ބާ ކައުންސިލުގެ ހިންގާ ގަވާއިދު (ގަވާއިދު ނަންބަރު 2019-104) އަށް 1 ވަނަ އިސްލާހު ގެނައުމުގެ ގަވާއިދު

ގަވާއިދު ނަންބަރު 2019-104 (ގަދިވެހިރައްޖޭގެ ބާ ކައުންސިލުގެ ހިންގާ ގަވާއިދު) އަށް އަންނަނިވި އިސްލާހުތައް ގެނައުން.

1 ވަނަ މާއްދާ -  ބުނެވިދިޔަ ގަވާއިދުގެ 6 ވަނަ މާއްދާގެ ފަހަތަށް އަންނަނިވި ގޮތަށް މާއްދާއެއް އިތުރުކުރުން

ޖަލްސާ ބާއްވާ ތަނާއި، އީ-މީޓިންގ .6-1

(ހ) ބުނެވިދިޔަ ގަވާއިދުގެ 6 ވަނަ މާއްދާގެ ފަހަތަށް އަންނަނިވި ގޮތަށް މާއްދާއެއް އިތުރުކުރުން. އެގްޒެކެޓިވް ކޮމިޓީގެ ރައީސް ކަނޑައަޅާ ތަނެއްގައި ނުވަތަ ކޮމިޓީން ކަނޑައަޅާ ތަނެއްގައި ކޮމިޓީގެ ޖަލްސާ ބޭއްވިދާނެއެވެ.

(ށ) މި ގަވާއިދުގެ 2 ވަނަ މާއްދާގައި ބަޔާންކޮށްފައިވާ ޖަލްސާތައް އިންޓަނެޓް މެދުވެރިކޮށް ނުވަތަ މުއާސަލާތީ ވަސީލަތްތައް ބޭނުންކޮށްގެން "ޓެލެކޮންފަރެންސިންގ" ގެ އުސޫލުން ނުވަތަ "ވަރޗުއަލް މީޓިންގ" ގެ އުސޫލުން ނުވަތަ "އީ-މީޓިންގ" ގެ އުސޫލުން އެއް ހާޒިރުވުމެއްނެތި ބައިވެރިވާގޮތަށް އެގްޒެކެޓިވް ކޮމިޓީގެ ބައްދަލުވުންތައް ބޭއްވިދާނެއެވެ. އަދި އެ ބައްދަލުވުމެއް ބާއްވާ ތަންކަމުގައި ބެލޭނ،ީ ބާ ކައުންސިލުގެ އިދާރީ ހިންގުން އެ ވަގުތެއްގައި ހަމަޖެހިފައިވާ ތަނެއް ކަމުގައެވެ.

(ނ) މި މާއްދާގެ (ށ) ގައި ބަޔާންކޮށްފައިވާ ހާލަތްތަކުގެ އިތުރުން، ދިވެހިރާއްޖޭގެ ބާ ކައުންސިލުގެ އެގްޒެކެޓިވް ކޮމިޓީގެ މެންބަރަކު، ބާ ކައުންސިލުގެ ބައްދަލުވުމުގައި ވަރޗުއަލްކޮށް ބައިވެރިވާން ބޭނުން ނަމަ، އިންޓަނެޓް މެދުވެރިކޮށް ނުވަތަ މުއާސަލާތީ ވަސީލަތްތައް ބޭނުންކޮށްގެން "ޓެލެކޮންފަރެންސިންގ" ގެ އުސޫލުން ނުވަތަ "ވަރޗުއަލް މީޓިންގ" ގެ އުުސޫލުން ނުވަތަ "އީ-މީޓިންގ" ގެ އުސޫލުން، އެ ބައްދަލުވުމުގައި ބައިވެރިވެވިދާނެއެވެ. 

(ރ) މި މާއްދާގެ (ށ) އާއި (ނ) ގައި ބަޔާންކޮށްފައިވާ ގޮތަށް ބާއްވާ ބައްދަލުވުމުގައި ނިންމާ ނިންމުންތަކާއި، ދެވޭ ވޯޓަކީ، އެއްހާޒިރެއްގައި ބޭއްވޭ ބައްދަލުވުމެއްގައި ނިންމާ ނިންމުތައް ފަދައިން އަދި ދެވޭ ވޯޓެއް ފަދައިން ބަލަންވާނެއެވެ. 

2 ވަނަ މާއްދާ - ބުނެވިދިޔަ ގަވާއިދުގެ 14 ވަނަ މާއްދާގެ (ނ) ގެ ފަހަތަށް (ރ) އާއި (ބ) އާއި (ޅ) ގެ ގޮތުގައި 3 )ތިނެއް( އަކުރު އިތުރުކުރުން.

އެގްޒެކެޓިވް ކޮމިޓީގެ ނިންމުންތައް .14

(ރ) މި މާއްދާގެ (ހ) ގައި އެހެން ބަޔާންކޮށްފައި އޮތް ނަމަވެސް، އެގްޒެކެޓިވް ކޮމިޓީގެ ޖަލްސާއެއް ނިމުމުގެ ކުރިން، ޖަލްސާއަށް އެޖެންޑާކުރެވޭ އައިޓަމަކާ ގުޅިގެން ގޮތެއް ނުނިންމޭ ހާލަތުގައި، ބާ ކައުންސިލުގެ އެގްޒެކެޓިވް ކޮމިޓީގެ މެންބަރުން އެވަގުތަކު ބޭނުންކުރަމުންދާ ކޮމިއުނިކޭށަން ޕްލެޓްފޯމެއްގައި އެ އައިޓަމެއް ސަރކިއުލަރކޮށްގެން ވޯޓުލުން ކުރިޔަށް ގެންދިއުމުގެ ބާރު، ބާ ކައުންސިލުގެ ރައީސަށް ނުވަތަ ނައިބު ރައީސަށް ލިބިގެންވެއެވެ.

(ބ) މި މާއްދާގެ (ރ) ގެ ދަށުން ބާ ކައުންސިލުގެ އެގްޒެކެޓިވް ކޮމިޓީގެ މެންބަރުން ހިމެނޭ ކޮމިއުނިކޭށަން ޕްލެޓްފޯމުގައި ސަރކިއުލަރކުރާ އެޖެންޑާ އައިޓަމަށް ވޯޓުލެވޭނީ ޖަލްސާއަށް ހާޒިރުވީ މެންބަރުންނަށެވެ.

(ޅ) މި މާއްދާގެ (ރ) އާއި (ބ) ގައި ބަޔާންކޮށްފައިވާ ގޮތަށް ނިންމާ ނިންމުންތަކާއި، ދެވޭ ވޯޓަކީ، އެއްހާޒިރެއްގައި ބޭއްވޭ ބައްދަލުވުމެއްގައި ނިންމާ ނިންމުތައް ފަދައިން އަދި ދެވޭ ވޯޓެއް ފަދައިން ބަލަންވާނެއެވެ.

3 ވަނަ މާއްދާ - ބުނެވިދިޔަ ގަވާއިދުގެ 14 ވަނަ މާއްދާގެ ފަހަތަށް އަންނަނިވި ގޮތަށް މާއްދާއެއް އިތުރުކުރުން.

އެޖެންޑާނުކުރާ އައިޓަމަކާ ގުޅިގެން ގޮތެއް ނިންމުން 1-14.

(ހ) އެގްޒެކެޓިވް ކޮމިޓީގެ ޖަލްސާއެއްގައި ހުށަހަޅައިފައިނުވާ ކަމަކާ ގުޅިގެން ގޮތެއް ނިންމުމަށް އެގްޒެކެޓިވް ކޮމިޓީން ބޭނުންވެއްޖެ ހާލަތެއްގައި، އެގްޒެކެޓިވް ކޮމިޓީގެ މެންބަރުން އެވަގުތަކު ބޭނުންކުރަމުންއަންނަ ކޮމިއުނިކޭށަން ޕްލެޓްފޯމެއްގައި އައިޓަމެއް ސަރކިއުލަރ ރިޒޮލިއުށަން އުސޫލުން ފާސްކުރުމަށް ހުށަހެޅުމުގެ ބާރު، ބާ ކައުންސިލުގެ ރައީސަށް ނުވަތަ ބާ ކައުންސިލުގެ ރައީސް ނެތް ހާލަތެއްގައި، ބާ ކައުންސިލުގެ ނައިބު ރައީސަށް ލިބިގެންވެއެވެ.

(ށ) ސަރކިއުލަރ ރިޒޮލިއުށަން އުސޫލުން ފާސްކުރުމަށް ހުށަހަޅާ ހުށަހެޅުމެއްގައި، އެ އައިޓަމަކާ ގުޅޭ މައުލޫމާތާއި އައިޓަމަށް ވޯޓުލުމަށް ދެވިފައިވާ ވަގުތު ބަޔާންކުރަންވާނެއެވެ.

(ނ) މި މާއްދާގެ (ހ) ގެ ދަށުން ސަރކިއުލަރ ރިޒޮލިއުށަން އުސޫލުން ފާސްކުރުމަށް ހުށަހަޅާ އައިޓަމަކާ ގުޅިގެން އެގްޒެކެޓިވް ކޮމިޓީގެ އެއްވެސް މެންބަރެއްގެ މަސްލަހަތާ ފުށުއެރުމެއް އޮތް ނަމަ، ބާ ކައުންސިލުގެ ރައީސަށް އެކަން އެންގުމާއެކު، އެ އައިޓަމެއްގެ ވޯޓުން ތަނާޒުލުވާންވާނެއެވެ.

(ރ) ސަރކިއުލަރ ރިޒޮލިއުށަން އުސޫލުން ފާސްކުރުމަށް ހުށަހަޅާ ކޮންމެ އައިޓަމަކަށް ނެގޭ ވޯޓެއްގައި އެގްޒެކެޓިވް ކޮމިޓީގެ ކޮންމެ މެންބަރަކަށް ވެސް ދެވޭނީ 1 (އެކެއް) ވޯޓެވެ.

(ބ) މި މާއްދާގެ (ހ) ގެ ދަށުން ސަރކިއުލަރ ރިޒޮލިއުށަން އުސޫލުން ފާސްކުރުމަށް ހުށަހަޅާ އައިޓަމެއް ފާސްކުރުމަށް ފެންނަކަމަށް އެގްޒެކެޓިވް ކޮމިޓީގެ އަގުލަބިއްޔަތު ލިބިއްޖެ ނަމަ، އެ އައިޓަމް ފާސްވީކަމުގައި ބަލަންވާނެއެވެ.

4 ވަނަ މާއްދާ - މި ގަވާއިދަށް އަމަލުކުރަން ފަށާނ،ީ ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ތާރީހުން ފެށިގެންނެވެ.

މައި ގަވާއިދު

ބާ ކައުންސިލުގެ ހިންގާ ގަވާއިދު (ގަވާއިދު ނަންބަރު 2019-1042)