ފުލުހުންގެ ވަޒީފާގެ ގަވާއިދު (ގަވާއިދު ނަންބަރު 2022-85) އަށް 2 ވަނަ އިސްލާހު ގެނައުމުގެ ގަވާއިދު

(މި ގަވާއިދަށް އަމަލުކުރަން ފެށީ 29 ސެޕްޓެމްބަރު 2026 ގައި)

ގަވާއިދު ނަންބަރު 2022-85 (ފުލުހުންގެ ވަޒީފާގެ ގަވާއިދު) އަށް އަންނަނިވި އިސްލާހުތައް ގެނައުން. 

1 ވަނަ މާއްދާ - ބުނެވިދިޔަ ގަވާއިދުގެ 86 ވަނަ މާއްދާގެ (ކ) ގެ ފަހަތަށް (އ) ގެ ގޮތުގައި އަންނަނިވި ގޮތަށް އަކުރެއް އިތުރުކުރުން

(އ) މި މާއްދާގެ (ށ) ގައި އެހެން ބަޔާންކޮށްފައި އޮތް ނަމަވެސް، އެ އަކުރުގައި ބަޔާންކޮށްފައިވާ އިނާޔަތްތައް ދިނުމުގައި، ހިސާބުކުރަންވާނީ ވާޖިބު އަދާކުރަމުންދަނިކޮށް ނިޔާވި ފުލުސް އޮފިސަރަށް ރޭންކުގެ ކުރިއެރުން ދިނުމުން، ރޭންކުގެ ކުރިއެރުން ދެވުނު ރޭންކުގެ މުސާރައަށް ބަލައިގެންނެވެ.

2 ވަނަ މާއްދާ - ބުނެވިދިޔަ ގަވާއިދުގެ 86 ވަނަ މާއްދާގެ ފަހަތަށް 1-86 ވަނަ މާއްދާގެ ގޮތުގައި، އަންނަނިވި ގޮތަށް މާއްދާއެއް އިތުރުކުރުން.

ވާޖިބުއަދާކުރަމުންދަނިކޮށް ނިޔާވާ ފުލުހުންގެ އާއިލާއަށް ބޭސްފަރުވާކޮށްދިނުން 1-86.

މި ގަވާއިދުގެ 79 ވަނަ މާއްދާގައި ބަޔާންކޮށްފައިވާ ގޮތުގެ މަތިން ފުލުހުންގެ އާއިލާތަކަށް ބޭސްފަރުވާކޮށްދޭ އުސޫލުން، ވާޖިބު އަދާކުރަމުންދަނިކޮށް ނިޔާވާ ފުލުހުންގެ އާއިލާއަށް ވެސް، ދިވެހި ފުލުހުންގެ ހިދުމަތުން ބޭސްފަރުވާ ކޮށްދޭންވާނެއެވެ.

3 ވަނަ މާއްދާ - ބުނެވިދިޔަ ގަވާއިދުގެ 94 ވަނަ މާއްދާގެ ފަހަތަށް، ވަނަ މާއްދާގެ ގޮތުގައި، އަންނަނިވި ގޮތަށް މާއްދާއެއް އިތުރުކުރުން.

ވާޖިބު އަދާކުރަނިކޮށް ނިޔާވާ ފުލުހުންގެ ޖަނާޒާ ބޭއްވުން 1-94.

ވާޖިބު އަދާކުރަނިކޮށް ނިޔާވާ ފުލުހުންގެ ޖަނާޒާ ވަކި ރަސްމިއްޔާތެއްގައި ބޭއްވުމަށް ނިންމިދާނެއެވެ. މިގޮތަށް ވަކި ރަސްމިއްޔާތެއް ބޭއްވުމަށް ނިންމަންވާނީ، ނިޔާވި ހާލަތާއި، ދިމާވި ހާދިސާގައި ކަންހިނގައިފައިވާ ގޮތަކާއި މުވައްޒަފު އަދާކުރި ދައުރަށް ބަލައި، އެގްޒެކެޓިވް މެނޭޖްމަންޓް ބޯޑަށް ހުށަހަޅައި، އެ ބޯޑުން ނިންމާ ގޮތެއްގެ މަތިންނެވެ.

މައި ގަވާއިދު

ފުލުހުންގެ ވަޒީފާގެ ގަވާއިދު (ގަވާއިދު ނަންބަރު 2022-85)

ކޮންސޮލިޑޭޓެޑް ގަވާއިދު

ފުލުހުންގެ ވަޒީފާގެ ގަވާއިދު (ކޮންސޮލިޑޭޓެޑް ނަންބަރު 2022-85)

4 ވަނަ މާއްދާ - މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވެ.