އެކްސްޕޯޓް އިމްޕޯޓްގެ ގާނޫނު (ގާނޫނު ނަންބަރު 1979-31) އަށް 19 ވަނަ އިސްލާހު ގެނައުމުގެ ގާނޫނު
(ގާނޫނު ނަންބަރު 2024-19)
(މި ގާނޫނަށް އަމަލުކުރަން ފެށީ 31 އޮކްޓޫބަރު 2024 ގައި)
ގާނޫނު ނަންބަރު 1979-31 (ދިވެހިރާއްޖޭގެ އެކްސްޕޯޓް އިމްޕޯޓްގެ ގާނޫނު) އަށް އަންނަނިވި އިސްލާހުތައް ގެނައުން.
1 ވަނަ މާއްދާ - ބުނެވިދިޔަ ގާނޫނުގެ 5 ވަނަ މާއްދާގެ (ތ) ގެ (1) ވަނަ ނަންބަރުގެ (i) އަންނަނިވި ގޮތަށް އިސްލާހުކުރުން.
(i) ދުންފަތާއި، ދުންފަތުން ތައްޔާ ރުކޮށްފައި ހުންނަ ބާވަތްތަކާއި، ދުންފަތުގެ ބަދަލުގައި ބޭނުންކުރާ ބާވަތްތަކާއި، އިލެކްޓްރޯނިކް ސިގިރެޓް އަދި މިފަދަ ވޭޕްކުރުމަށް ބޭނުންކުރާ އާލާތްތަކާއި، ހީޓަޑް ޓޮބޭކޯ ޕްރޮޑަކްޓްތަކާއި، ޓޮބޭކޯ ހީޓިންގ ޕްރޮޑަކްޓްތަކާއި، އެ އެއްޗެހީ ގެ ބައިބައި؛
2 ވަނަ މާއްދާ - ބުނެވިދިޔަ ގާނޫނުގެ 7 ވަނަ މާއްދާގެ (ހ) ގައި ބަޔާންކޮށްފައިވާ ޗެޕްޓަރުތަކުގެ ތެރެއިން ޗެޕްޓަރ 24 އަންނަނިވި ގޮތަށް އިސްލާހުކުރުން.
| ޗެޕްޓަރ ނަންބަރު | މުދަލުގެ ގިންތިތައް | ޑިއުޓީގެ މިންވަރު |
| ޗެޕްޓަރ 24 | ކުންފަތާއި، ދުންފަތުން ތައްޔާރުކޮށްފައި ހުންނަ ބާވަތްތަކާއި، ކުންފަތުގެ ބަދަލުގައި ބޭނުންކުރާ ބާވަތްތައް | |
| (ހ) މި ޗެޕްޓަރުގައި ހިމެނޭ ބާވަތްތަކުގެ ތެރެއިން ތިރީގައި ބަޔާންކޮށްފައިވާ ތަކެތި ފިޔަވައި މި ޗެޕްޓަރުގައި ހިމެނޭ އެހެނިހެން ތަކެތި | 200% | |
| (ށ) ސިގިރެޓް | 50% އަަދި ސިގިރެޓަކުން 8ރ (އަށެއް ރުފިޔާ) | |
| (ނ) ބިޑި | 50% އަަދި ބިޑިއަކުން 8ރ (އަށެއް ރުފިޔާ) | |
| (ރ) އިލެކްޓްރޯނިކް ސިގިރެޓަށް ނުވަތަ ދުންފަތުގެ އިސްތިއުމާލުކުރުމަށް ބޭނުންކުރާ އެނޫންވެސް އާލާތްތަކަށް އަޅާ ފްލޭވަރ އާއި ކެމިކަލް | 50% އަަދި މިލިލީޓަރަކަށް 8ރ (އަށެއް ރުފިޔާ) | |
| (ބ) ހީޓަޑް ޓޮބޭކޯ ޕްރޮޑަކްޓްސް ނުވަތަ ރޯކުރުމަކާ ނުލާ ހޫނުކޮށްގެން ބޭނުންކުރެވޭ ގޮތަށް އުފައްދާފައި ހުންނަ ދުންފަތުގެ އުފެއްދުންތައް (ކޮންސިއުމަބަލްސް) | 50% އަަދި ސްޓިކްއަކުން 8ރ (އަށެއް ރުފިޔާ) |
3 ވަަނަ މާއްދާ - ބުުނެވިދިޔަ ގާނޫނުގެ 7 ވަނަ މާއްދާގެ (ހ) ގައި ބަޔާންކޮށްފައިވާ ޗެޕްޓަރުތަކުގެ ތެރެއިން ޗެޕްޓަރ 38 ގެ (ބ) އުނިކުރުން.
4 ވަނަ މާއްދާ - ބުނެވިދިޔަ ގާނޫނުގެ 7 ވަނަ މާއްދާގެ (ހ) ގައި ބަޔާންކޮށްފައިވާ ޗެޕްޓަރުތަކުގެ ތެރެއިން ޗެޕްޓަރ 85 ގެ (ޒ) އަންނަނިވި ގޮތަށް އިސްލާހުކުރުން.
| ޗެޕްޓަރ ނަންބަރު | މުދަލުގެ ގިންތިތައް | ޑިއުޓީގެ މިންވަރު |
| ޗެޕްޓަރ 85 | ކަރަންޓް މެށިނަރީއާއި، ސާމާނާއި، މި އެއްޗެއްސާގުޅޭ ބައިތައް؛ އަޑު ރެކޯޑުކުރާ އެއްޗެއްސާއި، އަޑު ބޭރުކުރާ އެއްޗެއްސާއި، ޓެލެވިޒަންގެ ފޮޓޯއާއި، އަޑު ރެކޯޑުކޮށް ބޭރުކުރާ އެއްޗެއްސާއި، މި އެއްޗެހީގެ ބައިތަކާއި، މި އެއްޗެއްސާގުޅޭ އިތުރު ބައިތައް | |
| (ޒ) އިލެކްޓްރޯނިކް ސިގިރެޓާއި މިފަދަ ވޭޕްކުރުމަށް ބޭނުންކުރާ އާލާތްތަކާއި، ޓޮބޭކޯ ހީޓިންގ ޕްރޮޑަކްޓްތައް (ޑިވައިސަސް) އާއި، އެ އެއްޗެހީގެ ބައިބައި | 200% |
5 ވަނަ މާއްދާ - ބުނެވިދިޔަ ގާނޫނުގެ 8 ވަނަ މާއްދާ އަންނަނިވި ގޮތަށް އިސްލާހުކުރުން.
(ހ) އަންނަނިވި ހާލަތްތަކުގައި، އަންނަނިވި މުދަލަށް މި ގާނޫނުގެ ދަށުން ދައްކަންޖެހޭ އިމްޕޯޓް ޑިއުޓީ ނުވަތަ ރޯޔަލްޓީ ނުވަތަ ރެވެނިއު ފީ ނުވަތަ އެއިން ބައެއް މައާފުކުރުމުގެ އިހްތިޔާރު ރައީސުލްޖުމްހޫރިއްޔާއަށް ލިބިގެންވެއެވެ.
- އިގްތިސާދީގޮތުން ދިވެހިރާއްޖެއަށް ބޭނުންތެރި މަސައްކަތެއް ފެއްޓުމަށާއި، އެ މަސައްކަތް ކުރުމަށާއި، އެ މަސައްކަތް ހިންގުމަށް އިމްޕޯޓްކުރާ ތަކެތި؛
- ހާއްސަ ހާލަތެއް މެދުވެރިވެއްޖެ ހިނދެއްގައި، ދިވެހިރާއްޖޭގެ އެންމެހައި ރައްޔިތުންގެ ނުވަތަ ދިވެހިރާއްޖޭގެ ވަކި ރަށެއް ނުވަތަ ސަރަހައްދެއްގެ ރައްޔިތުންގެ އާންމު ފައިދާއަށްޓަކައި އިމްޕޯޓްކުރާ ތަކެތި؛
- އިގްތިސާދީގޮތުން ދިވެހިރާއްޖެއަށް ބޭނުންތެރި ސްޓްރެޓީޖިކް މަށްރޫއެއް ނުވަތަ ވިޔަފާރިއެއް ހިންގުމުގެ ގޮތުން ދިވެހިރާއްޖެއަށް އިމްޕޯޓްކުރާ ނުވަތަ ދިވެހިރާއްޖެއިން އެކްސްޕޯޓްކުރާ ނުވަތަ ރީއެކްސްޕޯޓްކުރާ ތަކެތ.ި
(ށ) މި ގާނޫނުގެ ދަށުން ދައްކަންޖެހޭ ޑިއުޓީ ނުވަތަ ރޯޔަލްޓީ ނުވަތަ ރެވެނިއު ފީ، މި މާއްދާގެ (ހ) ގެ ދަށުން މައާފުކޮށްދެވޭނެ މަސައްކަތްތަކާއި، ހާއްސަ ހާލަތްތަކާއި، މަށްރޫއުތަކާއި، ވިޔަފާރިތައް ކަނޑައަޅާނީ، ވަޒީރުންގެ މަޖިލީހުގެ ލަފާގެ މަތިން ރައީސުލްޖުމްހޫރިއްޔާއެވެ.
(ނ) މި ގާނޫނުގެ ދަށުން ދައްކަންޖެހޭ ޑިއުޓީ ނުވަތަ ރޯޔަލްޓީ ނުވަތަ ރެވެނިއު ފީ، މި މާއްދާގެ (ހ) އަދި (ށ) ގެ ދަށުން މައާފުކޮށްދެވޭނީ، މި މާއްދާގެ (ކ) ގެ ދަށުން ހަދާ ގަވާއިދުގައިވާ ގޮތުގެމަތިން ކަނޑައެޅޭ ށަރުތުތަކާ އެއްގޮތްވާ ގޮތުގެމަތިނ،ް އަދި ޑިއުޓީ ނުވަތަ ރޯޔަލްޓީ ނުވަތަ ރެވެނިއު ފީ މައާފުކޮށްދެވޭ މަސައްކަތަށާއި ހާއްސަ ހާލަތަށާއި މަށްރޫއަށާއި ވިޔަފާރިއަށް ރައީސުލްޖުމްހޫރިއްޔާ ކަނޑައަޅާފައިވާ މުއްދަތަކަށެވެ.
(ރ) މި ގާނޫނުގެ ދަށުން ދައްކަންޖެހޭ ޑިއުޓީ ނުވަތަ ރޯޔަލްޓީ ނުވަތަ ރެވެނިއު ފީ، މި މާއްދާގެ ދަށުން މައާފުކޮށްދިނުމުގައި އަންނަނިވި ކަންކަމަށް ރިއާޔަތްކުރަންވާނެއެވެ.
- އެ ޑިއުޓީ ނުވަތަ ރޯޔަލްޓީ ނުވަތަ ރެވެނިއު ފީ މައާފުކޮށްދިނުމުގެ ސަބަބުން ދައުލަތުގެ އާމްދަނީއަށް ކުރާނެ އަސަރު؛
- އެ ޑިއުޓީ ނުވަތަ ރޯޔަލްޓީ ނުވަތަ ރެވެނިއު ފީ މައާފުކޮށްދިނުމުން އިގްތިސާދީ ގޮތުންނާއި އިޖްތިމާއީ ގޮތުން ކުރާނެ ފައިދާ އަދި ގެއްލުން؛
- އެ ޑިއުޓީ ނުވަތަ ރޯޔަލްޓީ ނުވަތަ ރެވެނިއު ފީ މައާފުކޮށްދިނުމުން ހާސިލުކުރުމަށް ބޭނުންވާ މަގްސަދު ހާސިލުވާނެ މިންވަރ.ު
(ބ) މި ގާނޫނުގެ ދަށުން ދައްކަންޖެހޭ ޑިއުޓީ ނުވަތަ ރޯޔަލްޓީ ނުވަތަ ރެވެނިއު ފީ، މި މާއްދާގެ (ހ) ގެ ދަށުން މައާފުކޮށްދިނުމަށް އެދި ކަމާގުޅޭ ދައުލަތުގެ އިދާރާއަކުން ހުށަހަޅާނީ، މޯލްޑިވްސް ކަސްޓަމްސް ސަރވިސްއިން ކަނޑައަޅާ އުސޫލުތަކާ އެއްގޮތްވާ ގޮތުގެމަތިނ،ް އެ ސަރވިސްއަށެވެ.
(ޅ) މި މާއްދާގެ (ބ) ގައި ބަޔާންކުރާ އުސޫލު މޯލްޑިވްސް ކަސްޓަމްސް ސަރވިސްއިން ކަނޑައަޅައި، ދިވެހިސަރުކާރުގެ ގެޒެޓުގައި ށާއިއުކުރަންވާނެއެވެ.
(ކ) މި ގާނޫނުގެ ދަށުން ދައްކަންޖެހޭ ޑިއުޓީ ނުވަތަ ރޯޔަލްޓީ ނުވަތަ ރެވެނިއު ފީ، މި މާއްދާގެ (ހ) އަދި (ށ) ގެ ދަށުން މައާފުކޮށްދިނުމުގައި، އެ ލުއި ހޯދުމަށާއި އެ ލުއި ދެމިއޮތުމަށް ފުރިހަމަކުރަންޖެހޭ ށަރުތުތަކާއި، ކަމާ ގުޅޭގޮތުން އަމަލުކުރަންޖެހޭ އިޖުރާއަތުތައް، ސަރުކާރުގެ އިގްތިސާދީ ކަންކަމާބެހޭ ސިޔާސަތުތައް ތަންފީޒުކުރުމުގެ މަސްއޫލިއްޔަތު ހަވާލުކޮށްފައިވާ ވުޒާރާއިން މި ގާނޫނުގެ ދަށުން ހަދާ ގަވާއިދުގައި ކަނޑަ އަޅަންވާނެއެވެ.
(އ) ދިވެހިސަރުކާރުން ޑިޕްލޮމެޓިކް އިމްތިޔާޒު ދީފައިވާ ފަރާތްތަކުން ދިވެހިރާއްޖެއަށް ގެންނަ އަދި ދިވެހިރާއްޖެއިން ގެންދާ ތަކެތީގެ ޑިއުޓީ، ދިވެހިރާއްޖެއިން ބައިވެރިވެފައިވާ ބައިނަލްއަގްވާމީ މުއާހަދާތަކާ އެއްގޮތްވާ ގޮތުގެމަތިން އިސްތިސްނާކުރެވޭނެއެވެ.
(ވ) މި މާއްދާގެ (އ) ގައި ބަޔާންކުރާ ކަންކަމަށ،ް މި މާއްދާގެ (ހ) އިން ފެށިގެން (ކ) ގެ ނިޔަލަށް ހުރި އަކުރުތަކުގައި ބަޔާންކުރާ އުސޫލުތަކެއް ނުހިނގާނެއެވެ.
6 ވަނަ މާއްދާ - މި ގާނޫނުން ބުނެވިދިޔަ ގާނޫނަށް ގެނެވޭ އިސްލާހުތަކާ ގުޅިގެން އެކުލަވާލަންޖެހޭ ނުވަތަ އިސްލާހުކުރަންޖެހޭ ގަވާއިދުތަކާއި އުސޫލުތައް، މި ގާނޫނަށް އަމަލުކުރަން ފަށާ ތާރީހުން ފެށިގެން 30 (ތިރީސް) ދުވަހުގެ ތެރޭގައި ހަދައި، ދިވެހިސަރުކާރުގެ ގެޒެޓުގައި ށާއިއުކުރަންވާނެއެވެ.
7 ވަނަ މާއްދާ - މި ގާނޫނަށް އަމަލުކުރަން ފަށާނީ، 1 ނޮވެންބަރު 2024 އިން ފެށިގެންނެވެ.
ކިޔުންތެރިންގެ ހިޔާލު