ޓެކްސީ ގަވާއިދަށް 1 ވަނަ އިސްލާހު ގެނައުން
(ގަވާއިދު ނަންބަރު 32/2014)
1 ވަނަ މާއްދާ – ޓެކްސީ ގަވާއިދުގެ ޖަދުވަލު 3، މި އިސްލާހާއެކު މިވާ ޖަދުވަލު 3 އާ އެއްގޮތަށް ބަދަލުކުރުން.
2 ވަނަ މާއްދާ – ޓެކްސީ ގަވާއިދުގެ 22 ވަނަ މާއްދާގެ (ށ) ގެ ފަހަތަށް (ނ) އަންނަނިވި ގޮތަށް އިތުރުކުރުން.
(ނ) މި ގަވާއިދުގެ 11 ވަނަ މާއްދާގެ (ހ) ގެ 1 އަށް އަމަލުކުރަން ފަށާނީ، 15 މޭ 2014 އިން ފެށިގެންނެވެ.
3 ވަނަ މާއްދާ – މި އިސްލާހަށް އަމަލުކުރަން ފަށާނީ، މި އިސްލާހު ދިވެހިސަރުކާރުގެ ގެޒެޓުގައި ށާއިއުކުރާ ދުވަހުން ފެށިގެންނެވެ.
ޖަދުވަލު 3
( ޓެކްސީ ނަމާއި ނަންބަރު ޖަހާފައިވާ ގޮތުގެ ފޮޓޯ، އެޓޭޗްކުރެވިފައިވާ ޕީ.ޑީ.އެފް ފައިލް ގައި ހިމެނިފައިވާނެއެވެ. އަދި ވޯޑް ޑޮކިއުމަންޓް ގައި ފަހުން އަޕްލޯޑް ކުރެވޭނެއެވެ.)
- ޓެކްސީގެ ދެއަރިމަތީގައި ބޭރަށް ފެންނަން ހުންނާނެހެން ސެންޓަރުގެ ނަމާއި ފޯނު ނަންބަރު ދެފަރާތުގެ އަރިމަތީގައި މެދު ނުވަތަ ކުރީ ދޮރުފަތުގައި، މަތީގައިވާ ނަމޫނާގައިވާ ގޮތަށް ލިޔެފައި ހުންނަންވާނެއެވެ.
- ޓެކްސީގެ ދެއަރިމަތީގައި ބޭރަށް ފެންނަން ހުންނާނެހެން ސެންޓަރުގެ ނަމާއި ފޯނު ނަންބަރު ލިޔަންވާނީ، ޓްރާންސްޕޯޓް އޮތޯރިޓީއަށް ހުށަހަޅައި ފޮންޓާއި ސައިޒު ފާސްކޮށްގެންނެވެ.
- ޓެކްސީ ސެންޓަރުގެ ނަމާއި ނަންބަރު ލިޔެފައި ހުންނަންވާނީ ޓެކްސީގެ ކުލައާއި ތަފާތު ކުލައަކުން، ދުރަށް ފާޅުކޮށް ފެންނަ ކުލައަކުންނެވެ.
- ޓެކްސީ ސެންޓަރުގެ ނަމާއި ފޯނު ނަންބަރު ލިޔާއިރު ލިޔެފައިވާ ލިޔުމަށް އުނިއިތުރު ނާންނަ ގޮތަށް އެ ސެންޓަރުގެ ލޯގޯ ބޭނުންކުރެވިދާނެއެވެ
ކިޔުންތެރިންގެ ހިޔާލު