ދިވެހިރާއްޖޭގައި ޓޫރިސްޓް ހޮޓާ ތަރައްގީކުރުމާއި ހިންގުމާބެހޭ ގަވާއިދު (ގަވާއިދު ނަންބަރު 2013-1652) އަށް 2 ވަނަ އިސްލާހު ގެނައުމުގެ ގަވާއިދު
(ގަވާއިދު ނަންބަރު 2025-72)
(މި ގަވާއިދަށް އަމަލުކުރަން ފެށީ 10 ޖުލައި 2013 ގައި)
ގަވާއިދު ނަންބަރު 2013-1652 (ދިވެހިރާއްޖޭގައި ޓޫރިސްޓް ހޮޓާ ތަރައްގީކުރުމާއި ހިންގުމާބެހޭ ގަވާއިދު) އަށް އަންނަނިވި އިސްލާހުތައް ގެނައުން.
1 ވަނަ މާއްދާ - ބުނެވިދިޔަ ގަވާއިދުގެ 2 ވަނަ މާއްދާގެ ފެށޭ އިބާރާތް އަންނަނިވި ގޮތަށް އިސްލާހުކުރުން.
ޓޫރިސްޓް ހޮޓަލެއް ހިންގުމުގެ ހުއްދަ ދޫކުރެވޭނީ، ޓޫރިސްޓް ރިޒޯޓެއް ނުވަތަ ރިޒޯޓް ހޮޓަލެއް ނުވަތަ ޓޫރިސްޓް ގެސްޓްހައުސްއެއް ކަމުގައި ނުބެލެވޭ، ތިރީގައި ބަޔާންކޮށްފައިވާ ތަންތަނުގައި ތަރައްގީކުރާ ޓޫރިސްޓު ހޮޓަލަށެވެ.
2 ވަނަ މާއްދާ - ބުނެވިދިޔަ ގަވާއިދުގެ 2 ވަނަ މާއްދާގެ (ހ) އަންނަނިވި ގޮތަށް އިސްލާހުކުރުން.
(ހ) ޓޫރިސްޓް ހޮޓާ ހިންގުމުގެ ހުއްދައަށް އެދޭ ތަނަކީ، ޓޫރިޒަމާބެހޭ ގާނޫނުގެ 4 ވަނަ މާއްދާގައި ބަޔާންކޮށްފައިވާ ގޮތުގެ މަތީން ޓޫރިސްޓް ހޮޓާ ތަރައްގީކުރުމަށް ކަނޑައަޅައިފައިވާ ރަށެއްގައި ނުވަތަ ސަރަހައްދެއްގައި ތަރައްގީކޮށްފައިވާ ތަނެއްކަމުގައި ވުން؛
3 ވަނަ މާއްދާ - ބުނެވިދިޔަ ގަވާއިދުގެ 2 ވަނަ މާއްދާގެ (ށ) ގެ ފަހަތަށް (ނ) ގެ ގޮތުގައި އަކުރެއް އިތުރުކުރުން.
(ނ) މި ގަވާއިދަށް އަމަލުކުރަން ފެށުމުގެ ކުރިން، ދައުލަތުގެ އިދާރާއަކުން، ވަކި މަށްރޫއަކާ ގުޅުވައިގެން ފަތުރުވެރިކަމުގެ ބޭނުމަށް ދޫކޮށްފައިވާ ބިމެއްގައި ނުވަތަ ސަރަހައްދެއްގައި ތަރައްގީކޮށްފައިވާ ތަނެއްކަމުގައި ވުން.
4 ވަނަ މާއްދާ - ބުނެވިދިޔަ ގަވާއިދުގެ 4 ވަނަ މާއްދާގެ ފެށޭ އިބާރާތް އަންނަނިވި ގޮތަށް އިސްލާހުކުރުން.
މި ގަވާއިދުގެ 2 ވަނަ މާއްދާގައި ބަޔާންކޮށްފައިވާ ތަންތަނުގައި ތަރައްގީކޮށްފައިވާ ޓޫރިސްޓް ހޮޓަލަށް، ޓޫރިސްޓް ހޮޓާ ހިންގުމުގެ ހުއްދަ ދޫކުރެވޭނީ، ތިރީގައި ބަޔާންކޮށްފައިވާ ށަރުތުތައް ފުރިހަމަވާ ނަމައެވެ.
5 މަނަ މާއްދާ - ބުނެވިދިޔަ ގަވާއިދުގެ 4 ވަނަ މާއްދާގެ (ރ) އުނިކޮށްފައި އެ މާއްދާގެ އަކުރުތައް ތަރުތީބުކުރުން.
6 ވަނަ މާއްދާ - މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ތާރީހުން ފެށިގެންނެވެ.
މައި ގަވާއިދު
ޓޫރިސްޓް ހޮޓާ ތަރައްގީކުރުމާއި ހިންގުމާ ބެހޭ ގަވާއިދު (ގަވާއިދު ނަންބަރު 2013-1652)
ކޮންސޮލިޑޭޓެޑް ގަވާއިދު
ޓޫރިސްޓް ހޮޓާ ތަރައްގީކުރުމާއި ހިންގުމާ ބެހޭ ގަވާއިދު (ކޮންސޮލިޑޭޓެޑް ނަންބަރު 2013-1652)
ކިޔުންތެރިންގެ ހިޔާލު