ދިވެހިރާއްޖޭގެ އެއަރޕޯޓަކުން ދިވެހިރާއްޖޭން ބޭރަށް ފުރާ ފަސިންޖަރުންގެ އަތުން ޓެކްސްއާއި ފީ ނެގުމާބެހޭ ގަވާއިދު (ގަވާއިދު ނަންބަރު 2017-11) އަށް 2 ވަނަ އިސްލާހު ގެނައުމުގެ ގަވާއިދު
(ގަވާއިދު ނަންބަރު 2024-110)
(މި ގަވާއިދަށް އަމަލުކުރަން ފެށީ 7 ނޮވެމްބަރު 2024 ގައި)
ގަވާއިދު ނަންބަރު 2017-11 (ދިވެހިރާއްޖޭގެ އެއަރޕޯޓަކުން ދިވެހިރާއްޖޭން ބޭރަށް ފުރާ ފަސިންޖަރުންގެ އަތުން ޓެކްސްއާއި ފީ ނެގުމާބެހޭ ގަވާއިދު) އަށް އަންނަނިވި އިސްލާހުތައް ގެނައުން.
1 ވަނަ މާއްދާ - ބުނެވިދިޔަ ގަވާއިދުގެ 10 ވަނަ މާއްދާގެ (ނ) ގެ ފަހަތަށް އަންނަނިވި ގޮތަށް އަކުރެއް އިތުރުކުރުން.
(ރ) މި މާއްދާގެ (ނ) ގައި އެހެން ބަޔާންކޮށްފައި އޮތް ނަމަވެސް، 1 ޑިސެންބަރު 2024 ގައި ނުވަތަ އެ ތާރީހުގެ ފަހުން ދަތުރުކުރުމަށް ޓަކައި، 1 ޑިސެންބަރު 2024 ގައި ނުވަތަ އެ ތާރީހުގެ ފަހުން ޓިކެޓު ގަންނަ ނުވަތަ ފުރާ ދުވަސް ބަދަލުކުރާ ފަސިންޖަރުންގެ އަތުން އެއަރޕޯޓް ޑިވެލޮޕްމަންޓް ފީ ނަގާނީ، ގާނޫނުގެ 3 ވަނަ މާއްދާގެ (ހ) ގެ (3) ވަނަ ނަންބަރުގައިވާ ރޭޓުތަކުގައެވެ.
2 ވަނަ މާއްދާ - ބުނެވިދިޔަ ގަވާއިދުގެ 1-10 ވަނަ މާއްދާގެ (ށ) ގެ ފަހަތަށް އަންނަނިވި ގޮތަށް އަކުރެއް އިތުރުކުރުން.
(ނ) މި ގަވާއިދުގެ އެހެން މާއްދާއެއްގައި އެހެން ގޮތަކަށް ބަޔާންކޮށްފައި އޮތް ނަމަވެސް، 1 ޑިސެންބަރު 2024 ގައި ނުވަތަ އެ ތާރީހުުގެ ފަހުން ދަތުރުކުރުމަށް ޓަކައި، 1 ޑިސެންބަރު 2024 ގައި ނުވަތަ އެ ތާރީހުުގެ ފަހުން ޓިކެޓު ގަންނަ ނުވަތަ ފުރާ ދުވަސް ބަދަލުކުރާ ފަސިންޖަރުންގެ އަތުން ޑިޕާޗަރ ޓެކްސް ނަގާނީ، ގާނޫނުގެ 1-2 ވަނަ މާއްދާގެ (ހ) ގެ (2) ވަނަ ނަންބަރުގައިވާ ރޭޓުތަކުގައެވެ.
3 ވަނަ މާއްދާ - ބުުނެވިދިޔަ ގަވާއިދުގެ 3-12 ވަނަ މާއްދާގެ (ށ) އަންނަނިވި ގޮތަށް އިސްލާހުކުރުން.
(ށ) މި މާއްދާގެ (ހ) ރައްދުވާ ހާލަތުގައި، ފަސިންޖަރުގެ އަތުން ނަގަންޖެހޭ މިންވަރަށްވުރެ އިތުރަށް ޓެކްސް ނަގައިފައިވާ ނަމަ، އިތުރަށް ނަގައިފައިވާ ޓެކުހުގެ އަދަދާ ގުޅޭގޮތުން އަމަލުކުރާނީ ގާނޫނުގެ 1-8 ވަނަ މާއްދާގައިވާ ގޮތުގެ މަތީންނެވެ.
4 ވަނަ މާއްދާ - ބުނެވިދިޔަ ގަވާއިދުގެ 3-12 ވަނަ މާއްދާގެ (ނ) އުނިކުރުން.
(ނ) (އުނިކޮށްފައި).
5 ވަނަ މާއްދާ - ބުުނެވިދިޔަ ގަވާއިދުގެ 18 ވަނަ މާއްދާ އަންނަނިވި ގޮތަށް އިސްލާހުކުރުން.
ގާނޫނާ ހިލާފަށް ނަގާ ޓެކުހާއި ފީ ރީފަންޑްކުރުން 18.
(ހ) ގާނޫނުގެ 8-1 ވަނަ މާއްދާގެ (ހ) ގެ ދަށުން ނުވަތަ މި ގަވާއިދުގެ 12-3 ވަނަ މާއްދާގެ (ށ) ގެ ދަށުން މީރާއަށް ދައްކައިފައިވާ އަދަދެއ،ް ފަސިންޖަރަށް އަނބުރާ ދީފައިވާ ނަމަ، ފަސިންޖަރަށް އެ ފައިސާ އަނބުރާ ދީފައިވާ މުއްދަތަށް ނިސްބަތްވާ އެއަރޕޯޓް ޓެކުހާއި ފީ ގެ ބަޔާނުގައި، އެ އަދަދު އަނބުރައި ހޯދުމަށް ހިމެނިދާނެއެވެ.
(ށ) މި މާއްދާގެ (ހ) ގައި ބަޔާންކޮށްފައިވާ ގޮތުގެ މަތީން އެއަރޕޯޓް ޓެކުހާއި ފީ ގެ ބަޔާނުގައި ހިމަނާ އަދަދަކާ ގުޅިގެން އުފެދޭ ކްރެޑިޓް، ރަޖިސްޓަރ ކޮށްފައިވާ ފަރާތަށް އަނބުރާ ދިނުމުގައި އަމަލުކުރާނީ، ގަވާއިދު ނަންބަރު 2013-45 (ޓެކްސް ނެގުމާބެހޭ އިދާރީ ގަވާއިދު) ގައި ބަޔާންކޮށްފައިވާ ގޮތަށެވެ.
6 ވަނަ މާއްދާ - މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ތާރީހުުން ފެށިގެންނެވެ.
ކިޔުންތެރިންގެ ހިޔާލު