މުދަލާއި ހިދުމަތުގެ އަގުން ޓެކްސް ނެގުމުގެ ގަވާއިދަށް 24 ވަނަ އިސްލާހު ގެނައުމުގެ ގަވާއިދު
(ޓެކްސް ރޫލިންގ ނަންބަރު 2018-47)
(މި ގަވާއިދަށް އަމަލުކުރަން ފެށީ 10 ޑިސެމްބަރު 2018 ގައި)
މިއީ ގާނޫނު ނަންބަރު 2011-14 މެދުވެރިކޮށް އިސްލާހުކޮށްފައިވާ، ގާނޫނު ނަންބަރު 2010-03 (ޓެކްސް ނެގުމާބެހޭ އިދާރީ ގާނޫނު) ގެ 84 ވަނަ މާއްދާގެ ދަށުން ނެރެފައިވާ ރޫލިންގއެކެވެ. އެހެން ގޮތަކަށް ބަޔާންކޮށްފައިވާ ގާނޫނަށް ހާލަތެއްގައި މެނުވީ، ހަވާލާދީފައިވާ ތަންތަނުގައި ހަވާލާދީފައި އެވަނީ، އިސްލާހުކޮށްފައިވާ ގާނޫނު ނަންބަރު 2011-10 (މުދަލާއި ހިދުމަތުގެ އަގުން ޓެކްސް ނެގުމުގެ ގާނޫނު) އަށެވެ. އަދި ހަވާއިދަށް ހަވާލާދީފައިވާ ތަންތަނުގައި ހަވާލާދީފައި އެ ވަނީ އިސްލާހުކޮށްފައިވާ ގަވާއިދު ނަންބަރު 2011-43 (މުދަލާއި ހިދުމަތުގެ އަގުން ޓެކްސް ނެގުމުގެ ގަވާއިދު) އަށެވެ. ޓެކްސް ދައްކާ ފަރާތްތަކުން މި ރޫލިނގއަށް ތަބާވުން ގާނޫނީގޮތުން ލާޒިމުކުރެއެވެ.
1 ވަނަ މާއްދާ - ތައާރަފު
މި ރޫލިންގގެ މަގްސަދަކީ، ގަވާއިދުގެ 40 ވަނަ މާއްދާ އިސްލާހުކުރުމެވެ.
2 ވަނަ މާއްދާ - ރޫލިންގ
ގަވާއިދުގެ 40 ވަނަ މާއްދާގެ (ޅ) ގެ ފަހަތަށް އަންނަނިވި އަކުރު އިތުރުކުރުން:
(ކ) ގާނޫނުގެ ޖަދުވަލު 1 ގެ 22 ވަނަ އައިޓަމުގެ ބޭނުމަށް، އެފަދަ ތަކެތިކަމަށް ބުނެފައި އެ ވަނީ، ހައިޟުގެ ދުވަސްވަރުގައި ނުވަތަ ނިފާސްކަމުގެ ދުވަސްވަރުގައި ބޭނުންކުރުމަށް ތައްޔާރުކޮށްފައި ހުންނަ، ސެނިޓަރީ ޓަވަލަށާއި، ސެނިޓަރީ ޕެޑަށާއި، ޓެމްޕަން، ޕޭންޓީ ލައިނަރސްއަށާއި، ޕެޑު ނުވަތަ ޓަވަލާއެކީ ބޭނުންކުރުމަށް އުފައްދާފައިވާ ސެނިޓަރީ ބެލްޓަށާއި، ހައިޟުގެ ދުވަސްވަރު ބޭނުންކުރުމަށް އުފައްދާފައިވާ އިންޓަރނަލް ޑިވައިސް (ކަޕަރސް) އާއި، މެޓަރނިޓީ ޕެޑަށެވެ.
3 ވަނަ މާއްދާ - އަމަލުކުރަން ފެށުން
މި ރޫލިންގއަށް އަމަލުކުރަން ފަށާނީ، މި ރޫލިންގ، ދިވެހިސަރުކާރުގެ ގެޒެޓުގައި ށާއިއުކުރާ ތާރީހުން ފެށިގެންނެވެ.
މައި ގަވާއިދު
މުދަލާއި ހިދުމަތުގެ އަގުން ޓެކްސް ނެގުމުގެ ގަވާއިދު (ގަވާއިދު ނަންބަރު 2011-43)
ކިޔުންތެރިންގެ ހިޔާލު