ޑީލިންގ ކުންފުނި (ޑީލާޒް) އާއި ޑީލާޒް ތަމްސީލުކުރާ ފަރާތް (ބްރޯކާޒް) ތަކަށް ލައިސަންސް ދިނުމުގެ ގަވާއިދު (ގަވާއިދު ނަންބަރު 2022-15) އަށް 1 ވަނަ އިސްލާހު ގެނައުމުގެ ގަވާއިދު
(ގަވާއިދު ނަންބަރު 2024-59)
(މި ގަވާއިދަށް އަމަލުކުރަން ފެށީ 29 ޖުލައި 2024 ގައި)
ގަވާއިދު ނަންބަރު 2022-15 (ޑީލިންގ ކުންފުނި (ޑީލާޒް) އާއި ޑީލާޒް ތަމްސީލުކުރާ ފަރާތް (ބްރޯކާޒް) ތަކަށް ލައިސަންސް ދިނުމުގެ ގަވާއިދު) އަށް އަންނަނިވި އިސްލާހު ގެނައުމުގެ ގަވާއިދު
1 ވަނަ މާއްދާ - ބުނެވިދިޔަ ގަވާއިދުގެ 4 ވަނަ މާއްދާގެ (ހ) އަންނަނިވި ފަދައިން އިސްލާހުކުރުން.
ށަރުތުތައް 4.
(ހ) ޑީލާޒް ލައިސަންސަށް އެދި ހުށަހެޅޭނ،ީ ދިވެހިރާއްޖޭގެ ކުންފުނީގެ ގާނޫނުގައިވާ ގޮތުގެ މަތީން ރަޖިސްޓަރީކޮށްފައިވާ ކުންފުނިތަކަށެވެ.
2 ވަނަ މާއްދާ - ބުނެވިދިޔަ ގަވާއިދުގެ 4 ވަނަ މާއްދާގެ (ށ) ގެ ފުރަތަމަ ބައި އަންނަނިވި ފަދައިން އިސްލާހުކުރުން.
(ށ) ޑީލާޒް ތަމްސީލުކުރުމުގެ ލައިސަންސަށް އެދި ހުށަހަޅާ އިރު އަދި ލައިސަންސް ދެމިއޮންނަހައި ހިނދެއްގައި ޑީލާޒް ތަމްސީލުކުރާ ފަރާތްތަކުގެ އަންނަނިވި ށަރުތުތައް ފުރިހަމަވާންވާނެއެވެ.
3 ވަނަ މާއްދާ - ބުނެވިދިޔަ ގަވާއިދުގެ 4 ވަނަ މާއްދާގެ (ށ) ގެ (6) ވަނަ ނަންބަރުގެ ފަހަތަށް ނަންބަރެއް އިތުރުކުރުން.
ގާނޫނު ނަންބަރު 2006-02 (ދިވެހިރާއްޖޭގެ މާލީ ސެކިއުރިޓީޒްއާބެހޭ ގާނޫނު) ގެ ދަށުން އޮތޯރިޓީން ލައިސަންސް ލިބިފައިވާ ސެކިއުރިޓީޒް ޑިޕޮޒިޓަރީއާއި ސްޓޮކް އެކްސްޗޭންޖް، ނުވަތަ ލިސްޓުކޮށްފައިވާ ކުންފުންޏެއްގެ ޑިރެކްޓަރުންގެ ބޯޑު ނުވަތަ މެނޭޖްމަންޓުގައި ހިމެނޭ އިސްފަރާތެއ،ް ނުވަތަ އެހެންވެސް މަސްލަހަތު ފުށުއަރާ މަގާމެއްގައި ހުރި ފަރާތަކަށް ނުވުން ނުވަތަ އެއިން މަގާމަކުން ވަކިވުމަށްފަހު 6 )ހައެއް( މަސްދުވަސް ފާއިތުވެފައިވުން.
4 ވަނަ މާއްދާ - ބުނެވިދިޔަ ގަވާއިދުގެ 7 ވަނަ މާއްދާގެ (ރ) ގެ ފަހަތަށް އަކުރެއް އިތުރުކުރުން.
ފީ 7.
(ބ) މި ގަވާއިދުގެ 14-1 ވަނަ މާއްދާގެ ދަށުން ވަގުތީގޮތުން ލައިސަންސް ހިފަހައްޓާ ހާލަތްތަކުގައި، ވަގުތީގޮތުން ލައިސަންސް ހިފަހައްޓައިފައި އޮންނަ މުއްދަތުގެ ތެރޭގައި އެއްވެސް ފީއެއް ނުހިނގާނެއެވެ.
5 ވަނަ މާއްދާ - ބުނެވިދިޔަ ގަވާއިދުގެ 14 ވަނަ މާއްދާގެ ފަހަތަށް އަންނަނިވި މާއްދާތައް އިތުރުކުރުން.
14-1. ލައިސަންސް ބާތިލުކުރުން ނުވަތަ ވަގުތީގޮތުން ހިފެހެއްޓުން
ތިރީގައި ބަޔާންކޮށްފައިވާ ހާލަތެއް މެދުވެރިވެއްޖެ ނަމ،ަ ޑީލާޒް ނުވަތަ ޑީލާޒް ތަމްސީލުކުރާ ފަރާތުގެ ލައިސަންސް ބާތިލުކުރުމުގެ ނުވަތަ ވަގުތީގޮތުން ލައިސަންސް ހިފެހެއްޓުމުގެ އިހްތިޔާރު އޮތޯރިޓީއަށް ލިބިގެންވެއެވ.ެ
(ހ) ގާނޫނު ނަންބަރު 2006-02 (ދިވެހިރާއްޖޭގެ މާލީ ސެކިއުރިޓީޒްއާބެހޭ ގާނޫނު) ގައި ލައިސަންސެއް ބާތިލުކުރެވޭނެ ނުވަތަ ވަގުތީގޮތުން ހިފެހެއްޓޭނެކަމަށް ބަޔާންކޮށްފައިވާ ހާލަތެއް މެދުވެރިވުން.
(ށ) ލައިސަންސް ދީފައިވާ ފަރާތުގެ ކިބައިނ،ް މި ގަވާއިދުގެ 4 ވަނަ މާއްދާގެ (ށ) ގައި ކަނޑައަޅައިފައިވާ ށަރުތުތަކުގެ ތެރެއިން ށަރުތެއް އުނިވުން.
(ނ) ލައިސަންސް ދީފައިވާ ފަރާތުން މި ގަވާއިދުގެ ދަށުން ފުރިހަމަކުރަންޖެހޭ މަސްއޫލިއްޔަތުތައް އަދާނުކުރުން.
(ރ) ލައިސަންސް ދީފައިވާ ފަރާތަށް އޮތޯރިޓީން އަންގާ އެންގުންތަކަށ،ް އެ އެންގުންތަކަށް އަމަލުކުރަން ކަނޑައަޅިފައިވާ މުއްދަތުގައި އަމަލުނުކުރުން؛ ނުވަތަ
(ބ) ލަައިސަންސް ދީފައިވާ ފަރާތުގެ ލައިސަންސްގައި ބަޔާންކޮށްފައިވާ ސެކިއުރިޓީޒްގެ ވިޔަފާރި 12 (ބާރަ) މަސްދުވަހަށްވުރެ ދިގު މުއްދަތަކަށް މެދުކެނޑިފައި އޮތުން.
14-2. ވަގުތީގޮތުން ލައިސަންސް ހިފެހެއްޓޭނެ މުއްދަތު
(ހ) ލައިސަންސް ދޫކުރެވިފައިވާ މުއްދަތުގެ ތެރޭގައި، އޮތޯރިޓީން ކަނޑައަޅާ ކޮންމެ މުއްދަތަކަށ،ް ވަގުތީގޮތުން ލައިސަންސް ހިފެހެއްޓުމުގެ ބާރު އޮތޯރިޓީއަށް ލިބިގެންވެއެވެ.
(ށ) ވަގުތީގޮތުން ލައިސަންސް ހިފަހައްޓާނެ މުއްދަތު އޮތޯރިޓީން ކަނޑައަޅާނ،ީ ހުށަހެޅިފައިވާ ހާލަތަށް ބަލައި، އެ ހާލަތަށް އެންމެ އެކަށީގެންވާކަމަށް އޮތޯރިޓީއަށް ފެންނަ މުއްދަތަކަށެވެ.
14-3. ލައިސަންސް ބާތިލުކުރުމަށް އެދި ހުށަހެޅުން
(ހ) ޑީލާޒް ނުވަތަ ޑީލާޒް ތަމްސީލުކުރާ ފަރާތުގެ ލައިންސަންސް ލިބިފައިވާ ފަރާތުން އެ ލައިސަންސް ބާތިލުކުރުމަށް އެދި އޮތޯރިޓީއަށް ހުށަހެޅިދާނެއެވެ.
(ށ) ލައިސަންސް ބާތިލުކުރުމަށް އެދި ހުށަހަޅާއިރު ބާތިލުކުރުމަށް އެދޭ ލައިސަންސްގެ މައުލޫމާތާއި ލައިސަންސް ބާތިލުކުރުމަށް އެދޭ ސަބަބު ބަޔާންކުރަންވާނެއެވެ.
14-4. ލައިސަންސް ބާތިލުކުރުމަށްފަހު ލައިސަންސަށް އެދި ހުށަހެޅުން
މި ގަވާއިދުގެ ދަށުން ލައިސަންސް ދޫކުރިތާ 5 )ފަހެއް( އަހަރުދުވަހުގެ ތެރޭގައި، މި ގަވާއިދުގެ 1-14 ވަނަ މާއްދާގެ ދަށުން ނުވަތަ 3-14 ވަނަ މާއްދާގެ ދަށުން ލައިސަންސް ބާތިލުކޮށްފައިވަނިކޮށް އަލުން ލައިސަންސަށް އެދި ހުށަހަޅައިފި ނަމ،ަ މި ގަވާއިދުގެ ދަށުން ފުރިހަމަކުރަންޖެހޭ ތަމްރީނާއިއިމްތިހާނު ފުރިހަމަކުރާކަށް ނުޖެހޭނެއެވެ.
14-4. ކޫލިންގ އޮފް ޕީރިއަޑް.
މަސްލަހަތު ފުށުއަރާ މަގާމަކަށް އައްޔަނުކުރުމުގެ ސަބަބުން ލައިސަންސް ބާތިލުކުރާ ހާލަތުގައި، އަލުން ލައިސަންސް ދޫކުރެވޭނީ އެ މަގާމަކުން ވަކިވިތާ 6 )ހައެއް( މަސްދުވަހަށް ފަހުގައެވެ.
6 ވަނަ މާއްދާ - މި ގަވާއިދަށް އަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ތާރީހުން ފެށިގެންނެވެ.
ކިޔުންތެރިންގެ ހިޔާލު