ވަޒީފާއާބެހޭ ޓްރައިބިއުނަލުގެ ގަވާއިދު (ގަވާއިދު ނަންބަރު 2022-14) އަށް 3 ވަނަ އިސްލާހު ގެނައުމުގެ ގަވާއިދު

(މި ގަވާއިދަށް އަމަލުކުރަން ފެށީ 29 ސެޕްޓެމްބަރު 2026 ގައި)

ގަވާއިދު ނަންބަރު 2022-14 (ވަޒީފާއާބެހޭ ޓްރައިބިއުނަލުގެ ގަވާއިދު) އަށް އަންނަނިވި އިސްލާހުތައް ގެނައުން.

1 ވަނަ މާއްދާ - ބުނެވިދިޔަ ގަވާއިދުގެ 33 ވަނަ މާއްދާގެ (ބ) އާއި، (ޅ) އާއި، (ކ) އާއި، (އ) އަންނަނިވި ގޮތަށް އިސްލާހުކުރުން.

މައްސަލައިގެ ލިޔެކިޔުން ހަވާލުކުރުމާއި ޖަވާބު ހުށަހަޅާ ފޯމު ހުށަހެޅުން 33.

(ބ) މި މާއްދާގެ ދަށުން ޖަވާބު ހުށަހެޅުމަށް ދީފައިވާ މުއްދަތު އިތުރުކޮށްދިނުމަށް އެދޭ ނަމަ، ޖަވާބު ހުށަހެޅުމަށް ދީފައިވާ މުއްދަތު ހަމަވުމުގެ ކުރިން މުއްދަތު އިތުރުކޮށްދިނުމަށް ސަބަބާއެކު ލިޔުމުން އެދެންވާނެއެވެ.

(ޅ) މި މާއްދާގެ (ބ) ގެ ދަށުން މުއްދަތު އިތުރުކޮށްދިނުމަށް އެދިފައިވާ ސަބަބަކީ މަގުބޫލު ސަބަބެއްކަމަށް މައްސަލަ ބަލާ މަޖިލީހަށް ފެންނަ ނަމަ، މުއްދަތު އިތުރުކޮށްދިނުމުގެ އިހުތިޔާރު މައްސަލަ ބަލާ މަޖިލީހަށް ލިބިގެންވެއެވެ. އަދި މިފަދައިން މުއްދަތު އިތުރުކުރެވުނުކަމުގައި ބަލަންވާނީ، ޓްރައިބިއުނަލުން ލިޔުމުން އެކަން އެންގުމުންނެވެ.

(ކ) މި މާއްދާގެ ދަށުން ޖަވާބު ހުށަހެޅުމަށް ދީފައިވާ މުއްދަތުގެ ތެރޭގައި ޖަވާބު ހުށަހަޅައިފައިނުވާ ނަމަ، މައްސަލައަށް ޖަވާބުދާރީނުވީކަމުގައި ކަނޑައަޅައި މައްސަލަ ރައްދުވާ ފަރާތުގެ ގައިރުހާޒިރުގައި މައްސަލަ ކުރިޔަށްގެންދިޔުމަށް ނިންމައިފައިވާކަން، މައްސަލައިގައި ހިމެނޭ ފަރާތްތަކަށް ލިޔުމުން އަންގަންވާނެއެވެ.

(އ) މި މާއްދާގެ (ކ) ގައި އެހެން ބަޔާންކޮށްފައި އޮތްނަމަވެސް، މައްސަލައިގައި އަދުލުވެރި ނިންމުމަކަށް ވާސިލުވުމަށް ޓަކައި ބޭނުންވާ ލިޔެކިޔުމެއް ނުވަތަ ރިކޯޑެއް ނުވަތަ މައުލޫމާތެއް، ޓްރައިބިއުނަލުން ކަނޑައަޅާ މުއްދަތެއްގެ ތެރޭގައި ޓްރައިބިއުނަލަށް ހުށަހެޅުމަށް، މައްސަލަ ރައްދުވާ ފަރާތުގެ މައްޗަށް އަމުރުކުރުމުގެ އިހުތިޔާރު، މައްސަލަ ބަލާ މަޖިލީހަށް ލިބިގެންވެއެވެ.

2 ވަނަ މާއްދާ - ބުނެވިދިޔަ ގަވާއިދުގެ 33 ވަނަ މާއްދާގެ (ވ) އާއި، (މ) އާއި، (ފ) އާއި، (ދ) އާއި، (ތ) އާއި، (ލ) އާއި، (ގ) އާއި، (ޏ) އާއި، (ސ) އުނިކުރުން.

3 ވަނަ މާއްދާ - މި ގަވާއިދަށް އަމަލުކުރަން ފަށާނީ، ވަޒީފާއާބެހޭ ޓްރައިބިއުނަލުގެ އާންމު މަޖިލީހުން މި ގަވާއިދު ފާސްކޮށް، ދިވެހި ސަރުކާރުގެ ގެޒެޓުގައި ށާއިއުކުރާ ތާރީހުން ފެށިގެންނެވެ.

މައި ގަވާއިދު

ވަޒީފާއާބެހޭ ޓްރައިބިއުނަލުގެ ގަވާއިދު (ގަވާއިދު ނަންބަރު 2022-14)

ކޮންސޮލިޑޭޓެޑް ގަވާއިދު

ވަޒީފާއާބެހޭ ޓްރައިބިއުނަލުގެ ގަވާއިދު (ކޮންސޮލިޑޭޓެޑް ނަންބަރު 2022-14)