ގޭގޭގެ ފުރާޅުން މަގުމައްޗަށް އަންނަ ފެން ހިންދުމާބެހޭ ގަވާއިދު - އައްޑޫ ސިޓީ

(ގަވާއިދު ނަންބަރު 2019-985)

 

 

1 ވަނަ މާއްދާ - ތައާރަފާއި ނަން

(ހ) މިއީ، ގާނޫނު ނަންބަރު 2010-07 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުންހިންގުމުގެ ގާނޫނު) ގެ 151 ވަނަ މާއްދާއިން ކައުންސިލަށް ލިބިދޭ ބާރުގެ ދަށުން، ލޯކަލް ގަވަރމަންޓް އޮތޯރިޓީގެ މަށްވަރާޔާއެކު އެ މާއްދާގެ (ޔ) ގެ ދަށުން ކައުންސިލުން އެކުލަވައިލައިފައިވ،ާ ގޭގޭގެ ފުރާޅުން މަގުމައްޗަށް އަންނަ ފެން ހިންދުމާބެހޭ ގަވާއިދެވެ.

(ށ) މި ގަވާއިދަށް ކިޔާނީ، "ގޭގޭގެ ފުރާޅުން މަގުމައްޗަށް އަންނަ ފެން ހިންދުމާބެހޭ ގަވާއިދު" އެވެ.

 

2 ވަނަ މާއްދާ - އަމަލުކުރަން ފަށާ ތާރީހު

މި ގަވާއިދަށް އަމަލުކުރަން ފަށާނީ، ދިވެހިސަރުކާރުގެ ގެޒެޓުގައި މި ގަވާއިދު ށާއިއުކުރާ ދުވަހުންފެށިގެންނެވެ.

 

3 ވަނަ މާއްދާ - ގޯތީގައި އިމާރާތްކުރުމާއިފުރާޅުލުން

ގޯތީގައި އިމާރާތްކުރަންވާނީ، ގާނޫނު ނަންބަރު 2010-07 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުންހިންގުމުގެ ގާނޫނު) ގެ 151 ވަނަ މާއްދާގެ (ޓ) ގައިވާ "ގޯތިގެދޮރުގައި އިމާރާތްކުރަން ހުއްދަދިނުމާބެހޭ ގަވާއިދު" ގައިވާ ގޮތުގެ މަތިންނެވެ. އަދި ގޭގޭގެ ފުރާޅު މަގުގެ އިމުން ބޭރަށް ބަހައްޓަންވާނީ އެ ގަވާއިދާ ފުށުނާރާ ގޮތަކަށެވެ.

 

4 ވަނަ މާއްދާ - މަގުމަތީ އިމާ ގުޅިގެންކޮށްފައި ހުންނައިމާރާތްތައް ހިޔާކުރުން

(ހ) އިމުގެ މަގުމައްޗާވީ ފަޅިން އިމާރާތްކޮށްފައި ހުންނަ ބިނާތައް މަގުމައްޗަށް ފެންފަހިވާގޮތަށް ހިޔާކުރާނަމަ، ފުރާޅުގައި ދިޔަދޮވިލައި، ހޮޅިގުޅައި، މަގުމައްޗަށް ފުރާޅުން ފެން ނުފައިބާގޮތަށް ހަދަންވާނެއެވެ.

(ށ) މި މާއްދާގެ (ހ) ގައި ބުނެފައިވާ ފަދަ ދިޔަދޮވިތަކުން މަގުމައްޗަށް ފެން ފައިބާގޮތަށް ހުރެގެން ނުވާނެއެވެ.

 

5 ވަނަ މާއްދާ - އިމާރާތުގެ ޓެރަހުން މަގަށްފެން ފައިބާގޮތަށްބެހެއްޓުން

(ހ) އިމާރާތުގައި ހަދައިފައި ހުންނަ ޓެރަސް، ބެލްކަނި ފަދަ ތަންތަނަށް ޖަމާވާ ފެނާއި އެއަރކޯނު ފަދަ ތަކެތިން އުފެދޭ ފެން މަގުމައްޗަށް ފައިބާގޮތަށް ނުވަތަ މަގުމައްޗަށް އޮހޭގޮތަށް ބެހެއްޓުމަކީ މަނާކަމެކެވެ.

(ށ) އިމާރާތުގައި ހަދައިފައި ހުންނަ ޓެރަސް، ބެލްކަނި ފަދަ ތަންތަނަށް ޖަމާވާ ފެނާއި އެއާރކޯނު ފަދަ ތަކެތިން އުފެދޭ ފެން މަގުމައްޗަށް ނުފައިބާގޮތަށް ހޮޅިލައި، އެ ހޮޅިން ފައިބާފެން، ކާނުގެ ތެރެއަށް ނުވަތަ އެހެންވެސް ގޮތަކުން ބިމަށް ހިންދޭނެގޮތް ހަދަންވާނެއެވެ.

(ނ) މި މާއްދާގެ (ހ) ގައި ބުނެފައިވާ ގޮތާ ހިލާފަށް މި ގަވާއިދަށް އަމަލުކުރުމުގެ ކުރިން ހަދައިފައިވާ ތަންތަން މި ގަވާއިދަށް އަމަލުކުރަން ފަށާ ތާރީހުން ފެށިގެން 6 (ހައެއް)  މަސްދުވަހުގެ ތެރޭގައި ރަނގަޅުކުރަންވާނެއެވެ.

 

6 ވަނަ މާއްދާ - ގަވާއިދާ ހިލާފުވުން.

މި ގަވާއިދުގައި ހިމެނިފައިވާ ކަންކަމާ ހިލާފުވާ ފަރާތްތަކާމެދ،ު އެހެން ގާނޫނަކުން ނުވަތަ ގަވާއިދަކުން ވަކިގޮތަކަށް އަމަލުކުރުމަށް ކަނޑައެޅިފައިނުވާ ކަންކަމުގައި، ފުރަތަމަ ފަހަރަށް ނަސޭހަތްދިނުމަށްފަހ،ު ދެވަނަފަހަރު ކުށް ތަކުރާރުކޮށްފިނަމަ، 500 (ފަސްސަތޭކަ) ރުފިޔާއާއި 1000 (އެއްހާސް) ރުފިޔާއާ ދެމެދުގެ އަދަދަކުން ޖޫރިމަނާކުރުން؛ ތިންވަނަފަހަރު ކުށް ތަކުރާރުކޮށްފިނަމަ، 1000 (އެއްހާސް) ރުފިޔާއާއި 3000 (ތިންހާސް) ރުފިޔާއާ ދެމެދުގެ އަދަދަކުން ޖޫރިމަނާކުރުން؛ ހަތަރުވަނަ ފަހަރަށް ތަކުރާރުކޮށްފިނަމަ، 3000 (ތިންހާސް) ރުފިޔާއާއި 5000 (ފަސްހާސް) ރުފިޔާއާ ދެމެދުގެ އަދަދަކުން ޖޫރިމަނާކުރުން؛ އަދި ހަތަރުފަހަރަށްވުރެ އިތުރަށް ކުށް ތަކުރާރުކުރާ ކޮންމެ ފަހަރަކު 5000 (ފަސްހާސް) ރުފިޔާއިން ޖޫރިމަނާކުރުމުގެ އިހުތިޔާރ،ު މި ގަވާއިދުގެ ދަށުން ކައުންސިލަށް ލިބިގެންވެއެވެ.

 

7 ވަނަ މާއްދާ - މި ގަވާއިދުގެ ދަށުންކަނޑައަޅާ އުސޫލުތައް

މި ގަވާއިދު ނަގަހައްޓައި ހިންގުމަށްޓަކައި، ކައުންސިލުގެ އިހްތިސާސްގެ ތެރޭގައި ހިމެނޭ ސަރަހައްދުތަކާ ގުޅޭގޮތުން ހަދަންޖެހޭ އުސޫލުތައ،ް މި ގަވާއިދަށް އަމަލުކުރަން ފަށާތާ 3 (ތިނެއް) މަސްދުވަހުގެ ތެރޭގައި ހަދައި، އެ އުސޫލުތައް އާންމުކޮށް ށާއިއުކުރަންވާނެއެވެ.

 

8 ވަނަ މާއްދާ - މާނަކުރުން

"ކައުންސިލް" ކަމަށް ބުނެފައި އެވަނީ، މި ގަވާއިދުގައި ވަކި ތަނެއްގައި ވަކި ގޮތަކަށް ބަޔާންކޮށްފައި ނުވާނަމަ، ގާނޫނު ނަންބަރު 2010-07 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުންހިންގުމުގެ ގާނޫނު) ގެ ދަށުން އިންތިހާބުކޮށްފައިވާ އައްޑޫ ސިޓީ ކައުންސިލަށެވެ. 

 

މައި ގާނޫނު

އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނު (ގާނޫނު ނަންބަރު 2010-07)