ލޯކަލް ކައުންސިލްތަކުގެ ބާރު ހިނގާ ދާއިރާގެ ތެރޭގައި ހިމެނޭ ބިންބިމާއި ތަންތަނާއި މުދަލާ ގު ޅޭގޮތުން އެކުލަވައިލާ އޮޑިޓްތައް ފާސްކުރުމުގައި ޢަމަލުކުރާނެ ގޮތުގެ އުސޫލު

(މި އުސޫލަށް އަމަލުކުރަން ފެށީ 27 ނޮވެމްބަރު 2024 ގައި)

1 ވަނަ މާއްދާ - ތައާރުފާއި ނަން 

(ހ) މިއީ، ގާނޫނު ނަންބަރު 2010-07 (ދިވެހިރާއްޖޭގެ އިދާރީ ދާއިރާތައް ލާމަރުކަޒ އުސޫލުން ހިންގުމުގެ ގާނޫނު) ގެ 4-56 ވަނަ މާއްދާގެ (ނ) ގައި، އެ ގާނޫނަށް އަމަލުކުރަން ފަށާތާ ގިނަވެގެން 1 (އެކެއް) އަހަރުދުވަހުގެ ތެރޭގައި، ސިޓ ކައުންސިލްތަކާއި، އަތޮޅު ކައުންސިލްތަކާއި، ރަށު ކައުންސިލްތަކުގެ ބާރު ހިނގާ ދާއިރާގެ ތެރޭގައި ހިމެނޭ އެންމެހައި ބިންބިމާއި ތަންތަނާއި މުދަލުގެ އޮޑިޓެއް ހަދައި، އެ އޮޑިޓުގެ މައްޗަށް ބިނާކޮށް ދަފުތަރެއް އެކުލަވައިލުމަށްފަހ،ު ލޯކަލް ގަވަރމަންޓް އޮތޯރިޓީއަށް ހުށަހަޅައި އެ އޮތޯރިޓީން ފާސްކުރުމަށްފަހ،ު ކައުންސިލްތަކުން އާންމުކޮށް ދިވެހި ސަރުކާރުގެ ގެޒެޓުގައި ށާއިއުކުރަންވާނެކަމަށް ބަޔާންކޮށްފައިވާތީ، ކައުންސިލްތަކުން ފޮނުވާ އޮޑިޓްތައް އޮތޯރިޓީގެ ފަރާތުން ފާސްކުރުމުގައި އަމަލުކުރާނެ ގޮތް ބަޔާންކުރުމުގެ ގޮތުން އެކުލަވައިލައިފައިވާ އުސޫލެކެވެ.

(ށ) މި އުސޫލަށް ކިޔާނީ، "ލޯކަލް ކައުންސިލްތަކުގެ ބާރު ހިނގާ ދާއިރާގެ ތެރޭގައި ހިމެނޭ ބިންބިމާއި ތަންތަނާއި މުދަލާ ގުޅޭގޮތުން އެކުލަވައިލާ އޮޑިޓްތައް ފާސްކުރުމުގައި އަމަލުކުރާނެ ގޮތުގެ އުސޫލު" އެވެ.

2 ވަނަ މާއްދާ - މަގުސަދު

މި އުސޫލުގެ މަގުސަދަކީ، ގާނޫނު ނަންބަރު 2010-07 (އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނު) ގެ 4-56 ވަނަ މާއްދާގެ ދަށުން ކައުންސިލްތަކުން އެކުލަވައިލާ އޮޑިޓްތައް އޮތޯރިޓީން ފާސްކުރުމުގެ ގޮތުން އަންނަނިވި ކަންކަންކުރާނެ ގޮތުގެ އިޖުރާތުތައް ކަނޑައެޅުމެވެ.

(ހ) ހައުންސިލްތަކުން އޮޑިޓްކޮށް އެކުލަވައިލާ ދަފުތަރުގައި، ގާނޫނު ނަންބަރު 2010-07 (އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނު) އަށް އަމަލުކުރަން ފެށުމުގެ ކުރިން ގައުމީ އިދާރާތަކަށާއި ދައުލަތުގެ މުއައްސަސާތަކަށް ދާއިމީ ބޭނުމަށް ދޫކޮށްފައިވާ ތަންތަނުގެ މައުލޫމާތު ރަނގަޅަށް ހިމެނިފައިވާކަން ޔަގ ންކުރުން.

(ށ) ކައުންސިލްތަކުން ކުރާ އޮޑިޓުގައި ކައުންސިލުގެ މުދާކަމަށް ބަޔާންކޮށްފައިވާ ބިންބިމާއި ތަންތަނާއި އެ ނޫން ވެސް މުދަލުގެ މިލްކުވެރިކަމާމެދު ދައުވާކުރާ ފަރާތެއް ނެތްކަން ކަށަވަރުކުރުން.

(ނ) ކައުންސިލްތަކުން ކުރާ އޮޑިޓުތައް ފާސްކުރުމުގެ ކުރިން، އެ އޮޑިޓުތަކުގައި ބަޔާންކުރާ ބިންބިމާއި ތަންތަނާއި އެ ނޫން ވެސް މުދަލެއްގެ މިލްކުވެރިކަމާމެދު އުފެދޭ ހިލާފުތައް ބަލައި، އެ ކަންކަން ހައްލުކުރުމުގައި ކަންކުރާނެ ގޮތް ބަޔާންކުރުން.

3 ވަނަ މާއްދާ - ޮޑިޓްގެ މައްޗަށް ބިނާކޮށް ދަފުތަރު އެކުލަ ވައިލުން

(ހ) ކައުންސިލުގެ ބާރު ހިނގާ ދާއިރާގެ ތެރޭގައި ހިމެނޭ އެންމެހައި ބިންބިމާއި ތަންތަނާއި މުދަލުގެ އޮޑިޓެއް ހަދައި، އެ އޮޑި ޓުގެ މައްޗަށް ބިނާކޮށް ދަފު ތަރެއް އެކުލަވައިލަންވާނެއެވެ. 

(ށ) ައުންސިލުން ތައްޔާރުކުރާ އޮޑިޓަށް ބިނާކޮށް އެކުލަވައިލާ ދަފުތަރު ފާސްކުރުމަށް ޓަކައި އޮތޯރިޓީ އަށް ހުށަހަޅާނީ، "މަގޭ ކައުންސިލް" އެޕްލިކޭށަނުގެ ޕްރޮޕަޓީސް މޮޑިއުލްގައި ދަފުތަރު ލިޔ،ެ އެގޮތުން ލިޔުނު ދަފުތަރުގެ މައުލޫމާތު ސައްހަކަން ކައުންސިލުން ކަށަވަރު (ވެރިފައި) ކޮށްފައެވެ. 

4 ވަނަ މާއްދާ - ދަފުތަރަށް ށަކުވާ ހުށަހެޅުމަށް ހުޅުވައިލުން

(ހ) "ޕްރޮޕަޓީސް މޮޑިއުލް" ގައި ކައުންސިލުން ކަށަވަރުކޮށްފައިވާ ދަފުތަރު، އޮތޯރިޓީގެ ފަރާތުން ދައުލަތުގެ އިދާރާތަކަށާއި، ސަރުކާރުގެ ކުންފުނިތަކަށާއި، ކަމާ ގުޅުންހުރި އެހެނިހެން އިދާރާތަކަށް ފޮނުވައި، ދަފުތަރާމެދު އެއްވެސް ށަކުވާއެއް އޮތްތޯ ބެލުމަށް 30 (ތިރީސް) ދުވަހުގެ މުއްދަތެއް ދޭންވާނެއެވެ. 

(ށ) އަމިއްލަ ފަރާތްތަކުގެ ށަކުވާއެއް އޮތްތޯ ބެލުމަށް ދިވެހި ސަރުކާރުގެ ގެޒެޓުގައި ދަފުތަރު ށާއިއުކޮށް، 30 (ތިރީސް) ދުވަހުގެ މުއްދަތެއް ދޭންވާނެއެވެ. 

5 ވަނަ މާއްދާ - ދަފުތަރާ ގުޅިގެން ހުށަހެޅޭ ށަކުވާތައް 

(ހ) މި އުސޫލުގެ 4 ވަނަ މާއްދާގެ (ހ) އާއި (ނ) ގައި ބަޔާންކޮށްފައިވާ މުއްދަތުގެ ތެރޭގައި އެއްވެސް ކައުންސިލެއްގެ ދަފުތަރާ ގުޅޭގޮތުން ށަކުވާއެއް ހުށަހަޅައިފައި ވާ ނަމަ، އޮތޯރިޓީގެ ފަރާތުން އެ ދަފުތަރެއް ފާސްކުރަންވާނީ، ބޯޑު ބައްދަލުވުމަކަށް އެ ކަމެއް ހުށަހަޅައިގެންނެވެ. 

(ށ) މި މާއްދާގެ (ހ) ގައި ބަޔާންކޮށްފައިވާ ފަދައިން ދަފުތަރާމެދު ށަކުވާއެއް ހުށަހަޅައިފި ނަމަ، އެ ށަކުވާއާމެދު އަމަލުކުރާނެ ގޮތް ތިރީގައި މިވަނީއެވެ. 

1. ހުށަހަޅައިފައިވާ ށަކުވާއަކީ މި އުސޫލުގައި ބަޔާންކޮށްފައިވާ ދަފުރަތާ ގުޅުންހުރި ށަކުވާއެއްތޯ ބަލައި، އެ ށަކުވާއެއް ކައުންސިލާ ހިއްސާކުރުން؛
2. ހުށަހަޅައިފައިވާ ށަކުވާއާމެދު ކައުންސިލުން ބަހެއް ހޯދުން؛
3. ހުށަހަޅައިފައިވާ ށަކުވާއާއި އެ ށަކުވާއާމެދު ކައުންސިލުން ދެކޭގޮތް ބޯޑަށް ހުށަހަޅައި، އެ ކަމަށް ބޯޑުން ގޮތެއް ނިންމުން؛
4. ހުުށަހަޅައިފައިވާ ށަކުވާއާ ގުޅިގެން ބޯޑުން ނިންމައިފައިވާ ނިންމުން، ކައުންސިލާއި ށަކުވާ ހުށަހެޅި ފަރާތާ ހިއްސާކުރުން.

6 ވަނަ މާއްދާ - ދަފުތަރު ފާސްކުރުން

މި އުސޫލުގެ 4 ވަނަ މާއްދާގެ (ހ) އާއި (ނ) ގައި ބަޔާންކޮށްފައިވާ މުއްދަތުގެ ތެރޭގައި އެއްވެސް ކައުންސިލެއްގެ ދަފުތަރާ ގުޅޭގޮތުން ށަކުވާއެއް ހުށަހަޅައިފައި ނުވާ ނަމަ، މަގޭ ކައުންސިލް އެޕްލިކޭށަނުގެ "ޕްރޮޕަޓީސް މޮޑިއުލް" ގެ ތެރެއިން، އެޕްރޫވަލް ރޯލް އޮންނަ މުވައްޒަފަކު، ދަފުތަރުތައް އެޕްރޫވް ކުރަންވާނެވެ.

7 ވަނަ މާއްދާ - ދަފުތަރު އާ ންމުކުރުން

މި އުސޫލުގެ 3 ވަނަ މާއްދާގައި ބަޔާންކޮށްފައިވާ ގޮތުގެ މަތީން ކައުންސިލްތަކުން އެކުލަވައިލާ އޮޑިޓުގެ މައްޗަށް ބިނާކޮށް ތައްޔާރުކުރާ ދަފުތަރު، އޮތޯރިޓީން ފާސްކުރާ ތާރީހުުން ފެށިގެން ރަސްމީ 7 (ހަތެއް) ދުވަހުގެ ތެރޭގައި، ކޮންމެ ކައުންސިލަކުން ވެސް ދިވެހި ސަރުކާރުގެ ގެޒެޓުގައި އެ ދަފުތަރު އާންމުކޮށް ށާއިއުކުރަންވާނެއެވެ.

8 ވަނަ މާއްދާ - އުސޫލަށް އުނިއިތުރު ގެނައުން

މި އުސޫލަށް އުނިއިތުރު ގެނެވޭނީ، ލޯކަލް ގަވަރމަންޓް އޮތޯރިޓީގެ ބޯޑަށް ހުށަހަޅައިގެން، ބޯޑުން ފާސްކުރުމުންނެވެ.

9 ވަނަ މާއްދާ - މާނަކުރުން

މި އުސޫލުގައި އެހެން ގޮތަކަށް ބަޔާންކޮށްފައި ނުވާހައި ހިނދަކު، ތިރީގައިވާ އަކުރުތަކުގައިވާ އިބާރާތްތަކަށާއި ލަފުޒުތަކަށް ދ ފައިވަނީ، އެ އަކުރުތަކުގައި ދ ފައިވާ މާނަކުރުމެވެ.

(ހ) "ކައުންސިލްތައް" ކަމަށް ބުނެފައި އެވަނީ، ގާނޫނު ނަންބަރު 2010-07 (ދިވެހިރާއްޖޭގެ އިދާރީ ދާއިރާތައް ލާމަރުކަޒ އުސޫލުން ހިންގުމުގެ ގާނޫނު) ގެ ދަށުން އެކުލަވައިލައިފައިވާ ކައުންސިލްތަކަށެވެ.

(ށ) "އޮތޯރިޓީ" ކަމަށް ބުނެފައި އެވަނީ، ގާނޫނު ނަންބަރު 2010-07 (ދިވެހިރާއްޖޭގެ އިދާރީ ދާއިރާތައް ލާމަރުކަޒ އުސޫލުން ހިންގުމުގެ ގާނޫނު) ގެ ދަށުން އެކުލަވައިލައިފައިވާ ލޯކަލް ގަވަރމަންޓް އިތޯރިޓީ ބޯޑާއި އޮތޯރިޓީ އަށެވެ.

(ނ) "މަގޭ ކައުންސިލް" ކަމަށް ބުނެފައި އެވަނީ، ކައުންސިލްތަކުގެ މަސައްކަތްތައް ޑިޖިޓަލައިޒްކުރުމުގެ މަގުސަދުގައި ލޯކަލް ގަވަރމަންޓް އޮތޯރިޓީން ތައްޔާރުކޮށްފައިވާ އޮންލައިން ޕްލެޓްފޯމަށެވެ.

(ރ) "ޕްރޮޕަޓީސް މޮޑިއުލް" ކަމަށް ބުނެފައި އެވަނީ، ލޯކަލް ކައުންސިލްތަކުގެ ބާރު ހިނގާ ދާއިރާގެ ތެރޭގައި ހިމެނޭ ބިންބިމާއި ތަންތަނާއި މުދާތައް އަދާހަމަކުރުމަށް، "މަގޭ ކައުންސިލް" ގެ ތެރޭގައި ހަދައިފައިވާ އޮންލައިން ޕޯޓަލަށެވެ.

10 ވަނަ މާއްދާ - އުސޫލަށް އަމަލުކުރަން ފެށުން

މި އުސޫލަށް އަމަލުކުރަން ފަށާނީ، ލޯކަލް ގަވަރމަންޓް އޮތޯރިޓީގެ ބޯޑުން ފާސްކޮށް، ދިވެހި ސަރުކާރުގެ ގެޒެޓުގައި މި އުސޫލު ށާއިއުކުރާ ތާރީހުުން ފެށިގެންނެވެ. 

މައި ގާނޫނު

އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނު (ގާނޫނު ނަންބަރު 2010-07)