އުމުރުން 55 އަހަރުވުމުން އަމިއްލައަށް އެދިގެން ވަކިވާ ފަނޑިޔާރުންނަށާއި، 55 އަހަރު ނުވިނަމަވެސް އަމިއްލައަށް އެދިގެން ސިއްހީ ސަބަބުތަކަކަށްޓަކައި މަގާމުން މުސްކުޅިކުރާ ފަނޑިޔާރުންނަށް އިނާޔަތް ދިނުމުގައި އަމަލުކުރާނެ ގޮތުގެ ގަވާއިދު (ގަވާއިދު ނަންބަރު 2013-51) އަށް 3 ވަނަ އިސްލާހު ގެނައުމުގެ ގަވާއިދު
(ގަވާއިދު ނަންބަރު 2020-16)
(މި ގަވާއިދު ވަނީ ގަވާއިދު ނަންބަރު 2022-57 އިން އުވާލެވިފައި)
1 ވަނަ މާއްދާ – ގަވާއިދުގެ 2 ވަނަ މާއްދާގެ (ށ) ގެ ފަހަތަށް (ނ) ގެ ގޮތުގައި އަކުރެއް އިތުރުކުރުން.
މި ގަވާއިދުގެ ދަށުން ޢިނާޔަތް ހަމަޖެއްސޭނެ ފަރާތްތައް 2
(ނ) ފަނޑިޔާރުކަމުގެ މަގާމުން މުސްކުޅިކޮށްދިނުމަށް އެދިފައިވާ ފަނޑިޔާރުގެ ސުލޫކީ މައްސަލައެއް ކޮމިށަނުން ހުށަހެޅިފައިވާ ނުވަތަ އެ ފަނޑިޔާރުގެ ސުލޫކީ މައްސަލައެއް ބަލަމުންދާ ފަނޑިޔާރަކަށް ނުވުން.
2 ވަނަ މާއްދާ - ގަވާއިދުގެ 7 ވަނަ މާއްދާގެ (ހ) ގެ ފަހަތަށް (ށ) ގެ ގޮތުގައި އަކުރެއް އިތުރުކޮށް، އެ އަކުރުން ފެށިގެން އެ މާއްދާގެ އަކުރުތައް އަލުން ތަރުތީބުކުރުން.
އިނާޔަތް ހަމަޖައްސާނެ ފަރާތް 7
(ށ) މި ގަވާއިދުގެ 7 ވަނަ މާއްދާގެ (ހ) ގައި، މި ގަވާއިދުގެ ދަށުން ލިބިދެވޭ ޢިނާޔަތައް ހަމަޖައްސާ ފަރާތަކީ ޖުޑީށަލް ސަރވިސް ކޮމިށަން ކަމުގައި ވިޔަސް، މެޑިކަލް އިންށުއަރެންސް ހަމަޖެއްސުމާއި އެކަމާ ގުޅުންހުރި އެންމެހައި ކަންކަން އިންތިޒާމްކޮށް ހަމަޖައްސާނީ ޑިޕާޓްމަންޓް އޮފް ޖުޑީށަލް އެޑްމިނިސްޓްރޭށަނުންނެވެ.
3 ވަނަ މާއްދާ - މި އިސްލާހަށް ޢަމަލުކުރަން ފަށާނީ، ދިވެހި ސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުން ފެށިގެންނެވެ.
އުވި ގަވާއިދު
ކިޔުންތެރިންގެ ހިޔާލު