ޓޫރިސްޓް ރިޒޯޓް ކުއްޔަށް ދީފައިވާ މުއްދަތު އިތުރުކުރުމަށް ފީ ނެގުމާބެހޭ ގަވާއިދު (ގަވާއިދު ނަންބަރ 7/2010) އަށް 2 ވަނަ އިސްލާހު ގެނައުމުގެ ގަވާއިދު
(ގަވާއިދު ނަންބަރު 149/2015)
ގަވާއިދު ނަންބަރު 7/2010 (ޓޫރިސްޓް ރިޒޯޓް ކުއްޔަށް ދީފައިވާ މުއްދަތު އިތުރުކުރުމަށް ފީ ނެގުމާބެހޭ ގަވާއިދު) އަށް އަންނަނިވި އިސްލާހުތައް ގެނައުން.
1 ވަނަ މާއްދާ – ބުނެވިދިޔަ ގަވާއިދުގެ 13 ވަނަ މާއްދާގެ (ބ) ގެފަހަތަށް (ޅ) ގެ ގޮތުގައި އިތުރު އަކުރެއް އިތުރުކުރުން.
13. (ޅ) މި ގަވާއިދުގެ 10 ވަނަ މާއްދާގެ (ނ) ގެ ދަށުން ދައްކަންޖެހޭ ފީގެ 8 އިން އިންސްޓޯލްމަންޓުގެ ތެރެއިން، ޓޫރިސްޓް ރިޒޯޓު ކުއްޔަށް ދީފައިވާ މުއްދަތު އިތުރުކުރުމަށް ފީ ނެގުމާބެހޭ ގަވާއިދަށް 2 ވަނަ އިސްލާހު ގެނައުމުގެ ގަވާއިދަށް އަމަލުކުރަން ފަށާއިރު ދައްކާފައިނުވާ އިންސްޓޯލްމަންޓުތަކުގެ ފީ، މި ގަވާއިދު ދިވެހިސަރުކާރުގެ ގެޒެޓުގައި ށާއިއުކުރާ ދުވަހުން ފެށިގެން 1 މަސްދުވަހުގެ ތެރޭގައި ދައްކައި ހަލާސްކޮށްފިނަމަ، އަދި މި މާއްދާގެ (ހ) ގެ ދަށުން އަރާފައިވާ ޖޫރިމަނާ ދައްކަން ނުޖެހޭނެއެވެ. އަދި ޖޫރިމަނާގެ ފައިސާ ދައްކާފައިވާ ފަރާތްތަކުން ދެން ދައްކަންޖެހޭ އިންސްޓޯލްމަންޓެއްގެ ތެރެއިން އެ ފައިސާ ކަނޑައިދެވޭނެއެވެ.
2 ވަނަ މާއްދާ – ބުނެވިދިޔަ ގަވާއިދުގެ ވަކި މާއްދާއެއްގެ ބަޔަކަށް ހަވަލާދީފައިވާ ތަންތަން، މި ގަވާއިދަށް ގެންނަ އިސްލާހުތަކާ ގުޅިގެން ބަދަލުކުރުން.
3 ވަނަ މާއްދާ – މި ގަވާއިދަށް އަމަލުކުރަން ފަށާނީ، މި ގަވާއިދު ދިވެހިސަރުކާރުގެ ގެޒެޓުގައި ށާއިއުކުރާ ދުވަހުން ފެށިގެންނެވެ.
ކިޔުންތެރިންގެ ހިޔާލު