ތިލަދުންމަތީ އުތުރުބުރީ ފިއްލަދޫން ދަނޑުބިން ދޫކުރުމުގެ ގަވާއިދު

(ގަވާއިދު ނަންބަރު 2019-1023)

(މި ގަވާއިދަށް އަމަލުކުރަން ފެށީ 1 އެޕްރީލް 2019 ގައި)

 

1 ވަނަ މާއްދާ - ތައާރަފާއި ނަން

(ހ) މި ގަވާއިދަކީ، ގާނޫނު ނަންބަރު 2010-07 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނު) ގެ 152 ވަނަ މާއްދާއިން،ތިލަދުންމަތީ އުތުރުބުރީ ފިއްލަދޫ ކައުންސިލަށް ލިބިދޭ ބާރުގެ ދަށުން، ގާނޫނު ނަންބަރު 2002-01 (ދިވެހިރާއްޖޭގެ ބިމާބެހޭ ގާނޫނު) އާއި، އެ ގާނޫނަށް ބާރުދޭ ގާނޫނުތަކުން ބާރުލިބިގެން އެކުލަވައިލެވިފައިވާ ގަވާއިދެކެވެ.

(ށ) މި ގަވާއިދަށް ކިޔާނީ ''ތިލަދުންމަތީ އުތުރުބުރީ ފިއްލަދޫން ދަނޑުބިން ދޫކުރުމުގެ ގަވާއިދު'' އެވެ.

(ނ) މި ގަވާއިދުގައި ކަނޑައަޅައިފައިވާ ކަންކަން ކުރުމުގައި މި ކަމާ ގުޅިގެން ހަދައިފައިވާ ގާނޫނުތަކާއި ކަމާބެހޭ ފަރާތްތަކުން ހަދައިފައިވާ ގަވާއިދުތަކަށް ތަބާވާން ޖެހޭނެއެވެ.

 

2 ވަނަ މާއްދާ - އަމަލުކުރަން ފަށާ ތާރީހު

(ހ) މި ގަވާއިދަށް އަމަލުކުރަން ފަށާނީ، މި ގަވާއިދު، ދިވެހިސަރުކާރުގެ ގެޒެޓުގައި ށާއިއުކުރާ ތާރީހުން ފެށިގެންނެވެ.

(ށ) މި ގަވާއިދަށް އަމަލުކުރަން ފެށުމަށްފަހު، މި ގަވާއިދާ އެއްގޮތްވާ ގޮތުގެމަތީން ހުއްދަނަގައިގެން މެނުވީ، ރަށުގެ އެއްވެސް ސަރަހައްދެއްގައި ދަނޑުވެރިކަންކުރުމާއި ރުއްގަސް އިންދުމަކީ މަނާކަމެކެވެ.

 

3 ވަނަ މާއްދާ - ކުރީގައި ހިނގައިފައިވާ ކަންކަމަށް މި ގަވާއިދު ހިންގުން

(ހ) މި ގަވާއިދަށް އަމަލުކުރަން ފެށުމުގެ ކުރިން ހިނގައިފައިވާ، ނުވަތަ ކޮށްފައިވާކަމެއްގެ މައްޗަކަށް މި ގަވާއިދެއް ނުހިގާނެއެވެ. ނަމަވެސް މި ގަވާއިދަށްއަމަލުކުރަން ފެށުމަށްފަހު، މި ގަވާއިދުގައި ވަކިކަމެއް ލާޒިމްކޮށްފައިވާނަމަ،އެ ކަމެއް މި ގަވާއިދުގެ ދަށުން ހިންގޭނެއެވެ.

(ށ) ދިރިއުޅެމުންދާ ނުވަތަ ދިރިއުޅުމަށް ދޫކޮށްފައިވާ ގޯތީގައި އޮންނަ ހުސްބިމުގައި ދަނޑުވެރިކަން ކުރުމަށް މި ގަވާއިދު ހުރަހެއް ނާޅައެވެ.

 

4 ވަނަ މާއްދާ - ދަނޑުބިން ބެހިގެންވާގޮތް 

މި ގަވާއިދުގެ ދަށުން ދަނޑުވެރިކަން ކުރުމަށް ދަނޑުބިން ދޫކުރާނީ މޭވާއާއި، ތަރުކާރީއާއި، ފަލަމަޑީގެ ބާވަތްތައް ހެއްދުމަށެވެ.

 

5 ވަނަ މާއްދާ - ދަނޑުބިމަށް އެދުމާއި ދަނޑުބިން ދޫކުރުން

(ހ) މި ގަވާއިދަށް އަމަލުކުރަން ފެށުމާއެކު، މި ރަށުގެ ލޭންޑްޔޫޒް ޕްލޭނަށް ރިޔާއަތްކޮށް ދަނޑުބިންތައް ދޫކުރާ ސަރަހައްދުތައް އާންމުކޮށް އިއުލާނު ކުރަންވާނެއެވެ.

(ށ) ދަނޑުބިން ދޫކުރެވޭނީ ހއ. ފިއްލަދޫގައި ރަޖިސްޓަރީވެފައިވާ ރަށްވެހިންގެ ތެރެއިން އުމުރުން 18 (އަށާރަ) އަހަރު ފުރިފައިވާ ފަރާތްތަކާއި،ހއ.ފިއްލަދޫގައި ރަޖިސްޓަރީކޮ ށްފައިވާ އަމިއްލަ ފަރުދުންގެ ވިޔަފާރިއާއި، ކުންފުންޏާއި، ޕާޓްނަރށިޕާއި، ކޯޕަރޭޓިވް ސޮސައިޓީތަކާއި، ކުލަބް ޖަމްއިއްޔާ ޖަމާއަތްތަކަށެވެ. ކައުންސިލުން ދޫކުރުމަށް ހަމަޖެހިފައިވާ ދަނޑުބިންތަކުގެ ތެރެއިން ދަނޑުބިމަކަށް 1 (އެކެއް) ފަރާތަކަށްވުރެ، ގިނަ ފަރާތުން އެދިފައިވާނަމަ، ބިންދޫކުރާނެ ފަރާތެއް ކަނޑައަޅާނީ ގުރުއަތުލައިގެންނެވެ.

(ނ) ދަނޑު ބިމަށް އެދެވޭނީ، މި ގަވާއިދުގެ ޖަދުވަލު 1 ގައިވާ "ދަނޑު ބިމަށް އެދޭ ފޯމު" މި ކައުންސިލަށް ހުށަހެޅުމުންނެވެ.

(ރ) މި ގަވާއިދުގެ ދަށުން ދޫކުރާ އެންމެހައި ދަނޑުބިންތައް ހަވާލުކުރާ ނީ، ދަނޑުބިން ދޫކުރާ ފަރާތާއި ކައުންސިލާ ދެމެދު، ލިޔުމުން ވެވޭ އެއްބަސްވުމެއްގެ ދަށުންނެވެ.

(ބ) މި މާއްދާގެ (ރ) ގައި ބަޔާންކޮށްފައިވާ އެއްބަސްވުމުގައި ތިރީގައިވާ މައުލޫމާތު ހިމަނަންވާނެއެވެ.

1. ކުއްޔަށް ދޫކުރާ ތަނުގެ މައުލޫމާތު؛
2. ކުއްޔަށް ހިފާ ފަރާތުގެ ފުރިހަމަ މައުލޫމާތު؛
3. ކުއްޔަށް ދޫކުރާ މުއްދަތު؛
4. ކުލި (މަހަކަށް)؛
5. ކުލި ދައްކާނެ ގޮތް؛
6. މުއްދަތުގައި ކުލި ނުދައްކައިފިނަމަ އަމަލުކުރާނެ ގޮތް؛
7. ކުލި މުރާޖައާ ކުރާނަމަ، މުރާޖައާ ކުރާނެގޮތް؛
8. އެތަނުގައި އިންވެސްޓްކުރުމަށް އެއްބަސްވާ ގޮތ،ް
9. ކުއްޔަށް ހިފާ ފަރާތުގެ އިންވެސްޓްމަންޓަށް ބަދަލު ދެވޭނެގޮތް؛
10. އެއްބަސްވުމުގައިވާ ގޮތަށް ކުއްޔާއި ޖޫރިމަނާ ނުދައްކައިފިނަމަ، އެއްބަސްވުން ބާޠިލުކޮށް ކުއްޔަށް ހިފި ފަރާތުން އެތަން އަތުލެވޭނެ ގޮތް؛
11. ކުއްޔާއި ޖޫރިމަނާގެ ފައިސާ ނުދައްކައިގެން ކުއްޔަށް ހިފާ ފަރާތުން އެ ތަނެއް ވަކިކުރާއިރު، އެހައިތަނަށް ނުދައްކާހުރި ކުއްޔާއި ޖޫރިމަނާ ފައިސާ ހޯދާނެ ގޮތް؛
12. ކުއްޔަށް ދޫކުރާ ތަނުގައި ކުރާ މަސައްކަތް؛
13. ކުއްޔަށް ހިފި ތަނެއް ދެވަނަ ފަރާތަކަށް ކުއްޔަށް ދެވޭނެ ގޮތް؛
14. ކުއްޔަށް ދޫކޮށްފައިވާ ތަނެއް މުއްދަތު ހަމަވުމުގެ ކުރިން ދައުލަތުގެ ބޭނުމަށް ނަގަން ބޭނުންވެއްޖެނަމަ، ބަދަލު ދިނުމުގެ ކަންތައް ހަމަޖައްސާނެ ގޮތް؛
15. އެއްބަސްވުމުގައި ނުހިމެނޭކަމެއް ކަމެއް ދިމާވެއްޖެނަމަ، އެކަން ހައްލުކުރާނެ ގޮތަކާއި އަޅާނެ ފިޔަވަޅ.ު

(ޅ) ދަނޑުވެރިކަން ކުރުމަށްޓަކައި ދޫކުރާ ބިންތަކުގެ ރަޖިސްޓަރީއެއް ކައުންސިލުން އެކުލަވައިލުމަށްފަހު، ކުއްޔަށް ދޫކުރި ދަނޑުބިންތަކުގެ ދަފުތަރެއް ކައުންސިލުން ބަލަހައްޓަންވާނެއެވެ.

(ކ) މީހެއްގެ ނަމުގައި ރަޖިސްޓަރީކޮށްފައިވާ ކުންފުންޏަކުން ނުވަތަ އަމިއްލަ ފަރުދެއްގެ ވިޔަފާރިއަކުން ދަނޑުބިމަށް އެދި ހުށަހަޅައިފި ނަމަ، އެ ފަރާތަކަށް އަމިއްލަ ފަރުދެއްގެ ހައިސިއްޔަތުން ދަނޑުބިމަށް އެދުމުގެ ފުރުސަތެއް ނޯންނާނެއެވެ.

(އ) ކޮންމެ ދަނޑުބިމެއް ދޫކުރެވޭނީ އެ ބިމެއް ދޫކުރާ ތާރީހުން ފެށިގެން، މީލާދީގޮތުން 5 (ފަހެއް) އަހަރު ދުވަހަށެވެ.

(ވ) މި ގަވާއިދުގެ ދަށުން އެއްފަރާތަކަށް ދަނޑުބިމެއްގެގޮތުގައި އެންމެ ކުޑަކޮށް ދޫކުރެވޭނީ، 5,000 (ފަސްހާސް) އަކަފޫޓުވެ. ދަނޑުބިމެއްގެގޮތުގައި ދޫކުރެވޭނެ އެންމެ ބޮޑު އަދަދަކީ، 20,000 (ވިހިހާސް) އަކަފޫޓެވެ. 20,000 (ވިހިހާސް) އަކަފޫޓުގެ ދަނޑުބިން ދޫކުރުމުގައި ހއ.ފިއްލަދޫގައި ރަޖިސްޓަރީކޮށްފައިވާ އަމިއްލަ ފަރުދުންގެ ވިޔަފާރ،ި ކުންފުނި، ޕާރޓްނަރށިޕ،ް ކޯޕަރޭޓިވް ސޮސައިޓީތަކާއި ކުލަބް ޖަމްއިއްޔާ ޖަމާއަތްތަކަށް އިސްކަންދެވޭނެއެވެ. 

(މ) ދަނޑުބިމަށް އެދުމުގެ މުއްދަތު ހަމަވާ ތާރީހުން ފެށިގެން، ގިނަވެގެން 14 (ސާދަ) ދުވަހުގެ ތެރޭގައި، ދަނޑުބިމަށް އެދޭ ފަރާތްތަކަށް ކައުންސިލުން ދަނޑުބިން ދޫކުރަންވާނެއެވެ.

(ފ) ކައުންސިލުން ދަނޑުބިން ދޫކުރާތާ 14 (ސާދަ) ދުވަހުގެ ތެރޭގައި، އިންވަކިވާވަރަށް ބިން ސާފުކޮށްފައި ކައުންސިލަށް އަންގަންވާނެއެވެ.

(ދ) ދަނޑުގެ އިންވަކިކޮށް ކައުންސިލުން ދަނޑުބިން ހަވާލުކުރާ ތާރީ ހުން ފެށިގެން،ގިނަވެގެން 45 (ސާޅީސް ފަހެއް) ދުވަހުގެ ތެރޭގައި ދަނޑުވެރިކަމުގެ އަމަލީ މަސައްކަތް ފަށަންވާނެއެވެ.

(ތ) ދަނޑުބިމުގައި އެއްވެސް އިމާރާތެއް ކުރަންވާނީ ކައުންސިލުގެ ހުއްދަ ލިބިގެންނެވެ.

(ލ) ދަނޑުބިން ކުއްޔަށް ދޫކުރުމަށް އެއްބަސްވެފައިވާ މުއްދަތު ހަމަވެގެން ދަނޑު ދޫކޮށްލާއިރު، ނުވަތަ ދަނޑުބިން ކައުންސިލަށް ނެގޭއިރު، މިގޮތުން އެ ބިމުގައި އިމާރާތެއް ކޮށްފައިވާނަމަ، 30 (ތިރީސް) ދުވަހުގެ ތެރޭގައި އެ ފަރާތަކުން އެ ތަނެއް ނަގަންވާނެއެވެ. އަދި މި ގަވާއިދުގެ ދަށުން ދޫކުރާ ދަނޑުބިންތަކުގައި ދިގު މުއްދަތަކުން ފޯދި އާމްދަނީ ލިބޭފަދަ ގަސް (މިސާލަކަށް: ބަނބުކެޔޮ، އަނބު، ފޭރު) އިންދައިފައިވާނަމަ، ބިން ދޫކޮށްލާއިރު އެފަދަ ގަސްތަކަށް ބަދަލެއް ނުދެވޭނެއެވެ.

(ގ) މި މާއްދާގެ (އ) ގައި ބުނެފައިވާ މުއްދަތު ހަމަވުމުގެ ކުރިން ދަނޑުބިން ދޫކޮށްލާނަމަ، 30 (ތިރީސް) ދުވަހުގެ ކުރިން، ލިޔުމުން ކައުންސިލަށް އެކަންއަންގަންވާނެއެވެ. އަދި ދަނޑުބިން ދޫކޮށްލެވޭނީ، އެކަން ކައުންސިލަށް އެންގުމަށްފަހު، 30 (ތިރީސް) ދުވަހުގެ ތެރޭގައި، އެ ބިން ހަވާލުވެފައިވާ ފަރާތުން އެ ބިމުގައި ތަނެއް ހަދައިފައިވާނަމަ، އެ ތަނެއް ރޫޅައިލައި، ބިންސާފުކޮށް، ކައުންސިލާ ބިން ހަވާލުކުރުމުންނެވެ. 

(ޏ) މި ގަވާއިދުގެ ދަށުން ކުއްޔަށް ދޫކޮށްފައިވާ ދަނޑުބިންތައް، މި މާއްދާގެ (އ) ގައި ބުނާ މުއްދަތު ހަމަވުމުގެ 30 (ތިރީސް) ދުވަހުގެ ކުރިން، މުއްދަތު އިތުރުކުރުމަށް އެދ،ި ލިޔުމަކުން ކައުންސިލަށް ހުށަހަޅަން ވާނެއެވެ. މި މުއްދަތުގައި، މުއްދަތު އިތުރުކުރުމަށް ހުށަނާޅާ ދަނޑުބިންތައް ކައުންސިލަށް ނެގޭނެއެވެ. ދަނޑުބިމުގެ މުއްދަތު ހަމަވުމުގެ 14 (ސާދަ) ދުވަހުގެ ކުރިން މުއްދަތު އިތުރުކޮށްދެވުނުކަން ނުވަތަ ނޫންކަން، ދަނޑުބިން ދޫކޮށްފައިވާ ފަރާތަށް، ލިޔުމަކުން ކައުންސިލުން އަންގަންވާނެއެވެ.

 

6 ވަނަ މާއްދާ - ދޫކުރެވޭ ދަނޑުބި މުން ފީއާއި ކުލި ނެގުމުގެ އުސޫލު

(ހ) މި ގަވާއިދުގެ ދަށުން ދޫކުރާ ދަނޑުބިމުން މަހަކަށް އަކަފޫޓަކުން 01 (އެކެއް) ލާރީގެ ރޭޓުން ބިމުކުލި ނެގޭނެއެވެ.

(ށ) މި ގަވާއިދުގެ ދަށުން ދޫކުރާ ދަނޑުބިމުން ބިމުކުލި ނަގަން ފެށޭނީ، ދަނޑުބިން ހަވާލުކުރާ ތާރީހުން ފެށިގެން 90 (ނުވަދިހަ) ދުވަހުގެ މުއްދަތެއް އެ ފަރާތަކަށް ދިނުމަށް ފަހުގައެވެ.

(ނ) މި ގަވާއިދުގައި ހިމެނޭ އެންމެހައި ޖޫރިމަނާތަކާއި ފީތައް ދައްކަންވާނީ ފިއްލަދޫ ކައުންސިލަށް ނުވަތަ ކައުންސިލުން ކަނޑައަޅާ ފަރާތަކަށެވެ.

 

7 ވަނަ މާއްދާ - އިދާރީ ފިޔަވަޅުއެޅުން

މި ގަވާއިދުގައި ހިމެނިފައިވާ ކަންކަމާ ހިލާފުވާ ފަރާތްތަކާމެދު، އެހެން ގާނޫނަކުން ނުވަތަ ގަވާއިދަކުން ވަކިގޮތަކަށް އަމަލުކުރުމަށް ކަނޑައެޅިފައިނުވާ ކަންކަމުގައި:-

(ހ) ފުރަތަމަފަހަރު ނަސޭހަތްތެރިވުމަށްފަހު ކުށް އިސްލާހުކުރުމަށް، ލިޔުމުން އެ ފަރާތަކަށް އެންގޭނެއެވެ.

(ށ) ދެވަނަފަހަރު ކުށް ތަކުރާރުކޮށްފިނަމަ، 500 (ފަސްސަތޭކަ) ރުފިޔާއާއި 1000 (އެއްހާސް) ރުފިޔާއާ ދެމެދުގެ އަދަދަކުން އެ ފަރާތް ޖޫރިމަނާކުރެވޭނެއެވެ.

(ނ) ތިންވަނަ ފަހަރު ކުށް ތަކުރާރުކޮށްފިނަމަ، 1000 (އެއްހާސް) ރުފިޔާއާއި 3000 (ތިންހާސް) ރުފިޔާއާ ދެމެދުގެ އަދަދަކުން އެ ފަރާތް ޖޫރިމަނާ ކުރެވޭނެއެވެ.

(ރ) ހަތަރުވަނަ ފަހަރު ކުށް ތަކުރާރުކޮށްފިނަމަ، 3000 (ތިންހާސް) ރުފިޔާއާއި 5000 (ފަސްހާސް) ރުފިޔާއާ ދެމެދުގެ އަދަދަކުން އެ ފަރާތް ޖޫރިމަނާ ކުރެވޭނެއެވެ.

(ބ) ހަތަރުވަނަ ފަހަރަށްވުރެ އިތުރަށް ކުށް ތަކުރާރުކުރާ ކޮންމެ ފަހަރަކު 5000 (ފަސްހާސް) ރުފިޔާއިން އެ ފަރާތް ޖޫރިމަނާ ކުރެވޭނެއެވެ.

(ޅ) މި ގަވާއިދުގެ ދަށުން ކައުންސިލަށް ދައްކަންޖެހޭ ފައިސާ، މި ގަވާއިދުގެ 5 ވަނަ މާއްދާގެ (ރ) ގެ ދަށުން ހަ ދައިފައިވާ އެއްބަސްވުމުގައި ބުނާ މުއްދަތުގައި ނުދައްކައިފިނަމަ، މައްސަލަ ށަރީއަތަށް ފޮނުވޭނެއެވެ.

 

8 ވަނަ މާއްދާ - ދަނޑުބިން އިތުރުކޮށްދިނުން

(ހ) މި ގަވާއިދުގެ ދަށުން ފުރަތަމަ ފިޔަވަހީގައި ދަނޑުބިން ދޫކުރުމަށް ފަހު، ދެން ދަނޑުބިން ދޫކުރެވޭނީ ހުސް ދަނޑުބިން އޮތް ނިސްބަތަކުން، އަލަށް ދަނޑުވެރިކަމުގެ ދާއިރާޔަށް ވަނުމަށް ށައުގުވެރިކަން ފާޅުކޮށް އެ ކަމަށް އެދި ހުށަހަޅާ ފަރާތްތަކުގެ ތެރެއިން ދަނޑުވެރިކަމުގެ ޓްރެއިނިންގއެއްގައި ބައިވެރިވެފައިވާ ފަރާތްތަކަށް އިސްކަންދިނުމަށް ފަހު، ބާކީ ތިބި ފަރާތްތަކުގެ މެދުގައި ނެގޭ ގުރުއަތަކުން ހޮވޭ ފަރާތްތަކަށެވެ.

(ށ) މި މާއްދާގެ (ހ) ގައި އެހެން އޮތް ނަމަވެސް، ދަނޑުވެރިކަމުގައި މަސައްކަތް ކުރަމުންދާ ފަރާތްތަކަށް ދަނޑުބިން އިތުރުކޮށްދިނުމަކަށް މި ގަވާއިދު ހުރަހެއްނާޅައެވެ.

 

9 ވަނަ މާއްދާ - ގަވާއިދާ ހިލާފުވުން

މި ގަވާއިދާ ހިލާފު ވެއްޖެ ނަމަ، އެ މައްސަލައެއް ނިންމާނީ، އެ ކަމުގެ ކުޑަބޮޑުމިނަށް ބަލައިގެން، ތިލަދުންމަތީ އުތުރުބުރީ ފިއްލަދޫ ކައުންސިލުގެ އިދާރާއިންނެވެ. މި ގޮތުން ނިންމާ މައްސަލަތަކުގައި ދިވެހިރާއްޖޭގެ ބިމާ ބެހޭ ކަންކަން ހިންގާ މުއައްސަސާތަކުގެ މަށްވަރާ ހޯދަން ޖެހިއްޖެ ނަމަ، އެ ތަންތަނުގެ މަށްވަރާ ހޯދުމާއި، ށަރީއަތަށް ފޮނުވަން ޖެހިއްޖެ ނަމަ، ށަރީއަތަށް ފޮނުވުން ހިމެނެއެވެ.

 

10 ވަނަ މާއްދާ - ދަނޑުބިން ވަކިކުރުން

(ހ) މި ގަވާއިދުގެ ދަށުން ދަނޑުބިން ދޫކުރި ބޭނުން ފިޔަވައި އެހެން ބޭނުމަކަށް ދަނޑުބިން ބޭނުންކުރާނަމަ، ނަސޭހަތްތެރިވުމަށްފަހު އެކަން އިސްލާހުނުކޮށްފިނަމަ، ދަނޑުބިން ވަކިކުރުމުގެ އިހްތިޔާރާއި ބާރު ކައުންސިލަށް ލިބިގެންވެއެވެ.

(ށ) މި މާއްދާގެ (ހ) ގައި ބުނެފައިވާގޮތަށް މި ކައުންސިލުން ވަކިކުރާ ދަނޑުބިމެއް އެހެން ފަރާތަކަށް ދިނުމުގެ އިހްތިޔާރު ކައުންސިލަށް ލިބިގެންވެއެވެ.

(ނ) މި ގަވާއިދުގެ ދަށުން ދޫކޮށް ފައިވާ ބިމެއް ރައްޔިތުންގެ އާންމުވެގެންވާ މަންފާއަށްޓަކައި ސަރުކާރަށް ނަގަން ޖެހިއްޖެނަމަ، އެ ބިމެއް ނަގަންވާނީ 90 (ނުވަދިހަ) ދުވަހުގެ މުއްދަތެއް، ބިން ދޫކުރެވުނު ފަރާތަށް ލިޔުމުން ދިނުމަށްފަހު، އެ ބިމެއްގައި ކޮށްފައިވާ މަސައްކަތަށް ބަލައި، ށަރީއަތުން ކަނޑައަޅާ އަދުލުވެރި ބަދަލެއް އެ ފަރާތަށް ދިނުމަށް ފަހުގައެވެ.

 

11 ވަނަ މާއްދާ - ގަވާއިދުގައި ނެތް ކަމެއް ދިމާވުން ނުވަތަ ގަވާއިދަށް ބަދަލުގެނައުން

(ހ) މި ގަވާއިދުގައި ވަކިކަމެއް ކުރުން މަނާކޮށްފައިނުވާ ކަންކަން، ދިވެހިރާއްޖޭގެ ގާނޫނުތަކުން ބާރުލިބިގެން ހަދައިފައިވާ އެހެން ގަވާއިދަކުން މަނާކޮށްފައިވާނަމަ، އެ ކަމެއް މި ގަވާއިދުގެ ދަށުން މަނާވާނެއެވެ.

(ށ) މި ގަވާއިދު ހިންގައި ތަންފީޒުކުރުމާއި، މި ގަވާއިދަށް ގެންނަންޖެހޭ އިސްލާހުތައް ގެނައުމުގެ ބާރު ލިބިގެންވަނީ ކައުންސިލަށެވެ.

 

12 ވަނަ މާއްދާ - މާނަކުރުން

މި ގަވާއިދުގައި ލަފުޒެއް ނުވަތަ އިބާރާތެއް، އެ އިބާރާތެއް ހިމެނިފައިވާގޮތުން، ކަނޑައެޅިގެން އެހެންގޮތަކަށް ދޭހަނުވާހައި ހިނދަކު މި ގަވާއިދުގައި:-

(ހ) "ކައުންސިލް" ކަމުގައި ބުނެފައި އެވަނީ، ގާނޫނު ނަންބަރު 2010-07 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނު) ގެ ދަށުން އިންތިހާބުކޮށްފައިވާ ތިލަދުންމަތީ އުތުރުބުރީ ފިއްލަދޫ ކައުންސިލަށެވެ.

(ށ) "ދަނޑުބިން" ކަމުގައި ބުނެފައި އެވަނީ، އާމްދަނީ ހޯދުމުގެގޮތުން، ނުވަތަ އަމިއްލަ ބޭނުމަށް ދަނޑުވެރިކަމުގެ ބާވަތްތައް އުފެއްދުމަށް ކައުންސިލުން ދޫކުރާ ބިންތަކެވެ.

(ނ) "މީހެއް" ނުވަތަ "ފަރާތް" ކަމުގައި ބުނެފައި އެވަނީ، ތަބީއީ ށަހްސުތަކަށާއި ގާނޫނީ ށަހްސުތަކަށެވެ.

(ރ) "ކަމާ ބެހޭ ފަރާތްތައް" ކަމުގައި ބުނެފައި އެ ވަނީ، ލޯކަލް ގަވަރމަންޓް އޮތޯރިޓީއާއި ދިވެހިރާއްޖޭގެ ސިއްހަތާ ބެހޭ ވުޒާރާއާއި ދަނޑުވެރިކަމާ ބެހޭ ވުޒާރާއަށެވެ.

 

ގުޅޫންހުރި ގާނޫނު

1. ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނު (ގާނޫނު ނަންބަރު 2010-07)
2. ބިމާބެހޭ ގާނޫނު (ގާނޫނު ނަންބަރު 2002-01)