ގެވެށި އަނިޔާ ހުއްޓުވުމާބެހޭ އާންމު ގަވާއިދު (ގަވާއިދު ނަންބަރު 2018-101) އަށް 1 ވަނަ އިސްލާހު ގެނައުމުގެ ގަވާއިދު
(ގަވާއިދު ނަންބަރު 2019-1082)
ގަވާއިދު ނަންބަރު 2018-101 (ގެވެށި އަނިޔާ ހުއްޓުވުމާބެހޭ އާންމު ގަވާއިދު) އަށް، އަންނަނިވި އިސްލާހު ގެނައުން.
1 ވަނަ މާއްދާ - ބުނެވިދިޔަ ގަވާއިދުގެ 9 ވަނަ މާއްދާގެ (ރ) އަންނަނިވި ގޮތަށް އިސްލާހުކުރުން.
(ރ) މި މާއްދާގެ (ހ) އާއި (ށ) އަށް ރިޢާޔަތްކޮށް، މި މާއްދާގެ (ނ) ގެ ދަށުން، ޓެކްނިކަލް ކޮމިޓީ އެކުލަވައިލަންވާނީ އަންނަނިވި ގޮތުގެ މަތިންނެވެ.
- ފެމިލީ ޕްރޮޓެކްށަން އޮތޯރިޓީ ތަމްސީލުކުރާ 2 (ދޭއް) މެންބަރުން؛
- ދިވެހިރާއްޖޭގައި ގެވެށި އަނިޔާއާ ދެކޮޅަށް މަސައްކަތްކުރާ ޖަމްޢިއްޔާތަކާއި ހިދުމަތް ފޯރުކޮށްދޭ ފަރާތްތައް ތަމްސީލުކުރާ 2 (ދޭއް) މެންބަރުން؛ އަދި
- މި މާއްދާގެ (ށ) ގެ 2 ވަނަ ނަންބަރުން ފެށިގެން 8 ވަނަ ނަންބަރުގެ ނިޔަލަށް ބަޔާންކޮށްފައިވާ މުއައްސަސާތަކުގެ ތެރެއިން ކޮންމެ މުއައްސަސާއަކުން 1 (އެކެއް) މެންބަރު.
2 ވަނަ މާއްދާ - މި ގަވާއިދަށް ޢަމަލުކުރަންފަށާނީ، ދިވެހިސަރުކާރުގެ ގެޒެޓުގައި މި ގަވާއިދު ށާއިއުކުރާ ތާރީހުން ފެށިގެންނެވެ.
މައި ގަވާއިދު
ގެވެށި އަނިޔާ ހުއްޓުވުމާބެހޭ އާންމު ގަވާއިދު (ގަވާއިދު ނަންބަރު 2018-101)
ކިޔުންތެރިންގެ ހިޔާލު