އެއަރޕޯޓަކުން ދިވެހިރާއްޖޭން ބޭރަށް ފުރާ ފަސިންޖަރުންގެ އަތުން ޓެކްސްއާއި ފީ ނެގުމާބެހޭ ގާނޫނު (ގާނޫނު ނަންބަރު 2016-29) އަށް 2 ވަނަ އިސްލާހު ގެނައުމުގެ ގާނޫނު
(ގާނޫނު ނަންބަރު 2024-22)
(މި ގާނޫނަށް އަމަލުކުރަން ފެށީ 5 ނޮވެމްބަރު 2024 ގައި)
ގާނޫނު ނަންބަރު 2016-29 (ދިވެހިރާއްޖޭގެ އެއަރޕޯޓަކުން ދިވެހިރާއްޖޭން ބޭރަށް ފުރާ ފަސިންޖަރުންގެ އަތުން ޓެކްސްއާއި ފީ ނެގުމާބެހޭ ގާނޫނު) އަށް އަންނަނިވި އިސްލާހުތައް ގެނައުން.
1 ވަބަ މާއްދާ - ބުނެވިދިޔަ ގާނޫނުގެ 2-1 ވަނަ މާއްދާގެ (ހ) އަންނަނިވި ގޮތަށް އިސްލާހުކުރުން.
ޑިޕާޗަރ ޓެކްސް 1-2.
(ހ) ދިވެހިރާއްޖޭގެ އެއަރޕޯޓަކުން ދިވެހިރާއްޖޭން ބޭރަށް ފުރާ ފަސިންޖަރުންގެ އަތުން، ތިރީގައި ބަޔާންކޮށްފައިވާ ގޮތުގެމަތިން، ޑިޕާޗަރ ޓެކްސްގެ ނަމުގައި ޓެކްސްއެ އް ނެގޭނެއެވެ.
(1) 1 ޖަނަވަރ 2022 އިން ފެށިގެން 30 ނޮވެންބަރު 2024 ގެ ނިޔަލަށް:
| ދަތުރުކުރާ ކްލާސް | ދިވެހިންގެ އަތުން | ބިދޭސންގެ އަތުން |
| އިކޮނޮމީ ކްލާސް | 12 އެމެރިކާ ޑޮލަރު | 30 އެމެރިކާ ޑޮލަރު |
| ބިޒްނަސް ކްލާސް | 60 އެމެރިކާ ޑޮލަރު | 60 އެމެރިކާ ޑޮލަރު |
| ފަސްޓް ކްލާސް | 90 އެމެރިކާ ޑޮލަރު | 90 އެމެރިކާ ޑޮލަރު |
| ޕްރައިވެޓް ޖެޓް | 120 އެމެރިކާ ޑޮލަރު | 120 އެމެރިކާ ޑޮލަރު |
(2) 1 ޑިސެންބަރު 2024 އިން ފެށިގެން:
| ދަތުރުކުރާ ކްލާސް | ދިވެހިންގެ އަތުން | ބިދޭސންގެ އަތުން |
| އިކޮނޮމީ ކްލާސް | 12 އެމެރިކާ ޑޮލަރު | 50 އެމެރިކާ ޑޮލަރު |
| ބިޒްނަސް ކްލާސް | 120 އެމެރިކާ ޑޮލަރު | 120 އެމެރިކާ ޑޮލަރު |
| ފަސްޓް ކްލާސް | 240 އެމެރިކާ ޑޮލަރު | 240 އެމެރިކާ ޑޮލަރު |
| ޕްރައިވެޓް ޖެޓް | 480 އެމެރިކާ ޑޮލަރު | 480 އެމެރިކާ ޑޮލަރު |
2 ވަނަ މާއްދާ - ބުނެވިދިޔަ ގާނޫނުގެ 2-1 ވަނަ މާއްދާގެ (ށ) އުނިކުރުން.
3 ވަނަ މާއްދާ - ބުނެވިދިޔަ ގާނޫނުގެ 3 ވަނަ މާއްދާގެ (ހ) ގެ (2) ވަނަ ނަންބަރު އަންނަނިވި ގޮތަށް އިސްލާހުކުރުން.
އެއަރޕޯޓް ޑިވެލޮޕްމަންޓް ފީ 3.
(2) 1 ޖަނަވަރ 2022 އިން ފެށިގެން 30 ނޮވެންބަރު 2024 ގެ ނިޔަލަށް:
| ދަތުރުކުރާ ކްލާސް | ދިވެހިންގެ އަތުން | ބިދޭސންގެ އަތުން |
| އިކޮނޮމީ ކްލާސް | 12 އެމެރިކާ ޑޮލަރު | 30 އެމެރިކާ ޑޮލަރު |
| ބިޒްނަސް ކްލާސް | 60 އެމެރިކާ ޑޮލަރު | 60 އެމެރިކާ ޑޮލަރު |
| ފަސްޓް ކްލާސް | 90 އެމެރިކާ ޑޮލަރު | 90 އެމެރިކާ ޑޮލަރު |
| ޕްރައިވެޓް ޖެޓް | 120 އެމެރިކާ ޑޮލަރު | 120 އެމެރިކާ ޑޮލަރު |
4 ވަނަ މާއްދާ - ބުނެވިދިޔަ ގާނޫނުގެ 3 ވަނަ މާއްދާގެ (ހ) ގެ (2) ވަނަ ނަންބަރުގެ ފަހަތަށް އަންނަނިވި ފަދައިން ނަންބަރެއް
އެއަރޕޯޓް ޑިވެލޮޕްމަންޓް ފީ 3.
(3) 1 ޑިސެންބަރު 2024 އިން ފެށިގެން:
| ދަތުރުކުރާ ކްލާސް | ދިވެހިންގެ އަތުން | ބިދޭސންގެ އަތުން |
| އިކޮނޮމީ ކްލާސް | 12 އެމެރިކާ ޑޮލަރު | 50 އެމެރިކާ ޑޮލަރު |
| ބިޒްނަސް ކްލާސް | 120 އެމެރިކާ ޑޮލަރު | 120 އެމެރިކާ ޑޮލަރު |
| ފަސްޓް ކްލާސް | 240 އެމެރިކާ ޑޮލަރު | 240 އެމެރިކާ ޑޮލަރު |
| ޕްރައިވެޓް ޖެޓް | 480 އެމެރިކާ ޑޮލަރު | 480 އެމެރިކާ ޑޮލަރު |
5 ވަނަ މާއްދާ - ބުނެވިދިޔަ ގާނޫނުގެ 1-8 ވަނަ މާއްދާ އަންނަނިވި ގޮތަށް އިސްލާހުކުރުން.
ގާނޫނާ ހިލާފަށް ނަގާ ޓެކްސްއާއި ފީ ފަސިންޖަރުންނަށް އަނބުރާ ދެއްކުން 1-8.
(ހ) މި ގާނޫނުގެ ދަށުން އެއަރޕޯޓް ސަރވިސް ޗާޖް ނުވަތަ ޑިޕާޗަރ ޓެކްސް ނުވަތަ އެއަރޕޯޓް ޑިވެލޮޕްމަންޓް ފީ ނެގުން ހުއްދަ ނޫން ފަރާތަކުން އެއިން ޓެކްސްއެއް ނުވަތަ ފީ އެއް ނަގާފައިވާނަމަ، ނުވަތަ އެއަރޕޯޓް ސަރވިސް ޗާޖް ނުވަތަ ޑިޕާޗަރ ޓެކްސް ނުވަތަ އެއަރޕޯޓް ޑިވެލޮޕްމަންޓް ފީ ނަގަން ނުޖެހޭ ފަރާތެއްގެ އަތުން އެއިން ޓެކްސްއެއް ނުވަތަ ފީއެއް ނަގާފައިވާނަމަ، ނުވަތަ ނަގަންޖެހޭ އަދަދަށްވުރެ އިތުރަށް އެއިން ޓެކްސްއެއް ނުވަތަ ފީއެއް ނަގާފައިވާނަމަ، އެ ފައިސާ ނެގި މުއްދަތަށް ނިސްބަތްވާ އެއަރޕޯޓް ޓެކްސްއާއި ފީ ގެ ބަޔާން މީރާއަށް ހުށަހަޅަންޖެހޭ މުއްދަތުގެ ކުރިން އެ ފައިސާ، އެ ފަސިންޖަރަށް އަނބުރާ ދޭންވާނެއެވެ. އަދި އެފަދައިން އެ ފައިސާ އެ ފަރާތަކަށް އަނބުރާ ނުދޭހާ ހިނދަކު، އެ ފައިސާ މީރާއަށް ދައްކަންވާނެއެވެ.
(ށ) މި މާއްދާގެ (ހ) ގައި ބަޔާންކުރާ ގޮތުގެމަތިން އެއްވެސް ފަރާތެއްގެ އަތުން ނަގާފައިވާ ފައިސާއެއް އެ ފަރާތަކަށް އަނބުރާ ދީފައިވާނަމަ އަދި އެ ފައިސާ މީރާއަށް ދައްކާފައިވާނަމަ، އެ ފައިސާ ދިން މުއްދަތަށް ނިސްބަތްވާ އެއަރޕޯޓް ޓެކްސްއާއި ފީގެ ބަޔާނުގައި ހިމަނައި، އެ ފައިސާ އަނބުރާ ހޯދުމަށް މީރާއަށް ހުށަހެޅިދާނެއެވެ.
6 ވަނަ މާއްދާ - ބުނެވިދިޔަ ގާނޫނުގެ 13 ވަނަ މާއްދާގެ (ހ) އަންނަނިވި ގޮތަށް އިސްލާހުކުރުން.
ގަވާއިދު ހަދައި ހިންގުން 13،
(ހ) މި ގާނޫނު ތަންފ ޛުކުރުމަށްޓަކައި ހަދަންޖެހޭ އެންމެހައި ގަވާއިދުތައް ހަދައި، މި ގާނޫނު ތަންފ ޛުކޮށް، މި ގާނޫނުގައިވާ އެންމެހައި ކަންކަން ހިންގައި ބަލަހައްޓާނ މީރާއިންނެވެ. މިގޮތުން މީރާއިން ހަދާ ގަވާއިދުގައި، މި ގާނޫނުގެ ދަށުން އެއަރލައިންތަކާއި އެއަރޕޯޓް ހިންގާ ފަރާތްތައް ރަޖިސްޓަރ ކުރުމުގެ އުސޫލުތަކާއި، އެއަރޕޯޓް ސަރވިސް ޗާޖް ނެގުމުގެ އުސޫލުތަކާއި، ޑިޕާޗަރ ޓެކްސްއާއި އެއަރޕޯޓް ޑިވެލޮޕްމަންޓް ފީ ނެގުމުގައި ދަތުރުކުރާ ކްލާސްތައް ކަނޑައަޅާނެ މިންގަނޑުތަކާއި، މި ގާނޫނުގެ ދަށުން ނަގާ ޓެކްސްއާއި ފީއަށް އަންނަ ބަދަލުތަކާ ގުޅިގެން އެ ޓެކްސްއާއި ފީ ނެގުމުގައި އަމަލުކުރާނެ އިންތިގާލ އުސޫލުތައް ކަނޑައަޅަންވާނެއެވެ.
7 ވަނަ މާއްދާ - ބުނެވިދިޔަ ގާނޫނުގެ 13 ވަނަ މާއްދާގެ (ނ) އުނިކުރުނ.ް
8 ވަނަ މާއްދާ - މި ގާނޫނުން ބުނެވިދިޔަ ގާނޫނަށް ގެނެވޭ އިސްލާހުތަކާ ގުޅިގެން އެ ގާނޫނުގެ ދަށުން އެކުލަވާލާފައިވާ ގަވާއިދަށް ގެންނަންޖެހޭ އިސްލާހުތައް، މި ގާނޫނަށް އަމަލުކުރަން ފަށާ ތާރީހުން ފެށިގެން 30 (ތިރީސް) ދުވަހުގެ ތެރޭގައި އެކުލަވާލައި، ދިވެހިސަރުކާރުގެ ގެޒެޓުގައި ށާއިއުކުރަންވާނެއެވެ.
9 ވަނަ މާއްދާ - މި ގާނޫނަށް އަމަލުކުރަން ފަށާނީ، މި ގާނޫނު ފާސްވެ، ތަސްދީގުކޮށް، ދިވެހިސަރުކާރުގެ ގެޒެޓުގައި ށާއިއުކުރާ ދުވަހުން ފެށިގެންނެވެ.
ކިޔުންތެރިންގެ ހިޔާލު