މި ފައިލް އަދި އަޕްޑޭޓްކޮށް ނުނިމޭ
ނުރައްކާތެރި ކެމިކަލާބެހޭ ގަވާއިދު
(ގަވާއިދު ނަންބަރު 2019-1057)
(ތިރީގައި އެޓޭޗްކުރެވިފައި އެވަނީ މި ގަވާއިދުގެ ގެޒެޓްކުރެވުނު ޕީޑީއެފް ކޮޕީއެވެ. މި ގަވާއިދުގެ ވޯޑްފޮމޭޓް ނިމުމާއެކު އަޕްލޯޑްކުރެވޭނެއެވެ)
1 ވަނަ މާއްދާ - ތަޢާރަފާއި ނަން
(ހ) މި ގަވާއިދަކީ، ޤާނޫނު ނަންބަރު 1975-04 (ދިވެހިރާއްޖެ ގެނައުން މަނާ ތަކެތީގެ ޤާނޫނު (ގެ 5 ވަނަ މާއްދާގެ (ހ) ގެ 3 ވަނަ ނަ ންބަރުގެ ދަށުން، ގޮވާ އެއްޗެހި ކަމުގައި ނުހިމެނޭ ނުރައްކާތެރި ކެމިކަލާއި އެފަދަ ކެމިކަލްތަކުން އުފައްދާ އެސިޑާއި ބާވަތް ބާވަތުގެ ވިހަ، ދިވެހިރާއްޖެއަށް ގެނައުމާއި، އެ ތަކެތި ގުދަންކުރުމާއި، ދިވެހިރާއްޖޭގައި ގެންގުޅުމުގައި ޢަމަލުކުރަންވީ އުސޫލުތައް ބަޔާންކުރާ ގަވާއިދެވެ.
(ށ) މި ގަވާއިދަށް ކިޔާނީ "ނުރައްކާތެރި ކެމިކަލާބެހޭ ގަވާއިދު" އެވެ.މަޤްޞަދު 2 .މިގަވާއިދުގެ މަޤްޞަދަކީ:-
- ނުރައްކާތެރި ކެމިކަލަކީ ކޮބައިކަން ކަނޑައެޅުމާއި؛
- ނުރައްކާތެރި ކެމިކަލް ދިވެހިރާއްޖެއަށް އެތެރެކުރާ ފަރާތްތަކުން ޢަމަލުކުރަންޖެހޭ އުސޫލުތައް ކަނޑައަޅައި ބަޔާން ކުރުމާއި؛
- ނުރައްކާތެރި ކެމިކަލް ރާއްޖެއަށް އެތެރެކޮށް، ގުދަންކޮށް، ނައްތާލުމާއި،ބޭނުންކުރުމުގައި ޢަމަލު ކުރަންޖެހޭ ގޮތްތަކާއި، ރައްކާތެރިކަމުގެ ގޮތުން އަޅަންޖެހޭ ފިޔަވަޅުތައް ބަޔާންކުރުމާއި؛
- ނުރައްކާތެރި ކެމިކަލް އެތެރެކޮށް، އެ ތަކެތި ވިއްކާ ފަރާތްތަކުން ޢަމަލުކުރަންޖެހޭގޮތް ބަޔާން ކުރުމެވެ.
3 ވަނަ މާއްދާ - ނުރައްކާތެރި ކެމިކަލް
މި ގަވާއިދުގެ ބޭނުމަށް، ނުރައްކާތެރި ކެމިކަލްގެ ގޮތުގައި ބެލެވޭނީ މިގަވައިދުގެ ޖަދުވަލު 6 ގައިވާ ލިސްޓުގައި ހިމެނޭ ކެމިކަލް ފިޔަވައި އެހެން ކެމިކަލްތަކެވެ.
4 ވަނަ މާއްދާ - ގަވާއިދު ހިންގައި ތަންފީޒު ކުރުން
(ހ) މި ގަވާއިދު ހިންގައި، ގަވާއިދު ތަންފީޒުކޮށް، ގަވާއިދަށް ގެންނަންޖެހޭ އިޞްލާޙުތައް ގެންނާނީ، މިނިސްޓްރީންނެވެ.
(ށ) މި ގަވާއިދަށް ޢަމަލުކުރަން ފަށާނީ، ދިވެހިސަރުކާރުގެ ގެޒެޓުގައި މި ގަވާއިދު ޝާއިޢުކުރާ ދުވަހުން ފެށިގެންނެވެ.
(ނ) މި ގަވާއިދު ތަންފީޒުކުރަން ފަށާ ތާރީޚުން ފެށިގެން 3 (ތިނެއް) މަސްދުވަހުގެ ތެރޭގައި ދިވެހިރާއްޖެއަށް ކެމިކަލް އެތެރެކޮށް، ލޭބަލްކޮށް، އެއްތަނުން އަނެއްތަނަށް އުފުލައި، ގުދަންކޮށް، ބޭނުންކޮށް، ވިއްކައި، ނައްތައިލަން ވާނީ މި ގަވާއިދުގައިވާ ގޮތުގެ މަތީންނެވެ.
(ރ) މި ގަވާއިދު ތަންފީޒުކުރަން ފަށާއިރު ރާއްޖޭގައި ހުރި ކެމިކަލް ގުދަންކުރާ ތަންތަނާއި ކެމިކަލް ވިއްކާ ތަންތަނުގައި، މި ގަވާއިދު ތަންފީޒު ކުރަން ފަށާތާ 3 (ތިނެއް) މަސްދުވަހުގެ ތެރޭގައި، މި ގަވާއިދުގައި ބަޔާންކޮށްފައިވާ ކަންތައްތައް ފުރިހަމަ ކުރަންވާނެއެވެ.
5 ވަނަ މާއްދާ - ނުރައްކާތެރި ކެމިކަލް އެތެރެކުރުމުގެ ހުއްދަ ދިނުން
(ހ) ނުރައްކާތެރި ކެމިކަލް ރާއްޖެއަށް އެތެރެކުރުމުގެ ކުރިން މިނިސްޓްރީއަށް ހުށަހަޅައިގެން އެކަމުގެ ހުއްދަ ހޯދަން ވާނެއެވެ. ހުއްދައަށް އެދި ހުށަހެޅުމުން މި ގަވާއިދުގައިވާ ކަންކަން ފުރިހަމަކޮށްފައިވޭތޯ ބެލުމަށްފަހު، އެކަންކަން ފުރިހަމަކޮށްފައިވާ ފަރާތްތަކަށްހުއްދަ ދޫކުރެވޭނެއެވެ.
(ށ) މި ހުއްދަ އަށް އެދި ހުށަހަޅަންވާނީ މިނިސްޓްރީން އެކަމަށް ތައްޔާރުކޮށްފައިވާ ފޯމުމެދުވެރިކޮށެވެ. މިގޮތުން ހުށަހަޅާއިރު، ކޮންމެ ޝިޕްމަންޓަކަށް ވަކި ފޯމެއް ހުށަހަޅަންވާނެއެވެ.
(ނ) ނުރައްކާތެރި ކެމިކަލް އެތެރެކުރުމުގެ ހުއްދަ ދެވޭނީ މި މާއްދާގެ (ށ) ގައި ބަޔާންކުރާ ފޯމު ފުރުމަށްފަހު މިނިސްޓްރީއަށް ހުށަހެޅުމުން، އަންނަނިވި ކަންކަމަށް ބެލުމަށްފަހު އެވެ.
- ކެމިކަލް އެތެރެކުރާ ބޭނުން ސާފުކޮށް ބަޔާންކޮށްފައި އޮތުން؛
- މި ގަވާއިދުގެ ޖަދުވަލު 1 ގައި ކަނޑައަޅައިފައިވާ އުސޫލުތަކާ އެއްގޮތަށް ރައްކާތެރިކަމާއެކު އެ ކެމިކަލް އުފުލައި ގެންގުޅުމުގެ އިންތިޒާމް ހަމަޖެހިފައި ހުރުން؛
6 ވަނަ މާއްދާ -
މި ގަވާއިދަށް ގެނެވުނު އިސްލާހު
މައި ގާނޫނު
ރާއްޖެއަށް ގެނައުން މަނާތަކެތީގެ ގާނޫނު (ގާނޫނު ނަންބަރު 1975-04)
ކިޔުންތެރިންގެ ހިޔާލު