންބަރު 1979-31)
ކިޔުންތެރިންގެ ހިޔާލު