ނޭށަނަލް ފާމަސޫޓިކަލް ބޯޑުގެ ހިންގާ ގަވާއިދު
(ގަވާއިދު ނަންބަރު 2019-1035)
1 ވަނަ މާއްދާ - ތައާރަފާއި ނަން
(ހ) މިއީ، ގާނޫނު ނަންބަރު 2015-29 (ސިއްހީ ހިދުމަތް ދިނުމުގެ ގާނޫނު) ގެ 67 ވަނަ މާއްދާގެ (ހ) ދަށުން ގާއިމުކުރެވޭ ނޭށަނަލް ފާމަސޫޓިކަލް ބޯޑުގެ ހިންގުމާ ގުޅޭގޮތުން އެ ގާނޫނުގެ 72 ވަނަ މާއްދާއިން ބާރު ލިބިގެން އެކުލަވައިލައިފައިވާނޭށަނަލް ފާމަސޫޓިކަލް ބޯޑުގެ ހިންގާ ގަވާއިދެވެ.
(ށ) މި ގަވާއިދަށް ކިޔަނީ، "ނޭށަނަލް ފާމަސޫޓިކަލް ބޯޑުގެ ހިންގާ ގަވާއިދު" އެވެ.
2 ވަނަ މާއްދާ - އަމަލުކުރަން ފަށާ ތާރީހު
މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވެ.
3 ވަނަ މާއްދާ - މަގްސަދު
މި ގަވާއިދުގެ މައިގަނޑު މަގްސަދުތަކުގެ ތެރޭގައި އަންނަނިވި ކަންކަން ހިމެނެއެވެ.
(ހ) ޑޮކްޓަރީ ބޭހާއި، ވެކްސިނާއި، ބޭހުގެގޮތުގައި ބޭނުންކުރެވޭ ތަކެއްޗާއި، މެޑިކަލް ޑިވައިސްއާ ބެހޭގޮތުން ސިޔާސަތު ކަނޑައެޅުން،
(ށ) ޑޮކްޓަރީ ބޭހާއި، ވެކްސިނާއި، ބޭހުގެގޮތުގައި ބޭނުންކުރެވޭ ތަކެއްޗާއި، މެޑިކަލް ޑިވައިސްއާ ބެހޭގޮތުން ގަވާއިދު ހެދުމުގައި މޯލްޑިވްސް ފުޑް އެންޑް ޑްރަގް އޮތޯރިޓީއަށް ލަފާ ދިނުން،
(ނ) ޑޮކްޓަރީ ބޭހާއި، ވެކްސިނާއި، ބޭހުގެގޮތުގައި ބޭނުންކުރެވޭ ތަކެއްޗާއި، މެޑިކަލް ޑިވައިސްއަކީ ފެންވަރު ރަނގަޅު ރައްކައުތެރި ތަކެތިކަން ކަށަވަރުކުރުން،
(ރ) ނޭށަނަލް ފާމަސޫޓިކަލް ބޯޑު ހިންގާނެ ގޮތުގެ އުސޫލު ކަނޑައެޅުން.
4 ވަނަ މާއްދާ - ބޯޑުގެ މަސް އޫލިއްޔަތުތައް
(ހ) ޑޮކްޓަރީ ބޭހާއި ވެކްސިނާއި، ބޭހުގެގޮތުގައި ބޭނުންކުރާ ތަކެއްޗާއި، މެޑިކަލް ޑިވައިސް ފަދަ ތަކެތި ރާއްޖޭގައި އުފެއްދުމަށް ނުވަތަ އެތެރެކުރުމަށް ނުވަތަ ވިއްކުމަށް ނުވަތަ ރަޖިސްޓްރީކުރުމަށް ހުއްދަ ދިނުމުގައި އަމަލުކުރާނެ އުސޫލުތައް ކަނޑައަޅައި،އެ އުސޫލުތައް ތަންފީޒު ކުރުމުގައި މޯލްޑިވްސް ފުޑް އެންޑް ޑްރަގް އޮތޯރިޓީއަށް ލަފާ ދިނުން،
(ށ) ޑޮކްޓަރީ ބޭހާއި ވެކްސިނާއި، ބޭހުގެގޮތުގައި ބޭނުންކުރާ ތަކެއްޗާއި، މެޑިކަލް ޑިވައިސްއާ ބެހޭ ސިޔާސަތުތައް ކަނޑައެޅުން،
(ނ) ސިއްހީ ހިދުމަތުގެ ގައުމީ ނިޒާމުގައި ބޭނުންކުރެވޭ ޑޮކްޓަރީ ބޭހާއި، ވެކްސިނާއި، ބޭހުގެގޮތުގައި ބޭނުންކުރާ ތަކެއްޗާއި، މެޑިކަލް ޑިވައިސްތަކަކީ ފެންވަރު ރަނގަޅު ތަކެތިކަން ކަށަވަރު ކުރުމަށްޓަކައި އެފަދަ ތަކެތި ބަލައި ފާސްކުރުމުގައި އަމަލުކުރަންވީ އުސޫލުތައް ކަނޑައެޅުމުގައި މޯލްޑިވްސް ފުޑް އެންޑް ޑްރަގް އޮތޯރިޓީއަށް ލަފާދިނުން،
(ރ) ބޭހާއި ބޭހުގެގޮތުގައި ބޭނުންކުރާ ތަކެތީގެ ދަފުތަރު ބެލެހެއްޓުމާއި މުރާޖައާ ކުރުމާ ގުޅޭގޮތުން މޯލްޑިވްސް ފުޑް އެންޑް ޑްރަގް އޮތޯރިޓީއަށް ލަފާދިނުން،
(ބ) ރާއްޖެއަށް ބޭސް އެތެރެކުރާ މަގުތަކާއި، ބޭސް ދޫކުރާ އެކި ތަންތަނާއި، ބޭސް ރައްކައުކުރާ ތަންތަނާއި، ވިޔަފާރިކުރާ ތަންތަނުގައި ހުންނަ ބޭސް އިންސްޕެކްޓް ކުރުމުގެ ނިޒާމު ހަރުދަނާކުރުމުގައި މޯލްޑިވްސް ފުޑް އެންޑް ޑްރަގް އޮތޯރިޓީއަށް ލަފާދިނުން،
(ޅ) ބޭހާ ބެހޭ ގަވާއިދު ތަންފީޒުކުރުމުގައި މޯލްޑިވްސް ފުޑް އެންޑް ޑްރަގް އޮތޯރިޓީއަށް ލަފާދިނުން،
(ކ) ދިވެހިރާއްޖޭގެ ހުރިހާ ރައްޔިތުންނަށް ބޭނުންވާ އަސާސީ ބޭހާއި ވެކްސިން ފޯރުކޮށްދިނުމަށް ހަދަންޖެހޭ ގަވާއިދުތަކާއި، އުސޫލުތަކާއި، ވަސީލަތްތައް ކަނޑައެޅުމުގައި މޯލްޑިވްސް ފުޑް އެންޑް ޑްރަގް އޮތޯރިޓީއަށް ލަފާދިނުން،
(އ) ސިއްހީ ހިދުމަތްދޭ އެކި ފެންވަރުގެ ތަންތަނުގައި ހުންނަންޖެހޭ އަސާސީ ބޭސްތަކުގެ ލިސްޓު މުރާޖައާކުރުމުގައި މޯލްޑިވްސް ފުޑް އެންޑް ޑްރަގް އޮތޯރިޓީއަށް ލަފާދިނުން،
(ވ) ޑޮކްޓަރީ ބޭހާއި، ވެކްސިނާއި، ބޭހުގެގޮތުގައި ބޭނުންކުރާ ތަކެއްޗާއި، މެޑިކަލް ޑިވައިސްއާ ބެހޭ ގަވާއިދުތައް ހެދުމުގައި މޯލްޑިވްސް ފުޑް އެންޑް ޑްރަގް އޮތޯރިޓީއަށް ލަފާދިނުން.
(މ) ޑޮކްޓަރީ ބޭހާއި، ވެކްސިނާއި، ބޭހުގެ ގޮތުގައި ބޭނުންކުރެވޭ ތަކެއްޗާއި، މެޑިކަލް ޑިވައިސްއަކީ ފެންވަރު ރަނގަޅު، ރައްކައުތެރި ތަކެތިކަން ކަށަވަރުކުރުން،
5 ވަނަ މާއްދާ - މެންބަރުން އައްޔަނު ކުރުން
މި ގަވާއިދުގެ ދަށުން އެކުލަވައިލާ ނޭށަނަލް ފާމަސޫޓިކަލް ބޯޑުގެ މެންބަރުން އައްޔަނު ކުރާނީ މިނިސްޓަރެވެ.
6 ވަނަ މާއްދާ - ބޯޑު އެކުލެވިގެންވާ ގޮތް
ނޭށަނަލް ފާމަސޫޓިކަލް ބޯޑު އެކުލެވިގެންވަނީ ތިރީގައި ބަޔާންކޮށްފައިވާ 10 (ދިހައެއް) މެންބަރުންގެ މައްޗަށެވެ.
(ހ) ނޭށަނަލް ރެފަރަލް ހޮސްޕިޓަލުގެ ކުލިނިކަލް 3 (ތިނެއް) ދާއިރާއަކުން 3 (ތިނެއް) ސްޕެށަލިސްޓުން؛
(ށ) ހެލްތު ޕްރޮޓެކްށަން އެޖެންސީ ތަމްސީލުކުރާނެ ފަރާތެއް؛
(ނ) މިނިސްޓްރީގެ ފަންނީ އިސްފަރާތެއް؛
(ރ) މޯލްޑިވްސް ފުޑް އެންޑް ޑްރަގް އޮތޯރިޓީގެ އިސްވެރިޔާ؛
(ބ) ނޭށަނަލް ޑްރަގް އެޖެންސީ ތަމްސީލުކުރާނެ ފަރާތެއް؛
(ޅ) މޯލްޑިވްސް ކަސްޓަމްސް ސަރވިސް ތަމްސީލުކުރާނެ ފަރާތެއް،
(ކ) މިނިސްޓްރީ އޮފް އިކޮނޮމިކް ޑިވެލޮޕްމަންޓް ތަމްސީލުކުރާނެ ފަރާތެއް؛
(އ) މޯލްޑިވްސް ފުޑް އެންޑް ޑްރަގް އޮތޯރިޓީގެ ބޭހާބެހޭ ކަންކަމުގެ އެންމެ އިސްވެރިޔާ (ފާމަސިސްޓް)
7 ވަނަ މާއްދާ - މެންބަރުކަމުގެ ހާއްސަ ށަރުތުތައް
ނޭށަނަލް ފާމަސޫޓިކަލް ބޯޑަށް އައްޔަނުކުރެވޭ މެންބަރުންގެ ކިބައިގައި، އަންނަނިވި ހާއްސަ ށަރުތުތައް ފުރިހަމަ ވާންވާނެއެވެ.
(ހ) މި ގަވާއިދުގެ 6 ވަނަ މާއްދާގެ (ހ) ގެ ދަށުން ނޭށަނަލް ފާމަސޫޓިކަލް ބޯޑަށް އައްޔަނުކުރާ 3 (ތިނެއް) ސްޕެށަލިސްޓުންނަކީ، އެފަރާތެއްގެ ފަންނީ މަސައްކަތުގައި،މަސައްކަތް ކުރާތާ މަދުވެގެން 3 (ތިނެއް) އަހަރުދުވަހުގެ ތަޖުރިބާ ލިބިފައިވާ މީހެއްކަމުގައި ވުން،
(ށ) މި ގަވާއިދުގެ 6 ވަނަ މާއްދާގެ (ށ) ގެ ދަށުން ނޭށަނަލް ފާމަސޫޓިކަލް ބޯޑަށް އައްޔަނުކުރާ ފަރާތަކީ، ޕަބްލިކް ހެލްތުގެ ދާއިރާއިން ނުވަތަ އެދާއިރާއާ ގުޅުންހުރި ދާއިރާއަކުން ދަށްވެގެން މާސްޓަރސް ޑިގްރީއެއް ހާސިލުކޮށްފައިވާ، ނުވަތަ ޕަބްލިކް ހެލްތުގެ ދާއިރާގައި މަދުވެގެން 3 (ތިނެއް) އަހަރުދުވަހުގެ ތަޖުރިބާ ލިބިފައިވާ މީހެއްކަމުގައި ވުން،
(ނ) މި ގަވާއިދުގެ 6 ވަނަ މާއްދާގެ (ނ) ގެ ދަށުން ނޭށަނަލް ފާމަސޫޓިކަލް ބޯޑަށް އައްޔަނުކުރާ ފަރާތަކީ ޓެކްނިކަލް ދާއިރާއަކުން ދަށްވެގެން ބެ ޗްލާސް ޑިގްރީއެއް ހާސިލުކޮށްފައިވުމާ އެކު ސިއްހީ ދާއިރާގައި މަދުވެގެން 2 (ދޭއް) އަހަރުދުވަހުގެ ތަޖުރިބާ ލިބިފައިވާ މީހަކު ކަމުގައި ވުން،
(ރ) މި ގަވާއިދުގެ 6 ވަނަ މާއްދާގެ (ބ) ގެ ދަށުން ނޭށަނަލް ފާ މަސޫޓިކަލް ބޯޑަށް އައްޔަނުކުރާ ފަރާތަކީ ފާމަސޫޓިކަލް ދާއިރާއިން ނުވަތަ އެ ދާއިރާއާ ގުޅުންހުރި ދާއިރާއަކުން ދަށްވެގެން މާސްޓަރސް ޑިގްރީއެއް ހާސިލުކޮށްފައިވާ، ނުވަތަ ފާމަސޫޓިކަލް ދާއިރާގައި މަދުވެގެން 2 (ދޭއް) އަހަރުދުވަހުގެ ތަޖުރިބާ ލިބިފައިވާ މީހެއްކަމުގައި ވުން،
(ބ) މި ގަވާއިދުގެ 6 ވަނަ މާއްދާގެ (ޅ) އާއި (ކ) ގެ ދަށުން ނޭށަނަލް ފާމަސޫޓިކަލް ބޯޑަށް އައްޔަނުކުރާ ފަރާތްތަކަކީ، އެ ފަރާތް ތަމްސީލުކުރާ އިދާރާއެއްގައި މަދުވެގެން 2 (ދޭއް) އަހަރުދުވަހުގެ ތަޖުރިބާ ލިބިފައިވުމާއެކު، އެ ދާއިރާއެއް ހިންގުމުގެ އިސް މަގާމެއްގައި ހުރި މީހަކު ކަމުގައި ވުން،
8 ވަނަ މާއްދާ - މެންބަރުންގެ އާންމު ށަރުތުތައް
މި ގަވާއިދުގެ 7 ވަނަ މާއްދާގައި ބަޔާންކޮށްފައިވާ ހާއްސަ ށަރުތުތަކުގެ އިތުރުން،މި ގަވާއިދުގެ ދަށުން އައްޔަނު ކުރެވޭ މެންބަރުންގެ ކިބައިގައި ތިރީގައި ބަޔާންކޮށްފައިވާ އާންމު ށަރުތުތައް ފުރިހަމަ ވާންވާނެއެވެ.
(ހ) ދިވެހި ރައްޔިތެއްކަމުގައި ވުން،
(ށ) ދިވެހިރާއްޖޭގައި ދިރިއުޅޭ މީހެއްކަމުގައި ވުން،
(ނ) ސާބިތު ދަރަންޏެއް އޮތް މީހެއްކަމުގައި ނުވުން،
(ރ) ސިއްހީ ހިދުމަތުގެ ފަންނީ މަސައްކަތްތެރިއެއްނަމަ، ގާނޫނު ނަންބަރު 2015-13 (ސިއްހީ ހިދުމަތުގެ ފަންނީ މަސައްކަތްތެރިންގެ ގާނޫނު) ގެ ދަށުން މަސައްކަތަށް ށަރުތު ފުރިހަމަވާ މީހެއްކަމުގައި ވުން.
(ބ) އެ މީހަކު ތަމްސީލުކުރާ ހައިސިއްޔަތުގެ ގޮތުން އަދާކުރާ ވަޒީފާގެ އިތުރުން، މަސްލަހަތު ފުށުއަރާ އެއްވެސް ވަޒީފާއެއްގައި ނުވަތަ ބޭހާ ގުޅޭ އެއްވެސް އެހެން ދާއިރާއެއްގައި ސީދާގޮތުންނާއި ނުސީދާގޮތުން މަސައްކަތް ނުކުރުން،
(ޅ) ޖިނާއީ ކުށެއް ކުރިކަން ށަރީއަތަށް ސާބިތުވެފައިވާ މީހެއް ކަމުގައި ނުވުމާއި، އިސްލާމް ދީނުގައި ހައްދެއް ކަނޑައެޅިފައިވާ ކުށެއް ކުރިކަން ށަރީއަތަށް ސާބިތުވެފައިވާ މީހެއްކަމުގައި ނުވުން،
9 ވަނަ މާއްދާ - ބޯޑުގެ ރައީސާއި ނައިބުރައީސް އައްޔަނު ކުރުން
ބޯޑުގެ ރައީސާއި ނައިބު ރައީސް އައްޔަނު ކުރާނީ ބޯޑުގެ ބައްދަލުވުމެއްގައި ބޯޑުގެ މެންބަރުންގެ މެދުގައި ނެގޭ ވޯޓަކުން ބޯޑުގެ މެންބަރުންގެ ޖުމްލަ އަޣްލަބިއްޔަތުންނެވެ.
10 ވަނަ މާއްދާ - ބޯޑުގެ ރައީސްގެ މަސްއޫލިއްޔަތު
ބޯޑުގެ ރައީސްގެ މަސްއޫލިއްޔަތުތައް ތިރީގައި ބަޔާންކޮށްފައި މިވަނީއެވެ.
(ހ) ބޯޑުގެ މަސްއޫލިއްޔަތު އަދާކުރުމަށް މަގުފަހިކޮށްދީ، އެ މަސްއޫލިއްޔަތުތައް އަދާކުރެވެމުންދާކަން ކަށަވަރުކުރުން،
(ށ) ބޯޑުގެ ޖަލްސާތައް ބޭއްވުމާއި ރިޔާސަތު ބެލެހެއްޓުން،
(ނ) ބޯޑުގެ ނިންމުންތައް ތަންފީޒު ކުރުން،
(ރ) ބޯޑުގެ މަސައްކަތްތަކާ ގުޅިގެން މިނިސްޓަރަށް ޖަވާބުދާރީވުން،
(ބ) ބޯޑުން ނުވަތަ މި ގަވާއިދުގެ ދަށުން ރައީސްގެ މަސްއޫ ލިއްޔަތުގެ ގޮތުގައި ކަނޑައަޅައިފައިވާ ކަންކަން ނުވަތަ ދީފައިވާ ބާރެއްގެ ދަށުން ކުރަންޖެހޭ ކަމެއް ކުރުން،
11 ވަނަ މާއްދާ - ބޯޑުގެ ނައިބު ރައީސްގެ މަސްއޫލިއްޔަތު
ބޯޑުގެ ރައީސަށް އޭނާގެ މަގާމުގެ މަސްއޫލިއްޔަތު އަދާކުރުމަށް ނުކުޅެދިއްޖެ ހާލަތެއްގައި، ނުވަތަ އުޒުރުވެރިވެއްޖެ ހާލަތެއްގައި، ނުވަތަ އެ މަގާމު ހުސްވެއްޖެ ހާލަތެއްގައި އޭނާގެ މަގާމުގެ މަސްއޫލިއްޔަތު ވަގުތީގޮތުން އަދާކުރާނީ ބޯޑުގެ ނައިބު ރައީސެވެ. މީގެ އިތުރުން،ބޯޑު ހިންގުމުގައި ބޯޑުގެ ރައީސަށް އެހީތެރިވެދޭންވާނެއެވެ.
12 ވަނަ މާއްދާ - ބޯޑުގެ މެންބަރުންގެ ޒިންމާތައް
ބޯޑު މެންބަރުންގެ ޒިންމާތަކުގެ ތެރޭގައި ތިރީގައި ބަޔާންކޮށްފައިވާ ކަންތައްތައް ހިމެނެއެވެ.
(ހ) މަގްބޫލު އުޒުރެއް ދިމާވެގެން މެނުވީ ބޯޑުގެ ޖަލްސާތަކަށް ހާޒިރުވުން،
(ށ) މަގުބޫލު އުޒުރެއް ދިމާވެގެން ނޫނީ ބޯޑުން ހަވާލުކުރާ މަސްއޫލިއްޔަތުތައް އަދާކުރުން.
(ނ) ޒާތީ ތައައްސުބުން އެއްކިބާވެހުރެ، ތިމާގެ މަސައްކަތަށާއި ތިމާގެ ވާޖިބަށް އިހްލާސްތެރިވުމާއި، އިންސާފުވެރިވުމާއި، ފަރުވާތެރިވުން،
13 ވަނަ މާއްދާ - މެންބަރުންގެ ދައުރު
(ހ) ބޯޑަށް އައްޔަނުކުރެވޭ މެންބަރަކު، އެ މަގާމުގައި ދެމިހުންނާނީ އެ މެންބަރަކު މެންބަރުންގެ ދައުރު އައްޔަނު ކުރެވޭ ތާރީހުން ފެށިގެން 5 (ފަހެއް) އަހަރުދުވަހުގެ މުއްދަތަށެވެ.
(ށ) މި ގަވާއިދުގެ ދަށުން މެންބަރުކަމަށް އައްޔަނު ކުރެވޭ އެއްވެސް މީހަކަށް ވިދިވިދިގެން ނުވަތަ އެނޫން ގޮތަކަށްވިޔަސް 5 (ފަހެއް) އަހަރުދުވަހު ގެ 2 (ދޭއް) ދައުރަށްވުރެ ގިނަ ދުވަހު މެންބަރު ކަމުގައި ނުހުރެވޭނެއެވެ.
14 ވަނަ މާއްދާ - އެލަވަންސް
(ހ) ބޯޑަށް އައްޔަނުކުރެވޭ މެންބަރުންނަށް، އެ ފަރާތްތަކުން ހާޒިރުވާ ކޮންމެ ބައްދަލުވުމަކަށް އެލަވަންސެއް ދޭންވާނެއެވެ.
(ށ) މި މާއްދާގެ (ހ) ގައި ބަޔާންކޮށްފައިވާ އެލަވަންސް ކަނޑައަޅާނީ މިނިސްޓްރީ އޮފް ފިނޭންސްގެ ލަފާގެމަތިން މިނިސްޓްރީ އޮފް ހެލްތުންނެވެ.
15 ވަނަ މާއްދާ - މެންބަރުކަމުގެ މަގާމު ހުސްވުން
ތިރީގައި ބަޔާންކޮށްފައިވާ ހާލަތްތަކުގެ ތެރެއިން ހާލަތެއް މެދުވެރިވެއްޖެ ނަމަ، އެ މެންބަރެއްގެ މަގާމު ހުސްވާނެއެވެ.
(ހ) މި ގަވާއިދުގައިވާ ގޮތުގެ މަތިން އިސްތިއުފާ ދިނުން،
(ށ) މެންބަރުކަމުގެ ދައުރު ހަމަވުން،
(ނ) މަރުވުން،
(ރ) މި ގަވާއިދުގައިވާ ގޮތުގެ މަތިން މެންބަރުކަމުން ވަކިކުރުން،
(ބ) މަގުބޫލު ސަބަބެއްނެތި ބޯޑަށް އެންގުމަކާ ނުލައި ވިދިވިދިގެން 3 (ތިނެއް) ބައްދަލުވުމަށް ހާޒިރުނުވުން،
(ޅ) މި ގަވާއިދުގެ 8 ވަނަ މާއްދާގައި ބަޔާންކޮށްފައިވާ އާންމު ށަރުތުތަކުގެ ތެރެއިން ށަރުތެއް އުނިވުން،
16 ވަނަ މާއްދާ - އިސްތިއުފާދިނުން
ބޯޑުގެ މެންބަރަކު އޭނާގެ މަގާމުން އިސްތިއުފާދޭން ބޭނުންވެއްޖެ ނަމަ، ސަބަބު ބަޔާންކޮށް މިނިސްޓަރަށް ސިޓީއެއް ހުށަހަޅައި، އެ ސިޓީ މިނިސްޓަރަށް ލިބުމުން އެ މީހަކު މެންބަރުކަމުން ވަކިވީއެވެ.
17 ވަނަ މާއްދާ - މެންބަރުކަމުން ވަކިކުރުން
ބޯޑަށް އައްޔަނު ކުރެވޭ މެންބަރުން ވަކިކުރާނީ މިނިސްޓަރެވެ.
18 ވަނަ މާއްދާ - ބޯޑުގެ ސެކްރެޓޭރިއަޓް
ބޯޑުގެ މަސްއޫލިއްޔަތު އަދާކުރުމަށް ބޭނުންވާ އިދާރީ އެހީތެރިކަން ފޯރުކޮށްދޭނީ މޯލްޑިވްސް ފުޑް އެންޑް ޑްރަގް އޮތޯރިޓީންނެވެ.
19 ވަނަ މާއްދާ - ކޮންސަލްޓަންޓުން
(ހ) ބޯޑަށް ލަފާ ދިނުމަށްޓަކައި ކޮންސަލްޓަންޓުންގެ ގޮތުގައި ފަންނީ ފަރާތްތައް ބޯޑުގެ ބައްދަލުވުންތަކުގައި ބައިވެރި ކުރެވިދާނެއެވެ. މިގޮތުން ކޮންސަލްޓަންޓް ހޯދާނެގޮތާއި އިޖުރާއާތުތަކާއި ކަމާގުޅޭ އެހެނިހެން އުސޫލުތައް ބޯޑުން އެކަށައަޅަންވާނެއެވެ.
(ށ) މި މާއްދާގެ (ހ) ގައި ބަޔާންކޮށްފައިވާ ގޮތުގެމަތިން ބޯޑުން ހޯދާ ކޮންސަލްޓަންޓުންނަކީ ސީދާގޮތުން ނުވަތަ ނުސީދާގޮތުންވެސް ބޯޑުގެ މަސައްކަތާ ގުޅުންހުރި މަސްލަހަތެއް އޮތް ފަރާތަކަށް ވެގެން ނުވާނެއެވެ.
20 ވަނަ މާއްދާ - ބޯޑުގެ ބައްދަލުވުންތައް
(ހ) ބޯޑުގެ ބައްދަލުވުމެއް، މަހަކު 1 (އެކެއް) ފަހަރު ބާއްވަންވާނެއެވެ.
(ށ) މި މާއްދާގެ (ހ) ގައި އެހެން އޮތްކަމުގައި ވީ ނަމަވެސް، ބޯޑަށް ހުށަހެޅޭ މައްސަލަތަކަށް ރިއާޔަތްކޮށް ބޯޑުގެ ބައްދަލުވުމެއް ބޭއްވުމަށް މޯލްޑިވްސް ފުޑް އެންޑް ޑްރަގް އޮތޯރީޓީން އެދިއްޖެ ނަމަ، ބޯޑުގެ ބައްދަލުވުން ތާވަލު ކޮށް ބައްދަލުވުން ބާއްވަންވާނެއެވެ.
(ނ) ބޯޑުގެ ބައްދަލުވުމެއް ބޭއްވުމަށް ބޯޑުގެ ރައީސަށް ފެނިއްޖެ ހިނދެއްގައި ބޯޑުގެ ބައްދަލުވުން ބޭއްވިދާނެއެވެ.
21 ވަނަ މާއްދާ - ބޯޑު ބައްދަލުވުންތަކުގެ ގާނޫނީ އަދަދު
ބޯޑުގެ ޖަލްސާއެއް ބޭއްވޭނީ ބޯޑުގެ މެންބަރުންގެ ދެބައިކުޅަ އެއްބަޔަށް ވުރެ ގިނަ މެންބަރުން ހާޒިރުވެ ތިބެގެންނެވެ.
22 ވަނަ މާއްދާ - ބޯޑުގެ ނިންމުންތައް
(ހ) ބޯޑުގެ ކޮންމެ ނިންމުމެއް ނިންމަންވާނީ ޖަލްސާއަށް ހާޒިރުވ،ެ ވޯޓުގައި ބައިވެރިވި މެންބަރުންގެ އަޣުލަބިއްޔަތުން ނުވަތަ އިއްތިފާގުންނެވެ.
(ށ) އެއްވެސް މެންބަރެއްގެ އަމިއްލަ މަސްލަހަތެއް ހިމެނޭ އެއްވެސް މައްސަލައެއް ނިންމުމުގައި އެއްވެސް މިންވަރަކަށް އެ މެންބަރަކު ބައިވެރިވެގެން ނުވާނެއެވެ. އަދި މިފަދަ މައްސަލައެއް ކުރިޔަށްދާ ކަން އެ މެންބަރަކަށް އެނގޭ ހިނދުން ފެށިގެން ރިޔާސަތަށާއި، ބޯޑުގެ އެހެން މެންބަރުންނަށް އެކަން އެންގުމާއެކު، އެ މައްސަލައަކާ ގުޅޭގޮތުން ނިންމަންޖެހޭ ނިންމުންތަކުން އެއްކިބާވާންވާނެއެވެ.
23 ވަނަ މާއްދާ - ސިއްރު ހިފެހެއްޓުން
(ހ) މަގާމުގެ ހައިސިއްޔަތުން މެންބަރަކަށް ލިބިފައިވާ މައުލޫމާތެއް، މެންބަރުކަމުގެ ވާޖިބުތަކާއި މަސްއޫލިއްޔަތު އަދާކުރުމުގެ ގޮތުން ކޮންމެހެން ބޭނުންވާ ހާލަތެއްގައި ފިޔަވައި، ތިންވަނަ ފަރާތަކަށް ހާމަކޮށްގެން ނުވާނެއެވެ.
(ށ) މަގާމުގެ ހައިސިއްޔަތުން މެންބަރަކަށް ލިބިފައިވާ މައުލޫމާތެއްގެ ނުވަތަ އެ މެންބަރެއް އަދާކުރާ ވަޒީފާގެ ބޭނުން އަމިއްލަޔަށް ނާޖާއިޒު މަންފާއެއް ހާސިލުކުރުމަށް ނުވަތަ އެހެން މީހަކަށް މަންފާއެއް ހޯދައިދިނުމަށް ބޭނުންކޮށްގެން ނުވާނެއެވެ.
24 ވަނަ މާއްދާ - ބޯޑުގެ ބައްދަލުވުން
ބޯޑުގެ ބައްދަލުވުންތަކުގެ ރިޔާސަތު ބަލަހައްޓާނީ ތިރީގައި ބަޔާކޮށްފައިވާ ފަރާތްތަކުންނެވެ.
(ހ) ރައީސް.
(ށ) ރައީސް ނެތް ހާލަތެއްގައި ނައިބު ރައީސެވެ.
(ނ) ބޯޑުގެ ރައީސާއި ނައިބު ރައީސް ނެތް ހާލަތެއްގައި ހާޒިރުވެތިބި މެންބަރުން އައްޔަނުކުރާ މެންބަރެކެވެ.
25 ވަނަ މާއްދާ - ބޯޑުގެ ބައްދަލުވުން ޔައުމިއްޔާ ކުރުން
(ހ) ބޯޑުން ބާއްވާ ކޮންމެ ބައްދަލުވުމެއްގެ ޔައުމިއްޔާ ލިޔަންވާނެއެވެ.
(ށ) މި މާއްދާގެ (ހ) ގައި ބަޔާންކޮށްފައިވާ ޔައުމިއްޔާ ބަލަހައްޓާނީ މޯލްޑިވްސް ފުޑް އެންޑް ޑްރަގް އޮތޯރިޓީންނެވެ.
(ނ) މި މާއްދާގެ (ށ) އެހެން އޮތް ކަމުގައި ވިޔަސް، ބޯޑުގެ މެންބަރުންގެ ތެރެއިން އެކަމަށް ވަކި މެންބަރެއް އައްޔަނުކުރަން މެންބަރުންނަށް ފެނިއްޖެ ހިނދެއްގައި އެ މެންބަރެއް އައްޔަނު ކުރެވިދާނެއެވެ.
(ރ) މި މާއްދާގެ (ހ) ގައި ބަޔާންކޮށްފައިވާ ޔައުމިއްޔާ ކޮންމެ ބައްދަލުވުމެއް ނިންމައިފައި، ޖެހިގެން އަންނަ ބައްދަލުވުމުގައި، އެ ޔައުމިއްޔާ ފާސްކޮށް މެންބަރުން ސޮއި ކުރަންވާނެއެވެ.
26 ވަނަ މާއްދާ - ބޯޑުގެ ލިޔެކިޔުންތައް ބެލެހެއްޓުން
ބޯޑުގެ މެންބަރުންގެ ހާޒިރީއާއި، ބައްދަލުވުންތަކުގެ އެޖެންޑާއާއި، ނިންމުންތަކާއި، ބޯޑުން ތައްޔާރުކުރާ މުހިންމު ލިޔެކިޔުންތަކާއި، އަހަރީ ރިޕޯޓާއި، ގާނޫނާއި ގަވާއިދުތަކުން ބެލެހެއްޓުން ލާޒިމުކުރާ އެނޫން ލިޔެކިޔުންތަކުގެ ރެކޯޑު، ކަނޑައަޅާ އު ސޫލެއްގެ މަތިން މޯލްޑިވްސް ފުޑް އެންޑް ޑްރަގް އޮތޯރިޓީން ބަލަހައްޓަން ވާނެއެވެ.
27 ވަނަ މާއްދާ - ބޯޑުގެ ބައްދަލުވުންތަކުގެ އެޖެންޑާ ކަނޑައަޅާނެގޮތް
ބޯޑުގެ ބައްދަލުވުންތަކުގެ އެޖެންޑާ ކަނޑައަޅާނީ ބޯޑުގެ ސެކްރެޓޭރިއެޓް ބަލަހައްޓާ ފަރާތުންނެވެ.
28 ވަނަ މާއްދާ - މާނަކުރުން
(ހ) "ބޯޑު" ކަމަށް ބުނެފައި އެވަނީ، ނޭށަނަލް ފާމަސޫޓިކަލް ބޯޑަށެވެ.
(ށ) "މިނިސްޓަރު" ކަމަށް ބުނެފައި އެވަނީ، ސިއްހީ ސިޔާސަތުތައް ތަންފީޒުކުރުމުގެ މަސްއޫލިއްޔަތު އެއިރެއްގައި ހަވާލުކޮށްފައިވާ ވުޒާރާގެ ވަޒީރަށެވެ.
ކިޔުންތެރިންގެ ހިޔާލު