ދުންފަތުގެ ބާވަތްތައް ޕެކެޓްކޮށް ލޭބަލް ޖެހުމާބެހޭ ގަވާއިދު (ގަވާއިދު ނަންބަރު 2019-158) އަށް 4 ވަނަ އިސްލާހް ގެނައުމުގެ ގަވާއިދު
(ގަވާއިދު ނަންބަރު 2024-111)
(މި ގަވާއިދަށް އަމަލުކުރަން ފެށީ 8 ނޮވެމްބަރު 2024 ގައި)
ގަވާއިދު ނަންބަރު 2019-158 (ދުންފަތުގެ ބާވަތްތައް ޕެކެޓްކޮށް ލޭބަލް ޖެހުމާބެހޭ ގަވާއިދު) އަށް، އަންނަނިވި އިސްލާހު ގެނައުން.
1 ވަނަ މާއްދާ - ބުނެވިދިޔަ ގަވާއިދުގެ 2-14 ވަނަ މާއްދާ އަންނަނިވި ގޮތަށް އިސްލާހުކުރުން.
ވިޔަފާރީގެ ބޭނުމަށާއި އަމިއްލަ ބޭނުމަށް ގެންނަ ދުންފަތުގެ ބާވަތްތައް 2-14.
(ހ) ވިޔަފާރީގެ ނަމުގައި ނުވަތަ ވިޔަފާރީގެ ބޭނުމަށް، މި ގަވާއިދުގައި ބަޔާންކޮށްފައިވާ ށަރުޠުތައް ފުރިހަމަނުކޮށް ދިވެހިރާއްޖެއަށް ދުންފަތުގެ ބާވަތްތައް ގެންނަ ހާލަތުގައި، އެ ތަކެތި ގެނައި ފަރާތް، މި ގަވާއިދުގައި ބަޔާންކޮށްފައިވާ ގޮތުގެ މަތީން ޖޫރިމަނާކުރުމަށްފަހު، އެ ތަކެތި ނައްތައިލުމުގެ ބާރު، މި ގަވާއިދުގެ 3 ވަނަ މާއްދާގައި ބަޔާންކޮށްފައިވާ ތަންފީޒީ އިދާރާތަކަށް ލިބިގެންވެއެވެ.
(ށ) މި މާއްދާގެ (ހ) ގައި އެހެން ބަޔާންކޮށްފައި އޮތް ނަމަވެސ،ް ޕޯސްޓް މެދުވެރިކޮށް ނުވަތަ ކޫރިއަރ ސަރވިސް މެދުވެރިކޮށް ނުވަތަ އެނޫންވެސް ގޮތަކުން އަމިއްލަ ފަރުދުންގެ ނަމުގައި އަމިއްލަ ބޭނުމަށް ގެންނަ ދުންފަތުގެ ބާވަތްތަކާއ،ި ރާއްޖެއިން ބޭރުން ދަތުރުކޮށްފައި އަންނަ ދަތުރުވެރިން އަމިއްލަ ނަމުގައ،ި އަމިއްލަ ބޭނުމަށް، މި ގަވާއިދުގައި ބަޔާންކޮށްފައިވާ ށަރުޠުތަކާ ހިލާފަށް ރާއްޖެއަށް ގެންނަ ދުންފަތުގެ ބާވަތްތައް، މި ގަވާއިދުގައި ބަޔާންކޮށްފައިވާ ޖޫރިމަނާކުރުމުން އިސްތިސްނާކޮށް، އެ ތަކެތި ނައްތައިލުމުގެ ބާރު، މި ގަވާއިދުގެ 3 ވަނަ މާއްދާގައި ބަޔާންކޮށްފައިވާ ތަންފީޒީ އިދާރާތަކަށް ލިބިގެންވެއެވ.ެ
2 ވަނަ މާއްދާ - ބުނެވިދިޔަ ގަވާއިދުގެ 2-14 ވަނަ މާއްދާގެ (ށ) ގެ ފަހަތަށް އަންނަނިވި އަކުރު އިތުރުކުރުން
(ނ) މި މާއްދާގެ (ށ) ގައި އެހެން ބަޔާންކޮށްފައި އޮތް ނަމަވެސ،ް މި ގަވާއިދުގެ 1-13 ވަނަ މާއްދާގެ (ހ) ގެ )3( ވަނަ ނަންބަރުގައި ބަޔާންކޮށްފައިވާ މިންވަރަށްވުރެ އިތުރަށް، ރާއްޖެއިން ބޭރުން ދަތުރުކޮށްފައި އަންނަ، އުމުރުން 18 (އަށާރަ) އަހަރު ފުރިފައިވާ ބޭރުގެ ފަތުރުވެރިން (ޓޫރިސްޓުން) އަމިއްލަ ބޭނުމަށް ގެންނަ ދުންފަތުގެ ބާވަތްތައް، ގަވާއިދު ނަންބަރު 2011-41 (ކަސްޓަމްސްގެ އާންމު ގަވާއިދު) ގައި ބަޔާންކޮށްފައިވާ ގޮތުގެ މަތީނ،ް މޯލްޑިވްސް ކަސްޓަމްސް ސަރވިސްގެ ބެލުމުގެ ދަށުގައި ބެހެއްޓުމަށްފަހު، އަނބުރާ ގެންދަންޖެހޭ މުއްދަތުގައި ނުގެންގޮސްފި ނަމަ، މޯލްޑިވްސް ކަސްޓަމްސް ސަރވިސްއިން އެ ތަކެތި ނައްތައިލަންވާނެއެވ.ެ
3 ވަނަ މާއްދާ - މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވ.ެ
މައި ގަވާއިދު
ދުންފަތުގެ ބާވަތްތައް ޕެކެޓްކޮށް ލޭބަލް ޖެހުމާބެހޭ ގަވާއިދު (ގަވާއިދު ނަންބަރު 2019-158)
ކޮންސޮލިޑޭޓެޑް ގަވާއިދު
ދުންފަތުގެ ބާވަތްތައް ޕެކެޓްކޮށް ލޭބަލް ޖެހުމާބެހޭ ގަވާއިދު (ކޮންސޮލިޑޭޓެޑް ނަންބަރު 2019-158)
ކިޔުންތެރިންގެ ހިޔާލު