(މި ގަވާއިދަށް އަމަލުކުރަން ފެށީ 6 މާރިޗު 2026 ގައި)

ގަވާއިދު ނަންބަރު 2012-27  (ތިމާވެށްޓަށް އަސަރު ފޯރާނެ މިންވަރު ބަޔާންކުރާ ރިޕޯޓު ހެދުމާބެހޭ ގަވާއިދު 2012) އަށް އަންނަނިވި އިސްލާހުތައް ގެނައުން.

1 ވަނަ މާއްދާ -  ބުނެވިދިޔަ ގަވާއިދުގެ 5 ވަނަ މާއްދާގެ (ހ) އަންނަނިވި ގޮތަށް އިސްލާހުކުރުން

ގަވާއިދު ތަންފީޒުކުރުން 5.

(ހ) މި ގަވާއިދު ތަންފީޒުކުރާނީ، މިނިސްޓްރީގެ ފަރާތުން އެންވަޔަރަންމަންޓަލް ރެގިއުލޭޓަރީ އޮތޯރިޓީންނެވެ.

2 ވަނަ މާއްދާ -  ބުނެވިދިޔަ ގަވާއިދުގެ ޖަދުވަލު (ރ) އާއި ޖަދުވަލު (ޓ) އިސްލާހުކުރުން.

3 ވަނަ މާއްދާ -  މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ތާރީހުން ފެށިގެންނެވެ.

ޖަދުވަލު (ރ)

ތިމާވެށްޓަށް އަސަރު ފޯރާނެ މިންވަރު ބަޔާންކުރާ ރިޕޯޓު ހަދަންޖެހޭ ކަންކަން 

1. އެއްވެސް ގަ ވާއިދެއްގައި ތިމާވެށް ޓަށް އަސަރުފޯރާނެ މިންވަރު ބަޔާންކުރާ ރިޕޯޓު ހަދަންޖެހޭކަމަށް ބަޔާންކޮށް ފައިވާ ކަންކަން.
2. ކޮމާށަލް އެކުއަކަލްޗަރ މަށްރޫއުތައް.
3. ކޮމާށަލް މަސް ޕްރޯސެސް ކުރުމުގެ މަށްރޫއުތައް.
4. 500 (ފަސް ސަތޭކަ) އަކަމީޓަރަށް ވުރެ ބޮޑެތި މަސްނޫއީ ފަރުތައް ހެދުމުގެ މަށްރޫއުތައް.
5. ދަނޑުވެރިކަމާބެހޭ މަށްރޫއުތައް (އެއްފަރާތަކުން ހިންގާ 1 ހެކްޓަރަށް ވުރެ ބޮޑެތި ދަނޑުތައް)
6. ކުކުޅާއި ނައަމްސޫފި ފަދަ، ދިރޭތަކެތީގެ ކޮމާށަލް ފާމްތައް.
7. ފަޅު ކޮނުމާއި ބަނދަރު ހެދުން (މީގެ ތެރޭގައި މިހާރު ހުރި ބަނދަރުތަކުގެ ސައިޒަށް ބަދަލު ނާންނަގޮތަށް މަރާމާތުކުރުމެއް ނުހިމެނެއެވެ.)
8. ނެރުތައް ކޮނުމާއި ކެނޑުން (މީގެ ތެރޭގައި މިހާރު ހުރި ނެރުތަ ކުގެ ސައިޒަށް ބަދަލު ނާންނަގޮތަށް މަރާމާތުކުރުމެއް ނުހިމެނެއެވެ.)
9. އޮއި ނުދެމޭ ފާލަން އެޅުމާއި، އެއްރަށް އަނެއްރަށާ ގުޅައިލުމަށް އެޅޭ ފާލަންތަކާއި މަގުތަކާއި ބްރިޖު ފަދަ ތަންތަން ހެދުން.
10. ބިން ހިއްކުން.
11. ތޮށިލުމުގެ މަށްރޫއުތައް.
12. ގޮނޑުދޮށް ވެލިން މުއްސަނދިކުރުމުގެ މަށްރޫއުތައް.
13. މެށިނަރީ ބޭނުންކޮށްގެން ވެލި ނެގުން.
14. އެއަރޕޯޓް އެޅުމާއި، އެ ތަނުގެ ފުޓްޕްރިންޓަށް ބަދަލު އަންނަ ކޮންމެ ކަމެއް ކުރުން.
15. ހެލިޕޭޑު ހެދުން.
16. ކަނޑަށް ޖައްސާ ބޯޓުގެ ހަބް ހެދުން.
17. ތަކެތި އުފައްދާ ނުވަތަ ބަންދުކުރާ ކާރުހާނާ އެޅުން (އިނީށަލް އިންވެސްޓްމަންޓް 15 މިލި ޔަން ރުފިޔާއަށް ވުރެ ބޮޑު މަށްރޫއުތައް)
18. ކުނިއަންދާ މެށިން (10 ޓަނު ނުވަތަ އެޔަށް ވުރެ ބޮޑު) ގާއިމުކުރުން .
19. ކުނިއަޅައިގެން ލޭންޑްފިލް ހެދުން.
20. ކުނި މެނޭޖުކުރުމުގެ ސަރަހައްދީ މަރުކަޒު ގާއިމުކުރުން.
21. މެޓީރިއަލް ރިކަވަރީ ފެސިލިޓީ ގާއިމުކުރުން.
22. ވޭސްޓް ޓްރާންސްފަރ ސްޓޭށަންތައް ގާއިމުކުރުން.
23. ބޯފެން ފޯރުވައިދޭ ނެޓްވޯރކް ސިސް ޓަމްތައް ގާއިމުކުރުން.
24. ނަރުދަމާގެ މަށްރޫއުތައް.
25. މޫދަށް ހޮޅިއެޅުން.
26. 1 (އެކެއް) މެގަ ވޮޓަށް ވުރެ ބޮޑެތި އިންޖީނުގެތައް އެޅުން ނުވަތަ 1 (އެކެއް) މެގަވޮޓަށް ވުރެ ބޮޑެތި އިންޖީނުގެއެއްގެ ފުޓް ޕްރިންޓަށް ބަދަލު އަންނަގޮތަށް ކަރަންޓު އުފައްދާ ނިޒާމެއް ގާއިމު ކުރުން.
27. ތެލާއި ގޭސް ބެހެއްޓުމާއި ގެންގުޅުމާއި ބިމުން ނުވަތަ ކަނޑުގެ އަޑިން ތެޔޮނެގުމާއި، ތެޔޮ ސާފުކުރުމާބެހޭ މަސައްކަތް ހިންގާ ތަންތަން
    ހެދުން.
28. 10 (ދިހައެއް( ޓަނަށް ވުރެ ބޮޑެތި، ފެން ނުވަތަ ގަނޑުފެން އުފައްދާ މެށިން ބެހެއްޓުން (މީގައި މިހާރު ހިނގަމުންދާ ފެން އުފައްދާ ޕްލާންޓް ހައުސްއެއްގައި ފުޓްޕްރިންޓަށް ބަދަލު ނާންނަ ގޮތަށް އިތުރު ބޯހޯލް ނުވަތަ އިންޓޭކް ހޮޅި ނާޅާ މެށިން ބެހެއްޓުމެއް ނުހިމެނެއެވެ.)
29. ހަސްފަތާލު އެޅުން (50 އެނދަށް ވުރެ ބޮޑު)
30. ޓޫރިސްޓް ރިޒޯޓް ތަރައްގީކުރުން.
31. ޓޫރިސްޓް ހޮޓާ ތަރައްގީކުރުން.

ޖަދުވަލު (ޓ)

ތިމާވެށްޓަށް އަސަރުފޯރާނެ މިންވަރު ބަޔާންކުރާ ރިޕޯޓަކާ ނުލައި ކުރިޔަށް ގެންދެވިދާނެ މަށްރޫއޫތައް

1. ތަރުކާރީއާއި މޭވާ އަޅާ ގަސްގަހާގެހި ނުވަތަ ވެށި ފެހިކުރުމަށާއި ޒީނަތްތެރިކުރުމުގެ ގޮތުން ބޭނުންކުރާ ގަސްގަހާގެހީގެ ތެރެއިން ދިވެހިރާއްޖެއަށް އެތެރެކުރުން ހުއްދަ ގަސްގަހާގެހ،ި އަމިއްލަ ގެދޮރާއި، ދައުލަތުގެ އިމާރާތްތަކާއި، އޮފީސް އޮފީހާއި، އާންމު ހިދުމަތްދޭ ތަންތަނުގައި ހެއްދުން.
2. އާންމު ބޭނުމަށް ނުވަތަ އަމިއްލަ ބޭނުމަށް ފެންވަޅު ބެހެއްޓުން.
3. ދިވެހިރާއްޖެއަށް އެތެރެކުރުން ހުއްދަ މަސްމަހާމެހ،ި ނައަމްސޫފި، ކުކުޅ،ު ދޫނ،ި އަމިއްލަ ގެދޮރުގައި ގެންގުޅުން.
4. ދުވާލަކު 5 (ފަހެއް) ޓަނަށް ވުރެ މަދުނ،ް ފެން ނުވަތަ ގަނޑުފެން އުފައްދާ ޕްލާންޓް ބެހެއްޓުން.
5. މިހާރު ހިނގަމުންދާ ފެން ޕްލާންޓް ހައުސްއެއްގައި އިތުރު ބޯހޯލް ނުވަތަ އިންޓޭކް ހޮޅި ނާޅައި ލޮނުފެން މީރުފެނަށް ހަދާ ޕްލާންޓް ބެހެއްޓުން.
6. 300 (ތިން ސަތޭކަ) ކިލޯވޮޓަށް ވުރެ ދަށް ކެޕޭސިޓީގެ ވަގުތީ ޖަނަރޭޓަރު ބަހައްޓައި ބޭނުންކުރުން.
7. ލަކުޑިން އޮޑިދޯނިފަހަރު ބަނުން
8. ކަމާގުޅޭ އިދާރާއިން ވެލިނެގުމަށް ކަނޑައަޅައިފައިވާ ސަރަހައްދުތަކުން މެށިނަރީ ބޭނުންނުކޮށް ވެލިނެގުން.
9. އެންކޮށި ބެހެއްޓުން.
10. ފަޅުތެރެއިން ސަރަހައްދެއް މެށިނަރީ ބޭނުންކޮށްގެން ކޮނުމަކާ ނުލައި އޮޑިދޯނިފަހަރު އެހެލައި ބޭލުމުގެ މަސައްކަތް
    ކުރުން.
11. ގަސް ބެލެހެއްޓުމުގެ ގޮތުން ނުވަތަ އާންމު އުނދަގުލަކަށް މަގުފަހިވެފައިވާތީ (ދިޔަދޮވި، ފުރާޅު އަދި ފެންތާންގިއަށް ފަތްކުނި އެޅޭ) ގަސްގަހާގެހި ކޮށުން ނުވަތަ ކޮންމެހެން ނަގަންޖެހޭ ގަހެއް ނެގުން.
12. ނަރުދަމާގެ ނިޒާމު ގާއިމުކޮށްފައި ނުވާ ރަށްރަށުގައި މޫދަށް ހޮޅި އަޅައިގެން ނަޖިހާއި ނަޖިސްފެން ބޭރުކުރުން.
13. ރަށް ގިރުމުގެ ސަބަބުން ގޯތިގެދޮރު ހިމާޔަތްކުރުމުގެ ގޮތުން ރައްކައުތެރިކަމުގެ ފިޔަވަޅު އެޅުން.
14. ރުއްގަސް ނުކަނޑައި، އެއްގަމުގައި ވަގުތީ ޖިފުޓި (ހަޓު) ހެދުން.
15. މީހުން ދިރިއުޅޭ ރަށްރަށުގައި ދަނޑުވެރިކަމަށް ދޫކުރެވޭ ބިންތަކުގެ ތެރެއިން 5,000 (ފަސް ހާސް) އަކަފޫޓަށް ވުރެކުދި، ފޯދިފައިވާ ރުއްގަސް ނެތް ބިންތަކުގައި ދަނޑުވެރިކަން ކުރުން.
16. އަސްލަށް ބަދަލު ނާންނާނެ ގޮތަށް އެއްގަމު ތޮށްޓާއި ބޭރުތޮށްޓާއި ފާލަން މަރާމާތުކުރުން (މަރާމާތުކުރުން މާނަކުރެވިފައި އެވަނީ، ހަލާކުވެފައިވާ ތޮށްޓެއް ނަގައި އައު ތޮށްޓެއް ލުން ފަދަ ބޮޑެތި މަސައްކަތްތަކަކަށް ނޫނެވެ. މިފަދަ ބޮޑު މަސައްކަތެއް ކުރާ ނަމި ގަވާއިދުގެ ދަށުން ތިމާވެށްޓަށް އަސަރުފޯރާ މިންވަރު ބަޔާންކުރާ ދިރާސާ ހަދަންޖެހޭނެއެވެ.)
17. އޮއި ދެމޭގޮތަށް އަޅާ ފާލަންތަކާއި ޕްލެޓްފޯމްތައް އެޅުން.
18. އިމާރާތްކޮށް ނިމިފައިވާ ތަންތަނުގެ ފުރާޅުގައި ސޯލާ ޕެނަލް ހަރުކުރުން.
19. ބިންހިއްކުމާއި ރުއްގަސް ކެނޑުން ފަދަ ތިމާވެށް ޓަށް އަސަރުކުރާ ކަންކަން ނުހިމެނޭގޮތަށް ޖަހާ ޓަވަރާއި އެންޓަނާ ފަދަ ތަކެތި ޖެހުން.
20. އ.ީއައ.ިއޭ އެޕްރޫވް ކުރުމަށްފަހު މޫދަށް އަޅައިފައިވާ ހޮޅި (ފުޓްޕްރިންޓަށް ބަދަލުނާންނަގޮތަށް) މަރާމާތުކުރުން.
21. ކުއްލި ހާލަތެއް ދިމާވުމުން ފަރުދުންގެ ފުރާނައާއި ގެދޮރާއި މުދާ ރައްކައުތެރިކުރުމަށް ޓަކައި ވަގުތީގޮތުން އަޅަންޖެހޭ ފިޔަވަޅުތައް އެޅުން.
22. ގެދޮރު އިމާރާތްކުރުމުގެ މަށްރޫއުތައް.
23. ރަށްރަށުގެ ކުނި މެނޭޖުކުރާ މަރުކަޒު ގާއިމުކުރުން.
24. މަގު ހެދުމުގެ މަށްރޫއުތައް.
25. ޓޫރިސްޓް ރިޒޯޓް ނުވަތަ ހޮޓާ އަލަށް ތަރައްގީކުރާއިރ،ު އެ ތަނުގައި ފުރަތަމަ ގާއިމުކުރަންޖެހޭ ގުދަނާއި، އެކޮމޮޑޭށަން ބްލޮކާއި، ކޮމިއުނިކޭށަން ޓަވަރު އެޅުން.

މައި ގަވާއިދު

ތިމާވެށްޓަށް އަސަރު ފޯރާނެ މިންވަރު ބަޔާންކުރާ ރިޕޯޓު ހެދުމާބެހޭ ގަވާއިދު (ގަވާއިދު ނަންބަރު 2012-27)