ކަނޑުމަހުގެ މަސްވެރިކަން ރާވައި، ހިންގައި، ބެލެހެއްޓުމާ ގުޅޭ ގަވާއިދު (ގަވާއިދު ނަންބަރު 2022-139) އަށް 3 ވަނަ އިސްލާހު ގެނައުމުގެ ގަވާއިދު
(ގަވާއިދު ނަންބަރު 2025-17)
(މި ގަވާއިދަށް އަމަލުކުރަން ފެށީ 21 ޖަނަވަރީ 2025 ގައި)
ގަވާއިދު ނަންބަރު 2022-139 (ކަނޑުމަހުގެ މަސްވެރިކަން ރާވައި، ހިންގައި، ބެލެހެއްޓުމާ ގުޅޭ ގަވާއިދު) އަށް އަންނަނިވި އިސްލާހުތައް ގެނައުން
1 ވަނަ މާއްދާ - ބުނެވިދިޔަ ގަވާއިދުގެ ޖަދުވަލު 3 ގެ (1) ވަނަ ނަންބަރުގެ (ވ) ގެ (3) ވަނަ ނަންބަރުގެ ފަހަތަށް އަންނަނިވި ފަދައިން (4) ވަނަ ނަންބަރަކާއި (5) ވަނަ ނަންބަރެއް އިތުރުކުރުން.
(4) ކަނޑުމަހުގެ މަސްވެރިކަމުގައި އަމާޒުކޮށްގެން ބޭނޭ ކަނޑުމަހުގެ ތެރެއިން، އިންސާނުން ކެއުމަށ އެކަށީގެންނުވާކަމަށް ބެލެވޭ މަސް ފިޔަވައި، ހުރިހާ ކަނޑުމަހެއް އުޅަނދަށް ނަގައި، އެއްގަމަށް ގެންނަންވާނެއެވެ.
(5) ކަނޑުމަހުގެ މަސްވެރިކަމުގައި އަމާޒުނުކޮށް ބޭނޭ މަހުގެ ބާވަތްތަކާމެދު އަމަލުކުރަންވާނީ އަންނަނިވ ގޮތުގެ މަތީންނެވެ.
5.1 ކަނޑުމަހުގެ މަސްވެރިކަމުގައި، އަމާޒުނުކޮށް ބޭނޭ މަހުގެ ބާވަތްތަކުގެ ތެރެއިން، ބާނާއިރު މަރުނުވާ މަސް، އުޅަނދުގެ ފަޅުވެ ރީންގެ ސަލާމަތާއި ރައްކައުތެރިކަން ކަށަވަރުކުރެވޭ ގޮތެއްގެ މަތީން، ވީހައިވެސް އަވަހަށް ދޫކޮށްލަންވާނެއެވެ.
5.2 ކަނޑުމަހުގެ މަސްވެރިކަމުގައި، އަމާޒުނުކޮށް ބޭނޭ މަހުގެ ބާވަތްތަކުގެ ތެރެއިން، ބޭނޭއިރު މަރުވެފައިވާ މަސް، އުޅަނދަށް ނަގައި، އެއްގަމަށް ގެންނަންވާނެއެވެ. މީގެ ތެރޭގައި އިންސާނުން ކެއުމަށް އެކަށީގެންނުވާކަމަށް ބެލެވޭ މަހާއި، ދިވެހިރާއްޖޭގެ އެއްވެސް ގާނޫނަކުން ނުވަތަ ގަވާއިދަކުން ހިމާޔަތްކޮށްފައިވާ އެއްވެސް ބާވަތެއް ނުހިމެނޭނެއެވެ.
2 ވަނަ މާއްދާ - މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވެ.
މައި ގަވާއިދު
ކަނޑުމަހުގެ މަސްވެރިކަން ރާވައި، ހިންގައި، ބެލެހެއްޓުމާ ގުޅޭ ގަވާއިދު (ގަވާއިދު ނަންބަރު 2022-139)
ކިޔުންތެރިންގެ ހިޔާލު