ބަދަލު ހިފުން (ވިސްލްބްލޯކުރުމާއި ގުޅޭ)
"ބަދަލު ހިފުން" ކަމަށް ބުނެފައި އެވަނީ، ވިސްލްބްލޯކުރާ ފަރާތެއް (ހ) ވަޒީފާއިން ވަކިކުރުން ނުވަތަ (ށ) ޒިންމާތަކުން އެކަހެރިކުރުން، ނުވަތަ (ނ) ވަޒީފާ އަދާކުރާ ތަން ނުވަތަ ޑިޕާޓްމަންޓް ނުވަތަ ސެކްޝަން ބަދަލުކުރުން ނުވަތަ ޑިމޯޓްކުރުން، ނުވަތަ (ރ) މަސައްކަތު ގަޑި މަދުކުރުން، ގިނަކުރުން ނުވަތަ ބަދަލުކުރުން، ނުވަތަ (ބ) ޕްރޮބޭޝަންގައި ބެހެއްޓުން، ނުވަތަ (ޅ) އަދަބެއް ދިނުމުގެގޮތުން ވަޒީފާއާ ގުޅޭ އެއްވެސް އިނާޔަތެއް ނުދިނުން، ނުވަތަ އެފަދަ އިނާޔަތަކާމެދު ގޮތެއް ނިންމުން ލަސްކުރުން، ނުވަތަ (ކ) ވަޒީފާގެ ކުރިއެރުން ނުދިނުން، ނުވަތަ ތަމްރީނުގެ ފުރުޞަތު ނުދިނުން، ނުވަތަ އެފަދަ ފުރުޞަތުތައް ހަނިކުރުން، ނުވަތަ (އ) މަޤާމު ދަށްކުރުން ނުވަތަ އިނާޔަތްތައް ދަށްކުރުން، ނުވަތަ (ވ) ވަޒީފާއާ ގުޅޭގޮތުން ނަސޭހަތްދިނުން ނުވަތަ އިންޒާރުދިނުން، ނުވަތަ (މ) ގެއްލުން ދިނުމާއި، ބިރުދެއްކުމާއި، އިންޒާރުދިނުން، ނުވަތަ (ފ) ވިސްލްބްލޯކުރާ މީހަކާމެދު ހިންގޭ އެފަދަ އެހެންވެސް ކަންކަމަށެވެ.