ކަސްޓަމްސްގެ އާންމު (ގަވާއިދު ނަންބަރު 2011-41) އަށް 15 ވަނަ އިސްލާހު ގެނައުމުގެ ގަވާއިދު
(ގަވާއިދު ނަންބަރު 2024-107)
(މި ގަވާއިދަށް އަމަލުކުރަން ފެށީ 31 އޮކްޓޫބަރު 2024 ގައި)
ގަވާއިދު ނަންބަރު 2011-41 (ކަސްޓަމްސްގެ އުާންމު ގަވާއިދު 2011) އަށް އަންނަނިވި އިސްްލާހުތައް ގެނައުން.
1 ވަނަ މާއްދާ - ބުނެވިދިޔަ ގަވާއިދުގެ 20 ވަނަ މާއްދާގެ (ށ) އަންނަނިވި ގޮތަށް އިސްލާހުކުރުން.
ށިޕް ސްޓޯރސްއަށް މުދާ ދޫކުރުން 20.
(ށ) ބަނގުރަލާއި، އޫރުމަހާއި، އޫރުމަސް އެކުލެވޭ ތަކެއްޗާއި، ދުންފަތުގެ ބާވަތްތައް ށިޕް ސްޓޯރސްގެ ގޮތުގައި އެތެރެކުރުމުގެ ހުއްދައެއް ނުދެވޭނެއެވެ.
2 ވަނަ މާއްދާ - ބުނެވިދިޔަ ގަވާއިދުގެ 20 ވަނަ މާއްދާގެ (ރ) އަންނަނިވި ގޮތަށް އިސްލާހުކުރުން.
ށިޕް ސްޓޯރސްއަށް މުދާ ދޫކުރުން 20.
(ށ) ދިވެހިރާއްޖެއަށް އެތެރެކުރުން މަނާ ތަކެތީގެ ތެރެއިން ހަތިޔާރުކަމަށް ބެލެވޭ އެއްވެސް ބާވަތެއް ދޫކުރެވޭނ،ީ މިނިސްޓްރީ އޮފް ޑިފެންސްއިން އެކަމަށް ހަދައިފައިވާ ގަވާއިދުތަކާ އެއްގޮތްވާ ގޮތުގެ މަތީންނެވެ. މަނާ ތަކެތީގެ ގޮތުގައި ބަޔާންކޮށްފައިވާ މި ނޫން އެއްވެސް އެއްޗެއް ށިޕްސްޓޯރސްގެ ގޮތުގައި ދުލެއް ނުކުރެވޭނެއެވެ.
3 ވަނަ މާއްދާ - ބުނެވިދިޔަ ގަވާއިދުގެ 58 ވަނަ މާއްދާ އަންނަނިވި ގޮތަށް އިސްލާހުކުރުން.
އޮޓަމެޓިކް އައިޑެންޓިފިކޭށަން ސިސްޓަމް އޮންކޮށްފައި ބެހެއްޓުމާއި، އުޅަނދު އައުމާއެކު ކަސްޓަމްސްއަށް އެންގުން 58.
ރާއްޖެއިން ބޭރުން ރާއްޖެއަށް އަންނ،ަ ކަނޑުގައި ދުއްވާ އުޅަނދުފަހަރުގައި ހަރުކޮށްފައި ހުންނަ އޮޓަމެޓިކް އައިޑެންޓިފިކޭށަން ސިސްޓަމް (AIS) އަބަދުވެސް ހުންނަންވާނީ "އޮން" ކޮށްފައެވެ. ރާއްޖެއިން ބޭރުން ރާއްޖެއަށް އަންނަ އުޅަނދުފަހަރު ރާއްޖޭގެ ބަނދަރަކަށް އައުމާއެކު، ބަނދަރު ހިންގާ ފަރާތުންނާއި އުޅަނދުގެ ވެރިފަރާތުން ނުވަތަ ށިޕިންގ އޭޖެންޓު ނުވަތަ އެއަރކްރާފްޓް އޮޕަރޭޓަރު ނުވަތަ އެއަރކްރާފްޓް އޮޕަރޭޓަރުގެ އޮތޮރައިޒްޑް އޭޖެންޓު ނުވަތަ މާސްޓަރު ނުވަތަ ޕައިލަޓ-ްއިނ-ްކޮމާންޑް، ކަސްޓަމްސްއަށް އެކަން އަންގަންވާނެއެވެ.
4 ވަނަ މާއްދާ - ބުނެވިދިޔަ ގަވާއިދުގެ 62 ވަނަ މާއްދާގެ (ހ) އަންނަނިވި ގޮތަށް އިސްލާހުކުރުން.
ކަނޑުމަގުން އަންނަ އުޅަނދުފަހަރުގެ މައުލޫމާތު ހުށަހެޅުން 62.
(ހ) ަނޑުމަގުން ރާއްޖެއަށް އަންނަ އުޅަނދުފަހަރުގެ ތެރެއިން، އޭޖެންޓަކު ހަމަޖައްސައިގެން އަންނަ އުޅަނދުފަހަރު، މި ގަވާއިދުގެ 85 ވަނަ މާއްދާގެ (ށ) ގައި ބަޔާންކޮށްފައިވާ ވަގުތުގެ ކުރިން، މި ގަވާއިދުގެ ޖަދުވަލު 8 ގައި ބަޔާންކޮށްފައިވާ، "ވެސެލް އެރައިވަލް އިންފޮމޭށަން ފޯމު" ފުރިހަމަކުރުމަށްފަހު، އެ އުޅަނދެއްގެ އޭޖެންޓު، އެ ފޯމ،ު ކަސްޓަމްސްއަށް ހުށަހަޅަންވާނެއެވެ. އަދި އެ ފޯމާއެކު، އުޅަނދު ބަނދަރުކުރަން ހަމަޖެހިފައިވާ ބަނދަރާއި އެ ބަނދަރަށް އައުމަށް ބޭނުންކުރާނެ ރޫޓާއި، ރާއްޖެއަށް ވަންނާނެ ސަރަހައްދު އެނގޭނެ ލިޔުންތަކާއި، އެ އުޅަނދެއްގެ ފަސިންޖަރުންނާއި ކުރޫއިންގެ ލިސްޓު، އެ އުޅަނދެއްގެ އޭޖެންޓު، ކަސްޓަމްސްއަށް ހުށަހަޅަންވާނެއެވެ. އޭޖެންޓަކު ނެތި ރާއްޖެއަށް އަންނަ އުޅަނދެއް ނަމަ، ހުށަހަޅަންވާނީ ފަސިންޖަރުންނާއި ކުރޫއިންގެ ލިސްޓެވެ. މި ލިޔުންތައް ކަސްޓަމްސްއަށް ހުށަހަޅާނީ ކްލިއަރެންސް ދޭ ގަޑީގައެވެ.
5 ވަނަ މާއްދާ - ބުނެވިދިޔަ ގަވާއިދުގެ 250 ވަނަ މާއްދާގެ (ނ) އަންނަނިވި ގޮތަށް އިސްލާހުކުރުން.
ބޮންޑެޑް ވެއަރހައުސް ރަޖިސްޓަރީކޮށްދިނުމުގައި ބަލާނެ މިންގަނޑު 250.
ބޮންޑެޑް ވެއަރހައުސް ހެދޭނީ ކަސްޓަމްސްގެ ކޮންޓްރޯލް އޮންނަ ސަރަހައްދުތަކުގައެވެ. ނަމަވެސް ކަސްޓަމްސްއިން ކަނޑައަޅައި އާންމުކުރާ އައިޓަމްތަކެއް ބެހެއްޓުމަށް ހާއްސަކުރާ ބޮންޑެޑް ވެއަރހައުސް ކަސްޓަމްސްގެ އޮފީސްތައް ހުންނަ ސަރަހައްދުތަކުގައި ހެދިދާނެއެވެ. މިގޮތުން ހެދޭ ތަނަކީ މީހުން ދިރިއުޅޭ އިމާރާތެއްގައި ނުވަތަ އިމާރާތުގެ ބައެއްގައި ހަދައިފައިވާ ތަނަކަށް ވެގެން ނުވާނެއެވެ.
6 ވަނަ މާއްދާ - ބުނެވިދިޔަ ގަވާއިދުގެ 251 ވަނަ މާއްދާގެ (ހ) އަންނަނިވި ގޮތަށް އިސްލާހުކުރުން.
ބޮންޑެޑް ވެއަރހައުސްގައި ބެހެއްޓުމަށް ހުއްދަ ދެވޭ މުދާ 251.
(ހ) ތިރީގައި ބަޔާންކޮށްފައިވާ ތަކެތި ފިޔަވައި، ރާއްޖެއަށް އެތެރެކުރުމާއި އަދި ރާއްޖެއިން ބޭރުކުރުން ހުއްދަ ކޮންމެ އެއްޗެއް ބެހެއްޓުމަށް ވެސް ބޮންޑެޑް ވެއަރހައުސްއެއް ރަޖިސްޓަރީ ކުރެވިދާނެއެވެ. އިންޓަރނޭށަނަލް އެއަރޕޯޓުތަކުގައި ޑިއުޓީ ހިލޭ ފިހާރަތައް ހިންގާ ފަރާތްތަކުން، ޑިއުޓީ ހިލޭ ފިހާރަތަކަށް ގެންނަ ތަކެތި ބެހެއްޓުމަށް ހާއްސަކޮށްފައި ހުންނަ ބޮންޑެޑް ވެއަރހައުސްތައް މީގެ ތެރެޔަކު ނުހިމެނޭނެއެވެ.
- ދުންފަތާއި، ދުންފަތުން ތައްޔާރުކޮށްފައި ހުންނަ ބާވަތްތަކާއި، ދުންފަތް އެކުލެވޭ ތަކެއްޗާއި، ދުންފަތުގެ ބަދަލުގައި ބޭނުންކުރާ ބާވަތްތައް؛
- އިލެކްޓްރޯނިކް ސިނގިރޭޓާއި، ވޭޕްކުރުމަށް ބޭނުންކުރާ އާލާތްތަކާއި އެއާއެކު ބޭނުންކުރުމަށް ތައްޔާރުކޮށްފައިވާ އުފެއްދުންތައް؛
- ނިކޮޓިން ނުވަތަ ނިކޮޓިން ފަދަ އެހެނިހެން ކެމިކަލް އެކުލެވޭ އެރޯސޮލް ބޭރުކޮށްދޭ ޓޮބޭކޯ ސްޓިކް ނުވަތަ އެ ނޫން ވެސް ދުންފަތުގެ އުފެއްދުންތައ.ް
7 ވަނަ މާއްދާ - ބުނެވިދިޔަ ގަވާއިދުގެ 267 ވަނަ މާއްދާގެ (ހ) ގެ )3( ވަނަ ނަންބަރު އުނިކުރުން.
8 ވަނަ މާއްދާ - ބުނެވިދިޔަ ގަވާއިދުގެ 543 ވަނަ މާއްދާގެ (ރ) އުނިކުރުން.
9 ވަނަ މާއްދާ - ބުނެވިދިޔަ ގަވާއިދުގެ 550 ވަނަ މާއްދާގެ (ރ) ގެ 29 ވަނަ ނަންބަރަށް (ނ) އާއި (ރ) އާއި (ބ) އިތުރުކުރުން.
| (ނ) | އިންވާރޑް ކާގޯ މެނިފެސްޓް ނުވަތަ އައުޓްވާރޑް ކާގޯ މެނިފެސްޓް ނުހިމަނައި ރާއްޖެއަށް ސިއްރުން މުދާ އެތެރެކުރުން ނުވަތަ ކުރަން އުޅުން ނުވަތަ ކުރުމުގައި ބައިވެރިވުން | ފަަހަރަކު 200,000 (ދެލައްކަ) ރުފިޔާ |
| (ރ) | އުުޅަނދު ބަނދަރުކުރަން ހަމަޖެހިފައިވާ ބަނދަރާއި، އެ ބަނދަރަށް އައުމަށް ބޭނުންކުރާނެ ރޫޓާއި، ރާއްޖެއަށް ވަންނާނެ ސަރަހައްދުކަމަށް ބުނެ ކަސްޓަމްސްއަށް ހުށަހަޅާ ލިޔުންތަކުގައި ބަޔާންކޮށްފައިވާ ގޮތާ ހިލާފަށް ދަތުރުކުރުން ނުވަތަ ބަނދަރުކުރުން. | ފަހަރަކު 100,000 (އެއްލައްކަ) ރުފިޔާ |
| (ބ) | ރާއްޖެއިން ބޭރުން ރާއްޖެއަށް އަންނަ ކަނޑު އުޅަނދުފަހަރުގައި ހަރުކޮށްފައި ހުންނަ އޮޓަމެޓިކް އައިޑެންޓިފިކޭށަން ސިސްޓަމް (AIS) ނިއްވައިލުން؛ | ފަަހަރަކު 200,000 (ދެލައްކަ) ރުފިޔާ |
10 ވަނަ މާއްދާ - މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވެ.
ކިޔުންތެރިންގެ ހިޔާލު