ދިވެހިރާއްޖޭގެ އެކްސްޕޯޓް އިމްޕޯޓްގެ ގާނޫނު (ގާނޫނު ނަންބަރު 1979-31) އަށް 1 ވަނަ އިސްލާހު ގެނައުމުގެ ގާނޫނު
(ގާނޫނު ނަންބަރު 1979-33)
(މި ގާނޫނަށް އަމަލުކުރަން ފެށީ 1 ޖެނުއަރީ 1980)
20 އޯގަސްޓް 1979 ދުވަހުގެރޭ އޮތް ރައްޔިތުންގެ މަޖިލީސްގެ މިއަހަރުގެ 2 ވަނަ ދައުރުގެ 2 ވަނަ ޖަލްސާއިން ފާސްވި ގާނޫނު ނަންބަރު 1979-31 (ދިވެހިރާއްޖޭގެ އެކްސްޕޯޓް އިމްޕޯޓްގެ ގާނޫނު) އަށް ތިރީގައިމިވާ އިސްލާހުތައް ގެނައުން.
1 ވަނަ މާއްދާ - އެ ގާނޫނުގެ 9 ވަނަ މާއްދާގެ (ނ) ތިރީގައިމިވާގޮތަށް އިސްލާހުކުރުން.
(ނ) އިގްތިސާދީ ގޮތުން ދިވެހިސަރުކާރަށާއި ރައްޔިތުންނަށް ބޭނުންތެރި ބޮޑެތި މަސައްކަތްތައް ފެއްޓުމަށާއި، ކުރުމަށާއި، ހިންގުން އިމްޕޯރޓްކުރަންޖެހޭ ތަކެތީގެ ޑިއުޓީ، ގިނަވެގެން 2 އަހަރު ދުވަހަށް މާފުކުރުމުގެ އިހްތިޔާރު ރައީސުލްޖުމްހޫރިއްޔާ އަށް ލިބިގެންވެއެވެ.
2 ވަނަ މާއްދާ - އެ ގާނޫނުގެ 9 ވަނަ މާއްދާއަށް، ތިރީގައިމިވާގޮތުގެމަތީން (ރ) އިތުރުކުރުން.
(ރ) އެހެން ގާނޫނަކުން ޑިއުޓީ އިސްތިސްނާ ކުރުމުގެ އިހްތިޔާރު ސަރުކާރަށް ލިބިދޭފަރާތަކާމެދު ކަޑައެޅިފައިވާ ގޮތުގެމަތީން ސަރުކާރުން އަމަލުކުރުމަކަށް މި ގާނޫނު ހުރަހެއް ނާޅައެވެ.
3 ވަނަ މާއްދާ - އެ ގާނޫނުގެ އެންމެ ފަހަތަށް ތިރީގައިމިވާ އިބާރާތް އިތުރުކުރުން.
މި ގާނޫނަށް އަމަލުކުރަންފަށާނީ، 1 ޖެނުއަރީ 1980 އިން ފެށިގެންނެވެ.
މައި ގާނޫނު
ދިވެހިރާއްޖޭގެ އެކްސްޕޯޓް އިމްޕޯޓްގެ ގާނޫނު (ގާނޫނު ނަންބަރު 1979-31)
ކިޔުންތެރިންގެ ހިޔާލު