ހުސްނުވާ އާސަންދަ ސްކީމް ހިންގުމުގެ ގަވާއިދު (ގަވާއިދު ނަންބަރު 2015-19) އަށް 3 ވަނަ އިސްލާހު ގެނައުމުގެ ގަވާއިދު
(ގަވާއިދު ނަންބަރު 2026-18)
(މި އުސޫލަށް އަމަލުކުރަން ފެށީ 1 އެޕްރީލް 2026 ގައި)
ގަވާއިދު ނަންބަރު 2015-19 (ހުސްނުވާ އާސަންދަ ސްކީމް ހިންގުމުގެ ގަވާއިދު) އަށް އަންނަނިވި އިސްލާހުތައް ގެނައުން.
1 ވަނަ މާއްދާ - ބުނެވިދިޔަ ގަވާއިދުގެ 10 ވަނަ މާއްދާގެ (ވ) އަންނަނިވި ގޮތަށް އިސްލާހުކުރުން.
ސްކީމުގެ ދަށުން ހިދުމަތްދޭ ފަރާތްތަކުން ހިފަހައްޓަންޖެހޭ މައިގަނޑު އުސޫލުތައް 10.
(ވ) އެމްބިއުލާންސްގައި ގެންނަ ބަލިމީހުންނަށް ސްކީމުގެ ދަށުން އެމްބިއުލާންސްގެ ހަރަދަށް ބިލުކުރެވޭނީ އަންނަނިވި ހާލަތްތަކުގައެވެ.
- އިމަރޖެންސީގައި ނުވަތަ ކުއްލި ހާލަތްތަކުގައި ގެންނަ ފަރާތްތައް؛
- މައްޔިތުން އެންބިއުލާންސްގައި އުފުލުން؛
- އެނދުމަތިކުރެވިފައިވާ (ބެޑްރިޑަން) ފަރާތްތައް އައުޓް ޕޭށަންޓް ހިދުމަތް ހޯދުމަށް ގެނައުން؛
- ވީލްޗެއަރގައި ގެންގުޅެންޖެހޭ ފަރާތްތައް (ވީލްޗެއަރ ބައުންޑް) އައުޓް ޕޭށަންޓް ހިދުމަތް ހޯދުމަށް ގެންނަ ހާލަތްތަކުގައްޔާއި، ނުކުޅެދުންތެރިކަން ހުންނަ ފަރާތްތައް (ފިޒިކަލް ޑިސްއެބިލިޓީ، މެންޓަލް ޑިސްއެބިލިޓީ، އޯޓިޒަމް، ޑައުންސިންޑްރޯމް ހުންނަ ފަރާތްތައް ވެސް ހިމެނޭހެން) އައުޓް ޕޭށަންޓް ހިދުމަތް ހޯދުމަށް ގެނައުން؛
- ސިއްހީ ހިދުމަތްދޭ މަރުކަޒެއްގައި އެނދުމަތިކުރެވިފައިވާ ފަރާތެއް އިތުރު ފަރުވާއަކަށް ނުވަތަ ތަހުލީލަކަށް، ސިއްހީ ހިދުމަތްދޭ އެހެން މަރުކަޒަކަށް ގެންދިޔުން؛
- އެނދުމަތިކޮށްފައިވާ ބަލިމީހާ، އާސަންދަ ސްކީމް މެދުވެރިކޮށް އިވެކުއޭޓްކުރެވޭ ހާލަތްތަކުގައި ނުވަތަ ރާއްޖެއިން ބޭރަށް އިތުރު ފަރުވާއަށް ރިފަރކުރެވޭ ހާލަތްތަކުގައި، ބަލިމީހާ ޖެޓީއަށް ނުވަތަ އެއަރޕޯޓަށް ގެންދިޔުން؛
- ތެލަސީމިއާ ބަލި ތަހައްމަލްކުރާ ފަރާތްތައް އައުޓް ޕޭށަންޓް ހިދުމަތް ހޯދުމަށް ގެނައުން.
2 ވަނަ މާއްދާ - މި ގަވާއިދަށް އަމަލުކުރަން ފަށާނީ، 1 އެޕްރީލް 2026 އިން ފެށިގެންނެވެ.
މައި ގަވާއިދު
ހުސްނުވާ އާސަންދަ ސްކީމް ހިންގުމުގެ ގަވާއިދު (ގަވާއިދު ނަންބަރު 2015-19)
ކޮންސޮލިޑޭޓެޑް ގަވާއިދު
ހުސްނުވާ އާސަންދަ ސްކީމް ހިންގުމުގެ ގަވާއިދު (ކޮންސޮލިޑޭޓެޑް ނަންބަރު 2015-19)
ކިޔުންތެރިންގެ ހިޔާލު