ކުޑަކުދިންނާ ގުޅޭ މައްސަލަ ބެލުމުގެ އުސޫލުތައް ކަނޑައެޅުމުގެ ގަވާއިދު (ގަވާއިދު ނަންބަރު 2020-72) އަށް 1 ވަނަ އިސްލާހުގެ ގެނައުމުގެ ގަވާއިދު
(ގަވާއިދު ނަންބަރު 2026-09)
(މި ގަވާއިދަށް އަމަލުކުރަން ފެށީ 1 މާރިޗު 2026 ގައި)
ގަވާއިދު ނަންބަރު 2020-72 (ކުޑަކުދިންނާ ގުޅޭ މައްސަލަ ބެލުމުގެ އުސޫލުތައް ކަނޑައެޅުމުގެ ގަވާއިދު) އަށް އަންނަނިވި އިސްލާހުތައް ގެނައުން.
1 ވަނަ މާއްދާ - ބުނެވިދިޔަ ގަވާއިދުގެ 7 ވަނަ މާއްދާ އަންނަނިވި ގޮތަށް އިސްލާހުކުރުން.
މައްސަލަ ބެލުމުގެ ނިޒާމުގައި މަސައްކަތްކުރާ މުވައްޒަފުން ތަބާވާންޖެހޭ ހަމަތައް 7.
ޗައިލްޑް އެންޑް ފެމިލީ ޕްރޮޓެކްށަން ސަރވިސްގެ މައްސަލަ ބެލުމުގެ ނިޒާމުގައި މަސައްކަތްކުރާ މުވައްޒަފުން ތަބާވާންޖެހޭ މަސައްކަތު އަހުލާގާއި ސުލޫކީ މިންގަނޑު، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާތާ 3 (ތިނެއް) މަސްދުވަހުގެ ތެރޭގައި އެކުލަވައިލަންވާނެއެވެ.
2 ވަނަ މާއްދާ - ބުނެވިދިޔަ ގަވާއިދުގެ 12 ވަނަ މާއްދާގެ (ހ) އަންނަނިވި ގޮތަށް އިސްލާހުކުރުން.
މައްސަލަ އެންޓްރީކުރުމާއި ރަޖިސްޓަރީކުރުން 12.
(ހ) މިނިސްޓްރީއަށް ހުށަހެޅޭ ހުރިހާ މައްސަލައެއް ވެސް އެންޓްރީ ކުރަންވާނެއެވެ. އަދި މިނިސްޓްރީއަށް ހުށަހެޅޭ މައްސަލަތަކުގެ ތެރެއިން، މައްސަލައެއްގެ ގޮތުގައި ރަޖިސްޓަރީކުރާނީ، އޮން-ކޯލު ކޭސް ވާރކަރު އިނީށިއަލް ސްކްރީނިންގ އެސެސްމަންޓް ހެދުމަށްފަހު، އެ މައްސަލައަށް އިތުރަށް މައުލޫމާތު ހޯދަންޖެހޭ މައްސަލަތަކުގައްޔާއި، ކުއްޖާގެ ރައްކައުތެރިކަން ކަށަވަރުނުވާ ހާލަތުގައެވެ. މީގެ އިތުރުން، އެފަދަ ހާލަތެއް ނެތްކަން ކަށަވަރުވާ ނަމަ، އެ މައްސަލަ ނިމުނީކަމުގައި ބަލަންވާނެއެވެ.
3 ވަނަ މާއްދާ - ބުނެވިދިޔަ ގަވާއިދުގެ 13 ވަނަ މާއްދާގެ (ނ) ގެ ފަހަތަށް (ރ) ގެ ގޮތުގައި އަންނަނިވި ފަދައިން އަކުރެއް އިތުރުކުރުން
މޯލްޑިވްސް ޕޮލިސް ސަރވިސްއަށް ވަގުތުން އަންގަންޖެހޭ މައްސަލަތައް 13.
(ރ) މި މާއްދާގެ (ހ) ގައި އެހެން ބަޔާންކޮށްފައި އޮތް ނަމަވެސް، ސަރުކާރު ބަންދު ދުވަހެއްގައި މައްސަލައެއްގެ ރިފަރަލް ހަދަން ޖެހިއްޖެ ނަމަ، ފޯނުން ގުޅައިގެން ވަގުތުން އެ މައްސަލައެއް ފުލުހުންނަށް އެންގުމަށްފަހު، ގިނަވެގެން 72 (ހަތްދިހަ ދޭއް) ގަޑިއިރުގެ ތެރޭގައި، މި ގަވާއިދުގެ ޖަދުވަލު 2 ގައިވާ "މައްސަލައިގެ ރިފަރަލް ހުށަހަޅާ ފޯމު" މެދުވެރިކޮށް، އެ ރިފަރަލްއެއް، ދިވެހި ފުލުހުންގެ ހިދުމަތަށް، ކޭސް މެނޭޖްމަންޓުން ފޮނުވަންވާނެއެވެ.
4 ވަނަ މާއްދާ - ބުނެވިދިޔަ ގަވާއިދުގެ 15 ވަނަ މާއްދާގެ (ހ) އާއި (ށ) އާއި (ނ) އަންނަނިވި ގޮތަށް އިސްލާހުކުރުން.
އިނީށިއަލް ސްކްރީނިންގ އެސެސްމަންޓް ހެދުން 15.
(ހ) ޗައިލްޑް އެންޑް ފެމިލީ ޕްރޮޓެކްށަން ސަރވިސްއަށް މައްސަލައެއް ހުށަހެޅުމުން، ފޯނު މެދުވެރިކޮށް އެ މައްސަލައިގެ މައުލޫމާތު ހޯދައި، 24 (ސައުވީސް) ގަޑިއިރުގެ ތެރޭގައި ކުއްޖާގެ އިނީށިއަލް ސްކްރީނިންގ އެސެސްމަންޓު ހަދަންވާނެއެވެ.
(ށ) މި މާއްދާގެ (ހ) ގައި ބަޔާންކޮށްފައިވާ ފަދައިން ފޯނުން ގުޅައިގެން މައުލޫމާތު ނުލިބިއްޖެ ނަމަ، ކުއްޖާ ދިރިއުޅޭ ގެއަށް ޒިޔާރަތްކޮށްގެން މައުލޫމާތު ހޯދައިފައި، އިނީށިއަލް ސްކްރީނިންގ އެސެސްމަންޓު ހަދަންވާނެއެވެ.
(ނ) ކުއްޖަކާ ބައްދަލުކުރުމަށް އެ ކުއްޖާ ހުރި ރަށަކަށް ކޭސް ވާރކަރު ދަތުރުކުރަންޖެހޭ ހާލަތުގައި، މި މާއްދާގެ (ހ) ގައި ބަޔާންކޮށްފައިވާ މުއްދަތުގެ ތެރޭގައި އެކަށީގެންވާ ސަބަބަކާ ހެދި އިނީށިއަލް ސްކްރީނިންގ އެސެސްމަންޓް ހަދަން ނުދެވޭ ހާލަތުގައި، ގަޑިއިރުގެ ތެރޭގައި އިނީށިއަލް ސްކްރީނިންގ އެސެސްމަންޓް އެ މައްސަލައެއް އެންޓްރީކުރާތާ ގިނަވެގެން 72 (ހަތްދިހަ ދޭއް) ހަދަންވާނެއެވެ.
5 ވަނަ މާއްދާ - ބުނެވިދިޔަ ގަވާއިދުގެ 19 ވަނަ މާއްދާގެ (ށ) އަންނަނިވި ގޮތަށް އިސްލާހުކުރުން.
ކޮމްޕްރިހެންސިވް އެސެސްމަންޓް ހެދުން 19.
އިނީށިއަލް ސްކްރީނިންގ އެސެސްމަންޓް ހަދާތާ ގިނަވެގެން 14 (ސާދަ) ދުވަހުގެ ތެރޭގައި ކޮމްޕްރިހެންސިވް އެސެސްމަންޓް ހަދައި، ފުރިހަމަކުރަންވާނެއެވެ.
6 ވަނަ މާއްދާ - ބުނެވިދިޔަ ގަވާއިދުގެ ޖަދުވަލު 1 އާއި، ޖަދުވަލު 2 އާއި، ޖަދުވަލު 3 އާއި، ޖަދުވަލު 4 އާއި، ޖަދުވަލު 5 އާއި، ޖަދުވަލު 6 އާއި، ޖަދުވަލު 7 އާއި، ޖަދުވަލު 8 އިސްލާހުކުރުން.
7 ވަނަ މާއްދާ - އަމަލުކުރަން ފަށާ ތާރީހު
މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވެ.
މައި ގަވާއިދު
ކުޑަކުދިންނާ ގުޅޭ މައްސަލަ ބެލުމުގެ އުސޫލުތައް ކަނޑައެޅުމުގެ ގަވާއިދު (ގަވާއިދު ނަންބަރު 2020-72)
ކިޔުންތެރިންގެ ހިޔާލު