އެއްގަމުގައި ދުއްވާ އިންޖީނުލީ އުޅަނދު ރަޖިސްޓްރީ ކުރުމުގެ ގަވާއިދަށް 5 ވަނަ އިސްލާހު ގެނައުމުގެ ގަވާއިދު
(ގަވާއިދު ނަންބަރު 2024-109)
(މި ގަވާއިދަށް އަމަލުކުރަން ފެށީ 5 ނޮވެމްބަރު 2024 ގައި)
(މި ގަވާއިދުގެ 7 ވަނަ މާއްދާއިން ވަނީ ގަވާއިދު ނަންބަރު 156-2023 އުވާލެވިފައި)
އެއްގަމުގައި ދުއްވާ އިންޖީނުލީ އުޅަނދު ރަޖިސްޓަރީކުރުމުގެ ގަވާއިދަށް އަންނަނިވި އިސްލާހުތައް ގެނައުން.
1 ވަނަ މާއްދާ - ބުނެވިދިޔަ ގަވާއިދުގެ 4 ވަނަ ވަނަ މާއްދާގެ (ރ) އަންނަނިވި ގޮތަށް އިސްލާހުކޮށ،ް (ރ) ގެ ފަހަތަށް (ބ) އިތުރުކޮށ،ް އެ އަކުރުގެ ފަހަތަށް އަންނަ އަކުރުތައް ތަރުތީބުކުރުން.
ރަޖިސްޓަރީކުރުން 4.
(ރ) ެއްގަމުގައި ދުއްވާ އިންޖީނުލީ އުޅަނދުތަކުގެ ތެރެއިން ދެ ފުރޮޅަށްވުރެ ގިނަ ފުރޮޅުލީ އުޅަނދު ރަޖިސްޓަރީކޮށްދެވޭނީ، އެ އުޅަނދެއް ރަޖިސްޓަރީކުރުމަށް ލިޔުންތައް ހުށަހަޅާއިރު، ގަރާޖެއްގައި އެ އުޅަނދު ބޭއްވުމާމެދު ގަރާޖުގެ ވެރިފަރާތުގެ އިއުތިރާޒެއް ނެތްކަމުގެ ލިޔުމަކާއި، ގަރާޖުގެ ވެރިފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ކޮޕީއަކާއި، އެ އުޅަނދު ބާއްވާ ގަރާޖަކީ ރަޖިސްޓަރީކޮށްފައިވާ ގަރާޖެއްކަން އެނގޭނެ ލިޔުންތައް ހުށަހެޅުމުންނެވެ. މި މާއްދާގައިވާ އުޅަނދުތަކުގެ މާނައިގައި، ހާއްސަ އެހީއަށް ބޭނުންވާ ފަރާތްތައް ދުއްވުމަށް ހާއްސަކުރެވިފައިވާ 2 (ދޭއް) ފުރޮޅުލީ ސައިކަލާއި، 3 (ތިނެއް) ފުރޮޅުލީ ސައިކަލާއި، 4 (ހަތަރެއް) ފުރޮޅުލީ ސައިކަލެއް ނުހިމެނެއެވެ.
(ބ) މި މާއްދާގެ (ރ) ގައި ބަޔާންކޮށްފައިވާ އުޅަނދު ބާއްވާ ގަރާޖުގައި އެ އުޅަނދެއް ބޭއްވޭނެ ޖާގަ އޮތްކަން މިނިސްޓްރީން ނުވަތަ މިނިސްޓްރީން ކަނޑައަޅާ ފަރާތަކުން ބަލައި ކަށަވަރުކުރަންވާނެއެވެ.
2 ވަނަ މާއްދާ - ބުނެވިދިޔަ ގަވާއިދުގެ 4 ވަނަ ވަނަ މާއްދާގެ (ޅ) އަންނަނިވި ގޮތަށް އިސްލާހުކުރުން.
ރަޖިސްޓަރީކުރުން 4.
(ޅ) އެއްގަމުގައި ދުއްވާ އިންޖީނުލީ އުޅަނދުތަކުގެ ތެރެއިން ކުންފުނީގެ ނަމުގައި ރަޖިސްޓަރީކުރުމަށް ހުށަހަޅާ އުޅަނދުތައް ރަޖިސްޓަރީކޮށްދެވޭނީ، އެ ކުންފުނީގެ
އަމިއްލަ ބޭނުމަށް ޓަކައި ބޭނުންކުރާ އުޅަނދުތަކެވެ. އަދި މި އަކުރުގައިވާ އުޅަނދުތަކުގެ މާނައިގައި ކުންފުނިން ވިޔަފާރި އުސޫލުން ގެންނަ އުޅަނދުތަކެއް ނުހިމެނެއެވެ.
3 ވަނަ މާއްދާ - 3 ބުނެވިދިޔަ ގަވާއިދުގެ 4 ވަނަ ވަނަ މާއްދާގެ (އ) އުނިކޮށް އަކުރުތައް ތަރުތީބުކުރުން.
4 ވަނަ މާއްދާ - ބުނެވިދިޔަ ގަވާއިދުގެ 5 ވަނަ މާއްދާގެ (ށ) އުނިކުރުން.
5 ވަނަ މާއްދާ - ބުނެވިދިޔަ ގަވާއިދުގެ 16 ވަނަ މާއްދާގެ (ށ) ގެ ފަހަތަށް އަންނަނިވި ގޮތަށް (ނ) އާއި (ރ) ގެ ގޮތުގައި ދެ އަކުރު އިތުރުކުރުން
މާނަކުރުން 16.
(ނ) ''ކުންފުނީގެ އަމިއްލަ ބޭނުން'' ކަމަށް ބުނެފައި އެވަނީ، އެ ކުންފުންޏެއްގެ އަސާސީ ގަވާއިދާއި ހިންގާ ގަވާއިދުގައިވާ ގޮތުގެ މަތީން އެ ކުންފުންޏެއްގެ މަސައްކަތްތަކަށް ބޭނުންކުރުމަށް އެ ކުންފުނީގެ ނަމުގައި ރަޖިސްޓަރީކުރާ އުޅަނދުތަކަށެވެ.
(ރ) ''ކުންފުނީގެ ވިޔަފާރި ބޭނުން'' ކަމަށް ބުނެފައި އެވަނީ، އެ ކުންފުނިން މުދަލުގެ ގޮތުގައި ވިއްކުމަށް ގެންނަ އުޅަނދުތަކަށެވެ.
6 ވަނަ މާއްދާ - ބުނެވިދިޔަ ގަވާއިދުގެ 16 ވަނަ މާއްދާގެ ފަހަތަށް އަންނަނިވި ގޮތަށް މާއްދާއެއް އިތުރުކުރުން.
ގަވާއިދަށް އަމަލުކުރަން ފެށުން 17.
(ހ) މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވެ.
(ށ) މި ގަވާއިދުގެ 4 ވަނަ މާއްދާގެ (ޅ) އަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެން 1 (އެކެއް) މަސްދުވަސް ހަމަވާ ތާރީހުން ފެށިގެންނެވެ.
7 ވަނަ މާއްދާ - މި ގަވާއިދަށް އަމަލުކުރަން ފެށުމުނ،ް ގަވާއިދު ނަންބަރު 2023-156 (އެއްގަމުގައި ދުއްވާ އިންޖީނުލީ އުޅަނދު ރަޖިސްޓަރީކުރުމުގެ ގަވާއިދު) އަށް 4 ވަނަ އިސްލާހު ގެނައުމުގެ ގަވާއިދު އުވުނީއެވެ.
މައި ގަވާއިދު
އެއްގަމުގައި ދުއްވާ އިންޖީނުލީ އުޅަނދު ރަޖިސްޓަރީ ކުރުމުގެ ގަވާއިދު (2009)
ކޮންސޮލިޑޭޓެޑް ގަވާއިދު
ކިޔުންތެރިންގެ ހިޔާލު