ބާ ކައުންސިލުގެ ހިންގާ ގަވާއިދު
(ގަވާއިދު ނަންބަރު 2019-1042)
(މި ގަވާއިދަށް އަމަލުކުރަން ފެށީ 18 ޖުލައި 2019 ގައި)
1 ވަނަ މާއްދާ - ތައާރަފު
(ހ) މި ގަވާއިދަކީ، ގާނޫނު ނަންބަރު 2019-05 (ދިވެހިރާއްޖޭގެ ގާނޫނީ ފަންނުގެ ގާނޫނު) ގެ 75 ވަނަ މާއްދާގެ (ހ) ގެ ދަށުން ބާރުލިބިގެން، ބާ ކައުންސިލު ހިންގުމަށްޓަކައި ހަދައިފައިވާ، ބާ ކައުންސިލުގެ ހިންގާ ގަވާއިދެވެ.
(ށ) މި ގަވާއިދަށް ކިޔާނީ، "ދިވެހިރާއްޖޭގެ ބާ ކައުންސިލުގެ ހިންގާ ގަވާއިދު" އެވެ.
(ނ) މި ގަވާއިދަށް އުނިއިތުރު ގެނައުމުގެ ބާރު ލިބިގެންވަނީ، ބާ ކައުންސިލުގެ އެގްޒެކެޓިވް ކޮމިޓީއަށެވެ. މިގޮތުން މި ގަވާއިދަށް ބަދަލު ގެނެވޭނީ، ބާ ކައުންސިލުގެ އެގެޒެކެޓިވް ކޮމިޓީގެ ޖުމުލަ މެންބަރުންގެ އަޣުލަބިއްޔަތުން ފާސްކުރުމުންނެވެ.
(ރ) މި ގަވާއިދާއި، މި ގަވާއިދަށް ބާ ކައުންސިލުގެ އެގްޒެކެޓިވް ކޮމިޓީން ގެންނަ އިސްލާހަށް އަމަލުކުރަން ފަށާނީ ކޮމިޓީން ފާސްކޮށް ގެޒެޓް ކުރުމަށްފަހުއެވެ.
2 ވަނަ މާއްދާ - އެގްޒެކެޓިވް ކޮމިޓީގެ ޖަލްސާތައް
ކައުންސިލުގެ އެގްޒެކެޓިވް ކޮމިޓީގެ ޖަލްސާތައް ބެހިގެންވަނީ 4 (ހަތަރެއް) ބަޔަކަށެވެ. އެއީ:
(ހ) ރަސްމީ ޖަލްސާ.
(ށ) ނުރަސްމީ ޖަލްސާ.
(ނ) މަށްވަރާ ބައްދަލުވުން.
(ރ) ކުއްލި ޖަލްސާ.
3 ވަނަ މާއްދާ - ރަސްމީ ޖަލްސާ
(ހ) އެގްޒެކެޓިވް ކޮމިޓީގެ މެންބަރުންގެ ދެބައިކުޅަ އެއްބަޔަށް ވުރެ ގިނަ މެންބަރުން ބައިވެރިވެ ގާނޫނީގޮތުން އެއަށް އަމަލުކުރެވޭނެ ނިންމުންތައް ނިންމުމަށް ބާއްވާ ކޮންމެ ޖަލްސާއަކީ ރަސްމީ ޖަލްސާއެކެވެ.
(ށ) އެގްޒެކެޓިވް ކޮމިޓީގެ ރަސްމީ ކޮންމެ ނިންމުމެއް ނިންމަންވާނީ ރަސްމީ ޖަލްސާއެއްގައި އެ ޖަލްސާއަށް ހާޒިރުވެ ވޯޓުގައި ބައިވެރިވި މެންބަރުންގެ އަޣުލަބިއްޔަތުންނެވެ.
4 ވަނަ މާއްދާ - ރަސްމީ ޖަލްސާ ގައި ނިންމާ ކަންކަން
ރަސްމީ ޖަލްސާއިން ނިންމަންޖެހޭ ކަންތައްތަކުގެ ތެރޭގައި އަންނަނިވި ކަންތައްތައް ހިމެނެއެވެ.
(ހ) ވަކީލުންގެ ސުލޫކީ މިންގަނޑާއި، ބާ ކައުންސިލުގެ މަސައްކަތާ ގުޅޭ އެނޫން އެކިއެކި ގަވާއިދުތައް ފާސްކުރުމާއި، އެއިން ގަވާއިދަކަށް ގެންނަންޖެހޭ އިސްލާހެއް ވާ ނަމަ، އެ އިސްލާހެއް ގެނައުން.
(ށ) ވަކީލުންނާބެހޭ ގޮތުން އުފުލާ ށަކުވާތައް ބެލުމުގައި ނިންމަންޖެހޭ ނިންމުންތަކާއި، އެ ފަރާތްތަކާމެދު އަޅާންޖެހޭ ފިޔަވަޅުތައް އެޅުމާއި، ލައިސަންސް ހިފަހައްޓަންޖެހޭ ވަކީލުންގެ ލައިސަންސް ހިފެހެއްޓުން.
(ނ) ބާ ކައުންސިލުން ހިންގަން ބޭނުންވާ މަށްރޫއުތައ،ް އެގްޒެކެޓިވް ކޮމިޓީގެ މެންބަރުންގެ މެދުގައި މަށްވަރާކޮށްގެން ފާސްކުރުން.
(ރ) ބާ ކައުންސިލުން ފާސްކުރާ ގަރާރުތަކާއި ނޫސްބަޔާންތައ،ް އެގްޒެކެޓިވް ކޮމިޓީގެ މެންބަރުންގެ މެދުގައި މަށްވަރާކޮށްގެން ފާސްކުރުން.
(ބ) ގާނޫނުގައި ބަޔާންކުރާ ގަވާއިދުތަކާއި، ބާ ކައުންސިލު ހިންގުމަށް ބޭނުންވާ އެހެނިހެން ގަވާއިދު ހެދުން.
(ޅ) ކައުންސިލުން އެކުލަވައިލަންޖެހޭ ކޮމިޓީތައް އެކުލަވައިލުން.
5 ވަނަ މާއްދާ - ޖަލްސާ ބޭއްވުން
(ހ) އެގްޒެކެޓިވް ކޮމިޓީގެ ރަސްމީ ޖަލްސާއެއް މަދުވެގެން މަހަކު 2 (ދޭއް) ފަހަރު ބާއްވަން ވާނެއެވެ.
(ށ) އެގްޒެކެޓިވް ކޮމިޓީގެ ރަސްމީ ޖަލްސ،ާ ތިރީގައިވާ ގޮތްތަކުގެ ތެރެއިން ގޮތަކަށް ބޭއްވިދާނެއެވެ.
- ބާ ކައުންސިލުގެ ރައީސް ޖަލްސާއަކަށް ގޮވައިލުން.
- ބައްދަލުވުމެއް ބޭއްވުމަށް އެގްޒެކެޓިވް ކޮމިޓީން ނިންމުން.
- އެގްޒެކެޓިވް ކޮމިޓީގެ މެންބަރުންގެ ތެރެއިން ތިންބައިކުޅައެއްބައި މެންބަރުންގެ ތާއީދާއެކު މެންބަރަކު ޖަލްސާއެއް ބާއްވަން އެދުން.
6 ވަނަ މާއްދާ - ޖަލްސާ ބާއްވާ ތަން
އެގްޒެކެޓިވް ކޮމިޓީގެ ރައީސް ނުވަތަ ކޮމިޓީން ކަނޑައަޅާ ތަނެއްގައި ކޮމިޓީގެ ޖަލްސާ ބޭއްވިދާނެއެވެ.
7 ވަނަ މާއްދާ - ގާނޫނީ އަ ދަދު
ބާ ކައުންސިލުގެ އެގްޒެކެޓިވް ކޮމިޓީގެ ބައްދަލުވުންތަކުގެ ގާނޫނީ އަދަދަކީ 5 (ފަހެއް) މެންބަރުންނެވެ.
8 ވަނަ މާއްދާ - ނުރަސްމީ ޖަލްސާ
(ހ) ނުރަސްމީ ޖަލްސާއަކީ، ކައުންސިލު ހިންގުމަށްޓަކައި އިދާރީގޮތުން ކުރަންޖެހޭ އެންމެހައި ކަންކަމާއި، އެ ކަންތައްތައް އެންމެ ފުރިހަމަގޮތުގައި ހިންގުމަށްޓަކައި އަމަލު ކުރާނޭ ހަމަތަކާއި އުސޫލުތައް ކަނޑައެޅުމަށާއި، ކައުންސިލު ހިންގުމުގައި ދިމާވާ ތަފާތު މައްސަލަތައް ހައްލުކުރުމަށް އެގްޒެކެޓިވް ކޮމިޓީން ބާއްވާ ޖަލްސާއެވެ.
(ށ) ނުރަސްމީ ޖަލްސާއެއް ބާއްވާނީ، އެކަމަށް ބޭނުންވެއްޖެ ހިނދެއްގައި، ބާ ކައުންސިލުގެ ރައީސްގެ ނިންމުމަކަށް ނުވަތަ ކޮމިޓީގެ ޖަލްސާއަކުން ނިންމައިފައިވާ ނިންމުމެއްގެ މައްޗަށެވެ.
(ނ) އިންޓަނެޓް މެދުވެރިކޮށް ނުވަތަ މުވާސަލާތީ ވަސީލަތްތައް ބޭނުންކޮށްގެން "ޓެލެކޮންފަރެންސިންގ" ގެ އުސޫލުން ނުވަތަ "ވަރޗުއަލް މީޓިންގ" ގެ އުސޫލުން ނުވަތަ "އ-ީމީޓިންގ" ގެ އު ސޫލުން އެގްޒެކެޓިވް ކޮމިޓީގެ މެންބަރުން އެއް ހާޒިރުވުމެއް ނެތި ބައިވެރިވާގޮތަށް އިންތިޒާމުކުރާ ބައްދަލުވުންތައް ބޭއްވުމަށާއި، އެ ފަދަ ބައްދަލުވުންތަކުގައި ރަސްމީ ނިންމުމަކަށް ނުވާނޭ އެންމެހައި އެހެން ނިންމުންތައް ނިންމުމަށް މި ގަވާއިދު ހުރަހެއް ނާޅައެވެ.
(ރ) މި މާއްދާގެ (ނ) ގައި ބަޔާންކޮށްފައިވާ ބައްދަލުވުމެއް ބާއްވާ ތަން ކަމުގައި ބެލޭނީ، ބާ ކައުންސިލުގެ އިދާރީ ހިންގުން އެ ވަގުތެއްގައި ހަމަޖެހިފައިވާ ތަނެއް ކަމުގައެވެ.
9 ވަނަ މާއްދާ - މަށްވަރާ ބައްދަލުވުން
(ހ) މަށްވަރާ ބައްދަލުވުމަކީ، ބާ ކައުންސިލުގެ މަސްއޫލިއްޔަތުތައް އަދާކުރުމަށްޓަކައި ބޭނުންވާ އެކިއެކި ހިޔާލު ހޯދުމަށް ޓަކައި އެގްޒެކެޓިވް ކޮމިޓީގެ މެންބަރުންގެ މެދުގައި އެހެން ފަރާތެއް ށާމިލުކޮށްގެން، އެގްޒެކެޓިވް ކޮމިޓީގެ މެންބަރުންނާއެކު ބާއްވާ ބައްދަލުވުމެވެ.
(ށ) މަށްވަރާ ބައްދަލުވުމެއް ބާއްވަންޖެހޭ ހާލަތެއް މެދުވެރިވެއްޖެކަމަށ،ް ބާ ކައުންސިލުގެ ރައީސަށް ނުވަތަ އެގްޒެކެޓިވް ކޮމިޓީއަށް ފެނިއްޖެ ހާލަތެއްގައި މަށްވަރާ ބައްދަލުވުމެއް ބޭއްވިދާނެއެވެ.
10 ވަނަ މާއްދާ - ކުއްލި ޖަލްސާ
ކުއްލި ހާލަތުގައި ނޯޓިހަކާ ނުލައި، އެގްޒެކެޓިވް ކޮމިޓީގެ ރަސްމީ ޖަލްސާއެއް ބޭއްވުމުގެ އިހްތިޔާރ،ު ބާ ކައުންސިލުގެ ރައީސަށް ލިބިގެންވެއެވެ. އަދި އެގްޒެކެޓިވް ކޮމިޓީގެ މެންބަރުންގެ ތެރެއިން 3 (ތިނެއް) މެންބަރަކު، ކުއްލި ޖަލްސާއެއް ބާއްވަން އެދި އެ ކަން، ބާ ކައުންސިލުގެ ރައީސަށް ހުށަހަޅައިފި ނަމަ، ބާ ކައުންސިލުގެ ރައީސް އެ ފަދަ ޖަލްސާއެއް ބާއްވަންވާނެއެވެ.
11 ވަނަ މާއްދާ - އެޖެންޑާއާއި އެހެނިހެން ލިޔުން
(ހ) ޖަލްސާތަކުގެ އެޖެންޑާ ތައްޔާރުކުރާނީ، އެގްޒެކެޓިވް ކޮމިޓީގެ މެންބަރަކު މައްސަލައެއް އެޖެންޑާ ކުރުމަށް އެދިފައި ވާ ނަމަ، އެކަމެއް ހިމެނޭގޮތަށް ބާ ކައުންސިލުގެ ރައީސެވެ.
(ށ) ރަސްމީ ޖަލްސާތަކުގައި، ޖަލްސާ ކުރިޔަށް ގެންދިއުމުގެ ކުރިން، އެ ޖަލްސާގެ އެޖެންޑާ ކަނޑައެޅިފައި އޮންނަން ވާނެއެވެ.
(ނ) އެގްޒެކެޓިވް ކޮމިޓީގެ ޖަލްސާއަކުން، ވަކިކަމެއ،ް ވަކި ބައްދަލުވުމަކަށް އެޖެންޑާކުރަން ނިންމައިފި ނަމަ އެ ކަމެއ،ް އެ ބައްދަލުވުމަކަށް އެޖެންޑާކުރަން ވާނެއެވެ.
(ރ) ރަސްމީ ޖަލްސާތަކުގެ އެޖެންޑ،ާ ޖަލްސާ ބޭއްވުމުގެ މަދުވެގެން 12 (ބާރަ) ގަޑިއިރުގެ ކުރިން، އިލެކްޓްރޯނިކްކޮށް ނަމަވެސ،ް މެންބަރުންނަށް ފޮނުވަން ވާނެއެވެ.
12 ވަނަ މާއްދާ - ނޯޓިސް ދިނުން
ކުއްލި ހާލަތެއް މެދުވެރިވެގެން މެނުވ،ީ ޖަލްސާ ފެށުމުގެ ކުރިން އެކަށީގެންވާ ވަގުތު އޮއްވައި މެންބަރުންނަށް އަންގަންވާނެއެވެ.
13 ވަނަ މާއްދާ - ޔައުމިއްޔާއާއި ރެކޯޑު ބެލެހެއްޓުން
އެގްޒެކެޓިވް ކޮމިޓީގެ ޖަލްސާތަކުގެ ޔައުމިއްޔާ ލިޔެ ބަލަހައްޓަން ވާނެއެވެ. އަދި ޖަލްސާތަކުގެ ޔައުމިއްޔާތައް ލިޔުމަށްފަހު އީމެއިލްގެ ޒަރީއާއިން މެންބަރުންނަށް ފޮނުވަން ވާނެއެވެ.
14 ވަނަ މާއްދާ - އެގްޒެކެޓިވް ކޮމިޓީގެ ނިންމުންތައް
(ހ) އެގްޒެކެޓިވް ކޮމިޓީގެ އެއްވެސް ކަމެއް ނިންމޭނީ، ޖަލްސާއަށް ހާޒިރުވެ ވޯޓުގައި ބައިވެރިވި މެންބަރުންގެ އަޣުލަބިއްޔަތު އެކަމަށް ލިބިގެންނެވެ. ނަމަވެސް އާންމު އުސޫލެއްގެގޮތުން އެގްޒެކެޓިވް ކޮމިޓީގެ މައްސަލަތައް ނިންމޭތޯ ބަލާނީ، ޖަލްސާއަށް ހާޒިރުވެ ވޯޓުގައި ބައިވެރިވި ހުރިހާ މެންބަރުންގެ އިއްތިފާގުންނެވެ.
(ށ) އެއްވެސް މެންބަރެއްގެ އަމިއްލަ މަސްލަހަތެއް ހިމެނޭ އެއްވެސް މައްސަލައެއް ނިންމުމުގައި އެއްވެސް މިންވަރަކަށް އެ މެންބަރަކު ބައިވެރިވެގެން ނުވާނެއެވެ. އަދި މި ފަދަ މައްސަލައެއްކަން އެ މެންބަރަކަށް އެނގޭ ހިނދުން ފެށިގެން ރިޔާސަތަށާއި، ކައުންސިލުގެ އެގްޒެކެޓިވް ކޮމިޓީގެ އެހެން މެންބަރުންނަށް އެންގުމާއެކު، އެ މައްސަލައަކާ ގުޅޭގޮތުން ނިންމަންޖެހޭ ނިންމުންތަކުން އެއްކިބާވާން ވާނެއެވެ.
(ނ) ނެގޭ ކޮންމެ ވޯޓެއްގައި ކައުންސިލު އެގްޒެކެޓިވް ކޮމިޓީގެ ކޮންމެ މެންބަރަކަށްވެސް ދެވޭނީ 1 (އެކެއް) ވޯޓެވެ. އަދި ވޯޓު ނަގާ ގޮތާމެދު މެންބަރުންގެ މެދުގައި ހިޔާލު ތަފާތު ވެއްޖެ ނަމަ، ވޯޓު ނަގާނެ ގޮތެއްކަނޑައަޅާނީ ޖަލްސާގެ އަޣުލަބިއްޔަތުންނެވެ.
15 ވަނަ މާއްދާ - ގަވާއިދަށް އަމަލުކުރަން ފެށުން
މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވެ.
ކިޔުންތެރިންގެ ހިޔާލު