ތައުލީމީ ފަންޑުގެ އިމާރާތްތައް ކުއްޔަށް ދޫކުރުމުގެ އުސޫލު

(މި އުސޫލަށް އަމަލުކުރަންފެށީ 27 އޮގަސްޓު 2026 ގައި)

 

1 ވަނަ މާއްދާ - ތައާރުފާއި ނަން

(ހ) މިއީ، ތައުލީމީ ފަންޑުގެ އިމާރާތްތަކުގައި ހަދައިފައިވާ އެޕާޓްމަންޓްތަކާއި، ފިހާރަތަކާއި، ގުދަންތަކާއި، އޮފީސްތަކާއި، ހޯލު ފަދަ ތަންތަން ކުއްޔަށް ދޫކުރާނެ ގޮތުގެ އުސޫލެވެ.

(ށ) މި އުސޫލަށް ކިޔާނީ، "ތައުލީމީ ފަންޑުގެ އިމާރާތްތައް ކުއްޔަށް ދޫކުރުމުގެ އުސޫލު" އެވެ.

 

2 ވަނަ މާއްދާ - މަގުސަދު

މި އުސޫލު އެކުލަވައިލުމުގެ ބޭނުމަކީ، އަންނަނިވި މަގުސަދުތައް ހާސިލުކުރުމެވެ.

(ހ) ގްރޭޓަރ މާލޭ ސަރަހައްދުގައި ދިރިއުޅ،ޭ ތައުލީމީ ދާއިރާގައި މަސައްކަތްކުރާ މުވައްޒަފުންނަށް ފަސޭހަކަމާއެކު ދިރިއުޅެވޭނެ މަގު ފަހިކޮށްދިނުން.

(ށ) ފިހާރައާއި ގުދަނާއި އޮފީހާއި ހޯލު ފަދަ އިމާރާތްތައް ކުއްޔަށްދީގެން ތައުލީމީ ފަންޑަށް ލިބޭ އާމްދަނީ އިތުރުކުރުން.

(ނ) އިމާރާތްތައް ބެލެހެއްޓުމަށް ހިނގާ ހަރަދު، ތައުލީމީ ފަންޑަށް ލިބޭ އާމްދަނީން ދެމެހެއްޓެނިވި ގޮތެއްގައި ހަމަޖެއްސުން.

 

3 ވަނަ މާއްދާ - މި އުސޫލު ތަންފީޒުކުރާ ދާއިރާ

މި އުސޫލު ތަންފީޒުކުރާނީ، ތައުލީމީ ފަންޑުގެ އިމާރާތްތަކުގައި ހަދައިފައިވާ އެޕާޓްމަންޓްތަކާއި، ފިހާރަތަކާއި، ގުދަންތަކާއި، އޮފީސްތަކާއި، ހޯލުތަކާއި، ފަންޑުން ބަލަހައްޓާ އެހެނިހެން ތަންތަނަށެވެ.

 

4 ވަނަ މާއްދާ - އެޕާޓްމަންޓްތައް ކުއްޔަށް ދޫކުރުން

ތައުލީމީ ފަންޑުން ކުއްޔަށް ދޭނީ "އެދުރުހިޔާ" އާއި "އެދުރުވެހި" މި ދެ އިމާރާތުގައި ހިމެނޭ އެޕާޓްމަންޓްތަކެވެ.

 

5 ވަނަ މާއްދާ - އެޕާޓްމަންޓަށް އެދި ކުރިމަތިލެވޭނެ ފަރާތްތަކުގެ އަސާސީ ށަރުތުތައް

އެޕާޓްމަންޓަށް އެދި ކުރިމަތިލެވޭނީ އަންނަނިވި ށަރުތުތައް ފުރިހަމަވާ ފަރާތްތަކަށެވެ.

(ހ) މިނިސްޓްރީ ނުވަތަ މިނިސްޓްރީގެ ދަށުން ހިންގާ އިދާރާއެއްގައި، ސިވިލް ސަރވިސްގެ ދާއިމީ ވަޒީފާއެއް އަދާކުރަމުންގެންދާ ފަރާތެއް ކަމުގައި ވުން.

(ށ) ގްރޭޓަރ މާލޭ ސަރަހައްދުގައި ވަޒީފާ އަދާކުރާ ފަރާތެއް ކަމުގައި ވުން.

(ނ) އެޕާޓްމަންޓަށް އެދި ހުށަހަޅާ ފަރާތުގެ ނުވަތަ އެ ފަރާތުގެ އަނބިމީހާއަށް ނުވަތަ ފިރިމީހާއަށް ގްރޭޓަރ މާލޭ ސަރަހައްދުން 600 (ހަސަތޭކަ) އަކަފޫޓަށް ވުރެ ބޮޑު ގޯއްޗެއް ލިބިފައިވާ ފަރާތެއް ކަމުގައި ނުވުން.

(ރ) އެޕާޓްމަންޓަށް އެދި ހުށަހަޅާ ފަރާތަށް، ގްރޭޓަރ މާލޭ ސަރަހައްދުން )ގިނަ ބައެއްގެ ނަމުގައި ރަޖިސްޓްރީކޮށްފައިވާ( އެއްމެދު ގޯއްޗަކުން 600 (ހަސަތޭކަ) އަކަފޫޓަށް ވުރެ ބޮޑު ބިމެއް ނުވަތަ ގޯތިން ބައެއް ލިބިފައި ނުވުން.

(ބ) އެޕާޓްމަންޓަށް އެދި ހުށަހަޅާ ފަރާތަކީ ނުވަތަ އެ ފަރާތުގެ އަނބިމީހާއަކީ ނުވަތަ ފިރިމީހާއަކީ ސަރުކާރުން ނުވަތަ ސަރުކާރު ހިއްސާވާ ކުންފުންޏަކުން ނުވަތަ ދައުލަތުގެ އިދާރާއަކަށް ނިސްބަތްވާ ކޯޕަރޭޓިވްސް ސޮސައިޓީއަކުން ބޯހިޔާވަހިކަމުގެ މަށްރޫއަކުން ގްރޭޓަރ މާލޭ ސަރަހައްދުން އެޕާޓްމަންޓެއް ނުވަތަ ގޯއްޗެއް ލިބިފައިވާ ފަރާތަކަށް ނުވުން.

(ޅ) އެޕާޓްމަންޓަށް އެދި ހުށަހަޅާ ފަރާތަކީ ނުވަތަ އެ ފަރާތުގެ އަނބިމީހާއަކީ ނުވަތަ ފިރިމީހާއަކީ މާލޭ ސަރަހައްދުން އެޕާޓްމެންޓެއް ގަނެފައިވާ ނުވަތަ ލިބިފައިވާ ފަރާތެއް ކަމުގައި ނުވުން ނުވަތަ އެ ފަދަ ތަނެއް ގަނެ މިލްކުކުރުމާ ގުޅޭ އެއްބަސްވުމެއްގައި ސޮއިކޮށްފައިވާ ފަރާތެއް ކަމުގައި ނުވުން ނުވަތަ އެފަދަ ތަނެއް ގަންނަން އެއްބަސްވެ، ފައިސާ ދައްކަމުން އަންނަ ފަރާތެއް ނުވަތަ ޕްރީސޭލް އެއްބަސްވުމެއްގައި ސޮއިކޮށްފައިވާ ފަރާތެއް ކަމުގައި ނުވުން.

(ކ) އެޕާޓްމަންޓަށް އެދި ހުށަހަޅާ ފަރާތަކީ ނުވަތަ އެ ފަރާތުގެ އަނބިމީހާއަކީ ނުވަތަ ފިރިމީހާއަކީ އެދުރުހިޔާ ނުވަތަ އެދުރުވެހި އިމާރާތުން ކުއްޔަށް ދޫކޮށްފައިވާ އެޕާޓްމަންޓެއް ލިބިފައިވާ ފަރާތެއް ކަމުގައި ނުވުން.

(އ) މި މާއްދާގެ (ކ) ގައި އެހެން ބަޔާންކޮށްފައި އޮތް ނަމަވެސް، އެޕާޓްމަންޓަށް އެދި ހުށަހަޅާ ފަރާތަށް ނުވަތަ އެ ފަރާތުގެ އަނބިމީހާއަށް ނުވަތަ ފިރިމީހާއަށް އެދުރުވެހީގައި ނުވަތަ އެދުރުހިޔާގައި ދިރިއުޅެމުންދާ އެޕާޓްމަންޓަށް ވުރެ ބޮޑު އެޕާޓްމަންޓަކަށް އެދި ހުށަހެޅުމަކަށް މި މާއްދާ ހުރަހެއް ނާޅައެވެ.

(ވ) އެޕާޓްމަންޓަށް އެދި ހުށަހަޅާ ފަރާތަކީ ތައުލީމީ ފަންޑަށް ދައްކަންޖެހޭ އެއްވެސް ފައިސާއެއް ނުދައްކާ ހުރި ފަރާތެއް ކަމުގައި ނުވުން.

 

6 ވަނަ މާއްދާ - ށަރުތު ފުރިހަމަވާ ފަރާތްތަކަށް ޕޮއިންޓު ދޭނެ ގޮތް

އެޕާޓްމަންޓަށް އެދި ފޯމު ހުށަހަޅާ ފަރާތްތަކުގެ ތެރެއިން، ށަރުތު ފުރިހަމަވާ ފަރާތްތަކަށް ޕޮއިންޓު ދޭނީ އަންނަނިވި ގޮތަށެވެ.

(ހ) ސިވިލް ސަރވިސްގެ ދާއިމީ ވަޒީފާއެއްގައި، ތައުލީމީ ދާއިރާއަށް ހިދުމަތްކޮށްފައިވާ މުއްދަތަށް ބަލައި، ގިނަވެގެން 60 (ފަސްދޮޅަސް) ޕޮއިންޓް (ހިދުމަތުގައި ފުރިހަމަކުރި ކޮންމެ އަހަރަކަށް 2 ޕޮއިންޓު)

(ށ) ސިވިލް ސަރވިސްގެ ދާއިމީ ވަޒީފާއެއްގައި، ގްރޭޓަރ މާލޭ ސަރަ ހައްދުގައި މިނިސްޓްރީއަށް ހިދުމަތްކޮށްފައިވާ މުއްދަތަށް ބަލައި، ގިނަވެގެން 15 (ފަނަރަ) ޕޮއިންޓު (ހިދުމަތުގައި ފުރިހަމަކުރި ކޮންމެ އަހަރަކަށް 2 ޕޮއިންޓު)

(ނ) 18 (އަށާރަ) އަހަރުން ދަށުގެ އަމިއްލަ ދަރީނ/ްގާނޫނީ ބެލެނިވެރިކަން ހަވާލުވެފައިވާ ފަރާތްތަކުގެ ތެރެއިން އެ މީހެއްގެ ގާތުގައި ދިރިއުޅެމުންދާ ކޮންމެ ދަރިއަކަށް 5 (ފަހެއް) ޕޮއިންޓުގެ މަގުން، ގިނަވެގެން 10 (ދިހައެއް) ޕޮއިންޓު.

(ރ) ނުކުޅެދުންތެރިކަން ހުންނަ އަމިއްލަ ދަރިޔަކު ނުވަތަ ދަރީން ދިރިއުޅޭ ނަމަ، ގިނަވެގެން 10 (ދިހައެއް) ޕޮއިންޓް (އެ މީހެއްގެ ގާތުގައި ދިރިއުޅެމުންދާ ކޮންމެ ދަރިއަކަށް 5 ޕޮއިންޓު)

(ބ) ޓީޗަރެއް ނުވަތަ ފަންނީ މަގާމުތަކުގެ އޮނިގަނޑުގައި ހިމެނޭ މަގާމެއްގައި ހިދުމަތްކުރާ ޓީޗަރެއް ނުވަތަ ފަންނީ މުވައްޒަފެއް ނަމަ، 5 (ފަހެއް) ޕޮއިންޓު.

 

7 ވަނަ މާއްދާ - އެޕާޓްމަންޓަށް އެދި އެޕްލިކޭށަން ހުށަހެޅުން

(ހ) މި އުސޫލުގެ ދަށުން އެޕާޓްމަންޓަށް އެދި ހުށަހަޅާނީ، މިނިސްޓްރީން ކަނޑައަޅާ އޮންލައިން ޕޯޓަލެއް ނުވަތަ އޮންލައިން ފޯމެއް މެދުވެރިކޮށް، އެޕާޓްމަންޓަށް އެދި އެޕްލައިކުރުމަށް އިއުލާނު ކުރުމުންނެވެ.

(ށ) އެޕާޓްމަންޓަށް އެދި ކޮންމެ ފަރާތަކުން ވެސް ހުށަހަޅަންވާނީ، 1 (އެކެއް) އެޕްލިކޭށަނެވެ.

(ނ) އެޕްލިކޭށަނާއެކު، ތިރީގައި ބަޔާންކޮށްފައިވާ ލިޔެކިޔުންތައް ހުށަހަޅަންވާނެއެވެ. މީގެ އިތުރުން، އިތުރު ލިޔުމެއް ހުށަހެޅުމަށް މިނިސްޓްރީން އަންގައިފި ނަމަ، އެ ލިޔުމެއް ހުށަހަޅަންވާނެއެވެ.

1. އެޕާޓްމަންޓަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ކޮޕީ؛
2. އެޕާޓްމަންޓަށް އެދޭ ފަރާތުގެ އަނބި/އަނބީން ނުވަތަ ފިރިޔަކު ނުވަތަ ދަރީން ތިބި ނަމަ، އެ ފަރާތްތަކުގެ ދިވެހި ރައްޔިތެއްކަން އަންގައިދޭ ކާޑުގެ ކޮޕީ؛
3. ގާނޫނީ ބެލެނިވެރިކަން ލިބިފައިވާކަން އަންގައިދޭ އެއްބަސްވުން ނުވަތަ އެކަން އަންގައިދޭ ލިޔުން؛
4. ކައިވެނިކޮށްގެން އުޅޭ ނަމަ، ކައިވެނީގެ ސެޓުފިކެޓުގެ ކޮޕީ؛
5. ގްރޭޓަރ މާލޭ ސަރަހައްދުން 600 (ހަސަތޭކަ) އަކަފޫޓަށް ވުރެ ބޮޑުނޫން އަމިއްލަ ގެދޮރު ނުވަތަ އަނބިމީހާއަށް ނުވަތަ ފިރިމީހާއަށް ލިބިފައިވާ ނަމަ، ގޯތީގެ ރަޖިސްޓަރީގެ ކޮޕީ ނުވަތަ ގިނަ ބަޔަކަށް ރަޖިސްޓަރީވެފައި ހުންނަ އެއްމެދު ގޯތީގެ ރަޖިސްޓަރީގެ ކޮޕީ (އަސްލާ އެއްގޮތްކަމަށް ގާނޫނީ ވަކީލެއްގެ ތައްގަނޑު ޖަހައިފައިވާ)
6. ސިވިލް ސަރވިސްގެ ދާއިމީ ވަޒީފާއެއްގައި މިނިސްޓްރީއަށް ނުވަތަ މިނިސްޓްރީގެ ދަށުން ހިންގާ އިދާރާއަކަށް ހިދުމަތްކޮށްފައިވާ މުއްދަތު އަންގައިދޭ ލިޔުން (އެ އިދާރާއެއްގެ ތައްގަނޑު ޖަހައިފައިވާ)
7. އެޕާޓްމަންޓަށް އެދޭ ފަރާތުގެ ގާތުގައި ދިރިއުޅޭ 18 (އަށާރަ) އަހަރު ނުފުރޭ ދަރީންގެ އުފަންދުވަހުގެ ސެޓުފިކެޓުގެ ކޮޕީ (އަސްލާ އެއްގޮތްކަމަށް ގާނޫނީ ވަކީލެއްގެ ތައްގަނޑު ޖަހައިފައިވާ)
8. އެޕާޓްމަންޓަށް އެދޭ ފަރާތުގެ ބެލުމުގެ ދަށުގައިވާ، ނުކުޅެދުންތެރިކަން ހުންނަ އަމިއްލަ ދަރީންނަކީ، ނުކުޅެދުންތެރިކަން ހުންނަ މީހުންގެ ދަފުތަރުގައި ހިމެނޭ މީހެއްކަން އެނގޭނޭ ރަސްމީ ލިޔުމެއްގެ އަސްލު؛
9. އެދުރުވެހި/އެދުރުހިޔާ/މިނިސްޓްރީގެ ބެލުމުގެ ދަށުގައިވާ އިމާރާތަކުން އެ މީހަކަށް ނުވަތަ އެ މީހާގެ އަނބިމީހާއަށް ނުވަތަ ފިރިމީހާއަށް ލިބިފައިވާ ނަމަ، ލިބިފައިވާ އެޕާޓްމަންޓް ދޫކޮށްލުމަށް އެއްބަސްވާކަމުގެ ލިޔުން.

 

8 ވަނަ މާއްދާ - އެޕާޓްމަންޓް ދޫކުރުމުގައި އަމަލުކުރާނެ ގޮތް

(ހ) އެޕާޓްމަންޓްތައް ކުއްޔަށް ދޫކުރާނީ، އެކަމަށް އާންމުކޮށް އިއުލާނުކުރުމުން އެޕާޓްމަންޓަށް އެދި ހުށަހަޅާ ފަރާތްތަކުގެ މައުލޫމާތުގެ ސައްހަކަން ކަށަވަރުކުރުމަށްފަހު، ށަރުތު ފުރިހަމާ ފަރާތްތަކުގެ ތެރެއިން އެންމެ ގިނަ ޕޮއިންޓް ލިބޭ ފަރާތްތަކަށް ޕޮއިންޓް ލިބޭ ތަރުތީބުންނެވެ. މިގޮތަށް އެޕާޓްމަންޓް ލިބޭ ފަރާތްތައް ކަނޑައެޅުމުގައި، އެޕާޓްމަންޓް ކުއްޔަށް ދޫކުރެވޭނީ، ށަރުތު ހަމަވާ ފަރާތްތަކުގެ ތެރެއިން އެންމެ މަދުވެގެން 25 (ފަންސަވީސް) ޕޮއިންޓު ލިބޭ ފަރާތްތަކަށެވެ.

(ށ) މި މާއްދާގެ (ހ) ގައި ބަޔާންކޮށްފައިވާ ގޮތަށް ޕޮއިންޓު ލިބޭ ތަރުތީބުން އެޕާޓްމަންޓުތައް ލިބޭ ފަރާތްތައް ކަނޑައެޅުމަށްފަހު، ބާކީ ހުރި އެޕާޓްމަންޓުތަކަށް ވުރ،ެ އެއްވަރަކަށް ޕޮއިންޓު ލިބިގެން އެޕާޓްމަންޓަށް ށަރުތު ހަމަވާ ފަރާތްތައް ގިނަވެއްޖެ ހާލަތެއްގައި، ބާކީހުރި އެޕާޓްމަންޓްތައް ލިބޭ ފަރާތްތައް ކަނޑައަޅާނީ އެ ފަރާތްތަކުގެ މެދުގައި އެއްހާޒިރެއްގައި ގުރުއަތު ލައިގެންނެވެ.

(ނ) ދެމަފިރިންނަށް އެޕާޓްމަންޓް ލިބޭ ހާލަތެއްގައި އެޕާޓްމަންޓް ލިބޭނީ، ދެމަފިރީންގެ ތެރެއިން ކޮންމެވެސް އެއް ފަރާތަކަށެވެ.

(ރ) އެޕާޓްމަންޓު ލިބޭ ފަރާތްތަކަށް ލިބޭ އެޕާޓްމަންޓުގެ ފަންގިފި ލަޔާއި އެޕާޓްމަންޓް ނަންބަރު ކަނޑައަޅާނީ، އެޕާޓްމަންޓް ލިބޭ ފަރާތްތަކުގެ އެއްހާޒިރެއްގައި ގުރުއަތުލައިގެންނެވެ.

(ބ) މި މާއްދާގެ (ރ) އަށް އަމަލުކުރުމުގައި، ނުކުޅެދުންތެރިކަން ހުންނަ ފަރާތްތަކާއި، ނުކުޅެދުންތެރިކަން ހުންނަ ކުދީ ންގެ ހާލަތަށް ބަލައި، އެ ފަރާތްތަކުން އިހުތިޔާރުކުރާ ތިރީ ފަންގިފިލާއަކުން އެޕާޓްމަންޓް ދިނުމަށް އިސްކަންދެވޭނެއެވެ. މި މާއްދާގައިވާ ބޭނުމަށް، ހާލަތަށް ރިއާޔަތްކުރުމުގައި ހަމައެކަނި ބަލާނީ، ޖިސްމާނީ ނުކުޅެދުންތެރިކަން ހުންނަ ފަރާތްތަކުގެ ތެރެއިން އަމިއްލައަށް ހިނގާބިނގާވެ ނޫޅެވޭ ފަރާތްތަކަށެވެ.

 

9 ވަނަ މާއްދާ - އެޕާޓްމަންޓްތަކުގެ ކުއްޔާއި، ސެކިޔުރިޓީ ޑިޕޮޒިޓާއި، ހިދުމަތުގެ ފީ ކަނޑައެޅުމާއި މުރާޖާކުރުން

(ހ) އެޕާޓްމަންޓްތަކުގެ ކުއްޔާއި ސެކިޔުރިޓީ ޑިޕޮޒިޓާއި ހިދުމަތުގެ ފީގެ މިންވަރު ކަނޑައަޅާނީ، ތައުލީމީ ފަންޑުގެ ހިންގާ ކޮމިޓީއާއި މާލީ ވުޒާރާގެ ލަފާގެ މަތީން، މިނިސްޓްރީންނެވެ.

(ށ) މިނިސްޓްރީއަށް ފެނިއްޖެ ހާލަތެއްގައި، އެޕާޓްމަންޓްތަކުގެ ކުއްޔާއި ހިދުމަތުގެ ފީ، ތައުލީމީ ފަންޑުގެ ހިންގާ ކޮމިޓީއާއި މާލީ ވުޒާރާގެ ލަފާގެ މަތީން މުރާޖާ ކުރެވޭނެއެވެ.

(ނ) އެޕާޓްމަންޓްތަކުގެ ކުއްޔާއި ހިދުމަތުގެ ފީ، މިނިސްޓްރީގެ ވެބްސައިޓުގައި އާންމުކޮށް ށާއިއުކުރެވޭނެއެވެ.

 

10 ވަނަ މާއްދާ - ކުއްޔާއި ހިދުމަތުގެ ފީ ދެއްކުން

(ހ) އެޕާޓްމަންޓުގެ ކުއްޔާއި ހިދުމަތުގެ ފީގެ ގޮތުގައި ތައުލީމީ ފަންޑަށް ދައްކަންޖެހޭ ފައިސާ، އެޕާޓްމަންޓު ކުއްޔަށް ހިފާ ފަރާތުގެ މުސާރައިން އުނިކުރުމަށްފަހު، އެ މުވައްޒަފަކު މަސައްކަތްކުރާ އިދާރާއަކުން ތައުލީމީ ފަންޑަށް ޖަމާކުރަންވާނެއެވެ. އަދި މުސާރައިން ކުލި އުނި ނުކުރެވޭ ހާލަތްތަކުގައި އަމަލުކުރާނޭ ގޮތ،ް އެއްބަސްވުމެއްގައި ބަޔާންކޮށްފައި އޮންނަންވާނެއެވެ.

(ށ) މި މާއްދާގެ (ހ) ގައި ބަޔާންކޮށްފައިވާ ގޮތަށް، އެޕާޓްމަންޓުގެ ކުއްޔާއި ހިދުމަތުގެ ފީގެ ގޮތުގައި ތައުލީމީ ފަންޑަށް ދައްކަންޖެހޭ ފައިސާ، އެޕާޓްމަންޓު ކުއްޔަށް ހިފާ ފަރާތުގެ މުސާރައިން އުނިނުކުރެވޭ ހާލަތެއް މެދުވެރިވެއްޖެ ނަމަ، އެއްބަސްވުމުގައި ބަޔާންކޮށްފައިވާ ގޮތަށް، ތައުލީމީ ފަންޑަށް އެ ފައިސާއެއް ދައްކަންވާނެއެވެ.

 

11 ވަނަ މާއްދާ - އެޕާޓްމަންޓު ކުއްޔަށް ދޫކުރެވޭނެ މުއްދަތު

(ހ) އެޕާޓްމަންޓު ލިބޭ ފަރާތަށް އެޕާޓްމަންޓު ކުއްޔަށް ދޫކުރާނީ، މީލާދީ 5 (ފަހެއް) އަހަރުދުވަހުގެ މުއްދަތަށެވެ.

(ށ) މި މާއްދާގެ (ހ) ގައި ބަޔާންކޮށްފައިވާ މުއްދަތު ހަމަވުމުން، އެޕާޓްމަންޓު ކުއްޔަށް ހިފާ ފަރާތުން އިތުރު މުއްދަތަކަށް އެއްބަސްވުން އައުކުރަން ބޭނުންވާ ނަމަ، ހިނގަމުންދާ އެއްބަސްވުމުގެ މުއްދަތު ހަމަވުމުގެ 60 (ފަސްދޮޅަސް) ދުވަހުގެ ކުރިން، މިނިސްޓްރީއަށް އެކަން ލިޔުމަކުން އަންގަންވާނެއެވެ.

(ނ) މި މާއްދާގެ (ށ) ގައިވާ ގޮތަށް މުއްދަތު އިތުރުކޮށްދިނުމުގައި، އެޕާޓްމަންޓް ކުއްޔަށް ހިފާ ފަރާތާއެކު ވެފައިވާ އެއްބަސްވުމާ އެއްގޮތަށް އަމަލުކޮށްފައިވާ މިންވަރަށް ރިއާޔަތްކޮށް، ކޮންމެ 5 (ފަހެއް) އަހަރުދުވަހަކުން މިނިސްޓްރީން މުއްދަތު އިތުރުކޮށްދެވޭނެއެވެ. 

 

12 ވަނަ މާއްދާ - އެޕާޓްމަންޓުގައި ދިރިއުޅެވޭނެ ފަރާތްތައް

(ހ) އެޕާޓްމަންޓް ކުއްޔަށް ދިނުމުގެ އެއްބަސްވުމުގައި ބަޔާންކޮށްފައިވާ، އެޕާޓްމަންޓުގައި ދިރިއުޅޭ މީހުންގެ ދަފުތަރުގައި ރަޖިސްޓަރީކުރެވޭނީ، މިނިސްޓްރީން ހުއްދަ ދޭ ފަރާތްތަކަށެވެ.

(ށ) މި މާއްދާގެ (ހ) ގައި ބަޔާންކޮށްފައިވާ ދަފުތަރުގައި ރަޖިސްޓަރީކުރެވޭނީ، އެޕާޓްމަންޓު ކުއްޔަށްހިފާ ފަރާތާއި، އެ ފަރާތުގެ އަނބިމީހާ ނުވަތަ ފިރިމީހާ ނުވަތަ އަމިއްލަ ދަރީން ނުވަތަ ދޮންދަރީން ނުވަތަ އެޕާޓްމަންޓު ކުއްޔަށްހިފާ ފަރާތުގެ މައިންބަފައިން ނުވަތަ އަނބިމީހާގެ ނުވަތަ ފިރިމީހާގެ މައިންބަފައިން ނުވަތަ ތިމާއަށް ށަރުއީގޮތުން ބަލަންޖެހޭ ފަރާތްތަކާއި، މެއިޑުންގެ ގޮތުގައި ގެންގުޅޭ ފަރާތްތަކެވެ.

 

13 ވަނަ މާއްދާ - އެޕާޓްމަންޓްތައް ކުއްޔަށްދިނުމަށް ހެދޭ އެއްބަސްވުން ބާތިލުކުރެވޭނެ ހާލަތްތައް

އަންނަނިވި ހާލަތްތަކުގެ ތެރެއިން ހާލަތެއް މެދުވެރިވެއްޖެ ނަމަ، އެއްބަސްވުމުގައިވާ ގޮތުގެ މަތީން، އެއްބަސްވުން ބާތިލުކުރެވޭނެއެވެ.

(ހ) މި އުސޫލުގެ 6 ވަނަ މާއްދާގައި ބަޔާންކޮށްފައިވާ، އެޕާޓްމަންޓަށް އެދި ކުރިމަތިލެވޭނެ ފަރާތްތަކުގެ އަސާސީ ށަރުތުތަކުގެ ތެރެއިން ށަރުތެއް އުނިވުން.

(ށ) އެޕާޓްމަންޓް ކުއްޔަށްހިފި ފަރާތުން އެޕާޓްމަންޓުގައި ދިރިނޫޅޭކަން ސާބިތުވުން.

(ނ) 12 (ބާރަ) މަސްދުވަހަށް ވުރެ ދިގު މުއްދަތުގެ ނޯޕޭލީވެއް ނެގުން.

(ރ) އެޕާޓްމަންޓް ނުވަތަ އެޕާޓްމަންޓު ގެ އެއްވެސް ބައެއް ދެވަނަ ފަރާތަކަށް ކުއްޔަށް ދޫކުރިކަން މިނިސްޓްރީއަށް ސާބިތުވުން.

(ބ) އެޕާޓްމަންޓުގެ ކުއްޔާއި ހިދުމަތުގެ ފީ ނުދައްކާތ،ާ ވިދިވިދިގެން 2 (ދޭއް) މަސްދުވަސްވުން.

(ޅ) އެޕާޓްމަންޓް ކުއްޔަށްދިނުމުގެ އެއްބަސްވުމާ ހިލާފުވެގެން އި ސްލާހުކުރުމަށް ނޯޓިސް ދިނުމުން ވެސް އެކަމަށް އިޖާބަނުދިނުން.

 

14 ވަނަ މާއްދާ - ހާއްސަ ހާލަތު

އެޕާޓްމަންޓު ކުއްޔަށްހިފި ފަރާތް ވަޒީފާއިން މުސްކުޅިކުރުމުގެ ސަބަބުން، އަދާކުރި ވަޒީފާއިން ވަކިވާންޖެހޭ ފަދަ ހާލަތެއް މެދުވެރިވެއްޖެ ނަމަ، ކުލީގެ އެއްބަސްވުން ނިމުމަކަށް ނުގެނެސް، އެގޮތުގެ މަތީން ވަޒީފާއިން ވަކިވާ ދުވަހުން ފެށިގެން މީލާދީ 6 (ހައެއް) މަސްދުވަހަށް އެއްބަސްވުން އުވައިނުލައި ބޭއްވޭނެއެވެ.

 

15 ވަނަ މާއްދާ - ފިހާރަ، ގުދަން، އޮފީސް ކުއްޔަށްދިނުން

ތައުލީމީ ފަންޑުން ކުއްޔަށް ދޭނީ، ތައުލީމީ ފަންޑުގެ ބެލުމުގެ ދަށުގައިވާ އިމާރާތްތަކުގައި ހިމެނޭ ފިހާރައާއި، ގުދަނާއި، އޮފީހުގެ ގޮތުގައި ބޭނުންކުރުމަށް ކަނޑައަޅާ ތަންތަނެވެ.

 

16 ވަނަ މާއްދާ - ފިހާރަ، ގުދަން، އޮފީސް ކުއްޔަށްހިފުމަށް ކުރިމަތިލެވޭނެ  ފަރާތްތަކުގެ ރާތްތަކުގެ ށަރުތުތައް

ފިހާރަ، ގުދަން، އޮފީސް ކުއްޔަށްހިފުމަށް އެދި ކުރިމަތިލެވޭނީ އަންނަނިވި ށަރުތުތައް ފުރިހަމަވާ ފަރާތްތަކަށެވެ.

(ހ) ގާނޫނު ނަންބަރު 2014-18 (ވިޔަފާރި ރަޖިސްޓްރީ ކުރުމުގެ ގާނޫނު) ގެ ދަށުން ވިޔަފާރި ރަޖިސްޓަރީކޮށްފައިވާ ފަރާތަކަށް ވުން.

(ށ) ތައުލީމީ ފަންޑަށް ދައްކަންޖެހޭ ފައިސާއެއް އޮތް ނަމަ، އެ ފައިސާއެއް ގަވާއިދުން ދައްކަމުންގެންދާ ނުވަތަ ދައްކައި ހަލާސްކޮށްފައިވާ ފަރާތަކަށް ވުން.

(ނ) މޯލްޑިވްސް އިންލަންޑް ރެވެނިޔު އޮތޯރިޓީއަށް ދައްކަންޖެހޭ އެއްވެސް ޓެކްސް ފައިސާއެއް އޮތް ނަމަ، އެ ފައިސާއެއް ދައްކައި ހަލާސްކޮށްފައިވުން ނުވަތަ އެ ފައިސާއެއް ބަހައިލައިގެން ދެއްކުމަށް އެއްބަސްވުމެއް ވެފައިވާ ނަމަ، އެ އެއްބަސްވުމާ އެއްގޮތަށް ފައިސާ ދައްކަމުންދާ ފަރާތެއް ކަމުގައި ވުން.

(ރ) މާލީ ގާބިލުކަން ހުރި ފަރާތެއް ކަމުގައި ވުން.

 

17 ވަނަ މާޢްދާ - ފިހާރަ، ގުދަން، އޮފީސް ކުއްޔަށްހިފުމަށް އެދި އެޕްލިކޭށަން ހުށަހެޅުން

މި އުސޫލުގެ ދަށުން ފިހާރަ ނުވަތަ ގުދަން ނުވަތަ އޮފީސް ކުއްޔަށް ހިފުމަށް އެދި ހުށަހަޅާނީ، މިނިސްޓްރީން އިއުލާނު ކުރުމުން، އެ އިއުލާނުގައި ބަޔާންކޮށްފައިވާ ގޮތަށެވެ.

 

18 ވަނަ މާއްދާ - ފިހާރަ، ގުދަން، އޮފީސް ކުއްޔަށްހިފާ ފަރާތުން ދައްކަންޖެހޭ ކުއްޔާއި، ސެކިޔުރިޓީ ޑިޕޮޒިޓާއި، ހިދުމަތުގެ ފީއާއި، ކުއްޔަށްދެވޭނެ މުއްދަތު

(ހ) ފިހާރަ ނުވަތަ ގުދަން ނުވަތަ އޮފީސް ކުއްޔަށްހިފާ ފަރާތުން ދައްކަންޖެހޭ ކުއްޔާއި، ސެކިޔުރިޓީ ޑިޕޮޒިޓާއި، ހިދުމަތުގެ ފީ، މިނިސްޓްރީއާއި ކުއްޔަށް ހިފާ ފަރާތާ ދެމެދު ވެފައިވާ އެއްބަސްވުމުގައި ބަޔާންކޮށްފައިވާ ގޮތަށް ދައްކަމުން ގެންދަންޖެހޭނެއެވެ.

(ށ) ފިހާރަ ނުވަތަ ގުދަން ނުވަތަ އޮފީސް ކުއްޔަށް ދެވޭނީ، އިއުލާނުގައި ބަޔާންކޮށްފައިވާ މުއްދަތަށެވެ.

(ނ) ކުއްޔަށްހިފައިގެން ހިންގަމުންދާ ފަރާތަށް ވެސް، އަލުން އިއުލާނުކުރުމަކާ ނުލައި މުއްދަތު އިތުރުކޮށެއް ނުދެވޭނެއެވެ.

 

19 ވަނަ މާއްދާ - ށަރުތު ފުރިހަމަވާ ފަރާތްތަކަށް ޕޮއިންޓް ދޭނެ ގޮތް

ފިހާރަ ނުވަތަ ގުދަން ނުވަތަ އޮފީސް ކުއްޔަށް ހިފުމަށް އިއުލާނު ކުރުމުން، ޕްރޮޕޯޒަލްތައް ހުށަހަޅާ ފަރާތްތަކުގެ ތެރެއިން އެންމެ ގިނަ ޕޮއިންޓު ލިބޭ ފަރާތެއް ކަނޑައަޅާނީ، އިއުލާނުގައި ބަޔާންކޮށްފައިވާ ޕްރޮޕޯޒަލް ވަޒަންކުރުމަށް ބޭނުންކުރާ މިންގަނޑަށް ބަލައިގެންނެވެ.

 

20 ވަނަ މާއްދާ - ކުއްޔަށް ދޫކުރެވޭ ތަނުގައި ކުރެވޭ ބޭނުން

މި އުސޫލުގެ 15 ވަނަ މާއްދާގައި ބަޔާންކޮށްފައިވާ ތަންތަން، ކުއްޔަށް ހިފާ ފަރާތުން ބޭނުންކުރަންވާނީ، މިނިސްޓްރީއާއި ކުއްޔަށް ހިފާ ފަރާތާއެކު ވެވޭ އެއްބަސްވުމުގައި ކަނޑައަޅައިފައިވާ ބޭނުންތަކަށެވެ.

 

21 ވަނަ މާއްދާ - ކުއްޔަށް ހިފާ ފަރާތާއެކު ވެފައިވާ އެއްބަސްވުން ބާތިލުކުރުން

އަންނަނިވި ހާލަތްތަކުގެ ތެރެއިން ހާލަތެއް މެދުވެރިވެއްޖެ ނަމަ، ކުއްޔަށް ހިފި ފަރާތާއެކު ވެފައިވާ އެއްބަސްވުމުގައިވާ ގޮތުގެ މަތީން، ކުއްޔަށް ދޫކޮށްފައިވާ ތަނުގެ އެއްބަސްވުން ބާތިލުކުރެވޭނެއެވެ.

(ހ) މި އުސޫލުގެ 16 ވަނަ މާއްދާގައި ބަޔާންކޮށްފައިވާ ށަރުތެއް އުނިވުން.

(ށ) ކުއްޔަށް ދޫކޮށްފައިވާ ތަން ނުވަތަ އެ ތަނުގެ އެއްވެސް ބައެއް ދެވަނަ ފަރާތަކަށް ކުއްޔަށް ދޫކުރިކަން ސާބިތުވުން.

(ނ) ކުއްޔަށް ދޫކޮށްފައިވާ ތަނުގެ ކުއްޔާއި ހިދުމަތުގެ ފީ ނުދައްކާތާ ވިދިވިދިގެން 2 (ދޭއް) މަސްދުވަސް ވުން.

(ރ) ކުއްޔަށްދިނުމުގެ އެއްބަސްވުމާ ހިލާފުވެގެން އިސްލާހުކުރުމަށް ނޯޓިސް ދިނުމުން ވެސް، އެކަމަށް އިޖާބަ ނުދިނުން.

 

22 ވަނަ މާއްދާ - ސައްހަނޫން މައުލޫމާތާއި ލިޔުން ހުށަހެޅުން

ހުށަހަޅާ އެޕްލިކޭށަނާއެކު ސައްހަނޫން މައުލޫމާތެއް ނުވަތަ ލިޔެކިޔުމެއް ހުށަހަޅައިފައިވާ ނަމަ، އިތުރު ފުރުސަތު ދިނުމަކާ ނުލައި އެޕްލިކޭށަން ބާތިލުކުރެވޭނެއެވެ.

 

23 ވަނަ މާއްދާ - މާނަކުރުން

މި އުސޫލުގައި އިބާރާތެއް ނުވަތަ ލަފުޒެއް ބޭނުންކޮށްފައިވާ ގޮތުން ކަނޑައެޅިގެން އެހެން މާނައެއް ދޭހަނުވާހައި ހިނދަކު، އަންނަނިވި އިބާރާތްތަކާއި ލަފުޒުތަކަށް ދީފައިވަނީ، އެ އިބާރާތްތަކާއި ލަފުޒުތަކަށް ތިރީގައި ދީފައިވާ މާނަކުރުމެވެ.

(ހ) "މިނިސްޓްރީ" ކަމަށް ބުނެފައި އެވަނީ، ތައުލީމީ ފަންޑުގެ ކަންކަން ބެލެހެއްޓުމުގެ ޒިންމާ އެ އިރަކު އަދާކުރަމުންދާ ސަރުކާރުގެ ވުޒާރާއަށެވެ.

(ށ) "ގްރޭޓަރ މާލެ" ކަމަށް ބުނެފައި އެވަނީ، މާލެއާއި، ހުޅުމާލެ އާއި، ވިލިނގިލި ހިމެނޭ ސަރަހައްދަށެވެ.

(ނ) "ނުކުޅެދުންތެރިކަން ހުންނަ" ދަރި ނުވަތަ ދަރީން ކަމުގައި ބުނެފައި އެވަނީ، ގާނޫނު ނަންބަރު 2010-08 (ނުކުޅެދުންތެރިކަން ހުންނަ މީހުންގެ ހައްގުތައް ރައްކާތެރިކުރުމާއި، މާލީ އެހީތެރިކަން ފޯރުކޮށްދިނުމުގެ ގާނޫނު) ގެ 14 ވަނަ މާއްދާގައި ބަޔާންކޮށްފައިވާ ގޮތުގެ މަތީން، ދައުލަތުގެ ކަމާބެހޭ މުއައްސަސާއިން ތައްޔާރުކޮށްފައި އޮންނަ ދަފުތަރުގައި ހިމެނިފައިވާ ދަރީންނަށެވެ.

(ރ) "ސެކިޔުރިޓީ ޑިޕޮޒިޓް" ކަމަށް ބުނެފައި އެވަނީ، ތައުލީމީ ފަންޑުގެ އެޕާޓްމެންޓެއް ނުވަތަ ފިހާރައެއް ނުވަތަ ގުދަނެއް ނުވަތަ އޮފީހެއް ކުއްޔަށް ދޫކުރާއިރ،ު މިނިސްޓްރީއާއި ކުއްޔަށް ހިފާ ފަރާތާ ދެމެދު ވެވޭ އެއްބަސްވުމުގައިވާ ގޮތަށް، ކުއްޔަށްހިފާ ފަރާތުން، ސެކިޔުރިޓީ ޑިޕޮޒިޓުގެ ގޮތުގައި މިނިސްޓްރީއަށް ދައްކަންޖެހޭ ފައިސާއަށެވެ.

(ބ) "ހިދުމަތުގެ ފީ" ކަމަށް ބުނެފައި އެވަނީ، ތައުލީމީ ފަންޑުގެ އިމާރާތް ބަލަހައްޓާ ފަރާތުން އިމާރާތުގެ ފުލެޓުތަކަށް ދެމުންދާ ހިދުމަތްތަކުގެ އަގަށް، އެއްބަސްވުމުގައިވާ ގޮތުގެ މަތީން ދައްކަންޖެހޭ ފައިސާއަށެވެ.

(ޅ) "ތައުލީމީ ދާއިރާ" ކަމަށް ބުނެފައި އެވަނީ، މަދަރުސީ ތައުލީމު ފޯރުކޮށްދިނުމުގެ ޒިންމާ އެ އިރަކު އަދާކުރަމުންދާ ސަރުކާރުގެ ވުޒާރާގެ ދަށުން ހިންގަމުންދާ މުއައްސަސާތަކަށެވެ.

(ކ) "ފަންނީ މަގާމުތަކުގެ އޮނިގަނޑުގައި ހިމެނޭ މަގާމު" ކަމަށް ބުނެފައި އެވަނީ، 2022 މޭމަހުގެ 1 ވަނަ ދުވަހުން ފެށިގެން އަމަލުކުރާ ދައުލަތުގެ ޕޭ ފްރޭމްވަރކުގައި ކަނޑައަޅައިފައިވާ ޖޮބް މެޓްރިކްސްތަކުގައިވާ މަގާމުތަކަށެވެ.

(އ) "ތައުލީމީ ފަންޑުގެ އިމާރާތް" ކަމަށް ބުނެފައި އެވަނީ، ތައުލީމީ ފަންޑުގެ ނަމުގައި ހުރި ބިންތަކުގައިވާ އިމާރާތްތަކަށެވެ.

(ވ) "ތައުލީމީ ފަންޑު" ކަމަށް ބުނެފައި އެވަނީ، ގާނޫނު ނަންބަރު 2006-03 (ދައުލަތުގެ މާލިއްޔަތުގެ ގާނޫނު) ގެ 25 ވަނަ މާއްދާއާއި 26 ވަނަ މާއްދާއިން މާލީ ވުޒާރާއަށް ލިބިދޭ އިހުތިޔާރުގެ ދަށުން ކަނޑައަޅައިފައިވާ ޓްރަސްޓް ފަންޑަށެވެ.

(މ) "ތައުލީމީ ފަންޑުގެ ހިންގާ ކޮމިޓީ" ކަމަށް ބުނެފައި އެވަނީ، ދައުލަތުގެ މާލިއްޔަތުގެ ގާނޫނު ނަންބަރު 2006-03 (ދައުލަތުގެ މާލިއްޔަތުގެ ގާނޫނު) ގެ 25 ވަނަ މާއްދާއާއި 26 ވަނަ މާއްދާއިން މާލީ ވުޒާރާއަށް ލިބިދޭ އިހުތިޔާރުގެ ދަށުން ކަނޑައަޅައިފައިވާ ޓްރަސްޓް ފަންޑު ހިންގުމަށް އެކުލަވައިލައިފައިވާ 7 (ހަތެއް) މެންބަރުންގެ ކޮމިޓީއަށެވެ.

(ފ) "ތައުލީމީ ފަންޑުން ބަލަހައްޓާ އިމާރާތް" ކަމަށް ބުނެފައި އެވަނީ، ހާއްސަ އެއްބަސްވުމުގެ ދަށުން ތައުލީމީ ފަންޑަށް އާމްދަނީ ލިބޭގޮތަށް ތައުލީމީ ފަންޑުން ބަލަހައްޓާ އިމާރާތްތަކަށެވެ.

 

24 ވަނަ މާއްދާ - އުސޫލަށް އަމަލުކުރަން ފެށުން

މި އުސޫލަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި އުސޫލު ށާއިއުކުރާ ދުވަހުން
ފެށިގެންނެވެ.

 

25 ވަނަ މާއްދާ - އުވައިލެވޭ އުސޫލުތައް

މި އުސޫލަށް އަމަލުކުރަން ފެށުމާއެކު، އަންނަނިވި އުސޫލުތައް ބާތިލުވީއެވެ.

(ހ) 29 ސެޕްޓެންބަރު 2016 ގައި ދިވެހި ސަރުކާރުގެ ގެޒެޓުގައި ށާއިއުކޮށްފައިވާ އެދުރުވެހި ފްލެޓުތައް ކުއްޔަށް ދިނުމުގެ އުސޫލު؛ 205/2016/TF-22)IUL)

(ށ) "އެދުރުހިޔާ އަދި އެދުރުވެހި ފްލެޓްތަކުން މާކެޓް ރޭޓުން ކުލި ނެގުމުގައި އަމަލުކުރާނޭ ގޮތުގެ އުސޫލު" (12 ޖަނަވަރީ 2021).

(ނ) "އެދުރުހިޔާއާއި އެދުރުވެހީގެ ފްލެޓްތައް ކުއްޔަށް ދިނުމުގެ އުސޫލު އިސްލާހުކުރުމަށްފަހު ގެޒެޓްކުރުން" (22-EDF/22/2023/25)

(ރ) މި އުސޫލުގެ 23 ވަނަ މާއްދާގެ (ށ) ގައި އެހެން ބަޔާންކޮށްފައި އޮތް ނަމަވެސް، އެ އުސޫލުތަކުގެ ދަށުން ކުއްޔަށް ދީފައިވާ ތަންތަނުގެ އެއްބަސްވުންތައ،ްއެ އެއްބަސްވުންތަކުގެ މުއްދަތު ހަމަވަންދެން ދެމިއޮންނާނެއެވެ.

 

މައި ގާނޫނު/ގަވާއިދު

(ނެތް)