(މި ގަވާއިދަށް އަމަލުކުރަން ފެށީ 18 ސެޕްޓެމްބަރު 2024 ގައި)

ގަވާއިދު ނަންބަރު 2011-41 (ކަސްޓަމްސްގެ އާންމު ގަވާއިދު) އަށް އަންނަނިވި އިސްލާހުތައް ގެނައުން.

1 ވަނަ މާއްދާ - ބުނެވިދިޔަ ގަވާއިދުގެ 19 ވަނަ މާއްދާގެ (ހ) އަންނަނިވި ގޮތަށް އިސްލާހުކުރުން.

ށިޕް ސްޓޯރސްގެ ގޮތުގައި ދޫކުރެވޭ ތަކެތި 19.

(ހ) ށިޕް ސްޓޯރސްގެ ގޮތުގައި ބަލާނީ، މި ގަވާއިދުގެ 18 ވަނަ މާއްދާގައި ބަޔާންކޮށްފައިވާ އުޅަނދުފަހަރުގެ އިކުއިޕްމަންޓާއި، އާލާތާއި، ތެލާއި، ފެނާއި، ފަޅުވެރީންނަށް ބޭނުންވާ ކާބޯތަކެއްޗަށެވެ.

2 ވަނަ މާއްދާ - ބުނެވިދިޔަ ގަވާއިދުގެ 20 ވަނަ މާއްދާގެ (ހ) އަންނަނިވި ގޮތަށް އިސްލާހުކުރުން.

ށިޕް ސްޓޯރސް އަށް މުދާ ދޫކުރުން 20.

(ހ) ށިޕް ސްޓޯރސްގެ ގޮތުގައި އުޅަނދުފަހަރަށް މުދާ ގެންދެވޭނީ، މުދާ ގެންދެވޭ އުޅަނދުގެ ނަމުގައި ގަވާއިދުން ގުޑްސް ޑިކްލަރޭށަން ނިންމުމަށްފަހުގައެވެ. ށިޕްސްޓޯރސްގެ ގޮތުގައި ގެންދެވޭ ތަކެތީގެ ތެރެއިން ގުޑްސް ޑިކްލަރޭށަން ހުށަހަޅަން ނުޖެހޭ ތަކެއްޗާއި، އެފަދަ ތަކެތީގެ މައުލޫމާތު ކަސްޓަމްސްއަށް ހުށަހަޅަންޖެހޭ ގޮތް ކަސްޓަމްސްއިން  ކަނޑައަޅައި އާންމު ކުރަންވާނެއެވެ.

3 ވަނަ މާއްދާ - ބުނެވިދިޔަ ގަވާއިދުގެ ދެވަނަ ބައިގެ ހަތްވަނަ ބާބު އަންނަނިވި ގޮތަށް އިސްލާހުކުރުން 

ހަތްވަނަ ބާބު

ބަންކަރިންގގެ ހިދުމަތް ދިނުން

ބަންކަރިންގގެ ހިދުމަތާއި ހިދުމަތް ދެވޭނެ ފަރާތްތައް 95.

(ހ) މި ގަވާއިދުގެ ބޭނުމަށް، ބަންކަރިންގގެ ހިދުމަތްކަމުގައި ބުނެފައި އެވަނީ، ޑިއުޓީ ނުދައްކާ ހުންނަ ތެޔޮ، ކަނޑު އުޅަނދުފަހަރަށް އެޅުމުގެ ހިދުމަތަށާއި، ޑިއުޓީ ނުދައްކާ ހުންނަ ތެލާއި ޑިއުޓީ ދައްކައިފައި ހުންނަ ތެޔޮ، ރާއްޖެއިން ބޭރަށް ދަތުރުކުރާ ކަނޑު އުޅަނދުފަހަރަށް އެޅުމުގެ ހިދުމަތަށެވެ.

(ށ) ބަންކަރިންގގެ ހިދުމަތް ދެވޭނީ، ސަރުކާރުގެ ކަމާބެހޭ އިދާރާތަކުން މި ހިދުމަތް ދިނުމުގެ ހުއްދަ ދީފައިވާ ފަރާތްތަކަށެވެ.

ބަންކަރިންގ ހިދުމަތް ދިނުމަށް ފްލޯޓިންގ ބޮންޑް ނުވަތަ ފެސިލިޓީ ރަޖިސްޓަރީކުރުން 96.

(ހ) ބަންކަރިންގގެ ހިދުމަތް ދިނުމަށް ރާއްޖެއަށް ގެންނަ ތެޔޮ، ޑިއުޓީ ނުދައްކައި ބެހެއްޓުމަށް ފްލޯޓިންގ ބޮންޑެއް ނުވަތަ ފެސިލިޓީއެއް ކަސްޓަމްސްގައި ރަޖިސްޓަރީކުރަންވާނެއެވެ.

(ށ) މި މާއްދާގެ (ހ) ގެ ދަށުން ރަޖިސްޓަރީކުރާ ފްލޯޓިންގ ބޮންޑު ނުވަތަ ފެސިލިޓީ ރަޖިސްޓަރީކުރުމަށާއި މަހުފީގެ ގޮތުގައި، މި ގަވާއިދުގެ ޖަދުވަލު 36 ގައި ބަޔާންކޮށްފައިވާ ފީ ކަސްޓަމްސްއަށް ދައްކަންވާނެއެވެ.

(ނ) ބަންކަރިންގގެ ހިދުމަތް ދިނުމަށް ޓަކައި އިމްޕޯޓްކުރާ ތެޔޮ، މި މާއްދާގެ (ހ) ގައި ބަޔާންކޮށްފައިވާ ފްލޯޓިންގ ބޮންޑެއްގައި ނުވަތަ ފެސިލިޓީއެއްގައި އިމްޕޯޓް ޑިއުޓީ ނުދައްކައި 90 (ނުވަދިހަ) ދުވަހުގެ މުއްދަތަށް ބެހެއްޓިދާނެއެވެ.

(ރ) ބަންކަރިންގގެ ހިދުމަތް ދިނުމަށް ޓަކައި ފްލޯޓިން ބޮންޑު ހެދޭނީ ރާއްޖޭގައި ރަޖިސްޓަރީކޮށްފައި ހުންނަ އުޅަނދުފަހަރުގައެވެ. އަދި އެ އުޅަނދުފަހަރަކީ ރާއްޖެއިން ބޭރަށް ދަތުރުކުރާ އުޅަނދުފަހަރަށް ވެގެން ނުވާނެއެވެ.

ކަސްޓަމްސްގެ ކޮންޓްރޯލް އަދި ތެލުގެ ހިދުމަތްދޭއިރު ހާޒިރުގައި ތިބެންޖެހޭ ފަރާތްތައް 97.

(ހ) ބަންކަރިންގގެ ހިދުމަތް ދިނުމަށް ކަނޑައަޅާ ނުވަތަ ބަންކަރިންގގެ ހިދުމަތްދޭ ސަރަހައްދުތަކާއި ތަންތަނަކީ ކަސްޓަމްސްގެ ކޮންޓްރޯލުގައި އޮންނަ ސަރަހައްދުތަކުގެ ގޮތުގައި ބެލެވޭނެއެވެ. އޭގެ ތެރޭގައި، ސަރުކާރުގެ ކަމާބެހޭ އިދާރާތަކުން ކަނޑައަޅާ އޯފް ޕޯޓް ލިމިޓާއި، އޯފްށޯރ ސަރަހައްދާއި، ހާއްސަ ހާލަތެއް މެދުވެރިވެގެން އެ ތަންތަނުގެ ބޭރުން ބަންކަރިންގގެ ހިދުމަތްދޭ ސަރަހަ އްދުތަކާއި، ޑިއުޓީ ނުދައްކާ ހުންނަ ތެޔޮ ރައްކައުކޮށްފައި ހުންނަ ފްލޯޓިންގ ބޮންޑު ނުވަތަ ފެސިލިޓީ ފަދަ ތަންތަން ހިމެނޭނެއެވެ.

(ށ) ސަރުކާރުގެ ކަމާބެހޭ އިދާރާތަކުން ކަނޑައަޅާ އޯފް ޕޯޓް ލިމިޓާއި، އޯފްށޯރ ސަރަހައްދާއި، ހާއްސަ ހާލަތެއް މެދުވެރިވެގެން އެ ތަންތަނުގެ ބޭރުން ބަންކަރިންގގެ ހިދުމަތް ހޯދާ އުޅަނދުފަހަރު އެ ސަރަހައްދުގައި އޮންނައިރު އޮންނާނީ ކަސްޓަމްސްގެ ކޮންޓްރޯލުގެ ދަށުގައެވެ.

(ނ) އޯފް ޕޯޓް ލިމިޓާއި، އޯފްށޯރ ސަރަހައްދު ފިޔަވައި އެހެން ސަރަހައްދަކުން، އިންވަރޑް ކްލިއަރެންސް ނުހޯދައި ބަންކަރިންގގެ ހިދުމަތް ދޭ ނަމަ، ހިދުމަތް ދިނުމުގެ ކުރިން، ބަންކަރިންގގެ ހިދުމަތްދޭ ފަރާތުން އެކަން ކަސްޓަމްސްއަށް އަންގަންވާނެއެވެ.

(ރ) އޯފް ޕޯޓް ލިމިޓާއި، އޯފްށޯރ ސަރަހައްދާއި، ހާއްސަ ހާލަތެއް މެދުވެރިވެގެން އެ ތަންތަނުގެ ބޭރުން ބަންކަރިންގގެ ހިދުމަތްދޭ ހާލަތްތަކުގައި، އެ ތަންތަނުން އެ ހިދުމަތް ހޯދުމަށް އަންނަ އުޅަނދުފަހަރުގެ ތެރެއިން މޯލްޑިވްސް ނޭށަނަލް ޑިފެންސް ފޯސްއިން ހުއްދަނުދޭ އުޅަނދުފަހަރަށް ބަންކަރިންގގެ ހިދުމަތެއް ނުދެވޭނެއެވެ.

(ބ) ރާއްޖެއިން ބޭރަށް ދަތުރުކުރާ އުޅަނދުފަހަރުގެ ތެރެއިން އިންވަރޑް ކްލިއަރެންސް ދީފައި ހުންނަ އުޅަނދުފަހަރަށް ބަންކަރިންގގެ ހިދުމަތް ދެވޭނީ، ތެޔޮ އަޅައިދެވޭ އުޅަނދުގެ ށިޕިންގ އޭޖެންޓު ނުވަތަ އޭނާ ކަނޑައަޅާ މީހަކާއި، ތެލުގެ ހިދުމަތްދޭ ފަރާތުގެ އޮފިށަލަކާއި، ކަސްޓަމްސްގެ އޮފިސަރެއްގެ ހާޒިރުގައެވެ.

(ޅ) މި މާއްދާގެ (ބ) ގައި ބަޔާންކޮށްފައިވާ އުޅަނދުފަހަރު ފިޔަވައި، ރާއްޖެއިން ބޭރަށް ދަތުރުކުރާ އެހެން އުޅަނދުފަހަރަށް ބަންކަރިންގގެ ހިދުމަތް ދެވޭނީ، ތެޔޮ އަޅައިދެވޭ އުޅަނދުގެ މާސްޓަރ ނުވަތަ އޭނާ ކަނޑައަޅާ މީހަކާއި، ތެލުގެ ހިދުމަތްދޭ ފަރާތުގެ އޮފިށަލަކާއި، ކަސްޓަމްސްގެ އޮފިސަރެއްގެ ހާޒިރުގައެވެ.

ރާއްޖެއިން ބޭރަށް ދަތުރުކުރާ އުޅަނދުފަހަރަށް ބަންކަރިންގ ހިދުމަތް ދިނުން 98.

(ހ) ރާއްޖެއިން ބޭރަށް ދަތުރުކުރާ އުޅަނދުފަހަރަށް އަޅައިދޭ ތެލަށް، މި ގަވާއިދުގެ 138 ވަނަ މާއްދާގައި ބަޔާންކޮށްފައިވާ ގޮތުގެ މަތީން ރީ-އެކްސްޕޯޓް ޑިކްލަރޭށަން، ކަސްޓަމްސްއަށް ހުށަހަޅަންވާނެއެވެ. މީގެ ތެރޭގައި، އިންވަރޑް ކްލިއަރެންސް ދީފައި ހުންނަ އުޅަނދުފަހަރާއި، އައުޓްވަރޑް ކްލިއަރެންސް ދީފައި ހުންނަ އުޅަނދުފަހަރާއި، އިންވަރޑް ކްލިއަރެންސް ނުދީ ހުންނަ އުޅަނދުފަހަރު ވެސް ހިމެނޭނެއެވެ. ރީ-އެކްސްޕޯޓް ޑިކްލަރޭށަން ހުށަހަޅަންވާނީ ބަންކަރިންގ ގެ ހިދުމަތްދޭ ފަރާތުންނެވެ.

(ށ) ބަންކަރިންގގެ ހިދުމަތް ދެވޭ އުޅަނދަކީ، ތެޔޮ އަޅައިދޭ ވަގުތުން ފެށިގެން ލަސްވެގެން 48 (ސާޅީސްއަށެއް) ގަޑިއިރުގެ ތެރޭގައި ރާއްޖެއިން ބޭރަށް ފުރަން ތައްޔާރުކޮށްފައި އޮތް އުޅަނދެއް ނަމަ، ޑިއުޓީ ނުދައްކައި ހުންނަ ތެޔޮ އެ އުޅަނދަށް އަޅައިދެވިދާނެއެވެ. ނަމަވެސް އެ މުއްދަތުގެ ތެރޭގައި އައުޓްވަރޑް ކްލިއަރެންސް ހޯދައިގެން އެ އުޅަނދު ރާއްޖެއިން ބޭރަށް ނުފުރައިފި ނަމަ، އެ އުޅަނދަށް އެޅި ތެލަށް، ބަންކަރިންގގެ ހިދުމަތް ދިން ފަރާތުން އިމްޕޯޓް ޑިއުޓީ ދައްކަންވާނެއެވެ. ނަމަވެސް ގުދުރަތީ ހާދިސާއަކާ ގުޅިގެން ނުވަތަ ބޯޓަށް ގެއްލުމެއް ލިބުމުގެ ސަބަބުން ނުވަތަ އެނޫންވެސް އެފަދަ ހާއްސަ ހާލަތެއް މެދުވެރިވެގެން ކަސްޓަމްސްގެ ހުއްދަޔާއެކު އުޅަނދު ނުފުރައި މަޑުކުރުމަށް އިތުރު 48 (ސާޅީސްއަށެއް) ގަޑިއިރު ދެވޭނެއެވެ. މިގޮތުން ދެވޭ 48 (ސާޅީސްއަށެއް) ގަޑިއިރުގެ ތެރޭގައި، އެ އުޅަނދަށް އެޅި ޑިއުޓީ ނުދައްކައި ހުރި ތެލަށް ޑިއުޓީ ދައްކާކަށް ނުޖެހޭނެއެވެ.

(ނ) ބަންކަރިންގގެ ހިދުމަތް ދެވޭ އުޅަނދަކީ، ތެޔޮ އަޅައިދޭ ވަގުތުން ފެށިގެން ލަސްވެގެން 48 (ސާޅީސްއަށެއް) ގަޑިއިރުގެ ތެރޭގައި ރާއްޖެއިން ބޭރަށް ފުރަން ތައްޔާރުކޮށްފައި ނެތް ރާއްޖެއިން ބޭރަށް ދަތުރުކުރާ އުޅަނދެއް ނަމަ، ޑިއުޓީ ނުދައްކައި ހުންނަ ތެޔޮ އެ އުޅަނދަށް އަޅައިދެވޭނީ، އެ ތެލަށް އިމްޕޯޓް ޑިއުޓީ ދެއްކުމުންނެވެ. އިމްޕޯޓް ޑިއުޓީ ދައްކަންވާނީ، ބަންކަރިންގގެ ހިދުމަތްދޭ ފަރާތުންނެވެ.

ލޯކަލް އުޅަނދުފަހަރަށް ބަންކަރިންގގެ ހިދުމަތް ދިނުން 99.

ޑިއުޓީ ނުދައްކައި ހުންނަ ތެޔޮ، ލޯކަލް އުޅަނދުފަހަރަށް އަޅައިދެވޭނީ، އެ ތެލަށް އިމްޕޯޓް ޑިއުޓީ ދެއްކުމުންނެވެ. އިމްޕޯޓް ޑިއުޓީ ދައްކަންވާނީ، ބަންކަރިންގ ހިދުމަތްދޭ ފަރާތުންނެވެ.

ބަންކަރިންގގެ ހިދުމަތް ދިނުމާބެހޭ އުސޫލު އެކުލަވައިލައި އާންމުކުރުން 100.

ބަންކަރިންގގެ ހިދުމަތް ދިނުމަށް ކަނޑައަޅާ ސަރަހަ އްދާއި ބަންކަރިންގގެ ހިދުމަތް ދޭ ފްލޯޓިންގ ބޮންޑުގައި ނުވަތަ ފެސިލިޓީގައި ހުންނަންޖެހޭނެ ށަރުތުތަކާއި، އެ ތަން ސަރވޭކުރުމާއި، ރަޖިސްޓަރީކުރުމާއި، ހިދުމަތް ދެވޭނެ އުޅަނދުފަހަރާއި ހާލަތްތަކާއި، އެއާ ގުޅިގެން ހުށަހަޅަންޖެހޭ ލިޔުންތަކާއި، އަމަލުކުރަންޖެހޭ އިޖުރާއަތުތައް ބަޔާންކުރާ އުސޫލެއް ކަސްޓަމްސްއިން އެކުލަވައިލައި އާންމުކުރަންވާނެއެވެ.

ކުރުން މަނާ ކަންތަކާއި އަދަބު 101.

(ހ) ކަސްޓަމްސްގެ ހުއްދަ ނެތި، ބަންކަރިންގގެ ހިދުމަތް ދިނުމަށް ޓަކައި ދޫކުރެވޭ ތެލަށް އިމްޕޯޓް ޑިއުޓީ ނުދައްކައި ރާއްޖޭގައި ބޭނުންކުރުމާއި، ރާއްޖޭގައި ބޭނުންކުރުމަށް ދޫކުރުމާއި، ރީ-އެކްސްޕޯޓް ރޯޔަލްޓީ ނުދައްކައި ރާއްޖެއިން ބޭރުކުރުމާއި ރާއްޖެއިން ބޭރުކުރުމަށް ދޫކުރުމަކީ މަނާކަމެކެވެ.

(ށ) މި މާއްދާގެ (ހ) ގައި ބަޔާންކޮށްފައިވާ ކުށެއް ކުރާ ފުރަތަމަ ފަހަރު، އެ މައްސަލައިގައި ހިމެނޭ ތެލަށް ކަސްޓަމްސްއިން ކަނޑައަޅާ އެފްއޯބީ އަގުގެ %25 (ފަންސަވީސް އިންސައްތަ) އިން ޖޫރިމަނާކުރެވޭނެއެވެ. އަދި 2 (ދޭއް) އަހަރުދުވަހުގެ ތެރޭގައި ތަކުރާރުކުރާ ކޮންމެ ފަހަރަކު، ޖޫރިމަނާއަށް %25 (ފަންސަވީސް އިންސައްތަ) އިތުރުކުރެވޭނެއެވެ. މިގޮތުން ޖޫރިމަނާކުރެވޭނީ، ގިނަވެގެން ފަހަރަކު 200,000 (ދެ ލައްކަ) ރުފިޔާއާ ހަމައަށެވެ.

(ނ) މި މާއްދާގެ (ހ) ގައި ބަޔާންކޮށްފައިވާ މައްސަލައިގައި ކަންހިނގައިފައިވާ ގޮތަށް ބަލާއިރު، އެ މައްސަލައިގައި ޖިނާއީ ކުށެއް ހިމެނޭ ނަމަ، އެ ޖިނާއީ މައްސަލަ ތަހުގީގުކޮށްދައުވާކުރުމަށް މި މާއްދާ ހުރަހެއް ނާޅައެވެ. 

4 ވަނަ މާއްދާ - ބުނެވިދިޔަ ގަވާއިދުގެ 102 ވަނަ މާއްދާއާއި، 103 ވަނަ މާއްދާއާއި، 104 ވަނަ މާއްދާ އުނިކުރުން.

5 ވަނަ މާއްދާ - ބުނެވިދިޔަ ގަވާއިދުގެ 550 ވަނަ މާއްދާގެ (ރ) ގެ (15) ވަނަ ނަންބަރާއި (16) ވަނަ ނަންބަރު އުނިކުރުން.

6 ވަނަ މާއްދާ - ބުނެވިދިޔަ ގަވާއިދުގެ ޖަދުވަލު 2 ގެ (ހ) އާއި އެ އަކުރުގެ 4 ވަނަ ނަންބަރު އަންނަނިވި ގޮތަށް އިސްލާހުކޮށް، 4 ވަނަ ނަންބަރުގެ ފަހަތަށް 5 ވަނަ ނަންބަރު އިތުރުކުރުން.

(ހ) ކަނޑުމަގުން ރާއްޖެއަށް އަންނަ އުޅަނދުފަހަރަށް އިންވާރޑް ކްލިއަރެންސާއި އައުޓްވާރޑް ކްލިއަރެންސް ދެވޭނެ ބަނދަރުތަކާއި ސަރަހައްދުތައް.

(4) ތިލަދުންމަތީ އުތުރުބުރީ އުލިގަމުގެ ބަނދަރާއި، އެ ބަނދަރުގެ އެންކަރޭޖް

(5) ސަރުކާރުގެ ކަމާބެހޭ އިދާރާތަކުން ކަނޑައަޅާ އޯފް ޕޯޓް ލިމިޓާއި އޯފް ށޯރ ސަރަހައްދު.

7 ވަނަ މާއްދާ - ބުނެވިދިޔަ ގަވާއިދުގެ ޖަދުވަލު 36 އަށް، އަންނަނިވި ގޮތަށް 26 ވަނަ ނަންބަރާއި، 27 ވަނަ ނަންބަރާއި، 28 ވަނަ ނަންބަރު އިތުރުކުން.

8 ވަނަ މާއްދާ - މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވެ.

މައި ގަވާއިދު

ކަސްޓަމްސްގެ އާންމު ގަވާއިދު (ގަވާއިދު ނަންބަރު 2011-41)