ސިޔާސީ ޕާޓީގެ ގާނޫނު (ގާނޫނު ނަންބަރު 2013-04) އަށް 4 ވަނަ އިސްލާހު ގެނައުމުގެ ގާނޫނު

(މި ގަވާއިދަށް އަމަލުކުރަން ފެށީ 17 ނޮވެމްބަރު 2024 ގައި)

ގާނޫނު ނަންބަރު 2013-04 (ސިޔާސީީ ޕާޓީގެ ގާނޫނު) އަށް އަންނަނިވި އިސްލާހުތައް ގެނައުން.

1 ވަނަ މާއްދާ - ބުނެވިދިޔަ ގާނޫނުގެ 10 ވަނަ މާއްދާ އުނިކުރުން.  

2 ވަނަ މާއްދާ - ބުނެވިދިޔަ ގާނޫނުގެ 15 ވަނަ މާއްދާގެ (ށ) ގެ ފަހަތަށް އަންނަނިވި ފަދައިން އަކުރެއް އިތުރުކުރުން. 

(ނ) ސިޔާސީ ޕާޓީއެއްގެ ގޮތުގައި ސިޔާސީ ޕާޓީގެ ދަފްތަރުގައި ރަޖިސްޓަރީ ކޮށްފައިވާ ސިޔާސީ ޕާޓީއެއް މި ގާނޫނާ އެއްގޮތްވާ ގޮތުގެމަތިން އުވާލެވޭ ހާލަތެއްގައި، އުވާލާފައިވާ ޕާޓީއަކުން ބޭނުންކޮށްފައިވާ ނަމާއި ނިށާނާއި ސިއްކައާއި ކުލައާއި އެނޫންވެސް ޕާޓީ ރަމްޒުކޮށްދޭ އެއްޗެހި އަލަށް އުފައްދަން ހުށަހަޅާ ސިޔާސީ ޕާޓީއަކަށް ބޭނުންކުރެވޭނީ، އެ ސިޔާސީ ޕާޓީއެއް އުވާލާ ތާރީހުން ފެށިގެން 5 (ފަހެއް) އަހަރީު ފަހުންނެވެ.

3 ވަނަ މާއްދާ - ބުނެވިދިޔަ ގާނޫނުގެ 20 ވަނަ މާއްދާގެ (ށ) އަންނަނިވި ގޮތަށް އިސްލާހުކުރުން.  

(ށ) ޕާޓީއެއް ރަޖިސްޓަރީ ކުރުމަށް އެދި ހުށަހަޅާނީ، މި ގާނޫނުގެ ދަށުން ހަދާ ގަވާއިދުގައި ވާ ގޮތުގެމަތިން އިލެކްށަންސް ކޮމިށަނުން ކަނޑައަޅާ ނަމޫނާއަކާ އެއްގޮތްވާ ގޮތުގެމަތިން އެކުލަވާލާ ފޯމު މެދުވެރިކޮށް، މި މާއްދާގެ

(ނ) ގައި ބަޔާންކުރާ ރަޖިސްޓަރީ ފީ އާ އެކުގައެވެ. 

4 ވަނަ މާއްދާ - ބުނެވިދިޔަ ގާނޫނުގެ 20 ވަނަ މާއްދާގެ (ނ) ގެ ފަހަތަށް އަންނަނިވި ފަދައިން ތިން އަކުރު އިތުރުކުރުން.  

(ރ) މި މާއްދާގެ (ށ) ގައި ބަޔާންކުރާ ފޯމުގައި އަންނަނިވި މައުލޫމާތު ހިމަނަންވާނެއެވެ. އަދި މި ގާނޫނާއި މި ގާނޫނުގެ ދަށުން ހަދާ ގަވާއިދުގައި ބަޔާންކުރާ ލިޔެކިޔުން އެ ފޯމާއެކު ހުށަހަޅަންވާނެއެވެ.

1. ޕާޓީއަށް ކިޔަން ހުށަހަޅާ ނަން؛
2. އެޑްރެސް އަދި ގުޅޭނެ ގޮތްތައް ؛
3. ޕާޓީ ތަމްސީލުކުރުމުގެ މަސްއޫލިއްޔަތު ހަވާލުކޮށްފައިވާ މީހާގެ މައުލޫމާތު؛
4. މި ގާނޫނުގެ ދަށުން ހަދާ ގަވާއިދުގައި ކަނޑައަޅާފައިވާ އެނޫންވެސް މައުލޫމާތު،

(ބ) މި މާއްދާގެ (ރ) ގެ (4) ވަނަ ނަންބަރުގެ ދަށުން އިލެކްށަންސް ކޮމިށަނުން ކަނޑައަޅާ މައުލޫމާތު ވާންވާނީ، މި ގާނޫނުގެ 12 ވަނަ މާއްދާގެ ދަށުން ކޮމިށަނުން ބަލަންޖެހޭ ކަންކަމަށް ކޮންމެހެން ބޭނުންވާ މައުލޫމާތަށެވެ.

(ޅ) މި މާއްދާގެ (ށ) ގައި ބަޔާންކުރާ ފޯމު އިލެކްށަންސް ކޮމިށަން މެދުވެރިކޮށް އާންމުންނަށް ލިބެން ހުންނަންވާނެއެވެ. އަދި ފޯމަށް ބަދަލެއް ގެނެވޭ ހާލަތުގައި، އެ ބަދަލެއް އާންމުކޮށް އަންގަންވާނެއެވެ. 

5 ވަނަ މާއްދާ - ބުނެވިދިޔަ ގާނޫނުގެ 30 ވަނަ މާއްދާގެ (ހ) ގެ (4) ވަނަ ނަންބަރު އުނިކުރުން.

6 ވަނަ މާއްދާ - ބުނެވިދިޔަ ގާނޫނުގެ 35 ވަނަ މާއްދާ އަންނަނިވި ގޮތަށް އިސްލާހުކުރުން.

ދައުލަތުގެ ބަޖެޓުން ދޭ ފައިސާ 35.

ސިޔާސީ ޕާޓީ ހިންގުމަށް ދައުލަތުގެ ބަޖެޓުން ދޭ ފައިސާ ވާންވާނީ ކޮންމެ އަހަރެއްގައި ދައުލަތުގެ ބަޖެޓުގައި އެކަމަށް ކަނޑައެޅި ދޫކުރެވޭ ފައިސާއަކަށެވެ. އަދި އެގޮތުން ދޫކުރެވޭ ފައިސާއަކީ، ދައުލަތުގެ އަހަރީ ބަޖެޓުގައި އެ އަހަރަކަށް ލަފާކުރާ އާމްދަނީ ގެ %0.1  (ސުމެއް ޕޮއިންޓް އެކެއް އިންސައްތަ()އާއި %0.2 (ސުމެއް ޕޮއިންޓް ދޭއް އިންސައްތަ) އާ ދެމެދުގެ އަދަދަކަށް ވާންޖެހޭނެއެވެ.

7 ވަނަ މާއްދާ - ބުނެވިދިޔަ ގާނޫނުގެ 49 ވަނަ މާއްދާގެ (ހ) ގެ (2) ވަނަ ނަންބަރު އަންނަނިވި ގޮތަށް އިސްލާހުކުރުން. 

މި މާއްދާގެ (ހ) ގެ (1) ވަނަ ނަންބަރު ފިޔަވައި މި ގާނޫނުގެ އެހެން މާއްދާއަކާ ހިލާފުވާ ފަރާތެއް 30,000 (ތިރީސްހާސް) ރުފިޔާއާއި 75,000 (ހަތްދިހަފަސްހާސް) ރުފިޔާއާ ދެމެދުގެ އަދަދަކުން ޖޫރިމަނާކުރުމާއެކު، އެ އަމަލެއް ހިންގި ފަރާތެއް ނިސްބަތްވާ ޕާޓީއެއް، 100,000 (އެއްލައްކަ) ރުފިޔާއިން ޖޫރިމަނާކުރުން. 

8 ވަނަ މާއްދާ - ބުނެވިދިޔަ ގާނޫނުގެ 53 ވަނަ މާއްދާ އުނިކުރުން.

9 ވަނަ މާއްދާ - ބުނެވިދިޔަ ގާނޫނުގެ ޖަދުވަލު އުނިކުރުން.

10 ވަނަ މާއްދާ - މި ގާނޫނުން ބުނެވިދިޔަ ގާނޫނަށް ގެނެވޭ އިސްލާހުތަކާ ގުޅިގެން އިސްލާހުކުރަންޖެހޭ ގަވާއިދުތައް، މި ގާނޫނަށް
އަމަލުކުރަން ފަށާ ތާރީހުން ފެށިގެން 30 (ތިރީސް) ދުވަހުގެ ތެރޭގައި ހަދައި، ދިވެހިސަރުކާރުގެ ގެޒެޓުގައި ށާއިއުކުރަންވާނެއެވެ.

11 ވަނަ މާއްދާ - މި ގާނޫނަށް އަމަލުކުރަން ފަށާނީ، މި ގާނޫނު ފާސްވެ، ތަސްދީގުކޮށް، ދިވެހިސަރުކާރުގެ ގެޒެޓުގައި ށާއިއުކުރާ
ދުވަހުން ފެށިގެންނެވެ. 

މައި ގާނޫނު

ސިޔާސީީ ޕާޓީގެ ގާނޫނު (ގާނޫނު ނަންބަރު 2016-28)

ކޮންސޮލިޑޭޓެޑް ގާނޫނު

ސިޔާސީީ ޕާޓީގެ ގާނޫނު (ކޮންސޮލިޑޭޓެޑް ނަންބަރު 2013-04)