މޯލްޑިވްސް ނޭށަނަލް އިންސްޓިޓިއުޓް އޮފް ސްޕޯޓްސްގެ ގަވާއިދު
(ގަވާއިދު ނަންބަރު 2019-1056)
(މި ގަވާއިދަށް އަމަލުކުރަން ފެށީ 22 ސެޕްޓެމްބަރު 2019 ގައި)
އެއްވަނަ ބާބު
ފެށުން
1 ވަނަ މާއްދާ - ތައާރުފާއި ނަން
(ހ) މި ގަވާއިދަކީ ކުޅިވަރުކުޅޭ އެކިއެކި ފަރާތްތަކާއި، ކުޅިވަރު ކުލަބު އަދި އެސޯސިއޭށަންތައް ހިންގާ ފަރާތްތައ،ް އެފަރާތްތަކުގެ ހުނަރާއި ގާބިލުކަން އިތުރުކޮށް އެފަރާތްތަކަށް ތަމްރީނު ދިނުމަށާއި ދާއިރާއަށް ކޮންމެހެން ބޭނުންތެރި ދިރާސާތައް ކުރުމަށްޓަކައި ކުޅިވަރާބެހޭ ގައުމީ މަޖިލީހުގެ ސީދާ ބެލުމުގެ ދަށުން ހިންގުމަށް، ގާނޫނު ނަންބަރު: 2015-30 (ދިވެހިރާއްޖޭގެ ކުޅިވަރު ގާނޫނު) ގެ 36 ވަނަ މާއްދާ އިން ބާރުލިބިގެން ރައީސުލްޖުމްހޫރިއްޔާ ގާއިމް ކުރައްވައިފައިވާ މޯލްޑިވްސް ނޭށަނަލް އިންސްޓިޓިއުޓް އޮފް ސްޕޯޓްސްގެ މަސައްކަތްތައް ކުރިއަށް ގެންދާނެ ގޮތުގެ އުސޫލުތައްބަޔާންކުރުމަށްޓަކައި އެކުލަވައިލައި ފައިވާ ގަވާއިދެކެވެ.
(ށ) މި ގަވާއިދަކީ، ދިވެހިރާއްޖޭގެ ކުޅިވަރު ގާނޫނުގެ 42 ވަނަ މާއްދާގެ ދަށުން އެކުލަވައިލައިފައިވާ ގަވާއިދެކެވެ.
(ނ) މި ގަވާއިދަށް ކިޔާނީ " މޯލްޑިވްސް ނޭށަނަލް އިންސްޓިޓިއުޓް އޮފް ސްޕޯޓްސްގެ ގަވާއިދު" އެވެ.
2 ވަނަ މާއްދާ - މޯލްޑިވްސް ނޭށަނަލް އިންސްޓިޓިއުޓް އޮފް ސްޕޯޓްސް
މޯލްޑިވްސް ނޭށަނަލް އިންސްޓިޓިއުޓް އޮފް ސްޕޯޓްސްއަކީ، ދިވެހިރާއްޖޭގެ އެކިއެކި ކުޅިވަރު ކުޅޭ ފަރާތްތަކާއި ކުޅިވަރު ކުލަބު އަދި އެސޯސިއޭށަންތައް ހިންގާ ފަރާތްތަކަށް އެފަރާތްތަކުގެހުނަރާއި ގާބިލުކަން އިތުރުކޮށް، އެފަރާތްތަކަށް ތަމްރީނު ދިނުމަށާއި، ކުޅިވަރުގެ ދާއިރާއަށްކޮންމެހެން ބޭނުންތެރި ދިރާސާތައް ކުރުމަށްޓަކައި ކުޅިވަރާބެހޭ ގައުމީ މަޖިލީހުގެ ސީދާ ބެލުމުގެ ދަށުން ހިންގާ އިންސްޓިޓިއުޓެކެވެ.
2 ވަނަ މާއްދާ - މޯލްޑިވްސް ނޭށަނަލް އިންސްޓިޓިއުޓް އޮފް ސްޕޯޓްސްގެ މަގްސަދު
މޯލްޑިވްސް ނޭށަނަލް އިންސްޓިޓިއުޓް އޮފް ސްޕޯޓްސްގެ މަގުސަދުތައް ތިރީގައި މި ވަނީއެވެ.
(ހ) ކުޅިވަރު ދާއިރާގައި ހަރަކާތްތެރިވާ ފަރާތްތަކުގެ ކުރިމަގު ބިނާކުރުމަށްޓަކައި، އެފަރާތްތަކަކީ ކުޅިވަރުގެ ރިވެތި އަހުލާގާއި ރޫހާއި ގާނޫނުގެ މަގުސަދުތައް ހާސިލުކުރެވޭފަދަ ހާއްސަ ތަމްރީނާއި، ހުނަރާއި، ތަޖުރިބާ ލިބިފައިވާ ބަޔަކަށް ހެދުމަށްޓަކައި ދޭންޖެހޭ ތަމްރީނު ޕްރޮގްރާމްތައް އެކުލަވާލައި ހިންގުން؛
(ށ) ކުޅިވަރު މައިދާނުގައި ބައިނަލްއަގުވާމީ މުޖުތަމައުގައި ދިވެހިރާއްޖެއަށް ލިބެންހުރި ފުރުސަތުތަކާ ބެހޭގޮތުންނާއި، އެފަދަ ފުރުސަތުތަކުގެ ބޭނުން އެންމެ ފުރިހަމަ ގޮތުގައި ހިފައި، ރާއްޖެއަށް ފައިދާއާއި މަންފާ ލިބޭ ގޮތެއްގެމަތިން ދިވެހިރާއްޖޭ ކުޅިވަރުގެ މަސްލަހަތު ކުރިއެރުވޭނެ ގޮތްތަކާ ބެހޭގޮތުން ދިރާސާކޮށް، އެފަދަ ދިރާސާގެ ނަތީޖާ ހަމަޖެހިފައި އޮންނަ އުސޫލެއްގެ ދަށުން އާންމުންނަށް އޮޅުންފިލާނެހެން ށާއިއުކުރުން؛
(ނ) ޔުނެސްކޯ ކޮންވެންށަނާއި ވޯލްޑް އެންޓި ޑޯޕިންގ އެޖެންސީގެ ކޯޑާ އެއްގޮތް ވާގޮތުގެމަތިން ދިވެހިރާއްޖޭގެ ކުޅިވަރު މައިދާނުގައި ޑޯޕިންގ ކޮންޓްރޯލް ކުރުމުގެ ފިޔަވަޅުތައް އެކަށައަޅައި ހިންގުން؛
(ރ) ހުރިހާ އެންމެންނަކީ ކުޅިވަރުކުޅޭ ބަޔަކަށް ހެދުމަށްޓަކައި ދިވެހިރާއްޖޭގައި ކުޅިވަރާއި ބެހޭ ޕްރޮގުރާމުތައް ރާވައި ހިންގުން؛
(ބ) ދިވެހިރާއްޖޭގެ ކުޅިވަރުގެ ދާއިރާގައި ކުޅިވަރާގުޅޭ ގޮތުން ސިއްހީ ރޮނގުން ހާއްސަތަމްރީނާއި ތަޖުރިބާ ލިބިފައިވާ ފަރާތްތަކެއް ބިނާކުރުމަށް މަގުފަހިކޮށްދިނުމުގެ ގޮތުން ދޭންޖެހޭ ތަމްރީނުތައް ލިބިގަތުމަށް މަގުފަހިކޮށްދިނުން ؛
(ޅ) ކުޅިވަރު ކުރިއެރުވުމަށްޓަކައި ކުޅިވަރުގެ ސިޔާސަތުތައް މުޠާލިއާކޮށް، އެކަމާ ބެހޭގޮތުން ދިރާސަކޮށް، ކުޅިވަރުގެ ދާއިރާގެ ތަފާސްހިސާބުތައް އެއްކޮށް ދިރާސާކޮށް، އެތަކެތީގެ އަލީގައި ކުޅިވަރު ތަރއްގީކުރުމަށް ކުރެވިދާނެ އިލްމީ ލިޔެކިޔުން ށާއިއުކޮށް، ކުޅިވަރު ޖަމްމިއްޔާތަކާ ގުޅިގެން އެކިއެކި ކުޅިވަރުތަކާ ބެހޭގޮތުން ދިވެހިރާއްޖޭގައި ދިރާސާކޮށް،ކުޅިވަރު ކުރިއެރުވުމަށް ކުރެވެންހުރި ކަންކަން ދެނެގަނ،ެ އެކަންކަމާ ބެހޭގޮތުން ޖަމްއިއްޔާތަކަށް ލަފަޔާއި އިރުށާދު ދިނުން؛
(ކ) ކުޅިވަރު ދާއިރާގައި ހަރަކާތްތެރިވާ ފަރާތްތަކުގެ ކުރިމަގު ބިނާކުރުމަށްޓަކައި، އެފަރާތްތަކަކީ ކުޅިވަރުގެ ރިވެތި އަހުލާގާއި ރޫހާއި އަދި ގާނޫނު ނަންބަރު: 2015-30 (ދިވެހިރާއްޖޭގެ ކުޅިވަރު ގާނޫނު) ގެ މަގުސަދު ހާސިލުކުރެވޭފަދަ ހާއްސަ ތަމްރީނާއި، ހުނަރާއި، ތަޖުރިބާ ލިބިފައިވާ ބަޔަކަށް ހެދުމަށްޓަކައި ދޭންޖެހޭ ތަމްރީން ޕްރޮގުރާމުތައް އެކުލަވައިލައި ހިންގުން.
ދެވަނަ ބާބު
މޯލްޑިވްސް ނޭށަނަލް އިންސްޓިޓިއުޓް އޮފް ސްޕޯޓްސްގެ އެޑްވައިޒަރީ ބޯޑް
4 ވަނަ މާއްދާ - އެޑްވައިޒަރީ ބޯޑު
މޯލްޑިވްސް ނޭށަނަލް އިންސްޓިޓިއުޓް އޮފް ސްޕޯޓްސްގެ އެންމެހައި ކަންކަން ވިލަރެސްކޮށް ހިންގުމަށް ބޭނުންވާ ލަފައާއި މަށްވަރާ ދިނުމަށްޓަކައި، ކުޅިވަރާބެހޭ ގައުމީ މަޖިލީހުން ކަނޑައަޅާ އުސޫލުގެ ދަށުނ،ް އެޑްވައިޒަރީ ބޯޑެއް އެކުލަވާލައި ހިންގަންވާނެއެވެ.
5 ވަނަ މާއްދާ - ބޯޑު އެކުލެވިގެންވާގޮތް
ބޯޑު އެކުލަވައިލާނީ ކުޅިވަރާބެހޭ ގައުމީ މަޖިލީހުގެ ލަފާގެ މަތިން ކުޅިވަރާބެހޭ ވަޒީރެވެ. އަދި ބޯޑު އެކުލެވިގެންވަނީ 5 (ފަހެއް) މެންބަރުންގެ މައްޗަށެވެ. އެއީ:
(ހ) ކުޅިވަރާބެހޭ ގައުމީ މަޖިލީހުގެ ރައީސް (ބޯޑުގެ ޗެއަރމަން)؛
(ށ) ކުޅިވަރާބެހޭ ގައުމީ މަޖިލީހުގެ މެންބަރެއް؛
(ނ) މިނިސްޓްރީ އޮފް އެޑިޔުކޭށަން ތަމްސީލުކުރުމަށް އައްޔަންކުރާ މެންބަރެއް؛
(ރ) މޯލްޑިވްސް ނެށަނަލް އިންސްޓިޓިއުޓް އޮފް ސްޕޯޓްސް ތަމްސީލުކުރުމަށް އައްޔަންކުރާ މެންބަރެއް؛
(ބ) ގައުމީ ކުޅިވަރު އެސޯސިއޭށަންތައް ތަމްސީލުކުރުމަށް އައްޔަންކުރާ މެންބަރެއ.ް
6 ވަނަ މާއްދާ - ބޯޑުގެ މަސްއޫލިއްޔަތުތައް
އެޑްވައިޒަރީ ބޯޑުގެ މަސްއޫލިއްޔަތުތައް ތިރީގައި ބަޔާންކޮށްފައި މިވަނީއެވެ.
(ހ) ގާނޫނުގެ 37 ވަނަ މާއްދާއާ އެއްގޮތްވާ ގޮތުގެމަތިނ،ް އަދި ގަވާއިދުގެ 3 ވަނަމާއްދާގައި ބަޔާންކޮށްފައިވާ ކަންކަން ހާސިލުކުރުމަށްޓަކައި، އިންސްޓިޓިއުޓްގެ މެންޑޭޓްއެކުލަވާލުމުގައި ލަފަޔާއި އިރުށާދު ދިނުން؛
(ށ) ކުރު އަދި ދިގު ރާސްތާ ސްޓްރެޓެޖީތައް ކަނޑައެޅުމުގައި ލަފަޔާއި އިރުށާދު ދިނުން؛
(ނ) އިންސްޓިޓިއުޓްގެ މަސައްކަތްތަކާއި ކުރިއަށްގެންދާ ޕްރޮގްރާމްތައް ބައިނަލްއަގުވާމީ މިންގަނޑުތަކާ އެއްގޮތަށް ކުރިއަށް ގެންދިއުމުގައި ލަފާދިނުން؛
(ރ) ގާނޫނު ނަންބަރު: 2015-30 (ދިވެހިރާއްޖޭގެ ކުޅިވަރު ގާނޫނު) ގެ ހަވަނަ ބާބުގެ 37 ވަނަ މާއްދާގައި ބަޔާންވެފައިވާ މަގުސަދުތައް ހާސިލު ކުރުމަށްޓަކައި އިންސްޓިޓިއުޓްގެ މަސައްކަތް ހިނގާ ނުހިނގާ ގޮތް ބެލުމާއި ކުޅިވަރާބެހޭ ގައުމީ މަޖިލީހަށް ޖަވާބުދާރީވުން.
7 ވަނަ މާއްދާ - މެންބަރުންގެ އެލަވަންސް
ސަރުކާރުން ހަމަޖައްސަވާ އުސޫލެއްގެ މަތިން ބޯޑްގެ މެންބަރުންނަށް އެލަވަންސެއް ދެވޭނެއެވެ.
ތިންވަނަ ބާބު
މޯލްޑިވްސް ނޭށަނަލް އިންސްޓިޓިއުޓް އޮފް ސްޕޯޓްސްގެ އިދާރީ ހިންގުން
8 ވަނަ މާއްދާ - މޯލްޑިވްސް ނޭށަނަލް އިންސްޓިޓިއުޓް އޮފް ސްޕޯޓްސްގެ އިދާރީ ހިންގުން
އިންސްޓިޓިއުޓްގެ މަސައްކަތްތައް އެންމެ ފުރިހަމަގޮތުގައި ކުރުމަށް، އިދާރީގޮތުން ކުރަންޖެހޭއެންމެހައި ކަންކަން ކުރުމަށް، ކުޅިވަރާބެހޭ ވުޒާރާއިން އިދާރީ އޮނިގަނޑެއް އެކުލަވައިލައި،އެ އޮނިގަނޑާ އެއްގޮތަށް މުވައްޒަފުން ކަނޑައަޅައި ހިންގަންވާނެއެވެ.
ހަތަރުވަނަ ބާބު
މޯލްޑިވްސް ނޭށަނަލް އެންޓި ޑޯޕިންގ އެޖެންސީ
9 ވަނަ މާއްދާ - މޯލްޑިވްސް ނޭށަނަލްއެންޓި ޑޯޕިންގ އޭޖެންސީ
(ހ) ޔުނެސްކޯ ކޮންވެންށަނާއި، ވޯރލްޑް އެންޓި ޑޯޕިންގ ކޯޑާ އެއް ގޮތްވާ ގޮތުގެމަތިން ކުޅިވަރު މައިދާނުގައި ޑޯޕިންގ ކޮންޓްރޯލް ކުރުމުގެ ސިޔާސަތުތައް ތަންފީޒު ކުރުމަށްޓަކައި އިންސްޓިޓިއުޓްގައި، މޯލްޑިވްސް ނޭށަނަލް އެންޓި ޑޯޕިންގ އޭޖެންސީގެނަމުގައި ޑިޕާޓްމަންޓެއް ގާއިމްކޮށް، ގާނޫނުގެ 38 ވަނަ މާއްދާއާ އެއްގޮތްވާ ގޮތުގެމަތިން ހިންގަންވާނެއެވެ.
(ށ) މޯލްޑިވްސް ނޭށަނަލް އެންޓި ޑޯޕިންގ އެޖެންސީ ހިންގުމަށްޓަކައި، އެ އެޖެންސީހިންގާނެ ގޮތް ބަޔާންކުރާ އުސޫލ،ު މި ގަވާއިދަށް އަމަލުކުރަން ފަށާތާ 2 (ދޭއް) މަސްދުވަހުގެ ތެރޭގައި ކުޅިވަރާބެހޭ ގައުމީ މަޖިލީހުން ކަނޑައަޅަންވާނެއެވެ.
10 ވަނަ މާއްދާ - މޯލްޑިވްސް ނޭށަނަލް އެންޓި ޑޯޕިންގ އެޖެންސީގެ މަގުސަދު
މޯލްޑިވްސް ނޭށަނަލް އެންޓި ޑޯޕިންގ އެޖެންސީގެ މަގުސަދަކީ ޔުނެސްކޯ ކޮންވެންށަނާއިވޯލްޑް އެންޓި ޑޯޕިންގ އެޖެންސީގެ ކޯޑާ އެއްގޮތްވާ ގޮތުގެމަތިން ޑޯޕިންގ ކޮންޓްރޯލްކުރުމުގެ މުހިންމުކަން ދިވެހިރާއްޖޭގެ އެންމެހައި ކުޅުންތެރިންނަށާއި ކުޅިވަރުގެ ދާއިރާތަކުގައި ހަރަކާތްތެރިވާ އެންމެހައި ފަރާތްތަކަށް އަންގައިދ،ީ ކުޅިވަރުގެ ދާއިރާއިން ޑޯޕިންގ ފިލުވައިލުމާއި،މިރޮނގުން ބޭނުންވާ މީހުން ތަމްރީނުކޮށް، މިރޮނގުން ކުރިއަށް ދެވެންހުރި ފުރުސަތުތައްރާއްޖޭގެ ޑޯޕިންގ ކޮންޓްރޯލް އޮފިސަރުންނަށް ހޯދައިދ،ީ ޓެސްޓް ކުރެވޭނެ ގޮތްތައް ރާވައި،މިފަދަ ކަންކަން ތަރައްގީ ކުރެވެންހުރި ގޮތްތައް ބަލައި، އެފަދަ ކުރިއެރުންތައް ހޯދައިދިނުމެވެ.
11 ވަނަ މާއްދާ - މޯލްޑިވްސް ނޭށަނަލް އެންޓި ޑޯޕިންގ އެޖެންސީގެ މަސްއޫލިއްޔަތު
މޯލްޑިވްސް ނޭށަނަލް އެންޓި ޑޯޕިންގ އެޖެންސީން ތިރީގައި ބަޔާންކޮށްފައިވާ މަސްއޫލިއްޔަތުތައްއަދާކުރަންވާނެއެވެ.
(ހ) ދިވެހިރާއްޖޭގެ ހުރިހާ ހިސާބެއްގައި އެންޓި ޑޯޕިންގއާބެހޭ މައުލޫމާތުދީ މީހުން ހޭލުންތެރި ކުރުމުގެ މަސައްކަތް ކުރުން؛
(ށ) ދިވެހިރާއްޖޭގައި ބޭއްވޭ އެކިއެކި ކުޅިވަރު މުބާރާތްތަކުގައި ޑޯޕިންގ ޓެސްޓުކުރެވޭނެއިންތިޒާމު ހަމަޖައްސައި އެކަމަށް މަގުފައިކޮށް ހިތްވަރުދީ އެހީތެރިވެދިނުމާއި އެކަންތައްހިންގާނެ ގޮތްތައް ރާވައި ތަންފީޒުކުރުން؛
(ނ) ޓެސްޓް ކުރުމުގައި އަމަލުކުރާނެ އުސޫލުތަކަކީ ވޯލްޑް އެންޓި ޑޯޕިންގ އެޖެންސީގެ މިންގަނޑުތަކަށް ފެތޭގޮތަށް ޓެސްޓްތައް ކުރެވޭނެގޮތަށް އުސޫލުތައް ހެދުން؛
(ރ) އެންޓި ޑޯޕިންގ އެންމެ ފަހުގެ ބައިނަލްއަގުވާމީ ގާނޫނޫ ނުތަކާއި ގަވާއިދުތަކުގެ މައުލޫމާތުހޯދައި ދިރާސާކޮށް ކުޅުންތެރިންނަށާއި އޮފިށަލުންނަށާއި ކަމާބެހޭ ދާއިރާގައިހަރަކާތްތެރިވާ އެންމެހައި ފަރާތްތަކަށް މައުލޫމާތު އަންގައި އޮޅުންފިލުވައިދީއިސްލާމްދީނާއި ދިވެހިރާއްޖޭގެ ގާނޫނުތަކައި ހިލާފުނުވާ ގޮތުގެމަތިން އެންޓި ޑޯޕިންގގެ ބައިނަލްއަގްވާމީ ގަވާއިދުތައް ދިވެހިރާއްޖެއަށް ތައާރަފުކޮށް، ރާއްޖޭގައި ކުރެވޭ ޓެސްޓުތަކުގައި ބައިނަލްއަގުވާމީ އުސޫލުތައް ތަންފީޒުކުރުން؛
(ބ) އެޖެންސީގެ ތަމްރީނު ލިބިފައިވާ އޮފިސަރުންނަށް ލިބިފައިވާ ހުނަރު އިތުރަށް ހަރުދަނާކުރުމަށް ހިތްވަރު ދިނުމާއި، ގައުމީ އަދި ބައިނަލްއަގުވާމީ މުބާރާތްތަކުގައި އެންޓިޑޯޕިންގ އޮފިސަރުންގެ ގޮތުގައި މަސައްކަތް ކުރުމުގެ ފުރުސަތުތައް ރާއްޖޭގެއޮފިސަރުންނަށް ހޯދައިދިނުން؛
(ޅ) ބައިނަލްއަގުވާމީ އަދި ސަރަހައްދީ މުބާރާތްތަކުގައި ބައިވެރިވާ ދިވެހި ކުޅުންތެރިންގެޑޯޕިންގ ކޮންޓްރޯލް ކުރެވޭނެ އިންތިޒާމު ހަމަޖެއްސުން؛
(ކ) އެޖެންސީގެ މަގުސަދުތައް ހާސިލުކުރުމަށްޓަކައި އިސްލާމްދީނާއި ދިވެހިރާއްޖޭގެގާނޫނުތައް ތަންދިން އެންމެ ފުޅާ ދާއިރާއެއްގައި ހަރަކާތްތެރިވ،ެ ޑޯޕިންގއާ ގުޅުންހުރި އެހެނިހެން ބައިނަލްއަގުވާމީ އިދާރާތަކާއި ގުޅުން ބަދަހިކޮށް، މި ދާއިރާގައި އިސްނަގައި ކަންތައްތައް ތަންފީޒުކުރުން؛
(އ) އެންޓި ޑޯޕިންގ ތަރައްގީކުރުމަށްޓަކައި ރާއްޖެއާއި ރާއްޖޭން ބޭރުން ލިބެން ހުންނަ އެހީތައް ހޯދައި ކުރިއެރުވޭނެ އިތުރު ވަސީލަތްތައް ތަނަވަސް ކުރުން؛
(ވ) މޯލްޑިވްސް ނޭށަނަލް އެންޓި ޑޯޕިންގ އެޖެންސީއަކީ ސަރަހައްދީ އަދި ބައިނަލްއަގުވާމީފެންވަރުގައި އެންޓި ޑޯޕިންގ އެޖެންސީތަކަށް ނަމޫނާ އެޖެންސީއަކަށްވުމަށްމަސައްކަތްކުރުން.
12 ވަނަ މާއްދާ - ގަވާއިދަށް އަމަލުކުރަންފެށުން.
މި ގަވާއިދަށް އަމަލުކުރަން ފަށާނީ، މި ގަވާއިދު ދިވެހި ސަރުކާރުގެ ގެޒެޓުގައި ށާއިއުކުރާދުވަހުން ފެށިގެންނެވެ.
13 ވަނަ މާއްދާ - ގަވާއިދަށް އިސްލާހުގެނައުން
މިގަވާއިދަށް ބަދަލުގެންނަން ބޭނުންވެއްޖެނަމ،ަ ބަދަލުގެނެވޭނީ ކުޅިވަރުގެ ގައުމީ މަޖިލީހުގެ 2/3 (ތިންބައިކުޅަ ދެބައި) މެންބަރުންގެ އަޣްލަބިއްޔަތުންނެވެ. އެފަދައިން ގެނެވޭ އިސްލާހުތަކަށްއަމަލުކުރަން ފަށާނ،ީ އެ އިސްލާހުތައް ދިވެހި ސަރުކާރުގެ ގެޒެޓުގައި ށާއިއުކުރާ ތާރީހުން ފެށިގެންނެވެ.
14 ވަނަ މާއްދާ - މާނަކުރުން
ގަވާއިދުގައި އިބާރާތެއް ނުވަތަ ލަފުޒެއް ބޭނުންކޮށްފައިވާ ގޮތުން ކަނޑައެޅިގެން އެހެން މާނައެއް ދޭހަނުވާހައި ހިނދަކު، އަންނަނިވި އިބާރާތްތަކާއި ލަފުޒުތަކަށް ދީފައި އެވަނ،ީ އެ އިބާރާތްތަކާއި ލަފުޒުތަކަށް ތިރީގައި ދީފައި މި ވާ މާނަތަކެވެ.
'ކުޅިވަރާބެހޭ ގައުމީ މަޖިލިސް ' ކަމަށް ބުނެފައި އެވަނ،ީ ގާނޫނު ނަންބަރު 2015-30 (ދިވެހިރާއްޖޭގެ ކުޅިވަރުގާނޫނު) ގެ 12 ވަނަ މާއްދާގެ ދަށުން އުފައްދާފައިވާކުޅިވަރާބެހޭ ގައުމީ މަޖިލީހަށެވެ.
'މިނިސްޓްރީ' ނުވަތަ 'ވުޒާރާ' ނުވަތަ 'ކުޅިވަރާބެހޭ ވުޒާރާ' ކަމަށް ބުނެފައިއެވަނ،ީ ސަރުކާރުން އެވަގުތަކު ކުޅިވަރުގެ ކަންކަން ހިންގުމަށް ހަވާލުކުރެވިފައިވާ ވުޒާރާ އަށެވެ.
'މިނިސްޓަރ' ނުވަތަ 'ވަޒީރު' ކަމަށް ބުނެފައި އެވަނ،ީ ސަރުކާރުން އެވަގުތަކު ކުޅިވަރުގެ ކަންކަން ހިންގުމަށް ހަވާލުކުރެވިފައިވާ ވުޒާރާގެ ވަޒީރަށެވެ.
'ގައުމީ ކުޅިވަރު ޖަމްއިއްޔާ' ކަމަށް ބުނެފައި އެވަނ،ީ މިގަވާއިދުގައި ބަޔާންކޮށްފައިވާ ގޮތުގެ މަތިން ކުޅިވަރާބެހޭ ގައުމީ މަޖިލީހުގައި ރަޖިސްޓަރީ ކުރެވ،ޭ ކުޅިވަރުގެ ގައުމީ ޖަމްއިއްޔާ ތަކަށެވެ.
'އިންސްޓިޓިއުޓް' ކަމަށް ބުނެފައި އެވަނ،ީ ގާނޫނު ނަންބަރު 2015-30 (ދިވެހިރާއްޖޭގެ ކުޅިވަރުގާނޫނު) ގެ 36 ވަނަ މާއްދާގެ ދަށުން ގާއިމުކުރެވިފައިވާ މޯލްޑިވްސް ނޭށަނަލް އިންސްޓިޓިއުޓް އޮފް ސްޕޯޓްސްއަށެވެ.
'ބޯޑު ' ކަމަށް ބުނެފައި އެވަނ،ީ މޯލްޑިވްސް ނޭށަނަލް އިންސްޓިޓިއުޓް އޮފް ސްޕޯޓްސްގެ އެންމެހައި ކަންކަން ވިލަރެސްކޮށް ހިންގުމަށް ބޭނުންވާ ލަފައާއި މަށްވަރާ ދިނުމަށްޓަކައި ކަނޑައަޅާ އެޑްވައިޒަރީ ބޯޑުއަށެވެ.
'އެންޓި ޑޯޕިންގ' ކަމަށް ބުނެފައި އެވަނ،ީ ކުޅިވަރުގައި މަނާ ބޭސް ބޭނުންކުރުން ހުއްޓުވުމަށެވެ.
'ގާނޫނު ' ކަމަށް ބުނެފައި އެވަނ،ީ ގާނޫނު ނަންބަރު 2015-30 (ދިވެހިރާއްޖޭގެ ކުޅިވަރުގާނޫނު) އަށެވެ.
ކިޔުންތެރިންގެ ހިޔާލު